Havaktingit

You are here

2022 Hivuliqtiup Katimayiita Kanatami Aituutaa Titirangnirmun Taiguangnirmunlu

Immaktirvia 24, 2022

Kavamatkunnin Tuhaqtitaudjutikhaq

2022 Hivuliqtiup Katimayiita Kanatami Aituutaa Titirangnirmun Taiguangnirmunlu

Niruarutikhat tadja angmaqtun uumunga 2021 Kanadami Katimajiit Taiguqtaaliqtipkainikkut Ilitaridjutimun. Hivuliqti P.J. Akeeagok piliqtuq uukturutinik ilitarijaami inungmik ikajuqpaktuq, akhuurhaivaktuq tuniutihimaplunilu qanuriliurutinik hakugigharnikkut taiguqtaaliqtipkainikkut ajuirhimajakhanik Nunavunmi.

Una 2022 Nunavunmi Katimajiit uvani Kanadami Katimajiit Taiguqtaaliqtipkainikkut Ilitaridjutimi aittuqtauniaqtuq inungmun ikajuqpaktumun pilarhuutivaktumullu aallanun aturiami Inuktut pivallialiurnikkullu taiguqtaalirutainnik – uqarnikkut, titiraqhimanikkut talvuunaluunniit hanaujarnikkut tautungnaqtunik.

Niruarlugu kina aghut havakpaktuq ikajuqhuni  aghuurhainikkullu aallanun pivallianirmun taiguaqnirmun ajuirharutinik. Taamnauttaaqtuq ilihaqtuq, ilihaiji, nunallaami ikajuqti, Inirnighaq, havaqatigijalluunniit akhuurhaivaktun anginiqarnianik iliharnikkut pidjutiqatigiingnikkullu, pigaluaqtillugu COVID-19 qalagjuarniq. Akimajuq ilitarijauniaqtuq tunijauluni haviqutimik titiraqmiklu tunijauluni Hivuliqti Akeeagok ukiakhami. Aiturtauniaqtun $300.00 hanat taalakharlutik ikajuutikharnik maningnik aulaniaqtuq ilihaqhimaaqtainun.

Niruarutikhaq titiraq pijauttaaqtuq hamani.

Umikvikhaq niruaqtakhanun una Julai 8, 2022.

###

Niruarumaguvin kinamik uvaluuniin kangiqhittiarumaguvin, hivajadjavan:

Chelsea Halvorson
An’ngayuqhiq Tuhaqtipkainikkut Havaktia
Kavamaliqijikkut Havagvia
867-975-6048
communications@gov.nu.ca