Havaktingit

You are here

Nunallaani Inuliqiji(t)

Groups: 
Havaktingit Naunaitkutingit
Nunallaaq: 
Across Nunavut
Naunaitkutap Nampaa: 
17-504954
Havaktiit Ikayuktiuvinggat: 
Una havaaghaq ilauyuq talvani Nunavutmi Havaktiit Ikayurtingitni
Manighaq: 
$83,538 to $100,562
Ukiuqtaqtumiutat Akiliuhianggannut Ikayuutit: 
$15,016 to $30,424
Closing Date: 
angmaumayuq inunikhirlugu

Havakhimaanginaqtuq/Hivituniqaqtuq/Havakaffuktun.

Ikayuutiqaqtumik Havaktimut  iglukhaqaqniagungnaqhiyuq.

Piniarhimajugun uumuuna havagutikkut piliuqnikkut ajuittunik amigaittunik uuktuqtukhanik havaktikhaqaqnikkut tadjami hivunikhamilu Nunallaani Inuliqijiinnik Havaknirnik havaktikhailiuqnirni tamaani Nunavunmi 25ni nunallaani. Havaakhat hailihimajun hailihimanialiqtulluunniit amigaittuni nunallaani.  Naunaiyailutin titiraqhimayangnik titiraqtan nayugaangit uuktuluagumayanganik.

Quviagilugu Nunavunmi nunagikpiaqtuq nuna, hulilukaaqtut nunallaami inuuyut, piniqtut inuit hanayait, hugadjat tautuknaqtut uvalu tautuknaqtut inuit pitquhiit, kitut ilangat amigaitumik ikayuutauyut nayugahaq uvalu havakvikhaq attauhiqmik Nunavunmi 25ni nunallaani! Nunavunmi Kavamanga hapkunuuna Inuliriyiitkunni, qiniqhiayut havaktikhaqhiuqtut Nunallaani Inuhiliqiyinik havaktikhanik tamaini Nunavunmi. Aulayumainaguvit uvalu aulaagumayukuvit, una ayungnaqtuq uvalu nakuuniqaqhuni havaakhaq nutaqiuqtuq! Havaqatigiliqluta uvalu ikayuqluta akhuugutigilugu uvalu ihuaqhiyuumiqlugu tamaat aanniaqtailiniq Nunavunmiunun.

Havaktakhat - Uniudjuqtuqluni uumunga Atanguyamun, Nutaqqanun uvalu Inuuhiliqiyimun kivgaqtuqniaqtatit hapkua Havakvia Inuuhiliqiyitkut tamaini pidjutauyuni ilauyut ihuaqhaqyuumiqlugit tamaat aanniaqtailinikkut attautinun uvalu ilagiit tikuaqtauhimayut nunallaat. Ayuittiaqtumik uvani nunallaani, piyakhaqaqniaqtutit havaqatigilugit aallat ilauyut ayuittiaqnikkut timiuyut, ilauyut PILIIHIMAT, Ihumaliqiyiit, Munaqhitkut, Ilinniaqtuliqiyit, Maligaliqiyiit uvalu aalakiit nunallaani ikayuqtut.  Ihumagiyauniaqtutit ihuaqnikkut kivgaqtuqti nunallaanun. Tugaaqhimaluagutit ilvit munaginiaqtatit hapkua ilauyut: 

  • Hulidjutit Tuniyauyut
  • Nutaqqanun Ikayuqtiuyut
  • Iningniqnun Aaniqtailinikkut Kivgaqtuutit
  • Attautinun uvalu Ilagiiknun/Katimayunun Uqaudjiniqmik
  • Inutquaqtut, Aquaqtut Iqaiyaqnikkut ayuqhautiqaqtunun Kivgaqtuutit
  • Tunihiblutik havaqatigiiknikkut kivgaqtuutinik angiyunun Nunallaanun
  • Tiguaqnikkut

Kinaujugun - Havakvikput munaqhiyut havaklutik uvalu atuliqtitlugit hanaqidjutainun pinahuagutit hapkununga inungnun Nunavunmi munaqhidjutit nutaqqanun uvalu ilagiiknun kivgaqtuutit, havaakhatigut pivalliadjutit uvalu ilihaidjutikhanun, tiguaqnikkut, ikayuuhialiqinirmun, uvalu ilingaiyainikkut ikiklivalianahuaqhugit. Hapkua kivgaqtuutit tugaaqhimayut ikayuutikhat hakugikhiyuumigiangani uvalu piyaangini ihuuniqqattiarniqmun inungnun Nunavunmi uvalu nunallaanun.

Nunallaani Inuuhiliqiyi pidjutiqaqtut akhut munaqhidjutinik hapkununga nutaqqanun uvalu ilagiiknun kivgaqtuutikkut havakvik. Hapkua havaakhat nayugaqaqtut attautini Nunavunmi 25nguyuni nunallaani.

Hunanik tuniniarhimajugun - Tuniyauniaqtutit akiliuhiakhamik aktilaanga akiliuhiakhap ilaqaqtuq ukuninnga:

  • Aullaqtirutaa akilihiakhap aktilaanga: $83,538 uvunga $100,562 ukiuq tamaat.
  • Ukiuqtaqtumiinnikkut Ikayurutimik kitut aktilaaqaqniaqtut hamanga $15,016 hamunga $30,424mun ukiuq tamaat, qanuginiitigut nunallaat nayuqtaqni.
  • Ikayuutiqaqtumik tamayalikmik iglumik piinagiaqaqniaqtuq.
  • Nuutiqnikkut ikayuutinik.
  • Piyakhanik havaamun hivumuugutmik.
  • Ikayuutinik uvalu havaguilaknikkut piyakhanik.
  • Una havaakhaq ilaliutihimayuq haffumani Nunavunmi Havaktiit Ikayurtingit.

 

Hunat piyakhat   

Titiraqaqhimanikkut Inuliqijikkut Havaknirnik, uuminngalu attauhiqmik ukiumik nutaqqanun munagidjutikkut atuqpakhimayuq  Bachelor’s-kut titiraqaqhimanikkut ilitarijauhimajumin iliharvikjuaqmin uumingalu attauhiqmik ukiumik nutaqqanun munagidjutikkut atuqpakhimayuq

  • Naunaitkutalikmik 5mik akhaluutituqnikkut laisimik uvaluuniin piyaaqluni laisimik tatqiqhiutini 4 hitamani havaktitauniatigut
  • Una Akinialaittunun ihivriuqhidjuti ilingnun pitqujauhimajuqlu.
  • Akimajuq uuktuqtuq pittaaqtukhaujuq aulapkaihimalunilu uuminnga Nutaqqanun Ilagiiktununlu Havakviani Tikkuaqtaudjutimik.

Uqahiluangat Nunavunmi Inuktitut, Inuinnaqtut, Qablunaatut uvalu Uivitut. Uqaqtaaqluni Inuktitut uvaluuniin Inuinnaqtut ihumagiyauluaqniaqtuq ikajuutaujun. Ilihimalugu Inuit Uqauhiit, nunallaat, pitquhiit, nunaa uvalu Inuit Qaujimajatuqangit ikayuutauniaqtun.

Taimaatun uukturumaguvin uumunga quvianaqtumun havaakhamun, qaritauyakkut tujuqlugit titiraqhimajat havaakhaqhiurutillu uvunga CSSW@gov.nu.ca. Ilaliutilugu NAUNAITKUTAA # titiraqviani qaritaujakkut ilitturipkaqlugulu humiilluaqniq pijumajat.

  • Nunavut Kvamanga akhuuqtut piliuqlutit ikayuuqatigiiknikkut havakvik taimaali nakuutqiamik kagniqhiyaami uvalu kivgaqtuqlugit ihagiagiyait Nunavunmiun. Hivuliutiyauniaqtuq Nunavunmiut Inuinnait.
  • Uuktuqtut naunaittiaqtakhaa pittaarnirmik piyaamingni hivulliuluaqtitinikkut ihumaginirmi ataani Nunavut Hivulliulluaqtukhat Havaakhaqtittinikkut Atugakhaq.
  • Havakniit ilanginni havaani pitquhimajut nakuujumik ihuinaarhimanikkut ihivriuqnirmik. Ihuinaaqtuqqagumik titiqqami uuktuinnariaqaqtut ihumagiyauniaqtut huli hivuani.
  • Pittarninganut titiraqhimayut havaktaullayut hivuniptingni havaktikhaiqhimayunut.
  • Havaamut naunaitkutait piinnariaqaqtut kayumiktukkut, titiraqvigilugit qaritauyakkut havakviplu qaritauyakkuurutaanni.
  • Tahapkuanginait uuktuqtut tikuaqtauyut apikhuqtauyukhat hivayaqtauniaqtut.

 

UQAQVIGHAQ: Nunavut Kavamat                      Hivayautaa:  1-888-668-9993 (akiittuq)

Titiraqaqviup Qiuqutaa 1000, Nayugaa 430,      Kayumiktukkut: (867) 975-6220

Iqaluit, Nunavut X0A 0H0                                  Qaritauyakkut:   CSSW@gov.nu.ca