Havaktingit

You are here

COVID-19 GN Ilitturipkaidjutit - Qiqaijalirvia 27, 2020

Maassi 27, 2020

Hivuliqtiup nutaaq ilitturipkaidjutaa:

Ublumimit, naunaiqhimangittut aannialiqtunik aannialirnahugijunikluuniit qalagjuarniq COVID-19 avikturnianni.

Atauttimut nampait inuit ihivriuqtaujut ublumimut 207. 150 inuit hadja ihivriuqhidtaujut, ukuat 57 inuit ihivriuqhigakhaiktut.

Talvuuna Havagviat Pivalliajuliqijikkut Ingilrajuliqijitkullu, quviahuktugut tuhaqtitipluta atauhiakhimajumik aittutmik imaatut $5,000 pittaaqtunut mikijunut nanminirijaujunut talvuuna Mikijunut Nanminirijaujunut Ikajuutikhat Pinahuaruti.

Nunavunmi Ilihariaqpaallirvik hivumuuqtitaat nutaqtitijut ilihaqtakhainnik taimaaqtitiplutik Qiqaijaluarvia 4. Ilihariaqpaallirviit piffarumajut aullaqtiffarlugit ilihaqtakhat Upin’ngaami iliharvikhanni imaalu ilihaqtitauniarunaqhijut ahiagut imaatut ilihaqtakhat puuqhimajut tujuutaulutik ilihaqtunut, qaritaujakkut ilihaqtitaujukhanik ilihaqtakhaniklu aturlutik nunallaani atuqtakhainnik.

Nunavunmi Ilihariaqpaallirvigni iniqtiqtut ilihaqtamingnik imaalu katihimalutik quviahuuqatigiigvikhat nuutaujuq Apitilirvingmut.

Naunaiqhitikhanik nallukhaqtaujunut tapkutiguuna ihariagijaukpiaktut havaktikhat tikittukhat Nunavunmut ihariagijaukpiaktut havaktiit tikittukhat Nunavunmut: kinaliqaak naunaiqtauhimajuq ihariagijaukpiaktut havaktikhat tikipkaqtaullajuq Nunavunmut Angiqtauhimakpata taffumanga Havavgia Atanilluaq Nunallaani Aanniaqtailinikkut. Tamarmik ihariagijaukpiaktut havaktiit ihivriuttiaqtauniaqtut qalagjuarniq COVID-19 naunaijaqtauniaqtut maliktakhaqaqtullu maliqattiaqtakhainnik avikturnianni.

ihariagijaukpiaktut havaktiit tingitikkut aullaqhimajut tarium akiannut nunarjuami imaaluuniit nunagijaujunit qajagijaurjuaqtumi qalagjuarniq COVID-19 hiamitirnahuqqurnaqtunut tikipkaktaulimaittut Nunavunmut.

Tamaffi qaujimajuhi, kinaliqaak tikihimajuq Nunavunmut uumani kinguaniluuniit Qiqaijalirvia 15 inmikkut avaliingaqqujaujut imaatut 14-ni ubluni. Illanginnut inungnut, tamna hivitunia nungudjuqiliqtuq imaalu anittalirnialiqtut avalingagakhairnialiqtut.

Kinaliqaak anittailijaujut inmikkut avalinggaqujaujut, naunaittiarumajara hamna, naunaittiaqpiaklugu: inirungni avaliingarvikhat anittaulijauviit imaatut tukiqangittuq inungmit ahiqpangajukhaujutit imaalu aihimavaglutit anijakhaitkuvit.

Malittiaqujaujugut tamapta, taima taimailiuqujaugapta nalunaqtuq hivitujumi. Hapkuat maliqujauhimajut nakuuniaqtut tamapta malikpakkuptigiiit.

Tamapta hamna atuliqtaqqut, imaatullu tamapta uuktuqtukhaujugut maliqattiarnahuarlugit maliqujaujut.

 

 

Ilauyuq Kavamatkunun Nunavunmi (GN) akhuurutaat munarittiarutikhaq Nunavunmiunut qajangnautaanun COVID-19, GN-kut Havagviit atuliqtait hapkua:

Havagviat Aanniaqtailinikkut

Ukua CPHO tingminikkut pitquyauyut ukualu/ikayuqtit havaktit maliktaghait iliuraqtauyut hamunga:https://www.gov.nu.ca/health/information/covid-19-novel-coronavirus

Tamaita tingmihimayut piyariaqaliqtut inungmiuhuiqlutik taiyauhimayuni munaqhivikhami hilataani Nunavut aktilaanga 14nikublunik, kihimi hapkua ikayuqtit havaktit kitut mihingnautiqaqtut.

Tapkua utiqtut Nunavunmun piyariaqaqtut angirutiqaqlutik Havagvianin Atanguyap Inungnun Aanniaqtailinirmun Havaktimin apiriyauyut qaritauyakuuqtitilutik CPHOTravelRequests@gov.nu.ca.

Nunavummiut utiqtut Nunavunmut nunakkut aullauplutik Sanikiluamut, Arvianut, imaalu Qitirmiuni nunalingnut, pijariaqaqtut inmikkut avalingaqtukhaujut aihimalutik 14-ni ubluni utirumik avikturniannut.

Akiitukkut napaa hivayagahaq kimuli qanganuaq tingmihimayut aanniarutiqaqtutluuniin haffuminga COVID-19mun mihingnautinik:
1-888-975-8601 kiuyauqataqtuq ubluqhiutaa 7:30 ublaami hamunga 7:30 unuamun.

Inullaat inmikkut avalingaqqujaujut aihimajukhaujut, inungnungauhimaittumik, imaalu munarijukhaujut qanurittaamingnik mihingnautainnik Qalagjuarniq COVID-19 imaatut14-ni ubluni utirvingmingnit.

 

Havagviat Pivalliayuliqiyitkut Ingilrayuliqiyitkullu kivgaqtuutikhait

Havagviat tunihiniaqtut tadja hivikittumut ikajuutikhainnik Nunavunmi nanminirijaujut talvuuna Mikijunut Nanminirijaujunut Ikajuutikhat Pinahuaruti.

Pittaaqtut nanminirijaujut uuktuqtaaktut imaatut aktigijumik $5,000 ikajuutikhamik imaatut talvuuna akiliffagakhaittumik ikajuutit.

Uukturumajut mikijut nanminirijaujut aallanik naunaiqhitikhamingnik pittaaqtut talvani: https://gov.nu.ca/edt/programs-services/small-business-support-program

EDT-kut havaqatigijait aallatqiiktut ukuat chambers of commerce, Chamber of Mines ukuallu aallat havagviujut katimajiit pinahuarutikhanik naunaitkutikhainniklu ilaujunit kiudjutikhanik ilaujunit.

Hamna naunaitkut pijauhimajuq katitiqtauniaqtuq qaujihaqtaulunillu GN-kunit havaqatigijainnillu nakutqijamik kangiqhidjutikanik hadja nahurijaujuniklu aktuutaunikhainnik haffuma qalagjuarniq COVID-19 aanniarutip Nunavunmi maniliurutikhanut.

 

Havagvia Maligaliqijikkut

Ihuaqhaqtauhimajut kivgaqtuutit:

  • Havaktuliqinirmut Atuqtakhainut Havagviat hailihimmaarniaqtuq huli tunihilutik kivgaqtuutikhainnik ikajuqtaaktut tadjautitlugu. Tamaita kavamatkut havagviit umikhimajut inungnut tadja, Havaktuliqinirmut Atuqtakhainut Havagviat uqarviginnarialgit hivajautikkut nallianut atani nampainnut:
    • Hivajautaa 1-867-975-6322, Akiittukkut: 1-877-806-8402, Kajumiktukkut: 1-867-975-6367
    • Havagvik hailijuq huli kiulugit apiqqutainnik Nunavummiut pidjutiqaqtunik talvuuna Havaktuliqinirmut Atuqtakhainut Maligaq imaalu Maliruagakait.
  • Mikinikhaq akiliuhiakhat ihuaqhaqtauhimajuq angiglijuummirniaqtuq uumani ubluani Qitiqqautijuq 1, 2020, Ataniat Havaktuliqinirmut Atuqtakhainut Havagviathailijuq kiujmaplugit apiqqutainnik naniminiqaqtunit pidjutiqaqtunik maliqajakhanut.

 

Havagviat Avatiliqiyitkut kivgaqtuutikhait

Nunallaani anguniarutikhanut niqikhanik ikajuutikhat aittuutikkut angirutit tamaita hanaqijaujut akiliutikhaillu tujuutauliqtut. 

 

Umikhimajut/Taimaaqtihimayut/Nutqaqtihimayut kivgaqtuutit:

  • Tamita Nunavunmi Min’nguirviit umiktaujut: hapkuat ilaujut Sylvia Grinnell Territorial Park, Iqalungni, unalu Katannilik Avikturnianni Min’nguirvik akunngangni Kimmirut umallu Iqaluit.
  • Hilataani avikturniannit qaujihaijit aullaqpaktut Nunavunmut nutqaqtitaujut, ilaujut kinguagut aullaqpaktut ikajuqtikhat Nunavunmi Avatilirinirmut Katimajiit Qikiqtaaluk Phase 2 uuktuutikhat Ajurnavjaktunut Katimavikhat (Iqaluit),unalu Kugluktuk ikiarmik nakuujakhanik munaqhidjutikhat havagvikhanik ingilrutikhainnik aktilakhainnik.

 

Havagviat Nunalingni Kavamatkunillu Pivikhaqautikkut Ikajuutikhainik

Aulahimaaqtun kivgaqtuutit:

Havagvilluangit kivgaqtuutikhait tunijaujut aullahimmaarniaqtuq ilaujut igluqpaanik munaqhijut ihuaqhautikhanilklu.

CGS Nappaqtirutikhanik Hvagviat aullahimmaaqtuq tunihiplutik ihariagijaujunik kivgaqtuutikhanik hapkunani Qajangnaitkutikhanik Kivgaqtuutit (Nunavunmi Ikualaaq tuliqijiit Ataniata Havagviat, Atanilluaq Igluqpaitigut Havakti, Atanilluaq Alrujiqinikkut Qaujihaiji, Atanilluaq Uunaqutit/Kasiiliqtuqtut Ihivriuqti unalu Atanilluaq Alaviitanik Qaujihaiji) ukuallu havaktit uqarviginnarialgit hapkuat uqarvikhat:

  • Nunavunmi Ikualaaqtuliqijiit Atania Havagviat: Ikualaaqtuliqiji Ataniq Ted Clouter – 867-222-0132 - TClouter@GOV.NU.CA
  • Havavgiat Atanilluaq Igluqpaitigut Havakti: Atanilluaq Igluqpaitigut Havakti Brian Wood – 867-222-3230 - BWood@GOV.NU.CA
  • Havavgia Atanilluaq Alrujiqinikkut Qaujihaiji: TBC
  • Atanilluaq Alrujiqinikkut Qaujihaiji: Jonathan Potts – 867-222-2889 - JPotts@GOV.NU.CA
  • Havavgia Atanilluaq Uunaqutinik Kaasiliiqtuqtunik Qaujihaiji: Uqarvigilugu CGS Qajangnaitkutikhanik KivgaqtuutitDirector Mike Leduc at 867-222-1214 (MLeduc@GOV.NU.CA) ikajuutikharnik talvuuna havagviujukkut tuhaqtitauvikhaffingnut.
  • Havavgia Atanilluaq Alaviitanik Qaujihaiji: Atanilluaq Alaviitanik Qaujihaiji Tim Innualuk – 867-222-0210 - TInnualuk@GOV.NU.CA
  • NAUNAIQHIMALUGU: Uqarvigilimaitkupkit qulanii ittut ataniluat, Aulapkaijiat CGS Qajangnaitkutikhanik Kivgaqtuutit Mike Leduc havajarlugu 867-222-1214 qaritaujakkut titirarvigilugu MLeduc@GOV.NU.CA.

 

Nunavunmi Ilihariaqpaallirviit

Nunavunmi Ilihariaqpaallirvik hivumuuqtitaat nutaqtitijut ilihaqtakhainnik taimaaqtitiplutik Qiqaijaluarvia 4.

Ilihariaqpaallirviit piffarumajut aullaqtiffarlugit ilihaqtakhat Upin’ngaami iliharvikhanni imaalu ilihaqtitauniarunaqhijut ahiagut imaatut ilihaqtakhat puuqhimajut tujuutaulutik ilihaqtunut, qaritaujakkut ilihaqtitaujukhanik ilihaqtakhaniklu aturlutik nunallaani atuqtakhainnik.

Nunavunmi Ilihariaqpaallirvigni iniqtiqtut ilihaqtamingnik imaalu katihimalutik quviahuuqatigiigvikhat nuutaujuq Apitilirvingmut.

 

Nunavummiut aanniaqtailinikkut tamapta munarijakhavut! Itqaumalutit: uaqpaklugik algakkit imaalu qaanngit hunavaluit, inuqarnirmi qaniglihuiqluhi, maliqalugit uqaudjiudjutait aanniaqtailinikkut havaktinin, imnaalu aihimalutit aanniaruvit.