Havaktingit

You are here

COVID-19 Qalagjuarniirmun GN-kunnin Nutaanik Tuhaqtidjutait - Qitiqqautiyuq 28, 2021

Iipu 28, 2021

Hivuliqtip tuhaqtidjutaa:

Ublaakkut. Ublumi, unniudjiliqtugut siksinik nutaanik aanniarutiqaliqtunik qalagyuarnirmun COVID-19 Iqalungni. Piqaliqtuq 50nik aulayut aanniaqtut aviktuqhimayumi - 46 Iqalungni, malruk Kiingaini malruklu Kangiqlinirmi. 33 naamakhiyut ublumimun hiamitiqtumi.

Ublumimun 15,528 Nunavunmiut kapuqhiqtut hivulirmik Moderna kapuutimik, uvalu 12,285 Nunavunmiut tamaanun kapuqhiqhimayut.

Ublumi, Uqautigiyumayara huna kangiqhiluaqtaungituq nunallaani. Qanuqli, Tautuktunga uqagauyunik mighaanun Iqaluit atuquyanginikkut.

Nunavummiut, una pidjutaungituq. Iqalungni Anitailiyauhimayut uvanga Qitiqqautiyuq 14mi. Iliharviit, imirviit, niriviillu ukualu ihariagiyaungitut nanminiqaqtut tamaita umiktitauyut. Inuit havaliqtullu iglumingni nutaqqalu ilihaliqhutik ungahiktukkut. Ilihimangitara humit ihuitumik kangiqhitit pihimayut, kihimi pidjutigiyaqqut una hiamiatiqtuq aghuqpiaq hamani.

Nakuunikkut piqaqtut ihumaaluutigilugit qalagyuarnirmun COVID-19 qanurinialu avatiini nunaqyuap. Kihimi qilamiuqtughaungitugut ilihimalugit uvagut munariyakhavut pihimalugu una munaritiaqlugu kikliqaqluta hiamitirnaitumik. Tamapta atauttiujugun uvani. Taimainginaqtugut. Ikayuqlutillu.

Nunavunmiut, ilihimajuhi huliyaakhaffingnik. Ivjarutihimalutin. Uarlugin algatin. Siksinik miitanik ungahiktilaaqarlutit inungnin hilamiitkuvin. Aihimaraanginnarhuarluhi. Kapuqhiriaqtuqluhilu.

Munariluhi qayagiluhilu.

 

Minista Aanniaqtailinkkut Nutaaq-Tuhaqtitaqhaa:

Ilihimayuhi, aghut havakpaktut havaktivut kaivyaanun ubluqhiutip atuqtilugu qalagyuarniq COVID-19 hiamitiqtuq. Piyariaqaqtut quyagilugit. Uqamaluktunik tuhaayughaungitut ningakvigilugiluuniin.  

Ilituriyara una atuqtauliqtuq munaqhinun uqaqviuyunun qalagyuarnirmun COVID hivayarvianun, tamna atuqtitaghaungituq. Hapkua inuit havaktuq unaguhukhimaitumik ilingnun, nunallaaptingnun inuuhiqatiarutighainun aviktuqhimayup.

Ilihimayatka amigaitut inuit ihumaaluktut irhiblutiklu tadja. Una atuqtaunginaniaqtuq. Nutaqiunirlu hivayaqtunun hivituyuq pidjutigiblugu una hiamitiqtuq Iqalungni.

Apiriyaffi tautuktilugit havaktit qilamiunginirmun, nagliguhungnikkut kangiqhimanikullu. Quyagiyauyughat havauhiit. Irhiurutiti iqihulidjutitit ihuinaarutigiyaghaungitut uumilrugilugillu havaktit.

Ilihimayugut una ayuqhautaunginaqtuq auladjut, havaliqtavut ihuaqhaidjutighanik ihuanginirillu. Kihimi tadja, Apiriyatka tamaita tautuktitilutik pittiarnirmik, quyahungnirmik kangiqhimanirmiklu tamainun. Aghut havaktut iliffingnun, aghut havangnaqtuq havaaq.

Quanaqpiaq tamainun havaktinun kitut aulahimaaqtumik havakpaktut inmi ikaarnirmingnik unaguhungitullu qayangnaitkutighaptingnik. Quyagiyaffi.

 

Atanilluaq Inungnun Aanniaqtailinikkut Havaktimin Tuhaqtidjutaa:

Ublaakkut.

Ublumi tuhaqtitiyugut siksinik nutaanik aanniarutinik ukualu talimat naamakhiyut Iqalungni. Tamangni Kinngaini Kangiqlinirmilu malruk aulahimaaqtuk aanniarutik qaglayuarnirmun COVID-19 aanniarutinik. Aviktuqhimayumi atautimun 50 inuit aulahimaaqtumik aanniarutinik qalagyuarnirmun COVID-19.

Atulihaaqtilugu una havainiq, tuhaqtitavut tamna naunaiqhimayuq imaa B.1.1.7 aanniarut ilituriyauyuq atauhiinaq aulanianun qalagyurnirup COVID-19 Nunavunmi. Taimaangugaluaq una aanniarut hiamitiqtuq qilamitqiaq qalagyurnirmin, aalat nunat munaritiaqtait hiamitirnirit haffuma aulania ukualu inungnun aanniaqtailinirmun pitailidjutinun kapuqhirnikullu, hapkualu pittailidjutit ihuaqhidjutauniaqtut Nunavunmilu.

Tadja, amigaiqyuumiqtut pittailidjutit nunallaani humi anginirharmik aaniarnirmun qalagyurnirmun COVID-19 tikitirutaa. Hapkua havaktauhimayut taimaali qalagyuarnirq COVID-19 tikitpat hiamitiluangitaangani qilamik. Kihimi, amigaitut atautit munaridjutighaa inmingnun nunamingnunlu. Kikliqalugit amigaitilaangit katimayut, atimalutik ivyarutinik, iglup iluaniitkumik, tingmihimaitumik ihariagiyaunginirmun tingminahuanun, munaridjutauyuq atautinun inungnun kitut malikumigit pitquidjutit, nunallaallu.

Atuqhimanirmun tautungnaqtut aktungnirmun naunaiyainiq ihuaqtuq nutqaqtirutaanun hiamitirnirup. Amigaitumik havagahalik imaa aghut havaktut havaqatigiit munaqhitkut munaqhiyut ayuittiaqhimayut. Kihimi tapkua ayuittiaqhimayut pidjutigiyaat havaqatigiingnirit tamainun kitut aanniarutiqaqtut qalagyuarnirmun COVID-19 aktuqhimayuluuniin qalagyuarnirmun COVID-19. Pidjutiqaqtullu inungnun ihivriuqtaunirmun, ilaani ihivriuqtauffaaqlutik. Quyagiyumayatka kitut ilauyut haffumunga aghuungnaqtumun havaaghamun, ilauyut nunallaani ilauyut kitut aktuqhimayut, tunihiyut kangiqhidjutinik angirutiyullu ihivriuqtaunirmun.

Kinguliqpaaq, Itqaumatquyatka tamaita ikaangirit ihariagiyauyut avaliingaarnirmun kinguani aanniarutip aktungnirmunluuniin aalanganiaqtuq, pidjutiqaqtut qanuriniitigut. Tapkua kitut aanniarutiqaqtut qalagyuarnirmun COVID-19, piyariaqaqtutit avaliingaaqlutit qulinik buluni, avaliingaruinniaqtutit humi naunaiyaikpat avaliingaaruiqvikharnik haffumanga inungnun aanniaqtailinirmun munaqhianin. 

Uqaudjauhimaguvin avaliingaaqlutit taimaali aktungnirmun qalagyuarnirmun COVID-19 avaliingaaqtughauyutit imaa 14nik ubluni. Aanniarutiqanginiq ihivriurutinun kihimi taimaingituq avaliingaarutit iniqtuq qilamik. Avaliingaaqtitauguvin havagiaqtuqtughaungitutit niuvaalutinluuniin, kinalu iglungni avaliingaaqtitaukpat, pulaaqtiqaqtughaungitutit iglungni.

 

 

Ilaujut hapkununga Kavamatkut Nunavunmi (GN) akhuurutait munarilugit Nunavunmiun qajangnarnirmin COVID-19, GN-kut Havagviit atuliqtait hapkua:

Havagviat Aanniaqtailinirmut

COVID-19 Qalagjuarniq hivajarvikhat: Ihumaliurutinun ihariagiyaqaruvin qalagyuarnirmun COVID-19 ihivriuqtaunirmun uvaluuniin ilauguvin ihivriuqtaunirmun tuhaqtidjutinun hapkunanga Chartroomin, hivayaqlugit COVID-19 hivayautaa 1-888-975-8601. Munaqhip kangiqhidjutiti pinaqtait hivayaqtauniaqtutit upautidjutighat naunaiqqat.

 

Tamainnun nutaanik naunaitkutinik ikajuutiqhallu talvuuna qalagjuarnirmun COVID-19 Nunavunmi, hamungaulutit: https://www.gov.nu.ca/health/information/covid-19-novel-coronavirus

Nutaanik kangiqhidjutikhanik tadjamin inungnun aanniaqtailinikkut kiklikhainnik, hamungaulutin: https://www.gov.nu.ca/health/information/nunavuts-path

Naunaittiarutikhat kapurhirvikhatigut talvungaulutit: https://gov.nu.ca/health/information/covid-19-vaccination

 

Qalagyuarnirmun COVID-19 aannialiqtut qanurinniit: April 28

Atauttimun ihivriuqtauyut

Attautimut naunaiqtauhimajut aannialaqihimajun

Attautimut aannialaqihimajun

Attautimut nakuuhijut aanniaruiqtun

Tuqujut

Attautimun inuit munarijaujun

Tadja inuit munarijaujut

11,747 478 50 424 4 8,405 504

* Aannialiqtut Aannialirnahugijunutlu ilaujut tapkuat nunarjuami aanniaqtunut naunaijautit. Inuit maliktaujunut ilaujut inullaat naunaittunik mihingnautiqaqtut aanniaqtunut qanikhimagumiklu ukuallu ilangit inmingnik-munarijut imaaluuniit ingmingnik-avalingarnirmik. Tamaitaungittut mihingnautiqaqtut imaaluuniit ihivriuqtaujariaqaqtut.

*Kinguvaniaqtut uniudjutit kihiatitautillu aanniarutikkut Hivuraani Kanata. 12 aannialiqhimajut naunaiqtauhimajut ahiani Nunavunmit angilraqtitaujut nunagijainnut Nunavunmut. Ukuallu ilaujut pingahut 3 tuquhimajut. Tamaitaungittut Nunavunmiutat NU nunaqaqtut aannialiqhimajut COVID-19 qalagjuarnirmun naunaiqtauhimajut ahianiititlutik avikturnianit angilraqtitaujut Nunavunmut.

COVID-19 Kappuutit Havautit: April 26

Hivulliqpaat kapuutikhat atuqtauyun Tugliit kapuutikhat atuqtauyun Atauttimun kapuqhiqtauyut munariyauyut
15,528 12,285 27,813

*Atauttimun kapuutikkut kapuqhiqtut nutaanguqtiqtauraanginnaqtun kihimi ikitqijauttaaqtun amigaitilaanganin.

COVID-19 qalagjuarniq nunallaani aanniaqtut qaffiutilangit: April 28

Nunallaami

Aanniarutiqaqtun COVID-19 hiamitirninganik

Naunaiqtaujut COVID-19 qalagjuarniq Aanniaiqtut ippakhaq

Naunaiqtaujut COVID-19 qalagjuarniq Aanniaiqtut ublumi

Aallanguqtut aanniaqtut nampait +/- ippakhamit

Huiqtut

Nakatqiqtut aanniaqtut

Attautimut aannialaqihimajun

Iqaluit Aullaranginaktukhat 71 77 6 0 31 46
Kinngait Aullaranginaktukhat 4 4 0 0 2 2
Kangiqliqniq Aullaranginaktukhat 2 2 0 0 0 2
Arviat uumanga 339 339 0 1 338 0

Tikirarjuaq

uumanga 23 23 0 0 23 0

Kangiqliniq

uumanga 19 19 0 0 19 0
Sanikiluaq uumanga 2 2 0 0 2 0

ATAUTTIMUN

  460 466 6 1 415 50

Qaujihaqtaujut qaffiujut ublumimut nunallami: April 28

Nunallaami 

Qaujihaqtaujut aannialiqtut

Qaujihaqtaujut aanniangittut

Iqaluit 63 773
Kinngait 4 99
Arviat 339 2883

Tikirarjuaq 

23 352

Kangiqliniq 

21 399

Sanikiluaq 

2 202

ATAUTTIMUN

452 4708

Avaliingaqtut inugiangningit: 

Aullaaqtuq Qanurittumik

Inuit Avaliingaaqtitaujun talvannga April 27

Daaktiliaqtut

330

Inuit

243
EMTI 72
Igluqpiliurnikkut 46

Attautimut

690

Aullaqhimajun utiqtun naunaijautaa:

Aullarvia Ublua

Amigaitilaangit 
28-Qitiqqautiyuq  57
29-Qitiqqautiyuq  89
30-Qitiqqautiyuq  38
1-Qiqaijaluarvia  3
2-Qiqaijaluarvia 50
Attautimut 237

Ihariagijauqpiaqtuni Havaktini Tukhirutin:

Talvannga April 28, pilik 15,609 piumajaujut, 7,794 ngujun ihariagijauqpiaqtuni havaktiit piumajaujut.

Tukhiutait Qanurinniit

# %

Angiqtaujut (ilaujun ihariagijauqpiaqtun ihariagijauqpiangittullu)

11,868 76.0%

Qin’ngijaujun

308 2.0%

Ihumaliuqtaujun huli

506 3.2%

Aullauvilluarvigijainni Nunat Aagiqtauhimayut

2,927 18.8%

Attautimut

15,609 100%

 

 

Nunalingni Kavatkunillu Pivikhaqautikkut Havagvia

Tamaita hanayit avaliingaarutait naunaiyaqhimayut haffumunga CPHOConstructionRequests@gov.nu.ca.  Avaliingaqtitauyut hapkunani Ottawami hamanilu Quebec Citymi Hanayit avaliingaaqviit hamanilu Winnipegmi Edmontonmilu.

Hanayit Havaktit Iniqtait Avaliingaarutitik ukualu Tingmihimayut Nunavunmun  
2021 Atautimun ublumimun 769
Ubluqtuhivia 164
Iidjirurvia 220
Qiqaijalirvia 204
Qitiqqautiyuq 181
Qiqaijaluarvia – Ubluiqtirvia 2020 Atautimun 2,183

 

 

Pivalliayuliqiyitkut Ingilrayuliqiyitkullu Havagutainni Havagvia

Aulahimaaqtun kivgaqtuutit:

Milvingmi Auladjutit uvalu Ihuaqhaidjutikhat

Kinngaitmi Milvingmi

  • Kivgaktiluat milvingmi aulatitihimaaqtunik aulaniaqtun tikihimaaqtunik hunavalungnik tamayat amigaqhuutiqaqtuniklu tingmitingnik.
  • Pijaarningit timitiqarvingmun kikliqaqtuq kivgaktiluanguyut havaktinun, tingmijunun, inungnullu tuniutijunun ikajurutinik tingmijunun.
  • Ivjarutit atuqtauraanginnaqtukhaq iluani tingmitiqarvingmi.
  • Tamaita tingmijun havaktiillu maliktakhait inungnun aanniaqtailinikkut maliktakhat.

Iqaluit Tingmitiqarvia

  • Iqaluit Tingmitiqarviani aulapakainiit ilaqaqtuq tingmidjutinik hananikkullu aulahimmaarniaqtun.
  • Tingmijun Iqalungnin hamuuna pitqujauhimajun avaliingaarlutik 14nun ublunun tikitkumik tikitakhamingnun.
  • Tingmijun nutqaqhimajun Iqalungni akhut qimaqujaungittun timitiqarvingmik.
  • Pijaarningit timitiqarvingmun kikliqaqtuq havaktinun, tingmijunun, inungnullu tuniutijunun ikajurutinik tingmijunun.
  • Ivjarutit atuqtauraanginnaqtukhaq iluani tingmitiqarvingmi.  
  • Tamaita tingmijun havaktiillu maliktakhait inungnun aanniaqtailinikkut maliktakhat.

Pivalliajuliqijikkut Pinahuarutit

Nunallaani Pivalliajuliqijikkut Havagvik Pangniqtuumi tunihimmaarniaqtuq ikajurutinik havagutiniklu Ikayuutikharnik Iqalungni Kinngaitmil havagviinnun inungnullu.

Nayugaa: P.O. Box 612, Pangnirtung, NU X0A 0R0.
Akiitukkut: 1-844-737-8628.
Hivajautaa: 867-473-2661.
Kayumiktukkut: 867-473-2663.
Qaritauyakkkut: edt@gov.nu.ca.

Ihuaqhaqtauhimayut kivgaqtuutit:

Aghaluutiliqiyitkut

Aghaluutiliqiyitkut Iqalungni Kinngainilu piinarialgit qaritauyakkut MotorVehicles@gov.nu.ca or calling 1-888-975-5999. Upautiyunun Aghaluutiliqiyitkunun Kinngaini umikhimayut Kikliqaqtullu upautiyunun Iqalungni naunaiyaqhimayutigut upautidjutighatik.

Aghaluutinun naunaiyainikkut kivgaqtuutit Iqalungni piinarialgit imaa iniqtirlugit hapkua atugahat: 

  • Maliktghaq 1:    Hivayaqlugu 1-888-975-5999 qaritauyakuluuniin MotorVehicles@gov.nu.ca atugahanun ikayuqtauyumayununlu tuyuqhimayutigut piyaghat titiqqat.
  • Maliktghaq 2:    Aghaluuhiqiinin havakti ihuaqhainiaqtuq upatidjutighangnik aighiriangini iniqtiqhimayut titiqqat. Havaktip uqautiniaqtaatit akiinik akiliqtuinirmunlu ihuaqhaqhimayut.
  • Maliktaghaq 3:    Ailugit naunaitkutitit tunihilutilu akighaanik uvani Iqalungni Aghaluutiliqinirmun havagvianun upautidjutigharni. Aktuqhimanginirmun aighiqtunun maligahat atuqtauyut. Maliklugit maligahat tuniyauyut.

Nutaanguqhimayut ilaliutihimayut ihuaqhaqhimayut aghaluutiliqinirmun kivgaqtuutit tuniyauniaqtut piinarialaqikpata.

Nunavunmiut takulugu una gov.nu.ca/motorvehicles pijaami:

  • Aqutiujup Laisit Nutannguqtirutighait
  • Nunavunmin Naunaitkutikhaq Ilitaridjutikharnik Piannannuat Nutannguqtirutighat
  • Akhaluutinut Atiliurutikhanik Nutannguqtirutikhat
  • Tukhiutit Aqutip Aqudjutainnik Naunaitkutinik, Akhaluutinik Qiniqhiadjutit, imaalu Inuinnarnirmun Unniudjutit

Umikhimajut/Taimaaqtihimajut/Nutqaqtihimajut hulidjutit:

  • Iqalungni Pulaarvik umikhimajuq.
  • Iqaluliqinikkut Nattiliqinikkullu havagviit pilimaittun nattiit amiinnik niuvirutinik tadja. 
  • Tamaita amigaqtaungittun Akhaluuhiliqinikkut hanaqidjutait ilaujullu akhaluuhiliqinikkut uuktuutit nutqarhimajun.
  • Katimadjutit upautiyulluuniin iliharnirmun ilihaidjutit taimaaqtauyut.

 

 

Havagviat Kiinaujaliqijikkut Kivgaqtuutikhangit

Nunavut Kavamanga Akiliuhiagutit

Tamaita GN kuni havaktiit akiliqtauvangniaqtut ihuaqhariiqhimajut ublukhainni. Kinguvaqtivjangniarunaqhijut havaktauningat havaktiukaffuktut akiliuhiakhanik imaalu havangnaittuni ikarniliuqhimajainnik imaalu himmautaulakhimajut akiliuhiakhait. Havaqhimmaanginnaqtut akiliqtauhimmarniaqtait akiliuhiangit, havakaffuktitauhimajutlu himmauaulakhimajutlu havaktiit akiliqtauniaqtut maliqhugit tunijauhimajunut havaktut ikaarniinut naunaijautainnik.

Havaktit akiliuhiaqpaktut siaqhaliuqhimajunik taimatut akiliuhiakpangniaqtut huli. Tapkuat pivaktut akiliuhiaqhainnik iliuraqtauplutiq maniliqiviannut, akiliuhiaqhait naunaitkutait tujuutauhunngujut kinguvakkut.

Aallanik naunaittiarumaguvit, qaritaujakkut titirarvigilugu Tracey Moyles, Aulapkaiji Akiliuhiaqhatigun Ikajuutinutlu uvani tmoyles@gov.nu.ca.

 

 

Maligaliqijitkut Havagvia

Ihuaqhaqtauhimayut kivgaqtuutit:

Nunamingni Maligaliqiyit

Inungmik katimaqatiqaqtukhat Nunalaani Maligaliqinikkut Iqalungni Kinngaitmilu pittailijaujut amigaqhuutaujunut kihianik inuk hivajautaitpat imaalu qajangnaittumik najuganik hivajarvikhanik kivagaqtuijunut hivajautikkut. Inuit apirijaujut hivajaquplugit upalungaikhimajumut Ilagiiktut Pimmarlungnikkut Hattumiarutikhainut Maligaq (FAIA) hivajautaanut apiqqutikhaqarumik ikajuqtikhailiurumnikluuniit aturlugu tamna hivajautaa nampaa 1-844-534-1038. Hivajautaa ihivriuqtauqattaqpangniaqtuq naunaittumik ikajuqtaujumajut tunijauniaqtut Nunallaani maligaliqijikkut Ajuiqhattiaqhimajumut ikajuqtaaktumut titiqqanik titiraqtakhainnik imaalu atuqtakhainnik.

Nunallaami Itiqtauvingit

Tamna Kangiqlinirmi Nunagani Itiqtauviit havagviit umiktaujut inungnut qakugu ilitturipkaktitaugumik kihimi. Tamaita Nunallaani Itiqtaliqivikkut ikajuqtaujukhat unniqtukhat hivajautikkut atuqlugin hapkuat hivajaqtakhat:

  • Iqalungni:
    • Mary Jackson: 867-222-1932.
    • Lori Karetak: 867-222-3541.
  • Hapkununga Kangiqlinirmiutat:
    • Rosie Ussak: 867-645-6458.
  • Kinngait
    • Rose Roswell: 867-222-9613.
    • Megan Sandoval: 867-222-0390.

Itiqtaliqinikkut Igluqpait

Itiqtaliqiviit atuqtipkainiqtuq qajangnaittaami maliktakhanik nutqaqtinniarhimanikkut COVID-19 Qalagjuarniq pingittaami igluqpaptingnun ingattaataangittaanganilu qajangnarniq hiamitirnia tahamaniiliqqat. Qanuriliurutikhat ittun ilaujullu nutqaqtirniq tamainnik hilami pulaarutinik ukuningalu ihariagijaungittuni upautinik. Quyagiyavut utaqqigaffi imaalu ikayuutiffingnik tuniyauyunik itiqtauhimayunit ilagiiktunillu maliqangmagit maliquyauyut qauyimagaptallu ayurnaittungittuq.

Pitjutaanin qulvahiktijuummiqtumin qajangnarnirnun pihimajun itiqtaliqivikkut, tunilimaittugun kitunik naunaitkutinik mighaagun naliinni itiqtauvingni hivunikhaliurutainnik. Kihimi, tunihiniaqtugut hapkuninga naunaitkutikhanik pidjutigiplugit atuqtakhaliurutikhangit imaatut:

  • Tamaita itiqtauyukhat tikitkaikpata piyariaqaqtuhivituniqaqtumik imaatut 14-ni ubluni itiqtauyarangata.
  • Itiqtauviit iliuraiyut aallanik algangnut uaqhitikhanik haluummaqtirutikhanik upaktauqattaqtunni nayugainni.
  • Kiudjutikhait/pihimayakhainniklu puukhimayut iliuraiviuyut algakhanik, ivjarutikhanik, akuliangnut pittailitikhanik qalakhuqtuqaqat, aannuranut qaliqtakhanik imaalu maliktakhanik naunaitkutikhanik aturnikhanut.
  • Munaqhit akhuuktut ihivriuqhiplutik itiqtauhimajunik tikittarangata itiqtauvingmut mihingnautiqariakhainnik aanniarunmik qalagjuarniq-19.
  • Amigaigyuumilugit halummaqtirutikhainnik amaliktaujariaqaqtut halummattiaqtauvagianginni qanngit amihuiqturalugillu ubluraaluk.

Havaktuliqinirmut Atuqtakhainut Katimayiit

Havaktuliqinirmut Atuqtakhainut Havagviat uqarviunginariaqaqtuq hivajautikkut nallianut nampainnut:

  • Hivayautaa 1-867-975-6322.  
  • Akiitukkut: 1-877-806-8402.    
  • Kayumiktukkut: 1-867-975-6367.

Havagvik hailijuq huli kiulugit apiqqutainnik Nunavummiut pidjutiqaqtunik talvuuna Havaktuliqinirmut Atuqtakhainut Maligaq imaalu Maliruagakait.

Apiqhuiviit Havagutit

Apiqhuirviat umikhimaniaqtuq inungnut. Apirhuivikkut atiliurvik hailihimaniaqtuq ikajurumaplugin inuit hivajautikkut qaritaukkulluunniit titirarutikkut. Atuqlugin hapkuat uqaqatigivikhakkut naunaitkutit ikajuqtaujaami.

Pidjutit ilaqaqqat ihuinaarnikkut inulrammikkulluunniit havagutikhanik, uqaqatigidjavan ihuinaarnikkut Atiliuqvik uvani 867-975-6101qaritauyakuluuniin uvani ncj.criminal@gov.nu.ca.

Pidjutit ilaqaqqat inungni, ilagiiktuni nutaqqaniluunniit maligakkut havagutikhat hivajadjavin Inungnun Atiliuqvik uvani 867-975-6102 qaritauyakuluuniin uvani  ncj.civil@gov.nu.ca.

Taimaalu, pidjutit ilaqaqqat inungni maliktitaunikkut, hivajatjdavain paliihimajup havagvia uvani 867-975-6103 qaritauyakuluuniin ncj.sheriff@gov.nu.ca.

Maligatigut Atiliuqtiujut

Maligakkut Atiliuqvia umikhimaniaqtuq inungnut. Inuit huli pijaaqtait hulidjutikhat uqaqtigilugin uvani 867-975-6590 titiqqilugilluunniit qaritaujakkut Corporate.Registries@gov.nu.ca.

Ajuqhaqtitauhimajunun Ikajuutiit

Ajuqhaqtitauvakhimajut Havagvia umikhimajuq inungnut tadja. Kihimi, Nunavummiut hivajariaqaqtut havagvianut hivajainnariaqaqtut Akiitukkut hivajaugtanut 1-866-456-5216 qaritaujakkut titirarvigilugit victimservices@gov.nu.ca. Ikajuutikhat tunijauttaaqtut qanurinniitigut.

Akilikhivikhat Havakti

Aturnikkut Havagvik umikhimaniaqtuq inungnun. Uqarvigijumagungni Havagvik, hivajadjavan 867-975-6314 qaritaujakkut titiqqiqiluguluunniit una Rentaloffice@gov.nu.ca.

Havagviat Inungnun Munaqtiuyunut Munagiyutlu Tamayangnik Manigingniklu

Havagviat uumannga Munaqtiujunun Munagijullu Tamajanik umikhimajut inungnut. Atuqlugin hapkuat uqaqatigivikhakkut naunaitkutit ikajuqtaujaami:

Amigaqhuutiqaqqan, hivayaqlugu:
Hivayautaa: 1-867-222-4039.
Qaritaujakkut Titiqqivikhaa: Public.Trustee@gov.nu.ca.

Amigaqhuutiqaqqan, hivayaqlugu:
Hivajautaa: 867-222-1805.
Qaritaujakkut Titiqqivikhaa: Publicguardian@gov.nu.ca.

Inuliqijikkut Ikajurutikkut

Inuliqijikkut Ikajurutikkut havagutin aulahimmaaqtun. Havagvik umikhimaniaqtuq inungnun. Kangiqhidjutinun mighaanun naunaitkutivit, atuqlugit hapkua hivayagahat:

Hivajautaa: 867-975-6112.
Akiitukkut: 1-800-792-4183.
Qaritaujakkut: cesp@gov.nu.ca.

 

 

Havagviat Ilinniaqtuliqijiykut

Aulahimaaqtun kivgaqtuutit:

K-12 Iliharviit

Malikhautikhangit atuqtakharnik aulaniaqtun aulajukharnik:

  • Qanurinninga 4 – Iliharviit Kinngait hamanilu Iqaluit.
  • Qanurinninga 3 – Iliharviit Qikiqtani, tapkuangungittut Sanikiluaq, Kinngait, unalu Iqaluit.
  • Qanurinninga 2 – Iliharviit Kangiqlinirmi.
  • Qanurinninga 1 – Iliharviit Sanikiluaq, Kitikmeoni, hamanilu Kivallirmi, hamaniungittuq Kangiqlinirmi

Iliharviit atuqtipkarniaqtuq ihuaqtuq hulidjutikhakkut hivunikhaq tadja qanurinningamingnun.

Ilihalihaaqtut Nutaqqat Nutaqqaniklu Munaqhiviit

Tamaita nutaqqiqiviingit angmaumagiaqaqtun, kihiani Kinngarni hamanilu Iqalungmiutangitut.

Manikkut Ikajuutikhat Nunavunmi Ilihaqtunut (FANS)

Ilihaqtun ihuarhaijun FANSkut-pitaaqtukkut aullaarutikhamingnik maliktakhait inungnun aanniaqtailinikkut qanuriliurutikhat pitquidjutaillu CPHOmin. Ilihaqtun apirhuutikhaqarutmik mighaagun aullaarutikkut, hivajaqtaaqtaa FANS-kut havagvia naunaitkutikhamingnik uvani fanstravel@gov.nu.ca.

Umikhimaniaqtun/Nutqaqtitauniaqtun/Taimaaqtitaujut ikajuutikhat:

K-12 Iliharviit

Kinngaitmi Iqalungni iliharviit umikhimaniaqtut iliharvingni ilihaidjutini talvunga naunaijarutaanun.

  • Talvani Qanurinningani 4mi, tamaita iliharutikhat havaktauniaqtun ungahiktukkuuqtukkut. Tamaita iliharviit umikhimajun ilihaqtunun, havaktinun inungnullu. Iliharviup havaktiita uqarviigiqattaqpangniaqtait hivajautikkut tamaita ilihaqtut.

Ilihalihaaqtut Nutaqqat Nutaqqaniklu Munaqhiviit

Kinngaini Iqalungnilu nutaqqiqiviit umikhimaniaqtut tuhaqtitautinnatik.

 

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.