Havaktingit

You are here

COVID-19 Qalagjuarniirmun GN-kunnin Nutaanik Tuhaqtidjutait - April 26, 2021

Iipu 26, 2021

Hivuliqtip tuhaqtidjutaa:

Ublaakkut. Ublumi, unniudjiliqtugut nain 9 nutaanik aannialiqtut COVID-19 qalagjuarnirmik Nunavunmi. Aullangittuk ukuat 47nguqtun aulaliqtun aanniarutiqaliqtun nunaptingni - 42ngujut Iqalungni, pingahut Kinngarmi, malruuklu Kangiqlinirmi. 13-ngujut nakuuhijut ublumimut haffumanga aanniarunmit.

Ublumimun 15,163 Nunavunmiut kapuqhiqtut hivulirmik Moderna kapuutimik, uvalu 12,181 Nunavunmiut tamaanun kapuqhiqhimajut.

Qujagijumajatka inungnut aanniaqtailinirmut havaqatigiiktut havakpiakpaktut uumani havangnaidjutaani naunaijaqhimaaqhugit naunaijaidjutikhainnik qaniklihimajainnik aanniaqtumut, ihivriurutikhainik imaalu ikajuqhugit ihumalungnaitkutikhanik hunngiutijanginik aanniarunmut. Havakpiakpauhiit ihuaqpiaktuq qujagijaujurlu, imaalu qujagijumajapfi tamaffi havakpiakpauhiffingnik. Tamapta ilihimajugut tamaffi akhuraaluk havakpiaktaktuhi.

Qujagijavun tamaita Nunavunmiut kapurhiqtauhimajun ublumimun. Kitkunnullu kapurhiqtauhimangittunun, pijaaqtuq huli. Hivajarlugu nunallaarni munarhitkut ihuarhailutin takujaqturvingharniq. Kapuuti qajangnaittuq, qajumiktuq, nakuutqijaujuqlu ikajuutikhaqqut #COVID-19 qalagjuarnirmin. Tamapta huliluta huliyaqhaptiknik.

Apirijauguvit avalingaqqujaulutit – talvuunaluuniit naunaijaidjutikhainnik qaniklihimajainnik aanniaqtumut, imaaluuniit aullaqhimagavit Iqalungnit - aihimadjavutit unalu maliqattiaqpiarnahuarlugu. Taimailiuqtukhaujutit maliqattiarlutit. Munarijakhatit ilvit taimailiurlutit nunallaptingnut ikajuutikharnik. Ikajuqtaujaraqaruvit imaaluuniit ikajuqikhailiuruvit, apirilugit ilanatit, ilatit imaalu havaktit hivajaqtut ilingnut naamagiakharnik naunaijaijut. Aihimadjavutit, pulaaqtiqaruirlutit imaaluuniit pulaaqtailutit inungnut, qajagijukhaujutit.

Taimaatut pivakhugu, Nutqaqtinniaqqara taimaa - Ivjarutihimalutit. Uarlugin algatin. Ahiqpaniillutin 6sinik itigaup-aktilaanginnik aallanin aniiruvin. Aihimaraanginnarhuarlutin. Kapuqhiriaqtudjavutit.

Munariluhi qajagiluhilu.

 

Minista Aanniaqtailinkkut Havagvianin nutaaq-tuhaqtitaqhaa:

Anginiqaqtuq aullaqtirlugit uublumi naunaijattiarlugilu. Inullaat naunaiqtauhimajut aannialiqtun Tallimiunmi unnuktumi Kangiqlinirmi naunaiqtaungittut aktuqtauhimajut qaniklijauhimajut aanniaqtunut tingmitat aullariiktitlugu Iqalungnit.

Itquumangittuq uqaruhuktunik tapuat inuit aullaqtut Iqalungnit utaqqiplugit COVID qalagjuarnirmun ihivriuqtaudjutitik qanurittaakhainik. Pidjutiqaqtut qilamik ihuaqtumiklu naunaijaidjutikhainnik qaniklihimajainnik aanniaqtumut atuqtakhat, imaalu inungnut aanniaqtailinirmut havaqatigiiktut tapkuat avalingaaqtitauliqtun, ihivriuqhiqtaujut imaalu naunaiqtaujut qilamik. Quanaqut ilaujunut tamainut.

Taimaittumik, ilihimajunga inuit nunallaani iqhiuktut, puiguqtailuhi maliqajakhat imaalu inungnut aanniaqtailinikkut maliktaujarialiit atuqtakhaliuqhimajut aannialiqtailitikhavut. Maliktakhahilu tamaffi.

Una havainiq Kanadami Kapurhirnikkut Havainiq, imaalu upautivikhaffingnik naunaijaidjavuhi kapuirhirvikharnik. Qanuqtut ikajurumaguvit aannialiqtailitikharnik COVID-19 qalagjuarnirmun Nunavunmi,kapuirhidjavutit imaalu maliqalugit tamaita inungnut aanniaqtailinikkut maliktaujarialiit. Tamapta maliqatigupta maliktakhanik, tamapta qangiutiniarmijugut.  

 

Atanilluaq Inungnun Aanniaqtailinikkut Havaktimin Tuhaqtidjutaa:

Ublaakkut,

Amaigaittut aallanguqtiutaujut kingulirmit tuhaqtidjutaanit Tallimiunmi.

Tallimiunmi, tunihijugut tuhaqtidjunmik taffumuna Canadian North Flight 239 Iqalungnit Kangiqlinirmut, Yellowknife-mut hamungalu Edmonton. Ilihumajunga tamaita nunallat ihumaluktut taphapkuat tingmiqataujut aullaqtut aallanut nunallaanut piqangittuq naunaiqtauhimajunik aannialiqtunik uumani tingmijunik Kanadami. Puiguqtaulutit, kinaliqqak aullaqtukhat Iqalungnit hamangalu Kinngait avalingaqtukhaujut tikitamingnut nunami, imaalu unaikiglitauniaqtuq hiamitiutanut nunamingni.

Havangnaititlugu, tunihijugut ihiovriuqtaujukhanut tuhaqtitidjunmik kinaliqaak talvanihimajunut Chartroom Lounge ubluani April 14. Kinaliqaak talvanihimajuq taffumani ubluani, niuvvigiaktuqhimajut havaktitluuniit, hivajaqtukhaujut COVID hivajautaanut ihuaqhailutik ihivriuqtaudjutikhamingnik. Taimailiuqtugut naunaijaidjutikhainnik qaniklihimajainnik aanniaqtumut imaalu ihivriuqtaujut naunaiqtauvaktun qajangnarianik taffumanga najugaanit taffumani ubluani. Naunairutauhimajuq imaatut 20%-ngujumik tadja Iqalungni COVID-19 qalagjuarnirmun aannialiqtunun.

Una havangnaittumi naunaiqhijugut B.1.1.7 aallatqiiktut ilangit aannialiqtun nunalipaami imaalu ukpirijaujut aanniarutaa hangujuq Iqalungni. Una aanniarutaa hiamitiqtaatqijauniarunaqhijuq qilamik hivullirmit aannialaqidjunmit. Taimaittumik hiamitirninga anginiqatqijaujuq inuit maliqajukhat inungnut aanniaqtailinikkut maliktaujarialiit. Taimaittumik, tadja maliqatqujaujut ikajuutauniaqtun hiamitiqtailitikhanik qanurininga aanniarutim inuit maliqattiarumikik atuqqujaungittut.

Tadja qaujihaidjutit takunnaqtun tamna Moderna kappuuti ihuaqpiaktuq aannialiqtailitikhanut haffuminga aanniarunmik, akhuukhajatka inuit tamaita kapurhirvikhamingnik ihuaqhaujukhat, aannialiqtailitikhaqqun COVID-19 qalagjuarnirmun.

Naunaittiarumajatka aullarnikkut pitqiujaungittut Iqalungni. Kapuiutikhat naamanahuaqtunik pinahuaqhimajugut imaalu ihariagijaukpiaktunun aullarniq nutaqtitaujukhaungittuq imaalu inuit utiqtukhat nunamingnut, tamaita iluani-Nuavunmi ihariagijaungitunut aullarniq talvunga talvanga Iqaluit pittailijaujuq iikittunut pitqujaungittunut. Ilaungitkuvit tapkununga aanniarnikkut aullaktukat, ihariagijaukpiaktut havaktit imaaluuniit utiqtukhat unamingnut, aullaqtukhaungitutit imaalu kiliqhijukhaujutit akiliqtakhamik pitqujauhimajunut tingmiguvit.

Amihunut aullaqtaaktut angiqtauhimajut Iqalungnit Iqalungutluuniit ataani titiraqhimajut naunaiqtauhimajut talvunga talvanga Iqaluit ilaungittunut pittailijaunut avalingaqtukhaujut tikitkumik nunamingnut. Avalingangitkuvit aniguvit humutliqaak akiliqhijukhaujutit akiliqtakhamik. ihariagijaukpiaktut havaktikhat avalingaqtukhaujut naunaiqtauhimajunik havakmingnut angirunmi. Tukiqaqtuq imaatut ivjatunmik tuqtukhaujutit anijagaigumik najugamingnit. Havagiaktuqtukhaungittut aimavingmingnit. Piqittilimaitkumik niqikhamingnik niuvvajukhamik, niuviriaktuqtaaktut atauhiinarmik havainirmi imaatut 14ni ubluni avalingaarvingmingni.

Mihingnautiqaliruvit, hivajadjavutit COVID hiovajautaanut ihivriuqtaudjutikharnik. Una maliqattiaktakhaujuq. Inuit aniaqattaqtukhaungittut imaaluuniit havagiaktuqtukhaungittut aanniarumik. Mihingnautait ingattakpiajuittut ilangit. Mikijumik iggialiuruvit, kakkiliqtalutit, niriumayungnaiqlutit, nukitit ulurianaqhilutik, unaguhuklutit aqiaruqliuqlutillu. Ingattaqhimajumik mihingnautit ilaujut niqit tivjaiqhutik naimanaiqhutiklu kidjakhutiklu. Aanniangaliruvit, hivajarlutit munaqhinut imaaluuniit COVID hivajautaanut.

Himaitirninga pittaaqtuq hivuagut mihingnautiqaliqtinatit, naunaiqhingitkuvit imaaluuniit ihivriuqtaungitkuvit, amigaitqijat inuit aannialirniarunaqhijut. Tamapta havaqatigiiiktukhaujugut. Aanniaruvit, ilvit piniaqtangittutit. Aanairut hiamitirungni, piniaqtangittutit. Aannialaqidjut takunnaittuq ilihimannaiturlu aktuqtauhimajakharnik kihimi aanniangaliruvit mihingnautiqaliruvit imaalu nanniarunaqhijut 14ni ublut aktuqtauvingnit. Pihuqhaarijakhaitutit, hiamitiqtailinahuarlugit piqpagijarnut.

Kingulirmik, puiguqtailutit ivjarunmik atuqpaktukhaujut Kangiqlinirmi imaalu ilaujut taxi-kuruvit. Taxit uhittirviujukhaungittut inungnit amihunit igluqatigiiktunit.

Quana.

 

 

Ilakhannik Nuanvut Kavamanga (GN) akhuurutigijaat munarittiarutikhannik Nunavummiut qajangnautaanut aanniarutip Qalagjuarniq-19, GN-kut Havagviit atuliqtait hapkuat:

Havagviat Aanniaqtailinirmut

Tamainnun nutaanik naunaitkutinik ikajuutiqhallu talvuuna COVID-19 qalagjuarnirmun Nunavunmi, hamungaulutit: https://www.gov.nu.ca/health/information/covid-19-novel-coronavirus

Nutaanik kangiqhidjutikhanik tadjamin inungnun aanniaqtailinikkut kiklikhainnik, hamungaulutin: https://www.gov.nu.ca/health/information/nunavuts-path

Naunaittiarutikhat kapurhirvikhatigut talvungaulutit: https://gov.nu.ca/health/information/covid-19-vaccination

 

Qalagyuarnirmun COVID-19 aannialiqtut qanurinniit: April 26

Atauttimun ihivriuqtauyut

Attautimut naunaiqtauhimajut aannialaqihimajun

Attautimut aannialaqihimajun

Attautimut nakuuhijut aanniaruiqtun

Tuqujut

Attautimun inuit munarijaujun

Tadja inuit munarijaujut

11,484 464 47 413 4 8,405 504

* Aannialiqtut Aannialirnahugijunutlu ilaujut tapkuat nunarjuami aanniaqtunut naunaijautit. Inuit maliktaujunut ilaujut inullaat naunaittunik mihingnautiqaqtut aanniaqtunut qanikhimagumiklu ukuallu ilangit inmingnik-munarijut imaaluuniit ingmingnik-avalingarnirmik. Tamaitaungittut mihingnautiqaqtut imaaluuniit ihivriuqtaujariaqaqtut.

*Kinguvaniaqtut uniudjutit kihiatitautillu aanniarutikkut Hivuraani Kanata. 12 aannialiqhimajut naunaiqtauhimajut ahiani Nunavunmit angilraqtitaujut nunagijainnut Nunavunmut. Ukuallu ilaujut pingahut 3 tuquhimajut. Tamaitaungittut Nunavunmiutat NU nunaqaqtut aannialiqhimajut COVID-19 qalagjuarnirmun naunaiqtauhimajut ahianiititlutik avikturnianit angilraqtitaujut Nunavunmut.

COVID-19 Kappuutit Havautit: April 26

Hivulliqpaat kapuutikhat atuqtauyun Tugliit kapuutikhat atuqtauyun Atauttimun kapuqhiqtauyut munariyauyut
15,163 12,181 27,344

*Atauttimun kapuutikkut kapuqhiqtut nutaanguqtiqtauraanginnaqtun kihimi ikitqijauttaaqtun piqpiarutaanin amigaitilaanganin.

COVID-19 qalagjuarniq nunallaani aanniaqtut qaffiutilangit: April 26

Nunallaami

Aanniarutiqaqtun COVID-19 hiamitirninganik

Naunaiqtaujut COVID-19 qalagjuarniq Aanniaiqtut ippakhaq

Naunaiqtaujut COVID-19 qalagjuarniq Aanniaiqtut ublumi

Aallanguqtut aanniaqtut nampait +/- ippakhamit

Huiqtut

Nakatqiqtut aanniaqtut

Attautimut aannialaqihimajun

Iqaluit Aullaranginaktukhat 54 63 9 0 21 42
Kinngait Aullaranginaktukhat 4 4 2 0 1 3
Kangiqliqniq Aullaranginaktukhat 2 2 0 0 0 2
Arviat uumanga 339 339 0 1 338 0

Tikirarjuaq

uumanga 23 23 0 0 23 0

Kangiqliniq

uumanga 19 19 0 0 19 0
Sanikiluaq uumanga 2 2 0 0 2 0

ATAUTTIMUN

  443 452 9 1 404 47

Qaujihaqtaujut qaffiujut ublumimut nunallami: April 26

Nunallaami 

Qaujihaqtaujut aannialiqtut

Qaujihaqtaujut aanniangittut

Iqaluit 63 773
Kinngait 4 99
Arviat 339 2883

Tikirarjuaq 

23 352

Kangiqliniq 

21 399

Sanikiluaq 

2 202

ATAUTTIMUN

452 4708

Avaliingaqtut inugiangningit: 

Aullaaqtuq Qanurittumik

Inuit Avaliingaaqtitaujun talvannga April 25

Daaktiliaqtut

329

Inuit

274
EMTI 38
Igluqpiliurnikkut 38

Attautimut

679

Aullaqhimajun utiqtun naunaijautaa:

Aullarvia Ublua

Amigaitilaangit 
24-Qitiqqautiyuq  1
25-Qitiqqautiyuq  36
26-Qitiqqautiyuq  50
27-Qitiqqautiyuq  39
28-Qitiqqautiyuq 41
Attautimut 167

Ihariagijauqpiaqtuni Havaktini Tukhirutin:

Talvannga April 26, pilik 15,451 piumajaujut, 7,689 ngujun ihariagijauqpiaqtuni havaktiit piumajaujut.

Tukhiutait Qanurinniit

# %

Angiqtaujut (ilaujun ihariagijauqpiaqtun ihariagijauqpiangittullu)

11,749 76.0%

Qin’ngijaujun

307 2.0%

Ihumaliuqtaujun huli

471 3.0%

Aullauvilluarvigijainni Nunat Aagiqtauhimayut

2,927 18.9%

Attautimut

15,451 100%

 

 

Havagviat Ilinniaqtuliqijikkut

Nutaat piliurningat ilihautikhanik/ kivgaqtuidjutikhangit:

K-12 Iliharviit

Pitqujauhimajut Atanilluaq Nunalaani Aanniaqtailinikkut Havaktimit, Kangiqlinirmi iliharviit aullajunaittut Qanurinninga 2.

Ublumi, Hivulliut, April 26, 2021, Arviarmi iliharviit nuuniaqtun talvunga Qanurinninga 1 imaalu atulirniaqtat Qanurinninga 1 qanuriliurutikhat upalungaijautit.

Aulahimaaqtun kivgaqtuutit:

K-12 Iliharviit

Hapkuat qanurinninga atuqtauhimmaarniaqtun:

  • Qanurinninga 4 – Iliharviit Kinngait hamanilu Iqaluit.
  • Qanurinninga 3 – Iliharviit Qikiqtani, tapkuangungittut Sanikiluaq, Kinngait, unalu Iqaluit.
  • Qanurinninga 2 – Iliharviit Kangiqlinirmi.
  • Qanurinninga 1 – Iliharviit Sanikiluaq, Kitikmeoni, hamanilu Kivallirmi, hamaniungittuq Kangiqlinirmi.

Iliharviit atuqtipkarniaqtuq ihuaqtuq hulidjutikhakkut hivunikhaq tadja qanurinningamingnun.

Ilihalihaaqtut Nutaqqat Nutaqqaniklu Munaqhiviit

Tamaita nutaqqiqiviingit angmaumagiaqaqtun, kihiani Kinngarni hamanilu Iqalungmiutangitut.

Manikkut Ikajuutikhat Nunavunmi Ilihaqtunut (FANS)

Ilihaqtun ihuarhaijun FANSkut-pitaaqtukkut aullaarutikhamingnik maliktakhait inungnun aanniaqtailinikkut qanuriliurutikhat pitquidjutaillu CPHOmin. Ilihaqtun apirhuutikhaqarutmik mighaagun aullaarutikkut, hivajaqtaaqtaa FANS-kut havagvia naunaitkutikhamingnik uvani fanstravel@gov.nu.ca.

Ihuaqhaqtauhimajut kivgaqtuutit:

K-12 Iliharviit

Ublumi, Hivulliut, April 26, 2021, Arviarmi iliharviit nuuniaqtun talvunga Qanurinninga 1 imaalu atulirniaqtat Qanurinninga 1 qanuriliurutikhat upalungaijautit.

  • Talvani Qanurininga 1 iliharviit ukunani angmarniaqtut ubluq-tamaat ukunun iluani-iliharviinni iliharutikhanun ilihaqtunun Ilihalihaaqtunin talvunga Puqtujunun 12nun, tallimani ubluni havainirni.

Umikhimajut/Taimaaqtihimajut/Nutqaqtihimajut hulidjutit:

K-12 Iliharviit

Kinngaitmi Iqalungni iliharviit umikhimaniaqtut iliharvingni ilihaidjutini talvunga naunaijarutaanun.

  • Talvani Qanurinningani 4mi, tamaita iliharutikhat havaktauniaqtun ungahiktukkuuqtukkut. Tamaita iliharviit umikhimajun ilihaqtunun, havaktinun inungnullu. Iliharviup havaktiita uqarviigiqattaqpangniaqtait hivajautikkut tamaita ilihaqtut.

Ilihalihaaqtut Nutaqqat Nutaqqaniklu Munaqhiviit

Kinngaini Iqalungnilu nutaqqiqiviit umikhimaniaqtut tuhaqtitautinnatik.

 

 

Havagviat Inulirijitkut

Ihuaqhaqtauhimajut Kivgaqtuidjutikhat:

Kangiqlinirmi Nutarat Munaridjutikhangit

Ihumaaluutiqaruvit qajangnaittumik inuuhiringnaqtumiklu nutaranik imaalu/imaaluuniit inulramiinik hivajarlugu Nunalaani Inulirijitkut Havaktinun.

  • Ilagiinut Inuuhirittiarnirmun (CSSW): 867-645 5064.
  • Amigaqhuutaujunut Havaktiujuq (CSSW) 867-645 7608.
  • Ilagiinut Inuuhirittiarnirmun Atan'ngujat 867-645 6547.
  • Nunavunmi-tamaini hivajautait nampangit: 1-844-FW-CHILD (1-844-392-4453).

Ihumaalutiqaguvit ikajuktiujunik nutarangnik inulramiinikluuniit pihimaaqtun uqagiaqaruvitluuniit ihuaruhungitumikluuniit iliqatigijaangat, hivajarluta uvani 1-855-522-5201 qaritaujakkutluuniit titirarluta uvani PublicRelationsFS@gov.nu.ca.

Uqaqatigijaami Palihimatkut, hivajadjavan 867-645-1111.

Ikajuuhialiqijitkut Palihimatkutlu hivajautait naunairutit tamangni nunalaani nalvaaqtaugiaqaqtun talvani Inulirijitkut Inuuhiringnikkut havagviani talvani qaritauyaliqidjutainik uvani https://www.gov.nu.ca/family-services/information/child-protection.

Pulaarnirmik Kangiqlinirmi Munaqtaujut Aimavianut

Atanilluaq Nunalaani Aanniaqtailinikkut Havaktimit uqautijait inungnut Kangiqlinirmi aihimatqujaujutimaalu ikiglinahuarlugit inungmiutqungittugit ilagingitamingniklu iglumiuqatigingitamingnik, maliqalugit, pulaarumajut Kangiqlinirmi Katimajunut Munaqtauvianut ppulaaqtitaulimaittut tadja.  

Kangiqlinirmi Ikajuuhialiqiviit Avikturviani Hivajautait Naunairutikhangit

Kivalliq: Akiituq Hivayaut 1-800-953-8516 naqitlugu. 1604.

Kivallirmi Avikturnianni Havagviat: 1-867-645-5040 naqitlugu. 1602 imaaluuniit naqitlugu. 1600.               

Kangiqlinirmi Havaakhanun Pivalliarmun Naunaitkutit

Kivalliq: 1-800-953-8516 ext. 1611.

Inirniit Ilihaqtut unalu Ajuiqhautikhanut Ikajuutikhat (ALTS) ilihaqtut atiliuqhimajut ilihaqtakhani Kangiqlinirmi akiliuhiaqhimmaarniaqtut iliharnikkut ikajuhiakhamingnik nunguanut maniliurnirmut ukiungani.

 

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.