Turhulaurutit tughiutinun: Nunavunmi Nutaqiqivighanun Igluqpangnik Maniliqtuutinun Pinahuarutit

Inungnun Tuhaqtitaujuqhaq
Turhulaurutit tughiutinun: Nunavunmi Nutaqiqivighanun Igluqpangnik Maniliqtuutinun Pinahuarutit

Havagiva Ilinniaqtuliqijit Ilihalihaaqtunun Ilihalihaaliqtunun ukualu Nutaqiqiviit (ELCC) Havagvia piliqtut maniliqtuinirmun tughiutinik amigaiqjuumiriangini piinarialgit nutaqiqiviit Nunavunmi Nutaqqanun ukiuqaqtunun 0min siksimut. Una pinahuarut, ikajuqtaujuq kanadamin mangit munarijaujut Kavamatkunin Nunavunmi, turaangajut havagiangini nutaanik laisiqaqtunik nutaqiqinirmun najugahait angmaffaaqlugillu nutaqiqiviit tapkua umikhimajut pinaghuni ukiuni. Avatqumajuq $800,000 maniliqtuinikkut piinarialgit tuniuqhaijaghat.

Kitkut Uuktuqtaaqqat:

• Laisiqaqtun Nutaqqiqiviit.
• Inuit pijumajun angmaqtirinikkut laisiqaqtunik ilagiit nutaqiqivighanik.
• Nunallaani Ilinniaqtulirijitkut Katimajiit ukuallu Commission scolaire francophone du Nunavut.
• Haamlatkut.
• Maniliungitut ukualu kavamaungitut timiujut.

Pijaaqtut igluqpinikkut uvalu ihuaqhainikkut havaktaghat uvalu hulidjutit ilauyut:

• Havagiangini nutaanik laisiqaqtunik nutaqqiqiviit najugait Nunavunmi.
• Angmaffaarutikhanut laisiqaqtut nutaqqiqiviit umikhimajut pingahuni ukiuni.

Havagvia Ilinniaqtuliqijitkut ELCC Havagvia ihivriuqniaqtait tujuqtauhimajut uvani ihivriuliqlugit Qiqaiyarluarvia 24, 2023. Tughiutit tujuqtaujuq qangiqqat Qiqaiyarluarvia 23, 2023 ihumagijauniaqtut manikhaqaqata piinarialingnik. Hivuliuniaqtut piqangitut nunallaat kikliqaqtumik nutaqiqiviqangitut laisiqaqtunik nutaqiqivingnik.

uukturiangani, hivajaqlugu Joey O’Brien uvani 867-975-4882 unaluuniin jo’brien2@gov.nu.ca naunaijaqhimajunik kangiqhidjutinik uuktuutit havauhiinun pijaarnirmunlu pijaghat.

Kangiqhitiarumaguvin, takulugu Havagvia Ilinniaqtuliqijitkut ELCC qaritaujaliqivia. 

###

Tuhaqtipkainikkut Uqarvigijakhaq:

Krista Amey  
Atanngujaullaktuq, Tuhaqtidjutinun
Ilinniaqtuliqijitkut
604-347-6015
kamey@gov.nu.ca