Havaktingit

You are here

Qunini ukiuni qaangirhimajuni Nunavunmi iliharutinik uqauhinilu pilaarutinik

Saptaipa 18, 2018


Inungnun Tuhaqtitaujukhaq

Qunini ukiuni qaangirhimajuni Nunavunmi iliharutinik uqauhinilu pilaarutinik

IQALUIT, Nunavut (September 18, 2018) – Uplumi naunautqutaujuq qulinik nalliutigijaa uumani Iliharnikkut Maligaqmik uumanilu Inuit Uqauhinginnun Tammaqtailinirmut Maligarmilu. Qulini ukiuni qaangiqhimajuni amigaittun havaktauhimajut atuqtittijuummirnirkkut Inuktun iliharviptikni, havagvingni hulidjutinilu tunijaujuni inungnun.

“Piqangittuq anginiqatqijaujunik uumannga hapumminikkut akhuurhainikkullu uqauhiptiknik pitquhiptikniklu, pipkainikkut nutaqqavun ajuirianginni, nunarjuami inuulutik,” uqaqtuq Minista Ilinniaqtuliqijikkut Uqauhikkullu David Joanasie. “Naunaijautigijavun kinaujaaptiknik Nunavunmiutaupluta Kanadamiutauplutalu.”

Nunavut Kavamatkut (GN) piliuqtauhimajuq hakugiktumi tunngavikmi havaumanikkut Nunavutip uqauhianun pitquhianunlu, ukuaklu malruuk maligak, angiqtauhimajuk September 18, 2008, akunnganiittuk uumani havagutimi. GN-kut niriuktun pimmarigharumaplugik, havaqatigilugillu tamaita Nunavunmiun paarumanikkut ihariaginiin hivulliutijumajainniklu nunaptikni ukununga tikittukhani qulini ukiuni hivunikhamullu.

Una havainiq naunaiqtitaalu aullaqtirnia miitiqtipkainikkut aquiqattarutiptikni uvani malruukni-uqauhini iliharutinik tamainni 25ni nunallaani. Nunavunmiut akhuurhaqtaujut ilauqujauplutik nunallaani miitirnirni uqautigilugillu ihumagijamiknik pidjutikhanik kingullikhaptiknun. Ublukhainnun aallaniklu ilitturipkaidjutikhanun, takulugu ourgoalsforeducaiton.ca.

### 

Tuhaumapkainikkut Uqaqatikhaq:

Jean-Philippe Laprise
Atanngujaq, Tuhaumapkaidjutini
Ilinniaqtuliqijikkut Havagvia
867-975-5645
jplaprise@gov.nu.ca

Napatchie Kolola
Aulapkaiji Atuqtakhanun Hivunikhanunlu
Pitquhiliqiyikkut Havagvia
867-975-5533
nkolola@gov.nu.ca