Havaktingit

Nutaangutqijat GN-kut Qalagjuarniq COVID-19C tuhaqtitaujukhat paqitaunginariaqaqtun qaritaujakkurviptingni. Qalagjuarniq COVID-19 atuqtakhat paqitaunginariaqaqtun Havagviat Aanniaqtailinikkut Qalagjuarniq COVID-19 atuqtakhat makpirnia.

You are here

COVID-19 GN Ilitturipkaidjutit - Qiqaijalirvia 19, 2020

Maassi 19, 2020

Qiqaijalirvia 19, 2020

COVID-19 GN Ilitturipkaidjutit

 

Kinguliq naunaiqttat Nunavut Kavamanganit:

  • Ublumimit, naunaiqhimangittut aannialiqtunik qaujimajaujunik qalagjuarniq COVID-19 Nunavunmi.
  • Inungnut aanniaqtailitikhat hiamittaaktut aanniarutit havaqatigiiktut munaqhijut amigaittunik imaatut 70 inungnik qaujihaqtaujunik. Imaatutamigaittut 24 hivuagut inungnik, hivuagut qaujihaqtaujunik naunaiqtaujut nakuujunguuq imaalu avalingagakhaittut.
  • Kavamavut ublumi angiqtut $25,000 atauhillaanut Anguhiqijitkut Katimajiit nunamingni annguinahuarutikhanik, imaalu tuniuqhailutik niqikhanik inungnut.
  • Quviahuktugut qujahuktugullu angiqhugu $531,000 akiliutikhanik havalimaiqhimajut Nunavunmi nutaqqiqivingni havaktiinut laisiqaqtut nutaqqiqiviit, ihumalungittanginni akiliuhiakhamingnik havalimairamik.
  • Kinaliqaak tikihaaqhimagumi Nunavunmut Unnaguikhirvia, Qiqaijalirvia 15 ahiqpangajukhat inuqarnirnit 14-ni ubluni imaalu hivajarlugit munaqhitkut mihgimalirumik aanniangalirumik.
  • Nunavut Kavamanga (GN-kut)aullaqtiriliqtut havaktit havaglutik iglumingni havaktaaktut aihimalutik kavamatkunni havaktiujut.
  • GN-kut havakpaktut qanuriliurutikhainnik hapkuat niqikhaqtarviit/suuturvikhatlu igaviit angmaumajanginni avikturnianni tamainni.
  • Amigakhuruirluhi niuvvigakhaittuhi amigaitpiaktunik niqikhanik – niqikhat tikitpakhungujut tamajakhavullu tikitpangniaqtut huli hunnailimaittugut. Qalagjuarniq COVID-19 hunairutilimaittuq niuvvaviptingni, kihimik amigaitpallaaqtunik niuvvirupffi hunnnairutiniaqtuq. Niuvvidjavutit ihariagijarnik kihimi aallat inuit niuvvigakhainniklu nunguhimaittumik ihumadjavutit.
  • Maliqalugit pitqujainnik Aanniaqtailinikkut ajuiqhattiaqhimajut, maliqalugit inungmiuyut qanitturiikhimaittumik humiliqaak imaalu maliqalugit aannialiqtailitikhat.
  • Hivayaqqarlutit munaqhiqarvingmut upautitinnatit munaqhiliaqtinnatit. Anginiqaqtuq naunaiyaqqarumitit munaqhit hivajautikkut qanurittakharnik.
  • GN-kut aullahimmaarniaqtut ikajuutikhangit Nunavummiut.
  • Tamaita imirviit umikhimaniaqtut.
  • Tamaita niriviit angmaqhimaniaqtut kihiani aittiktukhanik aquiqtuqtumit/agyaqtaujukhanik aquiqtuqtunutimaalu 10-ginnarnik itiqtitvangniaqtut utaqqijut nangiktut. Havautikharviit, kasiliiqtarviit, ukuallu niqitarviit niuvvaviit angmaqhimaniaqtut umilimaittut. Nunavut Kavamanga (GN) uuktuutikhait aanniaqtailitikhanik Nunavummiut taffumanga gQalagjuarniq COVID-19, GN-kut Havagvingit atuliktait hapkuat:

 

Havagviat Aanniaqtailinikkut Kivgaqtuutait ilitturipkaidjutit

Inungnut Aanniaqtailinikkut Qayakkutilikhutik uqaqtut.

  • Tamaita ihariagijaujut kivgaqtuijukhat aullahimmaarniaqtut.
  • Tamaita Munaqhiqarviit aanniarviit havaktingit havaktukhaujut imaalu himmautigiikpangniaqtut pijariaqaqqata. 

Aanniaqtailinikkut ihivriuqhivaliqtut tamainnik aanniarviliaqhimajunik tingmitikkut inungnik aipkaitinnatik inungnik.

Nunamingni nunaqaqtut apirijaujut upautittailinahuaqtukhat munaqhiqarvingmut imaalu aanniarvingmut pijuminaqqat qajangnaitqijauniarmat hiammitirnaittumik aanniarunmi.

Aulahimaaqtut kivgaqtuutikhat:

  • Amihaqhuutaujut qalamiurutaujunut qilamiurutaujut munaqhinit ihivriuqtaujukhat kivgaqtuutait aullahimmarniaqtut avikturnianni tamaat.
  • Kigikhiurjualiqtunut kiguliqpiaktunut kiguhiqivikhait hailijut Iqaluktuutiami, Kangiqlinirmi, Iqalungnillu. Tingmidjutikhait, angiqtauhimagumik, qanitqijannut ihuaqtumut aanniarvingmut inuup nunagijanit.
  • Ihumaliqinikkut Aanniaqtailitikhat Kivagaktuutit hailijut huli aallanguqhimaittut nunallaani.
  • Ihumaliqinikkut Aanniaqtailitikhat Munaqhit kivgaqtuutikhait talvani Qikiqtani Aanniarvianni hailijut huli aallanguqhimaittut.
  • Ihumaliqinikkut Aanniaqtailitikhat Pinahuaruti tuhaqtitivangniaqtut nunallaani nallautikkut tuhaqtakhanik tamainni avikturnianni pijiuminaqqata
  • Inulrammiit Inuuhiringnaqtumik havaqatigiikpaktut tuhaqtitijut hivajautikkut uqaudjidjutikhamingnik ikajuqtaujumajunut:
    • Hadja ikajuqtauvaktunut aallanullu inungnut ikajuqtikhailiuqtunut hivajainnariaqaqtut hivajautaanut 867-979-7661.
    • Nutaanut ikajuqtikhailliuqtunut, hivajadjavakhi Susan Mazur hivajautaa 867-975-5999.
  • Taaktit nunallaanut aquvangniaqtut huli. Pilimaitpata, takuuqhiqtauniaqtut ihivriuqtaulutiklu talvuuna aanniaqtuliqijikkut tiiviitigut tautuutiliqijiit. Aquijut taaktit ihivriuqtauvangniaqtut aanniariakhainnik.
  • Iqalungni, Inungnun Aanniarvik angmaqhimaniaqtuq huli. 
  • Nutarannuanik ihivriuqhirviit, hingaihimajunik ihivriuqhirviit ukuallu kapuqhirniq havautikhat iajuutikhanik aullahimmaarniaqtut huli tamainni nunani Nunavunmi.
  • Ihumakkut Aanniaqtailitikhat kivgaqtuutikhait aullajunaittuq aadkjikiingniaqtut nunallaani. 
  • Aallanik atuqtakhainnik qiniqhialiqtut aallanik ajuqhaqpialiqqata uqaudjijikhanik imaalu uqaudjijukhanik ikajuutaikhainnik hivajautikkut imaaluuniit tiiviitigut tautuutiliqijiit.
  • Havagviat aanniaqtunik Ikajurahuaqtit cnaunauqhivigiinnarialgit qaritaujakkut titiqqilviannut: patientrelations@gov.nu.ca.
  • Taaktiliaqtunut nayugangit ihuaqhiijuummiqtait halumaqhinirmun maliktaujariaqaqtut.

Ihuaqhaqhimajut kivgaqtuutikhait:

  • Aanniaqtunik Ikajurahuaqtit hivajautikkut kivgaqtuutikhannik tadja piqangittut, ihuaqhainahuaqtut qakugu iniqtauniaqquq.
  • Iqalungni; Ihumaliqinikkut Aanniaqtailitikhat uqaudjivangniaqtut hivajautikkut (talvuuna ikajuqtaujumajunut hivajautaagut: 867-975-5999).
  • Talvani Qikiqtani Aanniarvik: Amirakhuutaungittunut hivajadjavatit talvungautinnatit aanniarvingmut. Aanniangajunut ohivriuqtauvangniaqtut naunaijaqtaulutik hivajautikkut pijuminaqqata.
  • Aanniaqtailinikkut ikiglitirijut pulaaktunik Qikiqtani Aanniarvinnut imaalu nunallaani munaqhitkunnut.
  • Qikiqtani Aanniarvingmi: pulaarumajut ikiglijaujut atauhiq pulaaktukhaq atauhirmut aanniarvingmiittumut (pijumalluaqtaujut angajuqqanut munaqtiujunullu aanniarviliaqhimajunut).
  • Ikajuqhiqtaujumajunut takuukhirvikhait naunaijaqtaujut, ilangillu kinguvaktitauniarunaqhijut.
  • Inulrammiit Inuuhiringnaqtumik Havaqatigiikpaktut hailijut katimaqatiqarlutik inulrammirmik atauhiinnarmik 1:1 naunaiqtauhimajut takujauvikhanik ubluqhiutikkut
  • Amigakhuutaungittut aanniangajut takujaujumajut naunaiqtauvangniaqtut ihivriuaqtauvikhanik qakugu.
  • Aanniarviliaqtut ihivriuqhiktukhat talvungautqujaujut Akausisarvik katitanginni aanniarvingmiujunut.
  • Inulrammiit havaktingit pipkaijunaiqtut itirumajunik kinatkunnik ikarniinni imaalu katimapkailutik hulipkaijunaiqtut kihimi hailijut tuqaqatigilugit atauhillaamik inulrammirmik 1:1 pijariaqarumik. 
  • Tamaita Hivitujumut Munaqtauviit uqaudjaujut ikiglitqujiplutik pulaarumajunik pijuminaqqata – pulaaqtullu ihivriuqhirniaqtut itiqtitautinnatik.
  • Qikiqtani Aanniarvik imaalu Munaqhiqarviit ikittunik pulaaqtiqarniaqtut. Atauhiq pulaartukhamik atauhirmut aanniaqtumut.

Umikhimaniaqtun/Nutqaqtitauniaqtun/Aulahimaitun Hadja ikayuutikhat:

  • Nirivia atuqtaunikhat Qikiqtani Aanniarvingmi inungnut umikhimaliqtuq.
  • Tamaita naunairiiqhimajugalluat kiguhiqivikhait taimaaqtitaujut kinguvaktittauplutiklu tuhaqtitauniaqquhi.
  • Nunallaani Munaqhitkut: Inungnik pulaaqujihuiqtut Munaqhitkunut Aanniarvingnullu nutqaqtitaujut.
  • Tamaita pijakkhaitkumik aanniarvilirahuat tingmitikkut ahianut avikturnirmit nutqaqtitaullaktut kinguvaktitaujut naunaiqtauniaqtut qakugu aullarvikhainnik:
    • Takuukhirvikhait kinguvaktitauhimajut naunaiqtauniaqtut qakugu ubluani, nuutaujut tiiviitigut tautuutiliqijiit, imaaluuniit iniqtiqtauniaqtut avikturnianni.
    • Aanniaqtailinikkut havaqatigijait ihuaqhaijut takuuqhivikhanik taaktinik hivulliutijukhanik naunaiqhiplutik aanniarviliaktukhanut tingmidjutikhainnik.
    • Tamaita aanniarviliarahuat taaktiliarahuallu tingmitikkut ihivriuqhirniaqtut taffuminga Qalagjuarniq COVID-19 aanniariakhainnik hivuani angiqtautinnatik angilrautikhainnik nunamingnut.
    • Aullaqhimajut uttilimaiqhimajut nunamingnut qakugunnuaq aullajunaittut aanniarviliaqhimajut tingmitikkut aullaqtitauhimajut – tunijauvakhungujut ikajuutikhanginnik niridjutikhainnik, najugakhainniklu, akhaluutiktuutikhainnik imaalu munaqhidjutinut atuqtaujut.
    • Pijariaqaqqata, inmikkut avaliittukhanut maliqajauniaqtut imaalut avalingaqtumik igluaqarlutik taaktiliaqtunut najuganganni imaaluuniit itiqtirviinni.
  • Tamaita inungmik iliharvikhanik ajuiqhajut pipkaqtauhimajut ukunanga Pimmarikharnikkut Inuuhittiarutikhainik Titiraqtiat ihuahijariiqhimajut tatqiqhiutanni Qiqaijalirvia unalu Qitiqqautijuq taimaaqtitaujut.
  • Avikturnianni naliinnit ihivriuqhirvikhait taimaaqtitaujut.
  • Inulrammiit Inuuhiringnaqtumik Havaqatigiikpaktutupautilutik uqaudjivikhait katimalutik, iliharuirnaqhikpat hulipkaivikhait, ikajuqhiqtaujumajunut,imaalu maniqami aullaarvikhait ihuahijariiqhimajut tatqiqhiutanni Qiqaijalirvia unalu Qitiqqautijuq taimaaqtitaujut.

 

 

Havagviat Maligaliqijikkut Kivgaqtuutait ilitturipkaidjutit

Inullaat apirijaujut hivajaquplugit upalungaikhimajumut Ilagiiktut Pimmarlungnikkut Hattumiarutikhainut Maligaq (FAIA) hivajautaanut apiqqutikhaqarumik ikajuqtikhailiurumnikluuniit aturlugu tamna hivajautaa nampaa 1-844-534-1038.  Hivajautaa ihivriuqtauqattaqpangniaqtuq naunaittumik ikajuqtaujumajut tunijauniaqtut Nunallaani maligaliqijikkut Ajuiqhattiaqhimajumut ikajuqtaaktumut titiqqanik titiraqtakhainnik imaalu atuqtakhainnik.

Havagviat Maligaliqijikkut aullahimmarniaqtut tunihilutik ikajuqhirvikhainnik Nunavummiut ataani Ilagiiktut Pimmarlungnikkut Hattumiarutikhainut Maligaq tadja atuqtitlugu. Qajangnaitkutikhait hivulliujut ihumaluutigijaqqut aullahimmarniaqtut kivgaqtuutikhavut hailiniaqtut iharirijaukpata.

Havagviat Maligaliqijikkut ihumaginiaqtait aanniaqtailitikhait qajangnaitkutikhainniklu havaktit, itiqtauhimajut imaalu nunallaat. Piliuqtugut qanuriliurutikhanik upalungaijautikhanik aulladjutikhainnik ikajuutikhavut.

Aulahimaaqtut kivgaqtuutikhat:

  • Havaktilluat ikajuqtit ikajuutikhat ataani nunallaani maligaliqijikkut aullahimmaarniaqtut.
  • Nunavunmi Apiqhuivit Maligaliqijikkut aullahimmarniaqtut tuhaalutik amigakhuutaujunik pidkjutiqaqtunik tadja pijukhaukpata.
  • Kihiani uqagiikhimavakhimayuq, tapkuat havagviuyut ikayukhimaanginaqtun aulahimayukhat  havaangani havaktamingnik. Ilitugidjutikhangit nuititihimaarniaqtugut ubluq tamaat. 

Ihuaqhaqhimajut kivgaqtuutikhait:

  • Havagviat Maligaliqijikkut apiqhijut tamainnik nunallaani itiqtauvingni inungnik hivajaqujijut qarvigilugit hivajautikkut Nunamingni Itiqtauvingnut Havaktimut.

Umikhimaniaqtun/Nutqaqtitauniaqtun/Aulahimaitun Hadja kivgaqtuutikhait:

  • Nunallaani itiqtauviit havagviit umikhimaniaqtut inungnit takujaqtuijumit qakugu tuhaqtaitauniaqtuhi upaktaaliqqata.
  • Nunavunmi Nunallani Maligaliqijikkut havagviit umiktauniaqtut inungnut, aullaqtirlutik Hivullirmi, Qiqaijalirvia 23, 2020.
  • Tamaita pulaarumajut itiqtauviinnut nutqaqtitaujut aanniaqtailitikhanik qajangnaitkutikhaniklu itiqtauhimajunut havaktiinnullu.
  • Nunavunmi Apiqhuivit Maligaliqijikkut (NCJ) nutqaqtitijut ubluq tamaat aulapkaidjutigaluanginnik.

 

Havagviat Ilinniaqtuliqijikkut kivgaqtuutikhait ilitturipkaidjutit

Ilinniaqtuliqijikkut ukuallu amigaittut GN-kut havagviujut havaqatigiiktut ikiglinahuaqhugu aktuutaujunik iliharviit umiktaungmata niqikhanut ikajuutigivaktainnik.

Havagviat Ilinniaqtuliqijikkuttunihiniaqtut maniliqtuutikhanik tamainnut laisiqaqtunut nutaqqiqivingnut.

Hamna maniliqtuutikhat aadjikutaujuq angajuqqaat akiliqhitigivaktanut laisiqaqtunut nutaqqiqivingnut tunijauvakhimajut uumani pingahuni havainirni umiktauhimadjutaani.

Hamna ikajuutikhat laisiqaqtut nutaqqiqiviit akiliqhipkagakhaittumik angajuqqat akiliqtakhainnik uumani hivitunianni kihimi akiliqhijanginni havaktimingnik ihariahungnaittumik.

Umikhimaniaqtun/Nutqaqtitauniaqtun/Aulahimaitun Hadja kivgaqtuutikhait:

  • Tamaita iliharviit nutaqqiqiviillu Nunavunmi umiktauhimajut pingahuni havainirni hivitunianik, aullaqtiqhutik Aippiut, Qiqaijalirvia 17, 2020.

 

Havagviat Inulirijikkut kivgaqtuutikhait ilitturipkaidjutit

GN-kut havaqatigijait najugakhaittunut katimavingit pillahijanginni hivitutqijamik ikarnikhainnik imaatullu pijanginni aallanik inikhainnik maliqajanginni inungmiuyut qanitturiikhimaittumik. Pingahuinnaujut najugakhaittunut iglugijaujut Nunavunmi umikpaktut ubluummangurangat.

Kihiani uqagiikhimavakhimayuq, tapkuat havagviuyut ikayukhimaanginaqtun aulahimayukhat  havaangani havaktamingnik. Ilitugidjutikhangit nuititihimaarniaqtugut ubluq tamaat. 

Maniktarvikhat Ikayuutikhat Nunavunmi Ilihaqtunut (FANS) unalu Inirniit Ilihaqtut unalu Ayuiqhautikhanut Ikayuutikhat (ALTS)

  • Ilihaqtut aullayunaittut tadja iliharvigijamingni nunangani nunguvikharaluanganut aglaat ilihaqtakharmik. Tadjamut, iliharvikhait nutqaqtitaullakhimajut, taimaaqtitauhimaittut.
  • Ilihaqtut iglugijait angmaqhimaniaqtut huli, imaalu ilihaqtut pipkaqtaullajut ilihaqtut igluutainni ittaaqtut nunguanut Qitiqqautijuq. Iliharviit aullahimmaarniaqtait niriviit ikajuutikhangit.
  • Ihuaqtumik pijanginni kiinaujailiurnaittumik ajuqharnaittumik ahianiitunut avikturnianni ilihaqtunut, tapkuat tunijauvaktut maningmik taffumanga FANS-kut imaaluuniit ALTS-kut tunijauhimmaarniaqtut manikhanik ahianiititlugit nunamingnit.

Ihuaqhaqhimajut kivgaqtuutikhait:

  • Ikajuuhiakpaktut, Havakhanun Pivallialiurnikkut imaalu Ilagiiktunut Inuuhiringnaqtumik ikajuqhiqtauvaktunut hivajaqutaujut naunaiqhilutik takujauvikhamingnik, havagviptingungauhimaittumik: 
    • Inuit tamarmik hivajaqujaujut naunaiqhijamingni takujauvikhamingnik ubluqhiutikkut ubluaniklu ikiglinahuarutikhanik inuugiakpallangittumik uttaqqiviinni.

 

Havagviat Pivalliayuliqiyitkut Ingilrayuliqiyitkullu kivgaqtuutikhait ilitturipkaidjutit

Kihiani uqagiikhimavakhimayuq, tapkuat havagviuyut ikayukhimaanginaqtun aulahimayukhat  havaangani havaktamingnik. Ilitugidjutikhangit nuititihimaarniaqtugut ubluq tamaat. 

Umikhimaniaqtun/Nutqaqtitauniaqtun/Aulahimaitun Hadja ikayuutikhat:

  • Tamaita Akhaluutikkut Aqudjutikhamingnik Ihivriuqtauhukhat nutqaqtitaujut talvunga aglaat Qitiqqautijuq 7.
  • Katimajunut pinahuaruti Aquivaktunut Pulaarviit nutqaqtitaujut.

 

Havagviat Pitquhiliqiyikkut ikayutiuhimaarnikkut ilituqhaidjutikhaq

Kihiani uqagiikhimavakhimayuq, tapkuat havagviuyut ikayukhimaanginaqtun aulahimayukhat  havaangani havaktamingnik. Ilitugidjutikhangit nuititihimaarniaqtugut ubluq tamaat.

Umikhimaniaqtun/Nutqaqtitauniaqtun/Aulahimaitun Hadja ikayuutikhat:

  • Iqalungni taiguarviat umikhimaliqtuq inungnut.

 

Havagviat Avatiliqijitkut kivgaqtuutikhait ilitturipkaidjutit

Havagviat ihumagijait ihuarnirit atuqtakhatik aullahimmariangit kivgaqtuutikhait munaqhihimmaaqtitlutik aannialiriakhainnik aanniarunmik qalagjuarniq COVID-19 qajangnaitkutikhanik maliktaujariaqaqtut.

Atuqtaulluaqtut kivgaqtuutikhait taimaittut ajuqhautaujut uumajutigut kiujaujukhat imaatullu uqhurjuat kuvijuqaqqat kiujaujukhat aullajuunaittut.

Kihiani uqagiikhimavakhimayuq, tapkuat havagviuyut ikayukhimaanginaqtun aulahimayukhat  havaangani havaktamingnik. Ilitugidjutikhangit nuititihimaarniaqtugut ubluq tamaat. 

Umikhimaniaqtun/Nutqaqtitauniaqtun/Aulahimaitun Hadja ikayuutikhat:

  • Pidjutigiplugit iliharviit nutaqqiqiviillu umikhimajut, hapkuat uumajuliqijikkut havagviit umkhimajut
    • Ikpiarjuk, Kangiqtugaapik, Sanikiluaq, Qamanittuaq,Igluligaarjuk, Nauyaat, Kugaaruk, Taloyoak.
    • Ukunani nunallaani, HTO-kut uqarviujut qanuqtut hivajaquplugit havagvianut amigakhuutiqarumik imaaluuniit uqhurjuanik kuvijuqaqqata imaaluuniit ajuqhautiqarumik uumajutigut pijaqqutinik.

 

Havagviat Havaktuliqiyitkut ikayutiuhimaarnikkut ilituqhaidjutikhaq

Havaktuliqiyitkut havaqatigiyait ukuat Havagviat Maligaliqiyikkut, Havagviat Inuliriyikkut, and Aanniaqtailinikkut naunaiqhinahuaqhutik aallanik ikayuqtikhainnik ihariahukkumik. 

Havaktuliqiyitkut katimaqatiginiaqtait WSCC-kut uqautigiyuaplugit qanuqtut ihuaqtumik havaqatigiikniaqtun. Havaktuliqiyitkut katimaqatigiyait NEU-kut pidjutigiplugit ilitturipkaidjutikharnik.

Kihiani uqagiikhimavakhimayuq, tapkuat havagviuyut ikayukhimaanginaqtun aulahimayukhat  havaangani havaktamingnik. Ilitugidjutikhangit nuititihimaarniaqtugut ubluq tamaat.

Umikhimaniaqtun/Nutqaqtitauniaqtun/Aulahimaitun Hadja ikayuutikhat:

  • Piyauyukhaq Havaktiinut Iglukhainnik Tuniuqhaiyit Katimayiit katimavikhat nutqaqtitauyuq.
  • Auyami Ilihaqtunut Havallaknahuarniaqhimayunik nutqangallangnialiqtuq qakugu aulaniaqtun.

 

Nunavummiut aanniaqtailinikkut tamapta munarijakhavut! Puiguktailutit: uaqpaklugik algakkit imaalu qanngit hunavaluit, itqaumalutit inungmiuyut qanitturiikhimaittumik, maliqalugit uqaudjidjutait aanniaqtailinikkut havaktiujut, imnaalu aihimalutit aanniaruvit.