Havaktingit

You are here

Atan'nguyalluanguyunut Aallannguqtiqhimalitun avatingni GNkutni

mii 25, 2022

Kavamatkunnin Tuhaqtitaudjutikhaq

Atan'nguyalluanguyunut Aallannguqtiqhimalitun avatingni GNkutni

Hivuliqti Akeeagok, naunaiyagiikhimaliqtuq pingahunik aallannguqtiqhimaliqtun angijukhikhat atanguyaliqinikkut tamaini Nunavut Kavamanga (GN).

Kyle Seeley havalirniaqtuq havaami talvani Tuklia Ministamun Nunalingni Kavamatkunillu Pivikhaqautikkut. Havaagaliqta Qiqaijaluarvia 2021mi atauhirmik ukiumik kiklivikhaqaqhimayuq havaanga. Kyle hivutunirmik havakhimaaqpaktuq Gnkutni havaktiuvaktuq havakpakhimayurlu talvani Angiyuqhirni atanguyarni havaangani talvani Havagviat Nunalingni Kavamatkunnilu Pivikhaqautikkutni.

Les Hickey nuutuq talvunga Havaktuliqijitkut siksinik tatqikhiutingnik nuutiqhimayuq taima Ministaup Tuglinga ikayugiangani talvani havagvingmi. Nuutpakhimayuq talvanga anguyukhiq atangurmin havaagigaluangani talva Kavamaliqiyitkutni. Les anginirmik pidjutigiyauvakhimayuq havaamun talvani GNkutni amigaitunik ukiunganik hivuliqtiuvakhimayurlu amigaitunik havaanganik.

Dan Florizone ilauvakhimayuq GNkutni talvanga Saskatchewanmin, havarniaqtuq talvani Tugliq Minista Munaqhiliqiiyitkunni siksinik tatqikhiutingnik kikliniqarniaqtuq. Ilihavakhimayuq havakhunilu havaamik talvani Atanguyaliqinikkut talvani Ilihaqtuni Nayugaani talvani Johnson-Shoyama Graduate Schoolmi Nunalaani Atugakharnik hivutunirmiklu munarhiliqinikkut atanguyaliqivingmi, taima pinghunik qulliqaqtunik ukiunganik havakpakhimayuq munarhiliqinikkut havagviani Saskatchewanmi. Dan havakpakhimayuq talvani Tuglia Ministauvakhimayuq Munarhiliqinikkutni, Ikayuktiuvakhimayuq Tuglia Ministamun Munarhiliqinikkutni Tugliuvakhimayurlu Ministami Ilinniaqtuliqijitkutni Saskatchewanmi.

Aallanik naunaitkutikhanik piumaguvit talvuuna allanik GNkutni Havagviatigun, pulaaqlutin talvani https://www.gov.nu.ca/in/information/kavamat.

###

Tuhaqtipkainikkut Uqarvigiyaqhaq:

Chelsea Halvorson
An’ngayuqhiq Tuhaqtipkainikkut Havaktia
Kavamaliqiyitkut
867-975-6048
chalvorson1@gov.nu.ca