You are here

Savanna Pikuyak Ilihaqtunut Manik Ikajuut

Kangiqhidjutit

Savanna Pikuyak hakugiktuq, iliranaittuq, inulrammik Inuk arnaq, angiqtauhimajuq ilihariami talvunga Hivuani Munaqhiliqinikkut Ilihautikaq Iliharvirjuami talvani Algonquin College-mi. Savanna havakhimajuq pingahuni aujani ilihaqhuni Munaqhiliqivingmi Sanirajarmi uuktuqtinnani ilihalirumavluni ilihautikhaminik munaqhiujumajunun ilihautikhanun.

Una maningnun ikajuutikhaq piliuqhimajuq nan’ngarivlugu, ilitarijumavlugin Nunavunmi Inuit ilihaqtun Hivuani Munaqhiliqinikkut ilihautikhani talvaniNunavunmi Inirnirit Ilihaaqpaalirviit. Munaqhiliqijitkut naunaitkutigijaat taimaa Savanna puiguktaulimaittumik tunihilutik ukiungani $5,000 maningnik ikajuutikhaq atauhirmun ilihaqtumun naunaiqtittiaqhimajumun hunamik ikajuutigijamingnun ilihariami munaqhiujumavlutik.

Uuktuutikhamun umikvikhaa talvani Tattairnaqhilirvia 14, 2022.

Tamaita uuktuutit naunaijaktauniaqtun naunaiqpiarlugin katimajiinin katimajinin akimajumun naunaihijukhanin naunaiqhijaanginnik aittuqtauniaqtumun maningmik ikajuutikhamik.

 

Naunaijautait

Uuktuqtun titiraqtukhat uuminga 500-nik tainiqaqtumik uuktuutikhamik taimaa naunairlugu, naunaikpiarlugu, inmik inuuhiamingnik, huuq pijumajaat Hivuani Munaqhiliqinikkut ilihautikhaanik, hunamiklu pijumalaqidjutimingnun ilihaliriami munaqhiunikkut. Titiraqhimajut uuktuutikhat naunaiqtakhait, naunaikpiarlugu, qanuq uuktuqtun itquumagijaat inmik ikajurniaqtumik hivunikhaanun Nunavunmiutat iniqhigumik uuminga BScN Ilihautikhaq.

  • Manik ikajuutikhaq hailihimajuinaq ukununga Nunavunmi Inuit inmik hivuani Munaqhiliqinikkut ilihaqtunun talvani Nunavut Ukiuktaqtuni ilihaliarpaarvikmi.
  • Tamaita titiraqhimajun uuktuutikhat inmik hivullirmi havakhimajainik pijakhaujut.
  • Uuktuqtuq pittaaqtaa manik ikajuutikhaq atauhiinnarmik pilutik.

 

Qanuqtun uuktuqtukhat?

  • Iniqtirlugu naunaitkutikhanun titiraq (naqillugu qaritaujakkut pijaangani).
  • Iniqtirlugu una 500-nik tainilik uuktuutikhaq titiraqtaujakhaq
  • Tunihilutik itquumajumik atiliurunmik ataani Nunavunmi Angirutikhaq
  • Tujurlugin tamaita pijumajaujun titiqqan taaffumunga Jo-Anne Idlout qaangiutitinnagu Tattiarnaqhilirvia 14, 2

 

Uuktuutit nutqarvikhaa

  • Uukturvikhanut nutqarvikhaa Tattiarnaqhilirvia 14, 2022.
  • Tunijauhimajuq aittuutimik ilitarijauniaqtuq katimalutik tunihijukhanun maningmik ikajuutikhamik talvani Hikutirvia 2022.
  • Tamaita iniqhimajun uuktuutit titiqqivikkut tujugakhat talvunga:
  • Jo-Anne Idlout, Aulapkaiji Havaktuliqijitkut Munaqhiliqijitkut talvunga JIdlout1@gov.nu.ca inniaqtuq kiujaamini apiqhuutinun taaffumunga manik ikajuutikhamun pidjutikharijainun.