Havaktingit

You are here

COVID-19 Qalagjuarniirmun GN-kunnin Nutaanik Tuhaqtidjutait - Qitiqqautiyuq 20, 2021

Iipu 20, 2021

Hivuliqtiup nutaaq ilitturipkaidjutaa:

Ublukkut. Ublumi, unniudjiliqtugut talimanguqtun nutaanik aannialiqtut COVID-19 qalagjuarnirmik Nunavunmi. 33nguqtun aulaliqtun aanniarutiqaliqtun nunaptingni - 31nguyut Iqalungni malrutlu Kinngaitmi.

Ublumimun 14,393 Nunavunmiut kapuqhiqtut hivulirmik Moderna kapuutimik, uvalu 11,282 Nunavunmiut tamaanun kapuqhiqhimajut.

Ilihimayunga nalunaqtuq hadja qanuriliuliqtun, kihimi apigiyunga inungnun tamainun amiqhiyuirluhi aulahimaaqlutiklu ayungnaitumik.

Piqaqpakhimayugut tukhiqpakhimayut umiquplugit milviit tamaitalu tingmiyukhaungitun talvunga ausaimunlu allanun nunalaanun. Naunaiyaiyumayunga una atugiaqangituq ihuaqhaidjutikhaq - ihumaliurutiqarman huuq katitiqatigiyaangat allanun pigiaqaqtukhauyuq. Kivgaktiluangit ikayuutikhangit, amigaqhuutikhangit qayangnairutikahrnik atuqtun aanniaqtailiqinikkut amigakhuutikhangit allatlu hunavaluit.

Kihiani, aullagakhaittunut tingmitikkut pitqujaungittut. Itqaumaquyahi tingmigiaqangitkuvin hadjanuaq, tingmihuigit. Ayungnaituq taima, hadja hanaqidjutigiyatin ayungnautiqarniarman inungnun inuuhiringit.

Talvangalu, Iqalungmiitkaluaguvit utigiaqaguvitlu nunalaaptingnik talvuuna Qitiqqautijuq 7mi, avaliingaqtukhauliqtutin 14nik ublurnik. Niuvagiaqtailutin niqikharnik, hanguhuirlutin, uuktuguirlutin taima. Akhurnangituq taima, atuqtakhagiliqtan atuquyauyuq. Ayungnautitiguirlugu nunalaatin.

Nunavunmiut, hadja atugiaqangituq uqamaluktailuhi qanuq COVID-19 Qalagjuarniq tikiutihimayuq nunaptingnun kinaluuniit aanniarutiqagungnaqhiyuq. Hadja hiamitigiaqangitutin itqumangitunik naunairutingnik iqhitaagiyaangat inungnik uqaqhimayainik taima itqumangitunik. Tadja piyakhaungituq pinaguhinirmun, quvianairutikharnik allanun inungnun.

Quviahulukaanginaqta, pidjagikhimaluta allanun malikhautinahuarlugit tamaita atuquyauyut inungnut aanniaqtailinikkut maliktaujarialiinik. Kapukhiqtaungitkuvin - ihuaqhaitiqturlutin kapurvikharnik! Atugiaqangitutin iqhiuqhimaitumik kihiani upalungiaqhimayukhauyutin.

Qajagivaklutit. Ivjarutihimalutin. Uarlugin algatin. Inungmiuligaiguvit qaniklinahuaqtailugit siksinik ungahiktilaaqhimaluhi allanin inungnin hilamiitkuvin. Aihimavaglutit pijuminaqqan. Kapuqhiriaqtudjavutit.

 

Minista Aanniaqtailinkkut Havagvianin nutaaq-tuhaqtitaqhaa:

Ublaakkut. Ublumi, ilitagitquyaga uvani havainirmi Havautiliqiyut Qauyihaiviit Ayuittiagiikhimayut Havainirmi.

Talvuuna Nunavut Kavamangitni, uqallagumayunga quyahuutikharnik qauyihailiqiyunik havaktinun, havakhimaanginaqtun unaguhukhimaitumik, kihimi havakhimaanginaqtun ubluqhiutitigun kaivikhugu aulaliqtiluni aanniarutiryuaq aipaanganin. Havakhimaaqtangit havattiaqtangitlu akhurnatqiyauyuq hivunikhaliurutikhaq talvuuna COVID-19 Qalagjuarniq kiudjutikharnun. Quana!

Uqallagumayungalu ilangit Hivuliqtim uqaqpakhimayaingit. Akhurnaqtuq tamaptingnun - tamapfi - itqaumanahuaqtukhauyuhi qayangnainahuarluhilu inungnut aanniaqtailinikkut maliktaujarialiit. Imailiuqtukhauyugut nunalaaptingnun, ayungnagaluaqtiluni.

Ayungnautiqaliguvit, avaliitutun iinaliguvit, katitirvikhairuvit allanun ihumaluliguvitlu, ihaarlutin allanun ilanagiyangnin, ilagiyarnik, talvuungalu Nunavut Kamatsiaqtut Hivayautaanun uvani 1-800-265-3333 uvaniluuniit Isaksimagit Inuusirmi Kataujjiqatigiit Iqihimalugu Inuuhit Katimayiinun uvani 1-866-804-2782 uvaniluuniit www.inuusiq.com.

 

Atanilluaq Inungnun Aanniaqtailinikkut Havaktimin nutaaq-tuhaqtitakhaa:

Ublukkut

Ipakhaq qauhimaliqtugut malrungnik aanniarutiqaliqtunik COVID-19 Qalagjuarniq Kinngaitmi. Ilihimagaluaqtiluta malrunguyut inuit qimakhimayut Iqalungni aulatinani hivulliuryut aanniarutiqaliqtuq Iqalungni ihivriuqtauyaqtinani, aulavikhanga inikhanga naunaiyaluaqhimainman katitirutikharnik akunnganiitunik ukuninga aanniarutiqaqtun naunaiyagiikhimavakhimayut Iqalungni. Ublaaq havagiikhimaliqtugut atuqtainik katitirutikharnik hiamitirvigihimayaini Iqalungni, kihiani naunairutiqarniaqtuq amigairyumirutiqaqtun ayungnautikharnik ilitugipkakniaqtun COVID-19 Qalagyuarniq aanniarutmik allanun nunalaani Qikiqtaalukmi.

Ublumimun, Kinngaini, tamaita ihariagiyaungitut kivgaqtuutit kavamatkullu havagviit umiktughat. Iglup iluani katimayut kikliqarlugit iglumiutat ilaliutiyut talimanik, qilamiunikkut pidjutainarnun, hilamilu katimayut kikliqaliqtut talimanik inungnik. Tamaita iglut iluanni katimapkaijumajut inungmiudjutit pitqujauhuiqtut. Iliharviit nuutiqtauyut Qanurininganun 4mun, nutaqiqiviilu umiktughat.

Aulaniaqtuq aqagu, aulaaqtukharnik talvunga aihinunlu Kinngaitmi, ilauyurlu nunakkut atuqtauyukhaungituq. Inuk kituliqaak aulagumayut talvunga aihininluuniit Kinngaitmin angirutiqaqtukhauyut uvamni havagvimni. Qaritauyakkkitl CPHOtravelrequests@gov.nu.ca, angirutikharnik tingmigiaqaqtun ikiniaqtun kivgaluaqhimayunik talvatuaq.

Talvani tamaini aalani Qikiqtaalungmi nunallaat, iglut iluani kikliqaqlugit iglumiutat amigainirhaq talimat, aalanin iglunin, unalu tallimanik, allanin igluqaqtuni. Iglup iluini katimayut ulapqivingni, katimaqyuaqviit, kavamatkut havagviit, Inuit Katimayiit haamlangillu kikliqaliqtut 25nik inungnik 50pusalluuniin naunaiyaqhimayut inugiangnighait, kitu ikitqiangukpat. Hilami katimapkaijut kigliqaqtut 25nik inungnik. Iliharviit nuutiqtut Qanurininganun 3, nutaqiqiviilu angmaumayut.

Nuutaanik aanniarutiqaliqtun Kinngaitmi ihumaluutiqarniaqtun taima anginirmik ayungnautiqarniaqtun hiamitigianganik Iqalungnin. Akhut atuquyunga allanun inungnun malikhautikhat inungnut aanniaqtailinikkut maliktaujarialiit, qanirnun qangatlu ivyarutit atuqtauyukhat inungmiuligaiguvit aihimaluhilu aninahuaqtailuhi.

Pingahunik aanniarutiqalirmiyut Iqalungni. Tamaita nuutaanguyut aanniarutiqaliqtun katitirutiqaqhimayut talvanga naunaiyalihaaqhimayunik aanniarutiqaqtunik Iqalungni.

Aannialiguvit akuktauhimayutinluuniit COVID-19 Qalagjuarniq, hivayarlugu hivayautit uvani 1-888-975-8601 naunaiyaiyaangat taima ihiviuqtaugiaqaguvit. Hivayaqtailugu munarhitkut aanniarvingitluuniit taimailiuquyauqtaaqtinatin.

Hadjamimun, tingmiyukhat aanniaqtun Iqalungni, itqumagitavut atugiaqangitun uuktuutikharnik talvani Kivallirmi Kitikmeotmilu. Kihiani, amigaitilaanganik atuqtakharnik qayangnairutikharnik, qanirnun qingaknun ivyarutit atuquyauhimaaqtun Kangiqlinirmi.

Munagihimaaqtavut qanuriliuqtunik huli, nuutaanguqtitiniaqtavut uuktuutikhat allani nunalaani taimailiugiaqagumik.

Quana.

 

 

Ilaupluni Nunavut Kavamanga (GN) havagutainnik hapumminikkut Nunavunmiunnik talvannga qajangnarnirmin COVID-19 qalagjuarnirmin, GN-kunni Havakviit atuqtipkaliqtait hapkuat:

Aanniaqtailinikkut Havagvia

Tamainnun nutaanik naunaitkutinik ikajuutiqhallu talvuuna COVID-19 qalagjuarnirmun Nunavunmi, hamungaulutit: https://www.gov.nu.ca/health/information/covid-19-novel-coronavirus

Nutaanik kangiqhidjutikhanik tadjamin inungnun aanniaqtailinirmun, hamungaulutin: https://www.gov.nu.ca/health/information/nunavuts-path

Naunaittiarutikhat kapurhirvikhatigut talvungaulutit: https://gov.nu.ca/health/information/covid-19-vaccination

 

Qalagyuarnirmun COVID-19 aannialiqtut qanurinniit: April 20

Atauttimun ihivriuqtauyut

Attautimut naunaiqtauhimajut aannialaqihimajun

Attautimut aannialaqihimajun

Attautimut nakuuhijut aanniaruiqtun

Tuqujut

Attautimun inuit munarijaujun

Tadja inuit munarijaujut

10,549 428 33 391 4 7493 254

** Aannialiqtut Aannialirnahugijunutlu ilaujut tapkuat nunarjuami aanniaqtunut naunaijautit. Inuit maliktaujunut ilaujut inullaat naunaittunik mihingnautiqaqtut aanniaqtunut qanikhimagumiklu ukuallu ilangit inmingnik-munarijut imaaluuniit ingmingnik-avalingarnirmik. Tamaitaungittut mihingnautiqaqtut imaaluuniit ihivriuqtaujariaqaqtut.

*Kinguvaniaqtut uniudjutit kihiatitautillu aanniarutikkut Hivuraani Kanata. 12 aannialiqhimajut naunaiqtauhimajut ahiani Nunavunmit angilraqtitaujut nunagijainnut Nunavunmut. Ukuallu ilaujut pingahut 3 tuquhimajut. Tamaitaungittut Nunavunmiutat NU nunaqaqtut aannialiqhimajut COVID-19 qalagjuarnirmun naunaiqtauhimajut ahianiititlutik avikturnianit angilraqtitaujut Nunavunmut.

COVID-19 Kappuutit Havautit: April 20

Hivulliqpaat kapuutikhat atuqtauyun Tugliit kapuutikhat atuqtauyun Atauttimun kapuqhiqtauyut munariyauyut
14,393 11,282 25,675

*Atauttimun kapuqhiqtauyut munariyauyut ublumimut ihuaqhaqtauyut pidjutihimmaanginaqhugulu, kihimi ikitqiyauniarungnaqhiyut pidjutiyuni kihiqtitiqhimayuni.

COVID-19 qalagjuarniq nunallaani aanniaqtut qaffiutilangit: April 20

Nunallaami

Naunaiqtaujut COVID-19 qalagjuarniq Aanniaiqtut ippakhaq

Naunaiqtaujut COVID-19 qalagjuarniq Aanniaiqtut ublumi

Aallanguqtut aanniaqtut nampait +/- ippakhamit

Huiqtut

Nakatqiqtut aanniaqtut

Attautimut aannialaqihimajun

Iqaluit 28 31 3 0 0 31
Kinngait 0 2 2 0 0 2
Arviat 339 339 0 1 338 0

Tikirarjuaq

23 23 0 0 23 0

Kangiqliniq

19 19 0 0 19 0
Sanikiluaq 2 2 0 0 2 0

ATAUTTIMUN

411 416 5 1 382 33

Qaujihaqtaujut qaffiujut ublumimut nunallami: April 20

Nunallaami 

Qaujihaqtaujut aannialiqtut

Qaujihaqtaujut aanniangittut

Iqaluit 31 235
Kinngait 2 Pilimaittuq
Arviat 339 2883

Tikirarjuaq 

23 352

Kangiqliniq 

19 399

Sanikiluaq 

2 202

ATAUTTIMUN

416 4071

Avaliingaqtut inugiangningit: 

Aullaaqtuq Qanurittumik

Inuit Avaliingaaqtitaujun talvannga April 20

Daaktiliaqtut

362

Inuit

220
EMTI 68
Igluqpiliurnikkut 78

Attautimut

728

Aullaqhimajun utiqtun naunaijautaa:

Aullarvia Ublua

Amigaitilaangit 
20-Qitiqqautiyuq  66
21-Qitiqqautiyuq  59
22-Qitiqqautiyuq  78
23-Qitiqqautiyuq  41
24-Qitiqqautiyuq 1
Attautimut 245

Ihariagijauqpiaqtuni Havaktini Tukhirutin:

Talvannga April 19, pilik 15,139 tukhirutit, 7,510ngujun ihariagijauqpiaqtuni havaktini tukhirutit.

Tukhiutait Qanurinniit

# %

Angiqtaujut (ilaujun ihariagijauqpiaqtun ihariagijauqpiangittullu)

11,440 75.6%

Qin’ngijaujun

304 2.0%

Ihumaliuqtaujun huli

466 3.1%

Aullauvilluarvigijainni Nunat Aagiqtauhimayut

2,927 19.3%

Attautimut

15139 100%

 

 

Havagvia Maligaliqiyitkut

Aulahimaaqtun kivgaqtuutit:

Havaktuliqinirmut Atuqtakhainut Katimayiit

Havaktuliqinirmut Atuqtakhainut Havagviat uqarviunginariaqaqtuq hivajautikkut nallianut nampainnut:

  • Hivayautaa 1-867-975-6322.  
  • Akiitukkut: 1-877-806-8402.    
  • Kayumiktukkut: 1-867-975-6367.

Havagvik hailijuq huli kiulugit apiqqutainnik Nunavummiut pidjutiqaqtunik talvuuna Havaktuliqinirmut Atuqtakhainut Maligaq imaalu Maliruagakait.

Ihuaqhaqtauhimayut kivgaqtuutit:

Nunamingni Maligaliqiyit

Inungmik katimaqatiqaqtukhat Nunalaani Maligaliqinikkut Iqalungni Kinngaitmilu pittailijaujut amigaqhuutaujunut kihianik inuk hivajautaitpat imaalu qajangnaittumik najuganik hivajarvikhanik kivagaqtuijunut hivajautikkut. Inuit apirijaujut hivajaquplugit upalungaikhimajumut Ilagiiktut Pimmarlungnikkut Hattumiarutikhainut Maligaq (FAIA) hivajautaanut apiqqutikhaqarumik ikajuqtikhailiurumnikluuniit aturlugu tamna hivajautaa nampaa 1-844-534-1038. Hivajautaa ihivriuqtauqattaqpangniaqtuq naunaittumik ikajuqtaujumajut tunijauniaqtut Nunallaani maligaliqijikkut Ajuiqhattiaqhimajumut ikajuqtaaktumut titiqqanik titiraqtakhainnik imaalu atuqtakhainnik.

Itiqtaliqinikkut Igluqpait

Itiqtaliqiviit atuqtipkainiqtuq qajangnaittaami maliktakhanik nutqaqtinniarhimanikkut COVID-19 Qalagjuarniq pingittaami igluqpaptingnun ingattaataangittaanganilu qajangnarniq hiamitirnia tahamaniiliqqat. Qanuriliurutikhat ittun ilaujullu nutqaqtirniq tamainnik hilami pulaarutinik ukuningalu ihariagijaungittuni upautinik. Quyagiyavut utaqqigaffi imaalu ikayuutiffingnik tuniyauyunik itiqtauhimayunit ilagiiktunillu maliqangmagit maliquyauyut qauyimagaptallu ayurnaittungittuq.

Pitjutaanin qulvahiktijuummiqtumin qajangnarnirnun pihimajun itiqtaliqivikkut, tunilimaittugun kitunik naunaitkutinik mighaagun naliinni itiqtauvingni hivunikhaliurutainnik. Kihimi, tunihiniaqtugut hapkuninga naunaitkutikhanik pidjutigiplugit atuqtakhaliurutikhangit imaatut:

  • Tamaita itiqtauyukhat tikitkaikpata piyariaqaqtuhivituniqaqtumik imaatut 14-ni ubluni itiqtauyarangata.
  • Itiqtauviit iliuraiyut aallanik algangnut uaqhitikhanik haluummaqtirutikhanik upaktauqattaqtunni nayugainni.
  • Kiudjutikhait/pihimayakhainniklu puukhimayut iliuraiviuyut algakhanik, ivjarutikhanik, akuliangnut pittailitikhanik qalakhuqtuqaqat, aannuranut qaliqtakhanik imaalu maliktakhanik naunaitkutikhanik aturnikhanut.
  • Munaqhit akhuuktut ihivriuqhiplutik itiqtauhimajunik tikittarangata itiqtauvingmut mihingnautiqariakhainnik aanniarunmik qalagjuarniq-19.
  • Amigaigyuumilugit halummaqtirutikhainnik amaliktaujariaqaqtut halummattiaqtauvagianginni qanngit amihuiqturalugillu ubluraaluk.

Apiqhuiviit Havagutit

Apiqhuirviat umikhimaniaqtuq inungnut. Apirhuivikkut atiliurvik hailihimaniaqtuq ikajurumaplugin inuit hivajautikkut qaritaukkulluunniit titirarutikkut. Atuqlugin hapkuat uqaqatigivikhakkut naunaitkutit ikajuqtaujaami.

Pidjutit ilaqaqqat ihuinaarnikkut inulrammikkulluunniit havagutikhanik, uqaqatigidjavan ihuinaarnikkut Atiliuqvik uvani 867-975-6101 uvaniluunniit ncj.criminal@gov.nu.ca.

Pidjutit ilaqaqqat inungni, ilagiiktuni nutaqqaniluunniit maligakkut havagutikhat hivajadjavin Inungnun Atiliuqvik uvani  867-975-6102 uvaniluunniit  ncj.civil@gov.nu.ca.

Taimaalu, pidjutit ilaqaqqat inungni maliktitaunikkut, hivajatjdavain paliihimajup havagvia uvani 867-975-6103 uvaniluunniit ncj.sheriff@gov.nu.ca.

Maligatigut Atiliuqtiujut

Maligakkut Atiliuqvia umikhimaniaqtuq inungnut. Inuit huli pijaaqtait hulidjutikhat uqaqtigilugin uvani 867-975-6590 titiqqilugilluunniit qaritaujakkut Corporate.Registries@gov.nu.ca.

Ajuqhaqtitauhimajunun Ikajuutiit

Ajuqhaqtitauvakhimajut Havagvia umikhimajuq inungnut tadja. Kihimi, Nunavummiut hivajariaqaqtut havagvianut hivajainnariaqaqtut Akiitukkut hivajaugtanut 1-866-456-5216 qaritaujakkut titirarvigilugit uvani victimservices@gov.nu.ca. Ikajuutikhat tunijauttaaqtut qanurinniitigut.

Akilikhivikhat Havakti

Aturnikkut Havagvik umikhimaniaqtuq inungnun. Uqarvigijumagungni Havagvik, hivajadjavan 867-975-6314 qaritaujakkut titiqqiqiluguluunniit una Rentaloffice@gov.nu.ca.

Havagviat Inungnun Munaqtiuyunut Munagiyutlu Tamayangnik Manigingniklu

Havagviat uumannga Munaqtiujunun Munagijullu Tamajanik umikhimajut inungnut. Atuqlugin hapkuat uqaqatigivikhakkut naunaitkutit ikajuqtaujaami.

Inuliqijikkut Ikajurutikkut

Inuliqijikkut Ikajurutikkut havagutin aulahimmaaqtun. Havagvik umikhimaniaqtuq inungnun. Naunaitkutikhanik pidjutiqaqtunut titraqarvikkut, uqarvigilugu 867-975-6112 akiitukkut 1-800-792-4183, qaritaujakkut titirarvigiluguluunniitfsp@gov.nu.ca.

Umikhimajut/Taimaaqtihimajut/Nutqaqtihimajut hulidjutit:

Nunallaani Itiqtaliqiviit

Una Iqalungni Nunallaani Itiqtaliqivik havagvia umikhimaniaqtuq inungnun talvunga naunaitkutaanun angmarvighaanun. Tamaita Nunallaani Itiqtaliqivikkut ikajuqtaujukhat unniqtukhat hivajautikkut atuqlugin hapkuat hivajaqtakhat:

Iqalungni:

  • Mary Jackson: 867-222-1932.
  • Lori Karetak 867-222-3541.

Kinngait

  • Rose Roswell: 867-222-9613.
  • Megan Sandoval 867-222-0390.

 

 

Inuliqijikkut Havagvia

Ihuaqhaqtauhimayut kivgaqtuutit:

Kinngait Nutaqqanun Amirijiit

Ihumaaluutiqaruvit qajangnaqhikpat inuuhiringitlu nutaranik imalu/imaaluuniit inulramiinik hivajarlugu Nunalaani Inuhiriliqinikkut Havaktinun uvani:

  • Ilaruhirnut Inuuhirittiarnirmun (CSSW): 867-222-0795.
  • Ilagiinut Inuuhirittiarnirmun Atan'ngujat: 867-222-0645.
  • Nunavunmi-tamaini hivajautait nampangit: 1-844-FW-CHILD (1-844-392-4453).

Ihumaalutiqaguvit ikayuktiuyunik nutarangnik inulramiinikluunniit pihimaaqtun uqautikhaqaruvin nanngautikhaqaruvilluunniit, hivajadjavan 1-855-522-5201 qaritauyakkulluuniit titirarlutin uvunga PublicRelationsFS@gov.nu.ca.

Uqaqatigijaami Palihimatkut, hivajadjavan 867-897-1111.

Ikajuuhialiqijitkut Palihimatkutlu hivajautait naunairutit tamangni nunalaani nalvaaqtaugiaqaqtun talvani Inulirijitkut Inuuhiringnikkut havagviani talvani qaritauyaliqidjutainik uvani https://www.gov.nu.ca/family-services/information/child-protection.

Kinngait Ikajuuhialiqiviit Avikturnianni Hivajautait Naunaitkutait

Kinngait Ikayuuhiarnikkut: 867-897-3662.

Qikiqtaaluk Avikturnianni Havagvik: 1-855-975-6580 (akiituq)

Kinngait Havaakhanun Pivallianirmun Naunairutit

Qikiqtaaluk – 1-855-975-6580.

Inirniit Ilihaqtut unalu Ajuiqhautikhanut Ikajuutikhat (ALTS) ilihaqtut atiliuqhimajut ilihaqtakhani akiliuhiaqhimmaarniaqtut iliharnikkut ikajuhiakhamingnik nunguanut maniliurnirmut ukiungani.

 

 

Havagviat Ilinniaqtuliqijikkut

Nutaat piliurningat ilihautikhanik/ kivgaqtuidjutikhangit:

K-12 Iliharviit

Talvanga Aippiut, Qitiqqautijuq 20, 2021, hapkua aalanguqtirutit atuqtaulirniaqtut:

  • Tamaita iliharviit Kinngaitmi nuuniaqtun Qanurininganun 4mun. 
  • Tamaita iliharviit Qikiqtani avikturnianni nuuttut talvunga Qanurinninga 3. ilaungituq Sanikiluaq Iqalungnilu.

Iliharviit nunallaani avikturniiniluuniin titiraqhimayut qulaani atulirniaqtait ihuaqtut hulidjutighatigut upalungaiyautit inmi qanuriniitigut.

Pidjutigiblugu qilamik tuhaqtidjut, tamaita iliharviit tuniyauniaqtut ihuangnighainik ihariagiyaukpata ihuaqhaqlugit nuutirutit Kinngaitmiitun, kitut umiktut qilamik.

Ilihalihaaqtunun Iliharviit Nutaqqiqiviillu

Talvuuna Aippiut, Qitiqqautijuq 20, 2021, Kinngait nutaqqiqiviit umikhimahimmaarniaqtun talvunga naunaijarutaanun.

Aulahimaaqtun kivgaqtuutit:

K-12 Iliharviit

Talvuuna Aippiut, Qitiqqautijuq 20, 2021mi, malikhautikhangit atuqtakharnik aulaniaqtun aulayukharnik:

  • Tamaita iliharviit Iqalungni aulahimaittut Qanuringninganni 4 hivuni naunaingniaqquq.
  • Iliharviit Sanikiluami ittun Qanurinningani 1mi.
  • Iliharviit Kangiqlinirmi Arvianilu ittun Qanurinningani 2mi talvunga naunaijarutaanun.
  • Iliharviit Kivallirmi aulahimaaqtun Qanurinninga 1.
  • Tamaita iliharviit Kitikmeonmi ittun Qanurinngani 1mi.

Kituni aturutikhakkut, iliharviit atuqtipkarniaqtuq ihuaqtuq hulidjutikhakkut hivunikhaq qanurinningamingnun.

Ilihalihaaqtunun Iliharviit Nutaqqiqiviillu

Aippiut, Qitiqqautijuq 20, 2021mi, tamaita nutaqqiqiviingit angmaumagiaqaqtun, kihiani Kinngaitmiingituni Iqalungnilu

Manikkut Ikajuutikhat Nunavunmi Ilihaqtunut (FANS)

Ilihaqtun ihuarhaijun FANSkut-pitaaqtukkut aullaarutikhamingnik maliktakhait inungnun aanniaqtailinikkut qanuriliurutikhat pitquidjutaillu CPHOmin.

Ilihaqtun apirhuutikhaqarutmik mighaagun aullaarutikkut, hivajaqtaaqtaa FANS-kut havagvia naunaitkutikhamingnik uvani fanstravel@gov.nu.ca.

Ihuaqhaqtauhimayut kivgaqtuutit:

  • Aippiut, Qitiqqautijuq 20, 2021, iliharviit Qikiqtaalukmi nuuniaqtun
  • Qanurinninganun 3, ilaulimaitun Sanikiluaq, Kinngait, Iqalungnilu.

Talvani Qanuriningani 3, ilihaudjidjuhikhait tamainut puqtuniinni tamangnik naklikitarniaqtut iliharlutik iliharvingmi ahianitlu iliharnirmik. Nukaqhiit iliharvianni ilihaqtut ilihariaqtuqpangniaqtut iliharvingmut pingahuni ubluni ataugirmi havainirmi. Akulliit angajukhiit iliharvianni ilihaqtut ilihariaqtuqpangniatut iliharvingmut malrungni ublungni atauhirmi havainirmi imaatut naglikitaarlutik iliharvikhanik ikiglinahuarlugit ilihaqatigiiktukhat. Tamarmik iliharvingmi havaktit upautivangniaqtut iliharvingmut, imaalu maliqayakhangit malikpiaktauyukhat inungmit un'ngahikhimayukhat imaalu aallanik and other health and safety meaaanniaqtailinikkut qayangnaitkutikhaniklu maliqattiaquyauhimayunik. Iliharviup havaktiita uqarviigiqattaqpangniaqtait hivajautikkut tamaita ilihaqtut.

Umikhimajut/Taimaaqtihimajut/Nutqaqtihimajut hulidjutit:

K-12 Iliharviit

Aippiutmi, Qitiqqautijuq 20, 2021, Kinngaitmi Iqalungni iliharviit umikhimahimmaarniaqtun iliharvingni ilihaidjutini talvunga naunaijarutaanun.

Talvani Qanurinningani 4mi, tamaita iliharutikhat havaktauniaqtun ungahiktukkuuqtukkut. Tamaita iliharviit umikhimajun ilihaqtunun, havaktinun inungnullu. Iliharviup havaktiita uqarviigiqattaqpangniaqtait hivajautikkut tamaita ilihaqtut.

Ilihalihaaqtunun Iliharviit Nutaqqiqiviillu

Talvuuna Aippiut, Qitiqqautijuq 20, 2021, Kinngaitmi Iqalungnilu nutaqqiqiviit umikhimahimmaarniaqtun talvunga naunaijarutaanun.

 

 

Havagviat Pivalliayuliqiyitkut Ingilrayuliqiyitkullu kivgaqtuutikhait

Aulahimaaqtun kivgaqtuutit:

Milvingmi Auladjutit uvalu Ihuaqhaidjutikhat

Kinngaitmi Milvingmi:

  • Kivgaktiluat milvingmi aulatitihimaaqtunik aulaniaqtun tikihimaaqtunik hunavalungnik tamayat amigaqhuutiqaqtuniklu tingmitingnik.
  • Pijaarningit timitiqarvingmun kikliqaqtuq kivgaktiluanguyut havaktinun, tingmijunun, inungnullu tuniutijunun ikajurutinik tingmijunun.
  • Ivjarutit atuqtauraanginnaqtukhaq iluani tingmitiqarvingmi.
  • Tamaita tingmijun havaktiillu maliktakhait inungnun aanniaqtailinikkut maliktakhat.

Iqaluit Tingmitiqarviani:

  • Iqaluit Tingmitiqarviani aulapakainiit ilaqaqtuq tingmidjutinik hananikkullu aulahimmaarniaqtun.
  • Tingmijun Iqalungnin hamuuna pitqujauhimajun avaliingaarlutik 14nun ublunun tikitkumik tikitakhamingnun.
  • Pijaarningit timitiqarvingmun kikliqaqtuq havaktinun, tingmijunun, inungnullu tuniutijunun ikajurutinik tingmijunun.
  • Tingmijun nutqaqhimajun Iqalungni akhut qimaqujaungittun timitiqarvingmik.
  • Ivjarutit atuqtauraanginnaqtukhaq iluani tingmitiqarvingmi.  
  • Tamaita tingmijun havaktiillu maliktakhait inungnun aanniaqtailinikkut maliktakhat.

Pivalliajuliqijikkut Pinahuarutit

Nunallaani Pivalliajuliqijikkut Havagvik Pangniqtuumi tunihimmaarniaqtuq ikajurutinik havagutiniklu Ikayuutikharnik Iqalungni Kinngaitmil havagviinnun inungnullu. Uqarvigiaqaqtatin uvani:

Titiqqiqivia. Quiqutaa 612, Pangnirtung, NU X0A 0R0
Akiittuq hivajauti: 1-844-737-8628
Hivajautaa: (867) 473-2661
Kajumiktukkut: (867) 473-2663
Qaritauajkkut titiqqivia: edt@gov.nu.ca

Ihuaqhaqtauhimayut kivgaqtuutit:

Akhaluutiliqijikkut

Akhaluutiliqiyikkut havagviingit Iqalungni Kinngaitmilu umikhimaniaqtun.

Ungahiktukkut ikajurutikhat hailihimajun qaritaujakkut titiqqiluni uvunga MotorVehicles@gov.nu.ca hivajaqluguluunniit 1-888-975-5999.

Nunavunmiut takujaaqtaalu una gov.nu.ca/motorvehicles pijaami:

  • Aqutiujup Laisit Nutannguqtiutikhat
  • Nunavunmin Naunaitkutikhaq Ilitaridjutikharnik Piannannuat Nutannguqtiutikhat
  • Akhaluutinut Atiliurutikhanik Nutannguqtiutikhat
  • Tukhiutit Aqutip Aqudjutainnik Naunaitkutinik, Akhaluutinik Qiniqhiadjutit, imaalu Pijaqtuqhikapat Unniudjutit

Umikhimajut/Taimaaqtihimajut/Nutqaqtihimajut hulidjutit:

  • Iqalungni Pulaarvik umikhimajuq
  • Iqaluliqinikkut Nattiliqinikkullu havagviit pilimaittun nattiit amiinnik niuvirutinik tadja. 
  • Tamaita amigaqtaungittun Akhaluuhiliqinikkut hanaqidjutait ilaujullu akhaluuhiliqinikkut uuktuutit nutqarhimajun.
  • Miitirutit takudjutilutikluunniit ajuirharviit pipkaqtaujun havakvingmin taimaaqtitaujun.

 

 

Havagviat Avatiliqijitkut Kivgaqtuutikhait

Aulahimaaqtun kivgaqtuutit:

Havagviangit Avatiliqijitkut aulahimaaqtun tuniyangat ikayuutikharnik Nunavunmi tamainni aulayuitun, malikhautiplugit atuqtakharnik nunalaani inuuhirinikkut uuktuutikharnik.

Havagvik aulahimaarniaqtun kiudjutikharnik ayungnautiqaqtunik uumayunik kuvihimayuniklu.

  • Uumajuliqijikkut kiudjutikhanik Kinngaitmi, hivajarlugit 867-897-0123 (Palihimatkut) ikarniinni ublumi.
  • Huradjanun upautijukhakkut Iqalungni, hivajaqlugu 867-222-0167, 24nik ikarniinni ublumi.
  • Tamaita kuvijuqaqqan unniqtaujukhat taffumunga Nunavunmi Kuvijuqaqqan Hivajautaanut uvani 867-920-8130, 24 ikarniinni ublumi: https://www.gov.nu.ca/environment/documents/spill-response

Umikhimaniaqtun/Nutqaqtitauniaqtun/Taimaaqtitaujut ikajuutikhat:

Uumajuliqikkut havagviat min'nguiviit havagviat Kinngaitmi, uvanilu uumayuliqiyitkut havagviat min’nguirviit havagviat Iqalungni umiktaujut inungnut kihiani qakugu ilitturipkaqtaugumik.

 

 

Havaktuliqijikkut Havagvia

Aulahimaaqtun kivgaqtuutit:

Tadja, GN-kut havaktiit tamaini nunallaani Iqalungmiungittuni Kinngaitmiungitunilu havagiaqtuqtaaqtut.

Ihuaqhaqtauhimayut kivgaqtuutit:

Tamaita ihariagiyaungittun GN-kuni havktiit Iqalungni Kinngaitmilu havaktukhat iglumingni. Atan'nguyat havaqatiginiaqtatit tunilutit ingilrutinik atuqtakharniklu havagiangni iglungni. Ihumagiyaghat ikayuutikhatit havagiangni iglungni paqinaqtut uvani GN Intranet qaritaujakkurutaani: http://intranet/covid19/ tujuktauniaqtun qaritaujakkut titiqqilutik.

Pijaqtatit havagvikpit qaritauyakkut titirarviit atiliurluti uvunga Microsoft Office 365 qaritauyami https://www.office.com/ aadjiliurluguluuniit Microsoft Outlook app tigumiarnut hivayautingnut.

Tamaita ihariagijaukpiaktun havaktiujut GN-kuni havaktit Kinngaitni pittaaqhutik havagumajut aimavingmingni uqautigijakhait havagvikhatik atan’ngujamingnut.  Ahianut, havainariaqaqtut havagvingmingni imaalu maliklugit Aanniaqtailinirmun, Qajangnaittumiklu Inuuhiqattiarnikullu Naunaijaqhimajut hapkununga GN-kut Havagviini unalu Utirutighaanun Havagvingmun Naunaijautit hapkununga GN-kut havaktiinun, taiguarlugit ukuat COVID-19 qalagjuarnirmut Apiqhuutit Kiudjutillu tujuutauhimajut aanniaqtailinirmun qajangnaittumiklu naunaitkutit hiamitiqtailinirmun COVID-19 qalagjuarnirmun qalagjuarnirmik. Paqinaqtut naunaitkutikhat, apiqqutit kiudjutaillu nivingajullu uvani GN Intranet qaritaujakkurutaani: http://intranet/covid19/.

Uqarvigilugu HRcommunications@gov.nu.ca pilimaitkungni GN Intranet qaritaujakkurutaani imaalu piumaguvit aadjiliuqhimajunik naunaitkutikhanik iliyauhimayunik uvani.

Nalurharuvin naliinnik ihariagijauguvin ihariagijaungitkuvilluunniit havaktiuplutin, uqaqatigidjavan atanngujan unaluunniik havaktuliqinikkut tutqikhaiji. Hamna havaakhamut upalungaiyautikhat aallangurniarunaqhiyut. Uqarvigiqattarlugu atan'ngujat havaktuliqijitkut tutqihaiji kitukkut aallangurniitigut.

Umikhimajut/Taimaaqtihimajut/Nutqaqtihimajut hulidjutit:

Kivgaktiluangitunlu Nunavut Kavamanga (GN) havagviit Iqalungni Kinngaitmi umikhimaniaqtun inungnun talvanga naunaiqtaurniaqtun.

 

 

Nunalingni Kavamatkunillu Pivikhaqautikkut Havagvia havagutit

Umikhimaniaqtun/Nutqaqtitauniaqtun/Taimaaqtitaujut ikajuutikhat:

Atuliqtaujuq ublumi, tamaita GN-kunni havagviit igluqpautait Kinngaitmi kiluuttaqhimavalirnialiqtut ubluraalungmi.  Kitkutliqaak inuit katimaqatiqaktukhat GN-kunni havaktiuyunnik kivgaqtuutikhainnik havaktimik talvaniittumik GN-kut havagvianni igluqpaani hivajaqqarlugu inuk takujumajaqtik imaalu ihuaqtumik naunaiqhijukhat uparvikhamingnik ubluqhiutikkut naunaiqhilutik. 

 

 

Nunavunmi Ilihariaqpaalivik

Ihuaqhaqtauhimayut kivgaqtuutit:

Qitiqqautijuq 20, 2021, NAC igluqpangit Kinngaitmi nuuniaqtun Qanurininganik 4/Naunaitkutiqaqtun Aupajaaqtumik, unalu NAC igluqpangit Iqalungni aulaniaqtun Qanurininganik 4/Naunaitkutiqaqtun Aupajaaqtumik:

  • Piyaangat NAC igluqpangnun Kinngaitmi Iqalungnilu maliqaqtut kivgaktiluarnun havaktinun avaliitun aturlutiklu qanirnun qingarnun ivyarutingnik atuqtukhat igluqpangmiitkumik.
  • Pinahuarutit nuutiniaqtut ungahiktukkut iliharnirmun, humi piraiaqaqtut. Ilihaqtun atuquyut katimaqatihimaaquyut ilihaiyiingit hivunikharnik tuhaadjutikharnik.
  • Angmaumajuq ilihaqtunun kitut najugaqaqtunun hiniktarviini ihariagijaujullu havaktiinrnun. Pulaaqtiqalimaitun hadjanuaq.
  • Nirivia iluani igluqpaup angmaumaniaqtuq ilihaqtuinarnun.
  • Ilihaqtut NACmi igluqpaini pitquyauyut igluniilutik tingmihimaitumik nunamingnun tadja.

NAC igluqpangit Qikiqtaalukmi (hilataanin Iqalungni Kinngaitmilu) nuuniaqtun Qanurininganik 3/Naunaitkutiqaqtun Aupajaangayumik:

  • Upautihimayut ilihaqtun munagidjutiqarniaqtun malikhautikharnik, pittiaqlutiklu maliklugu ungahiktilaangit inungmiugaigumi, aturlutiklu Qanirni Qingarnilu ivyarutingnik atuqtukhat.
  • Nunallaami Inirnirit Iliharviit maligaqaqtut NACmi Havaktinun/Ilihaiyiinun Ilihaqtuniklu.
  • Ilihariaqtuqtut ilihaqtut aallanganiaqtut pidjutigilugit pitquyauhimayut inmigut-avalingaaqtitauniq

NAC igluqpangit Kangiqlinirmi aulaniaqtun Qanurininganik 2/Naunaitkutiqaqtun Quriqtamik atuqtukhatlu qanirnun qingangitlu ivyarutingnik:

  • Upautihimayut ilihaqtun munagidjutiqarniaqtun malikhautikharnik, pittiaqlutiklu maliklugu ungahiktilaangit inungmiugaigumi, aturlutiklu Qanirni Qingarnilu ivyarutingnik atuqtukhat.
  • Ilihariaqtuqtut ilihaqtut aallanganiaqtut pidjutigilugit pitquyauhimayut inmigut-avalingaaqtitauniq
  • Piyaangat NAC Igluqpangmun Kangiqlinirmi maligaqaqtut NACmun Havaktinun, Ilihaiyiinun, Ilihaqtunlu. Pulaaqtun naunaiyagiikhimayukhat upagiaqaqtunik pulagianganik NACkutnun iglunun. 

 

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.