Humik

Kiinauyaliqiyikkut hivulliuyuq uqautjiuyui Nunavut Kavamatkunnut (qablunaatitut naittumik GN) maniliqininnganik atuqtauninnganiklu. Kiinauyaliqiyikkut naunaiqpaktaa kavamatkut maningit atuqtauyut ikayuriami kavamatkut hivulliutigiyakhangit ihuaqtumik angmaumayumik kiuttaarutauyumiklu inuknut.  Havakvinga qitiani timiqutigiyauyuq havaktuq tunngavikmi ikayuutauyuq tamainnut havakviinut timiqutigiyanginullu Nunavut Kavamatkunni, naunaipkaiplugit taimaatut piinarialaqigiamikni ikayuutautikhamiknik ihariagiyauyuq pigiamikni ilihaitjutingit havaangillu.

Tahapkuat ihariagiyauyut havaat Kiinauyaliqiyikkunni piliurhimayut Kiinauyaliqinirmut Titiraqhimaninnga Maliktakhatkunnit (qablunaatitut naittumik FAA). Una maligaq pipkaitjutigiyaa Ministauyuq Kiinauyaliqiyikkunnut maliquyauninnganik munariyakhanginniklu. Tamna Maligaq piliuqtaalu munarinikhangit Havakviup Kiinauyaliqiyiikut Munarininganik Katimayiingit (qablunaatitut naittumik FMB), munarininngillu tamarmik Ministaup Tugliangata Kiinauyalirimmariikturlu.

Havakvinga piyuq hivuliqtiuyumik havaktut ihumaliuriami atauhirmi ukiumi manikhangit ihariagiyanginnik GNkut, naunaipkaitjutikhanginniklu munarinikhanginniklu taimaa naunairiami kavamatkut iluittumik inuuhimmaaqtut pitjutigiyamiknik.  Atauttimut, havakvinga munariyukhaq upalungaiyarninganik tamarmik atauhirmi ukiumi kiinauyaliqinirmut ihumaliurniq akuniraalukmullu ihumaliurniq ikayuqtuq piliurninnga munarininnga ihuaqtumik kiinauyanik tunngavikhanga nunavunmut. Munarilluaqtakhangit havakviup hapkuninnga ilauyuq:

• Munarilugu maniliurninnga havaanga GNkunnut;
• Tuhaqtipkailuni kavamatkut maniliurutinginnik atuqtamikniklu;
• Piluni kiinauyaliqinikkut uqaqluni FMBkunnut Ministatkunnullu;
• Piluni havakvikhanganik naunairiami tamarmik kavamatkut kavamatkut timiqutigiyangillu kiutaaqtunik, ukuallu akiliuhiangit allatlu maniliqininngit; unalu
• Piliurluni maligaq maliktakhangit uumuuna kiinauyaliqinirmut munariniq unalu kiinayaliqiniq aktikkulaangit havaktuliriniqmut munariniq.

Amigaitqiyaukmat nunavuutim maniliurutingit tuniyaukmat Nunavut Ihuarhaqhimayuq Maniktaanguvaktut Kavamanik allatlu ihumaliurniq manikharvigiyakhangit angirutingit, tamna havakvinga havaqatigiikhuni kaanatap kavamanganut. Taimaa naunairiami allaittunik ihariaginiq qanuritaakhanginniklu nunagiyaqqut ihuaqtumik piyut iluani atuqtauyuq tunngavikhangani munariyukhaq ihumaliuriami pitjutingit manikharvigiyangit pihimayuq kaanatap nunavullu manikharvigiyautikhanginnik.

Kangirhilugu angitqiyauyuq piksanga Kiinauyaliqiyikkuni havaanga pitquyauyuq ilitaritjutaunngittumik havaqatigiikninnganik kaanatap kavamanganut, kihimilu naunaiyainiq ilitarininngalu allat havaqatigiikninngit katimayiingillu ilautjutautingit hulivaktumik Havakvinga. Hapkuat havaqatigiiktut ilauqatauyullu hapkuninnga ilauyullu qablunaat nunangat allatlu avikturhimayut, tikkuaqtauhimayut inuit timiqutigiyauyut, nunallaaqput, GN havakvingit timiqutigiyangillu unalluaq kihimi, Nunavunmiutat.