Havaktingit

You are here

COVID-19 Qalagjuarniirmun GN-kunnin Nutaanik Tuhaqtidjutait - April 23, 2021

Iipu 23, 2021

Hivuliqtip tuhaqtidjutaa:

Ublumi, unniudjiliqtugut nain 9 nutaanik aannialiqtut COVID-19 qalagjuarnirmik Nunavunmi. 37nguqtun aulaliqtun aanniarutiqaliqtun nunaptingni- 33ngujut Iqalungni hitamat Kinngarmi.

Ublumimun 14,915 Nunavunmiut kapuqhiqtut hivulirmik Moderna kapuutimik, uvalu 11,940 Nunavunmiut tamaanun kapuqhiqhimajut.

Qujagijumajatka tamaita Nunavummiut maliqatiplutik akhuuqhimmaaqtun. Hivituqpiaktuq una ukiuq, ajuqhaqpiakpatugut umani ukiungani imaalu ajurnaraluaqtumik, atuqhimmaaqtavut huli. Ilihimajunga una piniaqtaqqut.

Qiniqhiajukhaujugut hivitujumut imaalu ilihimalugit munaridjutijukhaujugut avatingnut. COVID qalagjuarnirmut unaguhungnirmik itqumajuq, kihimik tuninguhungniq qujanginnautikhaungittuq qajangnarnirmut.

Havangnairumut tikinnialirmijugut maliqattiakpiaktakhaqaqtumik Qikiqtani Kangiqlinirmilu. Ilvit ikajurnahuaqtukhaujutit, malikpiarlugin ikajuutikhatin.

Ikajuqtikharnik apiqhivaglutit ajuqhaliraiguvit, uqarvigivaglugit ilatit un'ngahiktumit ilihimalutitlu qujagijavut pittailinahuarutigijatit.

Taimaatut pivakhugu, Nutqaqtinniaqqara taimaa - Ivjarutihimalutit. Uarlugin algatin. Ahiqpaniillutin 6sinik itigaup-aktilaanginnik aallanin aniiruvin. Aihimaraanginnarhuarlutin. Kapuqhiriaqtudjavutit.

Munariluhi qajagiluhilu.

 

Minista Aanniaqtailinkkut Havagvianin nutaaq-tuhaqtitaqhaa:

Ublumi, uqautigijumajatka mikijumik anginiqaqpiaktumik ikajuutikhalik COVID kapuutit.

Hailipkaihimmaaqtugut Moderna kapuutikhamik nunallaani tamaini avikturhimanirmi, anginiqaqtuq puiguqtailitqulugit inuit tamaita tamna kapuutikhaq qajangnaittuq, huaqpiakturlu, kajumiktuq imaalu nakuukpiaqtuq aannialiqtailitikhaqqut aannialiqidjunmit.

Apiqqutikhaqaruvit kapuutikhakkut, hivajarlugit munaqhitkut, takuluguluuniit nalliak Nunavut Kavamanga unaluuniit Kanadaup Kavamanga qaritaujakkuurutaani. Tamaita kangiqhidjutikhat kiudjutaillu hailijut.

Kihimi, iumahuirlutit ihuagijaujut ikkiarutini imaaluniit hunanik tuhaqtatit ilannarnit inungnut tuhaumapkaidjutikkut itqumajunaqhijut. Naunaijaivaglutit imaalu kangiqhinahuarutikharnik ikajuutikhanik. Nalunaqtun ihuaqtungmata imaalu una kapuutikhat ikajuutaujut.

Ihumalungniq imaalu iqhiurniq atuqtauvaktuq, imaalu atuqtauniarunaqhijut, hivikittumik nakuuhuigutaulajut inuuhirmut. Kihimik ikittunnuangujut imaalu qangirnarikpaktut.

Ihuarnirit nakuutqijaujut ihuirutaujunit imaalu hamna aanniarut hakugikpiaktuq pijjakhaptingnik ikajuutikhaqaqtugut uvaptingnut.

Nunavunmiut,upautivikharnik munaqhinut ihuaqhaidjavutit kapurhirvikharnik pihimaitkuvit. Kapuutikhat hamaniittut hailijutlu. Ilvit pijukhaujutit ikajuutikharnik.  

 

Atanilluaq Inungnun Aanniaqtailinikkut Havaktimin Tuhaqtidjutaa:

Ublaakkut,

Ublumi, 7nik nutaanik aannialiqtunik COVID-19 qalagjuarnirmik Iqalungni imaalu 2 nutangnik aannialiqtungnik Kinngarmi, imaalu 8 inuit nakuuhijut Iqalungni.

Tadja iidjuhirijaat, ihuarijatka ihumaliurutaat ihuaqhaijiujut uminga Nunavut Quest qinmiqtuqhutik ulisiqtitijut nutaqtinmadjuk tamna naunaiqtauhimajuq ubluanut April 26.

Ilihimajunga una pitquhikkut atuqtauvaktuq imaalu atauhiujuq nunallaani ilauvaktut quviagijauvaktuq. Kihimi, tadja qajangnarniinut, ihuaqhaijut ihumaliuqtut ikiglitikhanik qajangnarniinik hiamitirnirmut COVID-19 qalagjuarniq amihunut nunallaanut.

Ilihimajunga aanniarut pidjutauvaktuq taimaqtiqhugit amigaittut ukiuqtamaat pitquhikkut aliahuutaujunik imaalu hulilukaarutikhanik. Una ajurnaingittuq uvaptingnut, kihimik ikajuqatigiiikhutik tamarmik Nunavunmiut, taimaatun malikhugit inungnut aanniaqtailinikkut maliktaujarialiitimaalu kapirhirhutik, qangiutiniaqtaqqut hamna.

Malikhugit malruuk aktuutauhimanikkut tuhaqtidjutikhat inirvingni, ihuaqhainahualiqtugut inungnut aanniaqtailinikkut maliktaujarialiit pidjutaungmata laisiqaqtut imirviit. Talvanga Hivulliunmit, laisiqaqtut imirviit, imirviit katimaviitlu, imaalu niriviit angmaqata, kigliqarniaqtun imaatut 50% inugiangnikhanik. Nunangani Kinngait hamanilu Iqalungni, hapkuat imirviit niqikhanik aikhiqtaqtauviuniaqtun umikhimalutik inungnut.

Kingulikpamik, ubluummat, nunaqaqtut Iqalungni tuharunaqhijut Iqaluit Inungnut Aanniaqtailinirmut havaliqtun COVID-19qalagjuarnirmun kiliuqtaujukhanik talvani Cadet Hall. Una ihivriuqtaudjutikhat ihuaqhaqtauhimajuq Iqaluit Inungnut Aanniaqtailinirmut inungnut ihivriuqtaujumajunut uqaudjaujut ihivriuqtaujamingni upautivikhamingnik ihuaqhaijukhaujut ihivriuqhitikhanik. Pillahipkarniaqtatigut amigaittunik kiliuqhiluta, naunaiqtaunarirlutiklu imaalu ikajuutaukpiarniaqtun ikiglitikhanik qajangnaitkutikhanik aktuqtauhimanirmik.

Talvungauhuirlutit kiuliuqtaujaqturlutit ihuaqhaihimaitkuvit upautivikharnik. Ihumagivit nauaijaqtaujukhaujutit COVID-19 qalagjuarnirmun hivajarlutit talvunga 1-888-975-8601. Tapkununga inungnut avalingaqatunut munaqhip upakpangniaqtahi kiliuriaqturluhi.

Taimaalu, takugaiguvit inungnik qaujimajarnik utaqqijuni, ihumahuirlutit aanniarutiqaqtut COVID qalgajuarnirmik. Ihivriuqtauniq anginiqaqtuq ihuaqtuiq atuqtakhaq naunaijautikhat aannialaqidjunmik imaalu havangniaqtuq inuit maliqatigumik imaalu ihuhuidjutaujut kangunaqtullu aaniutainaujut uuktutigijaptingnut.

Quana.

 

 

Ilaujut hapkununga Kavamatkut Nunavunmi (GN) akhuurutait munarilugit Nunavunmiun qajangnarnirmin COVID-19 qalagjuarnirmin, GN-kut Havagviit atuliqtait hapkua:

Aanniaqtailinikkut Havagvia

Tamainnun nutaanik naunaitkutinik ikajuutiqhallu talvuuna COVID-19 qalagjuarnirmun Nunavunmi, hamungaulutit: https://www.gov.nu.ca/health/information/covid-19-novel-coronavirus

Nutaanik kangiqhidjutikhanik tadjamin inungnun aanniaqtailinikkut kiklikhainnik, hamungaulutin: https://www.gov.nu.ca/health/information/nunavuts-path

Naunaittiarutikhat kapurhirvikhatigut talvungaulutit: https://gov.nu.ca/health/information/covid-19-vaccination

 

Qalagyuarnirmun COVID-19 aannialiqtut qanurinniit: April 23

Atauttimun ihivriuqtauyut

Attautimut naunaiqtauhimajut aannialaqihimajun

Attautimut aannialaqihimajun

Attautimut nakuuhijut aanniaruiqtun

Tuqujut

Attautimun inuit munarijaujun

Tadja inuit munarijaujut

10,959 441 37 400 4 7493 254

* Aannialiqtut Aannialirnahugijunutlu ilaujut tapkuat nunarjuami aanniaqtunut naunaijautit. Inuit maliktaujunut ilaujut inullaat naunaittunik mihingnautiqaqtut aanniaqtunut qanikhimagumiklu ukuallu ilangit inmingnik-munarijut imaaluuniit ingmingnik-avalingarnirmik. Tamaitaungittut mihingnautiqaqtut imaaluuniit ihivriuqtaujariaqaqtut.

*Kinguvaniaqtut uniudjutit kihiatitautillu aanniarutikkut Hivuraani Kanata. 12 aannialiqhimajut naunaiqtauhimajut ahiani Nunavunmit angilraqtitaujut nunagijainnut Nunavunmut. Ukuallu ilaujut pingahut 3 tuquhimajut. Tamaitaungittut Nunavunmiutat NU nunaqaqtut aannialiqhimajut COVID-19 qalagjuarnirmun naunaiqtauhimajut ahianiititlutik avikturnianit angilraqtitaujut Nunavunmut.

COVID-19 Kappuutit Havautit: April 23

Hivulliqpaat kapuutikhat atuqtauyun Tugliit kapuutikhat atuqtauyun Atauttimun kapuqhiqtauyut munariyauyut
14,915 11,940 26,855

*Atauttimun kapuqhiqtauyut munariyauyut ublumimut ihuaqhaqtauyut pidjutihimmaanginaqhugulu, kihimi ikitqiyauniarungnaqhiyut pidjutiyuni kihiqtitiqhimayuni.

COVID-19 qalagjuarniq nunallaani aanniaqtut qaffiutilangit: April 23

Nunallaami

Naunaiqtaujut COVID-19 qalagjuarniq Aanniaiqtut ippakhaq

Naunaiqtaujut COVID-19 qalagjuarniq Aanniaiqtut ublumi

Aallanguqtut aanniaqtut nampait +/- ippakhamit

Huiqtut

Nakatqiqtut aanniaqtut

Attautimut aannialaqihimajun

Iqaluit 35 45 7 0 9 33
Kinngait 2 4 2 0 0 4
Arviat 339 339 0 1 338 0

Tikirarjuaq

23 23 0 0 23 0

Kangiqliniq

19 19 0 0 19 0
Sanikiluaq 2 2 0 0 2 0

ATAUTTIMUN

420 429 9 1 391 37

Qaujihaqtaujut qaffiujut ublumimut nunallami: April 23

Nunallaami 

Qaujihaqtaujut aannialiqtut

Qaujihaqtaujut aanniangittut

Iqaluit 42 449
Kinngait 4 31
Arviat 339 2883

Tikirarjuaq 

23 352

Kangiqliniq 

19 399

Sanikiluaq 

2 202

ATAUTTIMUN

429 4316

Avaliingaqtut inugiangningit: 

Aullaaqtuq Qanurittumik

Inuit Avaliingaaqtitaujun talvannga April 23

Daaktiliaqtut

71

Inuit

21
EMTI 49
Igluqpiliurnikkut 2

Attautimut

143

Aullaqhimajun utiqtun naunaijautaa:

Aullarvia Ublua

Amigaitilaangit 
23-Qitiqqautiyuq  73
24-Qitiqqautiyuq  10
25-Qitiqqautiyuq  38
26-Qitiqqautiyuq  43
27-Qitiqqautiyuq 57
Attautimut 221

Ihariagijauqpiaqtuni Havaktini Tukhirutin:

Talvannga April 22, pilik 15,368 piumajaujut, 7,648 ngujun ihariagijauqpiaqtuni havaktiit piumajaujut.

Tukhiutait Qanurinniit

# %

Angiqtaujut (ilaujun ihariagijauqpiaqtun ihariagijauqpiangittullu)

11,613 75.6%

Qin’ngijaujun

307 2.0%

Ihumaliuqtaujun huli

521 3.4%

Aullauvilluarvigijainni Nunat Aagiqtauhimayut

2,927 19.0%

Attautimut

15,368 100%

 

Iqaluit Ihumakkut Ikajuqtiujut imaalu Ipiralalaqidjutitlu

Pidjutigiplugu COVID-19 qalagjuarnirun atuqtailijaujut Iqalungni, Iqaluit Ihumakkut Ikajuqtiujut Ipiralailaqijutitlu (Inulrammiit Inuuhiringnaqtumik Havaqatigiikpaktut ukuatlu Greenstone) kivaqtuivangnialiqtut ikajurlugit hivajautikkut imaaluuniit un'ngahiktukkut uqaqatigilugit imaalu naunaijaqtaulajut hivajarlugu una 975-5900.  Ikajuqhiqtauvikhait hivajautikkut ihuaqhaqtauvaktun aadjikutaani ubluani imaalu hivulliujuq hivajaqtuq hivulliutivagat ikajuqtakhaqtik.

Akausisarvik Ubluq Ikajuutikhangit nutqangallangnialiqtun umikhimahimmaarniaqtuq ilitturipkaqtitauffaarutinun.

Akausisarvik Ahiani ikajuqtauvikhait kigliqarniaqtut havautikhainik ikajuqtaulutik imaalu Ikajuqhiqtauvikhait ihuaqhaqtauhimajuinnarnut, maliqalugit COVID qalagjuarnirmun maliktaujariaqaqtut.

QGH ihumakkut ikajuqtiujut munaqhit havakhimmaarniaqtun maliklugit COVID qalagjuarnirmun maliktaujariaqaqtut.

 

 

Havagviat Ilinniaqtuliqijikkut

Nutaat piliurningat ilihautikhanik/ kivgaqtuidjutikhangit:

K-12 Iliharviit

Tamaita Nunavunmi iliharviit pillajut taffuminga Edsby qaritaujakkut-pivikhanik ilihautikhank, nallianiitkaluaqtitlutik qanuriningani. Edsby atuqtaujukhat ikajuutikhat un'ngahiktukkut iliharnirmik tamainni iliharviinni.

Angajuqqat apiqqutikhaqarumik talvuuna Edsby, hivajainariaqaqtut iliharvingmi atan'ngujanut.

Angajuqqat havaktitlu qajimajukhat pivikhanik Edsby kajumivjangniaqtuq pidjutigiplugu amigaivjaktut aturumajut Nunavunmiut havaktun aimavingmingnit. Amigakhuktailuhi aturnahuaruffiuk una Edsby.

Aulahimaaqtun kivgaqtuutit:

K-12 Iliharviit

Malikhautikhangit atuqtakharnik aulaniaqtun aulajukharnik:

  • Qanurininga 4 – Iliharviit Kinngaini Iqalungnilu
  • Qanurininga 3 – Iliharviit Qikiqtaani, ukunaungittunut Sanikiluaq, Kinngait, Iqalungnilu
  • Qanurininga 2 – Iliharviit Kangiqlinirmi Arvianilu (Arviat nuutirniaktuq Qanurininganut 1 talvani Hivulliq, April 26, 2021)
  • Qanurininga 1 – Iliharviit Sanikiluarmi, Kitikmeoni, Kivallirmilu, ukunungaungittunut Kangiqlinirmi Arvianilu

Iliharviit atuqtipkarniaqtuq ihuaqtuq hulidjutikhakkut hivunikhaq tadja qanurinningamingnun.

Ilihalihaaqtut Nutaqqat Nutaqqaniklu Munaqhiviit

Tamaita nutaqqiqiviingit angmaumagiaqaqtun, kihiani Kinngarni hamanilu Iqalungmiutangitut.

Manikkut Ikajuutikhat Nunavunmi Ilihaqtunut (FANS)

Ilihaqtun ihuarhaijun FANSkut-pitaaqtukkut aullaarutikhamingnik maliktakhait inungnun aanniaqtailinikkut qanuriliurutikhat pitquidjutaillu CPHOmin.

  • Ilihaqtun apirhuutikhaqarutmik mighaagun aullaarutikkut, hivajaqtaaqtaa FANS-kut havagvia naunaitkutikhamingnik uvani fanstravel@gov.nu.ca.

Ihuaqhaqtauhimajut kivgaqtuutit:

K-12 Iliharviit

Talvanga Hivulliq, April 26, 2021, Arviani iliharviit nuutirniaqtut talvunga Qanurininga 1.

  • Talvani Qanurininga 1 iliharviit ukunani angmarniaqtut ubluq-tamaat ukunun iluani-iliharviinni iliharutikhanun ilihaqtunun Ilihalihaaqtunin talvunga Puqtujunun 12nun, tallimani ubluni havainirni.

Umikhimaniaqtun/Nutqaqtitauniaqtun/Taimaaqtitaujut ikajuutikhat:

K-12 Iliharviit

Kinngaitmi Iqalungni iliharviit umikhimaniaqtut iliharvingni ilihaidjutini talvunga naunaijarutaanun.

  • Talvani Qanurinningani 4mi, tamaita iliharutikhat havaktauniaqtun ungahiktukkuuqtukkut. Tamaita iliharviit umikhimajun ilihaqtunun, havaktinun inungnullu. Iliharviup havaktiita uqarviigiqattaqpangniaqtait hivajautikkut tamaita ilihaqtut.

Ilihalihaaqtut Nutaqqat Nutaqqaniklu Munaqhiviit

Kinngaini Iqalungnilu nutaqqiqiviit umikhimaniaqtut tuhaqtitautinnatik.

 

 

Havagviat Havaktuliqijitkut

Aulahimaaqtun kivgaqtuutit:

Aujami Ilihaqtuni Havangnikkut Aajjigiiktittinirmut Pinahuaruti Aullaniaqtuq

Nunavut Kavamatkut (GN) 2021 Aujami Ilihaqtuni Havangnikkut Aajjigiiktittinirmut Pinahuaruti (SSEEP) aullaniaqtuq.

Nunallaani aanniaqtuqaqtuni COVID-19 qalagjuarnirmik, havaktikhaqhiuqtun ilihaqtunik naunaiqtauniaqtun atauhillaaqtarlugit.

Tamna SSEEP piliuqtauhimajuq tunihidjutikhanik Nunavunmi Inuinnarnut imaalu Nunavunmiut ilihaqtun ajuiqharvikhanik ihuaqtunik havangnirmik imaalu ajuiqharvigilugit Nunavunmi kavamatkut havagviinni. Ilagijaa GN-kut pijumajainut akhuurutigiblugu aulahimaaqtumik iliharniq pidjutikhaq inulramirnun pivalliadjutikhaat.

Havagviit uuktuutit pijauniaqtut tikitinagu Taaqhivaliavia 16, 2021. Aujami ilihaqtut havainariaqaqtut aimavingmingnit imaaluuniit kavamatkut havagviinni, pidjutiqarniaqtuq qanurinnianut havaakhap imaalu inungnut aanniaqtailinikkut maliqajakhaliuqhimajainnik.

Pinahuarutit kangiqhijumagupkit, hamungaulutit https://gov.nu.ca/human-resources/information/become-summer-student.

Apirhuutikhaqaruvin, hivajarlugu aujami ilihaqtut aulapkaijia:

Ikajuqtukhaqaqtuq

GN-kut pitquyait havaktinggit ilaitlu qinirlutik qanuq Havaktip Ilaitlu Ikajuutinut Pivinga ikajuqtaariaqhainnik hadja. Havaktip Ilainnutlu Ikayuutiqhait ilaliutilgit akiittumik hivayariami ahinutlu tuhaqtipkalimaittut hivayautaa, 1-800-663-1142, havaktiit imaalu/taapkuatluunniit ilait hivayainnariaqaqtut quyaginnak uqaqvigilugit ayuiqhaqhimayumut uqaudjimut talvuuna Nunavutim ilitariyainnik uqauhiitigut, imaalu qaritauyakkut ikayuutigiyainnik uvani www.homewoodhealth.com.

 

 

Qulliq Alruyaqtuqtunik Ikumadjutiit

Aulahimaaqtun kivgaqtuutit:

QEC-kut tuniuqhaihimaarniaqtun qajangnaittumik pauwatuutikhaniklu Nunavunmiunut.

Ihuaqhaqtauhimajut kivgaqtuutit:

QEC-kut naunairnahugitniaqtaat tatqirhiutimi akiliutikhainut Kinngaini pauwatuqpaktunut talvunga April 1-mit 30-mut akiliutikhainut hivituniani.

Umikhimaniaqtun/Nutqaqtitauniaqtun/Taimaaqtitaujut ikajuutikhat:

QEC-kut Akiliqtuijunun Munaqhijut Iqalungni umikhimalangniaqtut tuhaqtitaulraaqtinatik. Iqalungni atuqtiujut kivgaqtuqtaujut QEC-kunit Qamanittuami Akiliqtuijut Munaqtiujunit havaqatigiiktut hivajarlugu 1-866-710-4200 imaaluuniit qaritaujakkut titirarvigilugu una customercare@qec.nu.ca with apiqqutikhaqaruffi ihumaluutiqaruffiluuniit akiliqtuqtakhakkut.

 

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.