Havaktingit

You are here

COVID-19 GN Ilitturipkaidjutit - Qiqaijalirvia 30, 2020

Maassi 30, 2020

Hivuliqtiup nutaaq ilitturipkaidjutaa:

Ublumimit, naunaiqhihimangittut aannialiqtunik aannialirnahugiyunikluuniit qalagjuarniq-19 Nunavunmi.

Atauttimut nampait inuit ihivriuqtaujut ublumimut 259. 180 inuit hadja ihivriuqhidtaujut, ukuat 79 inuit ihivriuqhigakhaiktut.

Inuit tamarmik itqaumatqujaujut kinaliqaak utaqqiyuq ihivriuqhidjurminik maliqayukhaq inmigut igluaqaqtukhaq anihimaittumik. Kinaliqaak ihunnaarumi maliqangitkumi anitquyaungittuq maliqayukhaq inmigut igluaqaqtukhaq anihimaittumik imaalu nunaqatiminut qayangnaqtumik hiaminnahuqqarnarmat tamna Qalagjuarniq-19, akiliqhipkaqtitaullayut imaatut aktigiyumik $50,000 imaaluuniit itiqtauhimalutik siksini tatqiqhiutinni. Aihimahuit anihimaittumik. Nunaqatitit aanniaqtailikkit imaalu Nunavummiut hivuuranaittumik.

Amigaittut inuit anittailiyauyut hivuraani ayuqhaqtut tadja idjuhiriyamingnik. Tuhhayaptigit, ihuaqtumik pinahurittugut ikajuutikhaliuqhuta. Hamna pidjutauyuq aullariangittumik pinaqtuq, kihimi hamna havauhinga qilamiurnahuaqhuta havakpaktaqqut ayurnaittungittuq. Amigakhuqhuta uplaungaiyautikhaliuqpaktugut hivunikhaliukhutaalu atuliqtakhanik tingitikkut aullarnirmik amigaqghuqtugut atuqtkhaliurapta Nunavunmut inungnut tamainnut qayangnaitkutikhamik.

Qayangnaitkutikhat hivulliutiyakhaqqut, inuit tamaita apiriyavut utaqqiraritti amigakhuqhimaittumik. Ningaqtigakhaittuhi, iqihulihimaittumiklu hadjamit. Atuliqtugut aallangayunik imaalu nahurinnaittunik, itqaumayukhauyugut hamna ihuaqutikhanik pitquyauyugut tamainnut Nunavummiut.

Hamna ayurnaqtuq amihunut inungnut, Qalagjuarniq COVID-19 aanniarut nalunaqtuq inuk inuuhimmaarniariakhanik tuqquniariakhanikluuniit, imaalu inungnut hiammituqungitaqqut. Quyagiyavut inuit anittailitquyauyut nayuqtakhamingnit hivurani tadja aanniarlirnaittumik inungnut tamainnut hiammitiqtailinahuaqhugu aanniarut hamani nunaptingni.

Ilangit inuit tingmitikkut tikihaaqhimajut avikturniannut hivuanni tingmitikkut aullaqtukhat nutqaqtitautinnagit atuliqtitautinnagu, inmikkut igluaqaqtukhaq anihimaittumik hivituniannik imaaluuniit nungudjuqiliqtuq. Puiguktailutit inirungni avaliingarvikhat anittaulijauviit imaatut tukiqangittuq inungmit ahiqpangajukhaujutit imaalu aihimavaglutit anijakhaitkuvit. Maliqayakhatit – igluniqatigingitkungni inuk tamna, pulaaqtakharingitat takuyaqturluguluuniit.

Tamapta uuktuqtukhauyugut timikkut imaalu inungmit ahiqpangajukhaujugut tamaat nalunaqtuq qanuqtut hivituniaqtumik. Uarlugit algaktit 20 seconds-ni – uaqattarlutit. Ayuqtaililugiik akuliakkit. Hapkuat tamaita atuqtakhaliuqtauhimajut qayangnaitkutikhavut. Qanuriliyuqangitpat aannialiqtuqangitpatlu, hapkuat aannialiqtailitikhavut atuqquyauyut.

Quyagiyavut tamaita Nunavummiut, tamaitallu havaktukhauyut havaktivut, inungnut tamainnut tamainni nunani avikturnianni aullahimmaaqtittugit pinahuarutikhavut kivaqtuutikhavullu. Quaygiyauyutit imaalu quyagiyaptigit.

Tamapta hamna atuliqtaqqut, imaatullu tamapta uuktuqtukhaujugut maliqattiarnahuarlugit maliqujaujut.

 

 

Ilauyuq Kavamatkunun Nunavunmi (GN) akhuurutaat munarittiarutikhaq Nunavunmiunut qajangnautaanun COVID-19, GN-kut Havagviit atuliqtait hapkua:

Havagviat Aanniaqtailinikkut Kivgaqtuutait

Tamarmik inullaat naunaiqtauhimayut inuit qauyihaqtauyut ihivriuqhiqtauhimayut aanniarutiqariakhaita taafuminga Qalagjuarniq-19 (PUIs), pitquyauhimayut taffuminga maliqayukhaq inmikkut igluaqaqtukhaq anihimaittumik hivituniannik pitqudjunmik imaalu akiliqhiyakhaningniaqtuq maliqayukhaq inmikkut igluaqaqtukhaq anihimaittumik hivituniannik malingitpagu. Akiliqtakhat imaatut aktigillayut $50,000 imaaluuniit itiqtauhimalutik siksini tatqiqhiutinni.

Ukua CPHO tingminikkut pitquyauyut ukualu/ikayuqtit havaktit maliktaghait iliuraqtauyut hamunga:https:https://www.gov.nu.ca/health/information/covid-19-novel-coronavirus

Tamaita tingmihimayut piyariaqaliqtut inungmiuhuirlutik taiyauhimayuni munaqhivikhami hilataani Nunavut aktilaanga 14ni ubluni, kihimi hapkua ikayuqtit havaktit kitut mihingnautiqaqtut.

Tapkua utiqtut Nunavunmun piyariaqaqtut angirutiqaqlutik Havagvianin Atanguyap Inungnun Aanniaqtailinirmun Havaktimin apiriyauyut qaritauyakuuqtitilutik CPHOTravelRequests@gov.nu.ca.

Nunavummiut utiqtut Nunavunmut nunakkut aullauplutik Sanikiluamut, Arvianut, imaalu Qitirmiuni nunalingnut, pijariaqaqtut inmikkut avalingaqtukhaujut aihimalutik 14-ni ubluni utirumik avikturniannut.

Akiitukkut nampaa hivayagakhaq kimuli qangannuaq tingmihimayut aanniarutiqaqtutluuniin haffuminga Qalagjuarniq-19 mun mihingnautinik:
1-888-975-8601 kiuyauqataqtuq ubluqhiutaa 7:30 ublaami hamunga 7:30 unuamun.

Inullaat inmikkut avalingaqqujaujut aihimajukhaujut, inungnungauhimaittumik, imaalu munarijukhaujut qanurittaamingnik mihingnautainnik Qalagjuarniq COVID-19 imaatut14-ni ubluni utirvingmingnit.

 

Havagviat Inulirijikkut Ikajuutikhait

Hilataanit avikturnianit ilihaqtut utirumagumik nunamingnut Nunavunmi aullaqtiqtut 14-ni ubluni anihimaittumik nayuqtakhamingnit nunanginni Ottawa (31 ilihaqtut) ukuallu Winnipeg (15 ilihaqtut).

Aulahimaaqtun kivgaqtuutit:

  • Ilihaqtut maniliqtuutikhat: tamaita ilihaqtut maniliqtuutikhat hivittuqtauniaqtuq nungunniarutaanut Qitiqqautiyuql.

Ihuaqhaqtauhimajut kivgaqtuutit:

  • Sajtajjurutikhat Kitikmeot Nunallaanginnut aullaqtuq Iqalungnit Salutimi tamainnut avikturnianni ilihaqtunut. Satakkurutat mittuq tamainnut nunallaanut upaktakhamingnut.
  • Kitkut ilihaqtut naunaiqtauhimaittut utirumaplutik nunamingnut imaalu piyariaqaqtut, tingmitikkuurialaqiyut tadja atuqquyauyut maliqalugit, e.g. 14-ni ubluni anihimaittumik nayuqtakhamingnit Yellowknife-kuurlutik ikivikhaittut tikitkumik Yelllowknifw-mut.

 

 

Havagviat Avatiliqiyitkut kivgaqtuutikhait

Nunallaani anguniarutikhanut niqikhanik ikajuutikhat aittuutikkut angirutit tamaita hanaqijaujut akiliutikhaillu tujuutauyut.

Umikhimaniaqtun/Nutqaqtitauniaqtun/Aulahimaitun Hadja ikayuutikhat:

  • Tamaita upalungaiyaqhimayutuumayunik qauyihaitikhat havaakhat nutqaqtitaullaktut, ukuallu atuqtaunahuaqtugalluat tingmitikkut satakkurvikhait taimaaqtitauyut. Tamaita ihivriuqtiit havaktut aimavingminvnit imaalu qauyihaiyut kingulirmit katitiqhimayunik naunaitkutainnik imaalu iniqtiriplutik iniqhimaittunik qauyihaidjutikhanik unniudjutinik.

 

Havagviat Nunalingni Kavamatkunillu Pivikhaqautikkut Ikajuutikhainik

Aulahimaaqtun kivgaqtuutit:

  • Tamaita GN-kut havagviit igluqpait umiingniaqtut inungnut. Inuk katimayukhaugumi GN-kuni havaktimik kivaqtuqtumik havaktimik, hivayainnariaqaqtut havaktip nampaanut naunaiqhilutik qanuriliurutikhamingnik.
  • CGS Nappaqtirutikhanik Hvagviat aullahimmaaqtuq tunihiplutik ihariagijaujunik kivgaqtuutikhanik hapkunani Qajangnaitkutikhanik Kivgaqtuutit (Nunavunmi Ikualaaq tuliqijiit Ataniata Havagviat, Atanilluaq Igluqpaitigut Havakti, Atanilluaq Alrujiqinikkut Qaujihaiji, Atanilluaq Uunaqutit/Kasiiliqtuqtut Ihivriuqti unalu Atanilluaq Alaviitanik Qaujihaiji) ukuallu havaktit hailikpata.
  • Nunavunmi Ikualaaqtuliqijiit Atania Havagviat: Ikaulaaqtuliqiyii Atania Ted Clouter – 867-222-0132 - TClouter@GOV.NU.CA
  • Havavgiat Atanilluaq Igluqpaitigut Havakti: Atanilluaq Igluqpaitigut Havakti Brian Wood – 867-222-3230 - BWood@GOV.NU.CA
  • Havavgia Atanilluaq Alrujiqinikkut Qaujihaiji: TBC
  • Atanilluaq Alrujiqinikkut Qaujihaiji: Jonathan Potts – 867-222-2889 - JPotts@GOV.NU.CA
  • Havavgia Atanilluaq Uunaqutinik Kaasiliiqtuqtunik Qaujihaiji: Uqarvigilugu CGS Qajangnaitkutikhanik KivgaqtuutitDirector Mike Leduc at 867-222-1214 (MLeduc@GOV.NU.CA) ikajuutikharnik talvuuna havagviujukkut tuhaqtitauvikhaffingnut.
  • Havavgia Atanilluaq Alaviitanik Qaujihaiji: Atanilluaq Alaviitanik Qaujihaiji Tim Innualuk – 867-222-0210 - TInnualuk@GOV.NU.CA
  • NAUNAIQHIMALUGU: Uqarvigilimaitkupkit qulanii ittut ataniluat,
  • Aulapkaijiat CGS Qajangnaitkutikhanik Kivgaqtuutit Mike Leduc havajarlugu 867-222-1214 qaritaujakkut titirarvigilugu MLeduc@GOV.NU.CA.

 

 

Nunavunmi Inirnirit Iliharviat (NAC) kivgaqtuutikhait

Nunavunmi Ilihariaqpaallirvik hivumuuqtitaat nutaqtitijut ilihaqtakhainnik taimaaqtitiplutik Qiqaijaluarvia 4.

Ilihariaqpaallirviit piffarumajut aullaqtiffarlugit ilihaqtakhat Upin’ngaami iliharvikhanni imaalu ilihaqtitauniarunaqhijut ahiagut imaatut ilihaqtakhat puuqhimajut tujuutaulutik ilihaqtunut, qaritaujakkut ilihaqtitaujukhanik ilihaqtakhaniklu aturlutik nunallaani atuqtakhainnik.

Tamainnut naunaitkutikhat talvuuna NAC-kut ilihaqtakhainnik iiharvikhaniklu upinngakhami iliharvikhat, takulgu: https://arcticcollege.ca/s/NAC-Q-A-Spring-semester.pdf

 

 

Nunavummiut aanniaqtailinikkut tamapta munarijakhavut! Itqaumalutit: uaqpaklugik algakkit imaalu qaanngit hunavaluit, inuqarnirmi qaniglihuiqluhi, maliqalugit uqaudjiudjutait aanniaqtailinikkut havaktinin, imnaalu aihimalutit aanniaruvit.