Munaqhiunikkut Havakti

Una havaakhaq angmaumajuq tamainnut uukturumajunut.

Nunavut Kavamanga tikkuaqtauhimajut talvanga amigaittunit Kanadamin Nakuutqijaujut Aalatkiingnik Havagviit, Quuliqpaangujut Inulramiit Inuit qanganuaq iniqtiqhimajut uvani 2022 mi. Qilaminnuaq amigaijaqtut inuulrammiit nukaqhiuplutiklu inuqarnirit Kanatami, Nunavut pivaktut ihumaliurhutik nutaanik aadlatkiingnik piumakpiaqpaqhutiklu, alianakpiaqhuni avikturviujuq, aqhuuqpaqhutiklu nakuutqianiqhakkut hivuniqhanut.  Kavamaupluta, hakugiqhijuumirahuaqrtavut aalangajuq atuqtaujuq ataniudjut - atauhiq ilaqaqtuq haffumingaInuit inujuhiini atuqniqaqtut, aghuurutaujuq atungniranun Inuktut uqauhiq, pihimajut pijaangni kivgaqtungnirmun inungnun kivgaqtuutinun, havaqatigiblugit ilaujut pijaangani itquumadjutaanik Nunavut. Havaaniktitaujut quviaginiaqtaat akitarnikkut akiliuhiaghaa, aanniaqtuliqinirmun, kiguhiqinirmunlu ikajuutit, naunaijaqqhimajuq ikajuut havaguinirmun upalungaijaut, nuutirnirmun hivuliujut pijaghallu ilihaidjutinun havaanunlu hivumuuritiqaqtut.

Tamna Munaqhi Ajuiqhattiaqhimajut (NP) tunihimaarniaqtuq ajungnaitumik munaridjutikhanik munaqhiliqinikkut ihivriudjutikhanik, havautikhanik unalu munaqhiliaffaaqtukhanik munaridjutikhanik inungnun nunaqaqtunik nunalaamingni aulajagiikhimajuq talvani Munaqhit Ajuiqhattiaqhimajut Maligaq, maligakhangit, atugakhat, atuqtauhimaaqtukhanik, havangniaqtait, hivunikhangitlu talvani Havagviat Aanniaqtailinirmut ukuallu Nunavut Kavamanga. Talvuuna maliktaunikhanik munaqhiliqinikkut ihuaqhaidjutikhanik (inuuhirinikkut atuqhimaaqujut, aulahimaaqtukhanik inuuhirinikkut qajangnairutikhaniklu, nunalaani munaqhiliqinikkut, nunalaani pivalliadjutikhanik unalu mamidjutikhanik havautikhanik) una havaakhaq piqaqtuq akturnikhanut inuuhirinirmi aanniaqtunik, ilaqaqtuniklu, nunalaaminunlu; aituiniaqturlu ihuaqhaidjutikhanik aturuminaqtuniklu munaqhiliqivingmi auladjutikhanik.

Havaarilluaqtakhait havaktiginiaqtuq ihuaqtumik havaakhamut ilauniaqtut: 

Tunihimaaqtukhaq ajuittiagiikhimajunik munarhiliqidjutikharnik nunalaanilu munarhiliqinikkut ikajuutikharnik aanniaqtunik;
Havakluni, uqaqtiuluni, atuliqluni uvalu ihuaqhaqlugit aaniaqtut uvalu ilagiit ilihaqniit/ilihaidjutit pihimajut ihagiagijaitigut aaniaqtut;
Havaklugit aanniaqtailinikkut qungiarutit uvalu pittailinikkut hulidjutit tapkua ihuaqhijuumirutiniaqtut inuuhiinun inugiangnigit;
Tunihimaaqtukhaq ajuittiagiikhimajunik akhurnaqtunik ilitugidjutikharnik talvuuna naunaitunik munarhiliqinikkut munagidjutikharnik aulahimajut munarhiliqinikkut Nunavunmi.

Qaujimajait, ajuinningit, pittaaqtait uumunga havaarmut ukua pijauvaktut iniqhimanikkut Puqtuniqaqtut Hivumuuqtuq Munaqhiurnirmik Havakpakhimaluni uvaluuniit Naunaitkutiqaqtumik Hivuagut Munaqhiurnirmik Havakpakhimajuq imaaluuniit Munaqhiunirmik- Hivulliq Aanniaqtunik Munaqhinikkut Naunaitkunmik.  Ihumagijauniaqtun uuktuqtun havaktiuniaqtun iniqtiqhimajukhat iniqtirutingnik Munaqhiit Ajuiqhattiaqhimajut ajuiqhahimajamingnik titiraqtaaqtut talvuuna Munaqhiurnirmik Maliqajakhainik Laisikharvikhanit laisiliqijununlu pigiaqaqtun laisikharnik talvanga RNANT/NU talvani NP atiliurnikkut pitqujauhimajunik. Pittaaqtukhaq Havaktiuniaqtuq pigiaqaqtun atiliuriamingni imaatut NP ukuallu Atiliuqhimajut Munaqhit Katimajiit talvani Nunattiarmi Nunavunmullu (RNANTNU). Malruuk ukiuk NP atuqhimajaminik kihimi ihumaginiaqtait nutaat NP-ngujut iniqtiqhimajunik ilihaqtamingnik tallimanik ukiunik qanikkut RN-mik havakpakhimaluni aanniarjuaqtunut munaqtaunirmik. Piqaqtukhaq atauhirmik amigaitunikluuniit ukuninga ihuarniaqtuq pigiaqangittugaluaq havaktitauniarumi: Naunaittunik Ajungnautiqaqtunik Inuuhirmi Ikajuutikhanik (BTLS), Hivutunirmik Umatingnik Inuuhimaaqtitihimaaqtunik Ikajuutikhangit (ACLS) Nutarannuanut Ikajuutiqaqtut Aniqhaaqtitidjutkhat (NRP), QUKUURUT (ALARM), NAMAINALIQTUQ (STABLE), Hingaijat Iiluuminganik Munaqhimaarniq, apqutaanik ihivriungniq, qinuulattijunik nuttaraniliqtuniklu havakpakhimajuq hivutunirmik nuttaraniliqtunik ajuiqharniq.

Hamna Amirnaqpiaqtuq Havaaqhaq, piqaqtuqhaqlu naammagijaujumik Ihuinnaaqpariaqhaanik Titiqqamik taffumamiklu piqanggilluni Ihuinaarpariaqhaanik Nuliarnikkut Titiqqamik piqaqtukhaq.

Ilihimalugu QALAGJUARNIRMUN COVID-19 kappuqhirnikkut piqaqtuqhaq qanurinniagut havaami. Tujuqlugit itquumajumik QALAGJUARNIRMUN-19 kapuqhirnirmin ilaliutilugit uuktuutirnut.

Ilitarijauhimajun Uqauhiit Nunavunmi ukuat Inuktut, Qablunaatun Uiviivitigunlu. Uuktuqtut tunihiinnariaqaqtait titiraqhimajunik havakpakhimajaminik qujaginaq ilitarijaujut uqauhit Nunavunmi. Uqaqtaagumi atauhiinnaun’ngittumik Nunavutim ilitarijauhimajainnik uqauhiinnik ikajuutauniaqtuq. Qaujimajuqhaq Inuit nunallaanginnik, pitquhiinik, nunait, Inuit Qaujimajatuqangit, Inuktut havakpaqhimajuqharlu tunungani aallakiinik-pituhiit avatiit ihumagijaujut ikajuutauniaqtut.

Naammagijauniaqtut atauttiujun iliharnikkut havakpaqhimajainniklu ihumagijauniagungnaqhijut havaakhamun. Akhuurhaijugun ilingnun uuktuquplutin piqaruvin aajjikkiingniqaqtunik ukiunik iliharnikkut imaalu/imaaluunniit havakpangnikkut aajjikkiiktunik iliharnirnun ajuirhimanirnullu pitqujauhimajunik titiraqhimajun qulaani.

Havaaqaqhimmaaqtunut, munakhinut, Havaktikhaqhiuktut Ilatjutikhaa Akiliuhianganut uvaujut: $5,000 havalirviani ubluani, $5,000 18 naatpata tatqiqhiutit unalu $10,000 naatpata 30 tatqiqhiutit. Aallallu ilaliutihimajun ilaqaqtun $9,000 Ukiuq tamaat Hivuliqpaangujuni-havaktinun Manikhaq unalu $375 Tatqiqhiutini Pihimanikkut Aittuuti tamatqiutilik uvunga $4,500 atauhirmi ukiumi.

Piinnariaqaqtunik atiinnik titiraqtaulutik piliungniagungnaqhijut hivuni havaaqhanut havaktiqaliriaginni.

Uukturumaguvit haffuma havaakhaanut, qaritaujaqvigidjavatit tujuutilugu ikajuutiqhat titiqqamik naunaijautimik havaarivaktarniklu hamunga  nunavutnurses@gov.nu.ca. Ilaliutilugu havaap NAUNAITKUTA nampanga talvani qaritaujakkuugutaanni qaritaujaqviginahuaqtarnit.

• Nunavut Kavamanga aqhuuqtut piqariami inuinnarnik havaqtiqhaqariami, taimaatun, hivulliupkaqtauniaqtun Nunavunmiutat Inuit inmingnik-naunaijautihimajun atiliurhimaplutik ataani Nunavut Angirutanii maliqhugu Hivuliublugit Havaktighat Maliruagaani.
• Kavamatkut Nunavunmi havaktiit havaktut maligakuuqhutik pihimajughat tunihilutiklu titiraqhimajumik angirunmik tuglirmin atangujamin havagingmingnin. Angirutaa tugliup atangujap ilaqaqtughaq uuktuutingnik uuktuutit ihumagijaujaangani. 
• Piqarumik ihiunaaqpaqhimanikkut ihivriurutini pidjutigilimaitaat uuktuqtut ihumagijaunirmun. Naunaijautit ihuinaarutinun aktilaaqtauniaqtut anginirhakkut havaaghallu haffuma havaaghap. Una pijaujughaq havaaghamun tapmna pijariaqaqtuq nakuugijaunikkut ihuinaarutit ihuinnaarniarutainunlu naunaijautit titiqqat. 
• Uuktuqtut tunihilutik havakpakhimajamingnik qujaginaq Ilitarijaujukkut Uqauhiit Nunauvnmi.
• Tapkuan’nginait tikuaqtaujut apirhuqtaujuqhat hivajaqtauniaqtut.
• Inmingnik uuktuqtut pihimajun ahinin nunarjuarmin iliharvigjuanin naunaitkutinik pijuqhat taapkuat ahinin nunarjuamin naunaitkutit ihivriuqtaujuqhat talvannga ilitarijauhimajumin Kanadami iliharvigjuarmin.  Pingitkumik taimaatun ihumagijaulimaittungnarhijuq uuktuutaa.