Havaktingit

You are here

Tunijaudjutaa “Atuqtup Maliktakhaa taffumunga Maligakhaq 25”

Saptaipa 12, 2019

Inungnun Tuhaqtitauyukhaq

Tunijaudjutaa“Atuqtup Maliktakhaa taffumunga Maligakhaq 25”

Ilitturijumavit nutannguqtiutikhanut aallanguqtunik talvani Maligakhaq 25 pidjutauniaqtunik Iliharnikkut atuqtalhanik? Nunat nutaanguvat ukununga Nunavunmi Nunalingni Iliniaqtuliqiyit Katimayiit (DEA)? Qanuqtut malrungnik uqauhikkut iliharnik pidjutiqarniaqqa?

Ikajuutikhanik Nunavummiut kangiqhittiarutikhanik aallangurniinnik uumani Maligakhaq 25mi, Ilinniaqtuliqijitkut piliuqtut “Ihuaqhijuummirlugit Kinguniptingnit, Atuugakhaliurutigilugit Hivunikhaptingnut: Atuqtup Maliktakhaa taffumunga Maligakhaq 25.” Hamna ajurnaitumik uqauhirmik naunaijautikhaliuqhimajut tamainnik nutannguqtirniinnik qangiqhirnaqtumik naunaijattiaqhugillu.

Pijumaguvit aadjiliuqhimajumik uuminga “Ihuaqhijuummirlugit Kinguniptingnit, Atuugakhaliurutigilugit Hivunikhaptingnut: Atuqtup Maliktakhaa taffumunga Maligakhaq 25” takulugu https://www.ourgoalsforeducation.ca/in/ilitturipkaidjutit. Nunavummiut tujurumagumik talvunga aglaat Apitilirvia 13, 2019 titirarlutik ihuaqhaijumagumik piinnariaqaqtut tujurlutik talvuuna Maligakhaq 25 talvunga Tikkuaqtauhimajut Katimanginut. Tujuutikhat titiraqtaujukhat talvunga:

John Main,
Maligaliuqti
Ikhivautauyuq Tikuaktauhimayunun Katimayiit talvuuna Maligaliurnikkut Maligaliurvigyuangit Nunavunmi
Titiqqivingmi Qiuqutaa 1200
Iqaluit, NU X0A 0H0

Qaritaujakkut titiqqilvia submissions@assembly.nu.ca.

###

Tuhaqtidjutikhanut Uqaqvikhaq:

Jean-Philippe Laprise
Atanngujaq, Tuhagakhanut
Ilinniaqtuliqijikkut Havagvia
867-975-5645
info.edu@gov.nu.ca