Havaktingit

You are here

COVID-19 Qalagjuarniirmun GN-kunnin Nutaanik Tuhaqtidjutait - Qitiqqautiyuq 30, 2021

Iipu 30, 2021

Hivuliqtip tuhaqtidjutaa:

Ublumi, unniudjiliqtugut laivanguqtun nutaanik aanniarutiqaliqtunik qalagyuarnirmun COVID-11 Iqalungni. Piqaliqtuq 67nik aulayut aanniaqtut aviktuqhimayumi - 61 Iqalungni, hitamanguqtun Kiingaini malruklu Kangiqlinirmi. 39 naamakhiyut ublumimun hiamitiqtumi.

Ublumimun 15,856 Nunavunmiut kapuqhiqtut hivulirmik Moderna kapuutimik, uvalu 12,395 Nunavunmiut tamaanun kapuqhiqhimayut.

Qaffiunuangit akhurnaqtunik ilitugipkagianganik ublumi - ilitturijauhimajut aannialaqihimajun COVID-19 Qalagjuarniq Qikiqtaalungmi Itiqtauvik Makigiarvik katimavianilu. Ukuat itiqtauhimayut avaliingaqtitauhimayut allatlu itiqtauhimayut munagiyauyut allanin itiqtauhimayunik. Tamaita havaktiit piqaliqtun ihuaqtunik uuktuutikharnik munagidjutikharnik amingnaqtumik hanaqidjutiqaliqtun malikhautikhangitlu ilauliqtun talvuuna. Tamaita itiqtauhimayut havaktingitlu ihivriuqtauliqtun naunaiyaiyaangat hiamitirutiqagianganik allanun.

Ilitagiliqtugutlu aanniarutiqaqtunik aanniarviliaqtauhimayut aihimaviani hamani Iqalungni. Tamaita pulaaqtun havaktingitlu talvani Tammaativvikmi ihivriuqtauliqtun naunaiyaiyaangat hiamitirutiqagianganik. Ilangit inuit avaliingaqtitauliqtun allatqiinik nayugaani.

Taakti Patterson piqarniaqtun nuutaanik naunairutingnik ukukninga aanniarutiqarnikkut talvani tuhaqtauyukharniitun.

Kiklivikharnik tikiutiyaangat ihuaqtumik tuhaadjutikharnik, uqagiikhimavakhimayunga Pingattiutmi, Nunavut Kavamangat aulatitiniaqtun pingahunik Qalagyuarninik naunairutikharnik Mikiyunun Nanminiqaqtunun Ikayuutikharnik Auladjutikharnik Pinahuarutmik. Mikijut Nunavunmi Nanminirijaujut pillajut ilakharnik ikajuutikhanik imaatut aktigijumik $5,000. Naunaiqhittiarumaguvit uuktuutikhakkut, takulugu gov.nu.ca/sbsp. Una angmaumaliqtuq atuquyungalu Nunavunmiunun mikiuniklu nanminiqaqtunik havagvingni uuktuquplugit. Hamaniitugut ikayugiaffingni ikayugumapluhilu. 

Uvani havainirmi, taima unalu aanniarut tamaqtinani, aulahimaarluhi malikhautikharnik tamainik nunalaani aanniaqtailiqinikkut uuktuutikhangit. Arligiliqtunga qaffiuyut inuit Iqalungniitun atungitun ivayarutingnik. Ilauliqpaligitti, hapkukhi.

Ilihimalutin hulijakharnik: Ivyarutit humiitkaluaqtilutin iglumiingitkuvin. Uaqattainnarlugit algaktit. Ungahiktilaaqhimaarluhi inungnin hilamiitkuvin. Aihimalutit. Kapuqhiriaqtudjavutit.

Ilihimayugut Moderna havautikhaq ihuarutiqaqhimayuq talvanga aanniarutmin Qalagyuarnirmi naunaiyagiikhimalugu tauturvikharnik munarhinin munagidjutikharnik ilingnik.    

 

Minista Aanniaqtailinkkut Havagvianin nutaaq-tuhaqtitaqhaa:

Ublaakkut. Aulakhaalimaitun ublumi, kihimi nigiuktunga inuit aturniaqtait uqarniaqtatka hadja ihumagilugu.

Taima tuhaqhimaaqtilunuk hiamitirnikkut Qalagyuarniq Iqalungni, atuquyunga inungnun tamaita aulavikharnik naunaiyaiyaangat ilaliutingitun uumunga aanniarutmik aulaliqtuq.

Aihimaluhi. Pulaaqtailuhi allanun. Iningnikhat pulaaqtiqalimaiqtun hadjanuaq. Katimaqatiqaruirlutit ahianit igluqatingnit. Imailiuqtukhaungitutin, qanuriliuqhimaaqtilutin, katimapkainahuaqtailutin katimayukharnik. Aullaruirluhi kihiani aullariaqaruffi. Niuvailiarniaruvit nikharnik niuvirniaruvit, avaliitumik niuvagiarlutin. Aallaniklu hulilukaarutingnik auladjutikhaqaguvit, avaliitumik hangulutin. Anitailutin iglungnin ivyarutaitumik. Aturlugu tamaini nunalaani nayugainik.

Tamna B.1.1.7 Qalagyuarut aanniarut hiamitiqtaaqtunuaq qilamik ingngitnami aanniarut hivullirmin aanniarutmin. Uuktuqhimaaqtailinahuaqtailutin inuuhirit tapkuninga haningniitun inungnin. Kapukhiqlutin, malikhautilugitlu uuktuutikhaq atuqtauyukhat uuktuutikharnik aturnahuaqtailutin. Ayurnaittuq taima. Atautimiiqatigiyugut, atauttimiitkupta tamaqtitigiaqaqtavut.

Una aulangman inungnik aanniaqtailinikkut. Uqaffaarniaqtunga, aihimalutin kapukhirlutinlu havautikharnik. Ayungnaituq taima. Inuit tamaita ilaungitkumik malikhautikharnik, aulaniaqtugut taima hivutunigaalukmik tatqikhiutingnik, auyarlu takuhimaitumik.

Ihumalugu kapukhiqtitauyukhaungitun nutaravut, munagiyakhakhagiyaqqut. Ihumagilugu taima malikhautikharnik atuttiarlugu. Qayangnaitumik munagidjutikharniklu aulaluhi havaknaitiluni.

 

Atanilluaq Inungnun Aanniaqtailinikkut Havaktimin Tuhaqtidjutaa:

Ublaakkut.

Atulihaaqtilugu una havainiq, tuhaqtitavut tamna naunaiqhimayuq imaa B.1.1.7 aanniarut ilituriyauyuq atauhiinaq aulanianun qalagyurnirup COVID-19 Nunavunmi. Tamna aanniarut hiamitiqtaaqtunuaq qilamik, kiklinahuarlugu hiamitirnaitumik allanun, tuhaqtitiliqtugut ukuninga aallanguqtiqhimayuq malikhautikhat tapkununga aituqtauhimayut ilauyukhaungittunut. Inuit tamaita iglumiuqatigiyanganik inuklu avaliingartuq, ilaungitunik kivgaqtauluaqtun havaktiit, inuk kituliqaak aulaaqpakhimayut aihinin Iqalungni nunalaamingnun tapkuatlu avaliingartitauyutlu atuqtakhagiyaingit akuktauvakhimayut COVID-19 Qalagjuarnirmin -19, avaliingartukhauliqtun. Kivgaktiluaruvit havaktiuguvit atuqtakharnik malikhautikharnik aadjikiiktut malikhautikhangit ilaungitunun havaktiuyunik. Taima naunairutiqaqhimayuq ilviinaq havagiaqtukhauyutin angilrarlutinlu; atuqtukhauyutin ivayarutingnik hilamiitkaluaqtilutin; nalvaaqhimalimaitkuvin inungnik allanik niuviqtukharnik niqikharnik, niuvagiaqaqtutin atauhirmik havainirmi talvuuna 14nik ublurni avaliingartitauyukharvingmi. Kivgaktiluangitkuvin havaktiuguvit, avaliingaqtukhauliqtutin iglungni. Ukuat atuqtakharnik aulaniaqtun aulalirluni Hivulliq, Qiqaijaluarvia 3mi.

Talvuuna akturnahugijaunirmun naunaijariangani, aanniarutiqaqtunik COVID-19 Qalagjuarniq ilitugiyauvakhimayut havaktinin ilauyut talvani Iqaluit Tammaativvik Hiniktarviangani. Tamaita nunaqaqtun talvani hiniktarvingmi talvuuna aanniarut naniyaungman talvani ilitugipkaktauniaqtun ihivriuqtaulutiklu aanniarutmik. Talvani nunaptingnik aanniaqtailiqinikkut tingmiyukharnik tingmitikkut aulaqtirtun Iqalungni nutqaqtitauyut ippakharmin aulatitiyaaptingnun akturnahugijaunirmun naunaijariangani ihivriuqlugitlu ayungnautiqaqtunik katimaqatigiyaingit.

Aippiutmi, itiqtauhimayuq nuutiqtauvakhimayuq talvunga Qikiqtaaluk Itiqtauvingmun. Talvuuna Ituqtauhimayunun malikhautikhangit, tamna itiqtauhimayuq avaliingaqtitauvakhimayut allanin inungnin. Tamna ihivriudjutikhaq utiffaaqtuq aanniarutiqaliqtuq. Ilauyukharnik, ippakharmin, pingahunik aulaliqtun aanniarutiqaliqtun COVID-19 Qalagjuarniq aanniarutmik ilitagiyauliqtuq ituqtauhimayunik. Tamaita aanniarutiqaliqtunik avaliingaqtitauyukhat talvani Qikiqtaalungmi Itiqtauvikmi. Tamna itiqtauvik qilaminuaq hanaliqhutik aulavaktun pihimayaangat tamaita itiqtauvingmiit nuvikharnik pivakhimayut COVID-19 Qalagjuarniq naunairutikharnik aviktuqhimaplugitlu katimapkainiq atuqtakharnik Inungnin ungahiktilaaqarlutik munagidjutiqaqhunilu ikinaaqhugitlu auladjutikharnik allanun.

Talvuunalu, ippakhaq, Iqalungni inuk medivactauvakhimayuq hivugaanun aanniarvikmun piqaliqhuni ayungnautinik talvanga cOVID-19 Qalagjuarniq aanniarutmin. Inuk tamna aanniarvingmiiliqtuq namainaqtuq hadja. Nagligiplugt tamangnik inuuk imaalu ilaruhiit tuhaqtitilimaittugut aallanik naunaiqhitikhanik hadjanuaq.

Hadja qaffinuat ubut naunairutiqaqhimaliqtuq qanuq qilaminuaq aallanguqtigiaqaqtuq. Nunalaaptingni munarhingit havakhimaarniaqtun ubluq tamaat inihiugiangani munagiyaangatlu una aanniarut. Taima akhurnaqtuq inungnun tamainun malikhautikharnik nunalaani aanniaqtailiainikkut uuktuutikhangit. Ivyarutikharnik aturlutin. Katimaqataunahuaqtailutin. Pulaaqtailutin allanun inugnun igluangaini. Aanniaruvit, aihimalutit Mihingnautainnik aanniarutmik piqaliguvit ilaqatigivakhimayangniklu inuk COVID-19 Qalagjuarniq aanniarutiqaliqtuq, hivayaqlugu hivayautaat.

Ukuat uuktuutikhangit ikayuutiniaqtun munagiyaangat aanniarut munagidjutikharnik allanun inungnun qayangnairutikharnik.

 

 

Ilaujut hapkununga Kavamatkut Nunavunmi (GN) akhuurutait munarilugit Nunavunmiun qajangnarnirmin COVID-19 qalagjuarnirmin, GN-kut Havagviit atuliqtait hapkua:

Havagviat Aanniaqtailinirmut

Tamainnun nutaanik naunaitkutinik ikajuutiqhallu talvuuna COVID-19 qalagjuarnirmun Nunavunmi, hamungaulutit: https://www.gov.nu.ca/health/information/covid-19-novel-coronavirus

Nutaanik kangiqhidjutikhanik tadjamin inungnun aanniaqtailinikkut kiklikhainnik, hamungaulutin: https://www.gov.nu.ca/health/information/nunavuts-path

Naunaittiarutikhat kapurhirvikhatigut talvungaulutit: https://gov.nu.ca/health/information/covid-19-vaccination

 

Qalagyuarnirmun COVID-19 aannialiqtut qanurinniit: April 30

Atauttimun ihivriuqtauyut

Attautimut naunaiqtauhimajut aannialaqihimajun

Attautimut aannialaqihimajun

Attautimut nakuuhijut aanniaruiqtun

Tuqujut

Attautimun inuit munarijaujun

Tadja inuit munarijaujut

12,0798 501 67 430 4 8,405 504

* Aannialiqtut Aannialirnahugijunutlu ilaujut tapkuat nunarjuami aanniaqtunut naunaijautit. Inuit maliktaujunut ilaujut inullaat naunaittunik mihingnautiqaqtut aanniaqtunut qanikhimagumiklu ukuallu ilangit inmingnik-munarijut imaaluuniit ingmingnik-avalingarnirmik. Tamaitaungittut mihingnautiqaqtut imaaluuniit ihivriuqtaujariaqaqtut.

*Kinguvaniaqtut uniudjutit kihiatitautillu aanniarutikkut Hivuraani Kanata. 12 aannialiqhimajut naunaiqtauhimajut ahiani Nunavunmit angilraqtitaujut nunagijainnut Nunavunmut. Ukuallu ilaujut pingahut 3 tuquhimajut. Tamaitaungittut Nunavunmiutat NU nunaqaqtut aannialiqhimajut COVID-19 qalagjuarnirmun naunaiqtauhimajut ahianiititlutik avikturnianit angilraqtitaujut Nunavunmut.

COVID-19 Kappuutit Havautit: April 30

Hivulliqpaat kapuutikhat atuqtauyun Tugliit kapuutikhat atuqtauyun Atauttimun kapuqhiqtauyut munariyauyut
15,856 12,395 27,251

*Atauttimun kapuutikkut kapuqhiqtut nutaanguqtiqtauraanginnaqtun kihimi ikitqijauttaaqtun amigaitilaanganin.

COVID-19 qalagjuarniq nunallaani aanniaqtut qaffiutilangit: April 30

Nunallaami

Aanniarutiqaqtun COVID-19 hiamitirninganik

Ikaarniitigut

Naunaiqtaujut COVID-19 qalagjuarniq Aanniaiqtut ippakhaq

Naunaiqtaujut COVID-19 qalagjuarniq Aanniaiqtut ublumi

Aallanguqtut aanniaqtut nampait +/- ippakhamit

Huiqtut

Nakatqiqtut aanniaqtut

Attautimut aannialaqihimajun

Iqaluit Aullaranginaktukhat Talvangarnin 14/04/2021 87 98 11 0 37 61
Kinngait Aullaranginaktukhat Talvangarnin 19/04/2021 6 6 0 0 2 4
Kangiqliqniq Aullaranginaktukhat Talvangarnin 24/04/2021 2 2 0 0 0 2
Arviat uumanga 11/2020 – 04/2021 339 339 0 1 338 0

Tikirarjuaq

uumanga 11/2020 – 02/2021 23 23 0 0 23 0

Kangiqliniq

uumanga 11/2020 – 12/2020 19 19 0 0 19 0
Sanikiluaq uumanga 11/2020 – 12/2020 2 2 0 0 2 0

ATAUTTIMUN

    478 489 11 1 421 67

Qaujihaqtaujut qaffiujut ublumimut nunallami: April 29

Nunallaami 

Qaujihaqtaujut aannialiqtut

Qaujihaqtaujut aanniangittut

Iqaluit 87 1013
Kinngait 6 117
Arviat 339 2883

Tikirarjuaq 

23 352

Kangiqliniq 

21 399

Sanikiluaq 

2 202

ATAUTTIMUN

478 4,966

Avaliingaqtut inugiangningit: 

Aullaaqtuq Qanurittumik

Inuit Avaliingaaqtitaujun talvannga April 29

Daaktiliaqtut

336

Inuit

244
EMTI 58
Igluqpiliurnikkut 46

Attautimut

684

Aullaqhimajun utiqtun naunaijautaa:

Aullarvia Ublua

Amigaitilaangit 
28-Qitiqqautiyuq  44
1-Qiqaijaluarvia  3
2-Qiqaijaluarvia  59
3-Qiqaijaluarvia  89
4-Qiqaijaluarvia 82
Attautimut 277

Ihariagijauqpiaqtuni Havaktini Tukhirutin:

Talvannga Qitiqqautijuq 30, pilik 15,747 piumajaujut, 7,846 ngujun ihariagijauqpiaqtuni havaktiit piumajaujut.

Tukhiutait Qanurinniit

# %

Angiqtaujut (ilaujun ihariagijauqpiaqtun ihariagijauqpiangittullu)

11,966 76.0%

Qin’ngijaujun

308 2.0%

Ihumaliuqtaujun huli

546 3.5%

Aullauvilluarvigijainni Nunat Aagiqtauhimayut

2,927 18.5%

Attautimut

15,747 100%

 

 

Havagviat Ilinniaqtuliqijikkut

Aulahimaaqtun kivgaqtuutit:

K-12 Iliharviit

Hapkuat qanurinninga atuqtauhimmaarniaqtun:

  • Qanurininga 4 – Iliharviit Kinngaini Iqalungnilu
  • Qanurininga 3 – Iliharviit Qikiqtaani, ukunaungittunut Sanikiluaq, Kinngait, Iqalungnilu
  • Qanurinninga 2 – Iliharviit Kangiqlinirmi.
  • Qanurinninga 1 – Iliharviit Sanikiluaq, Kitikmeoni, hamanilu Kivallirmi, hamaniungittuq Kangiqlinirmi.

Iliharviit atuqtipkarniaqtuq ihuaqtuq hulidjutikhakkut hivunikhaq tadja qanurinningamingnun.                                                                                                                   

Ilihalihaaqtut Nutaqqat Nutaqqaniklu Munaqhiviit

Tamaita nutaqqiqiviingit angmaumagiaqaqtun, kihiani Kinngarni hamanilu Iqalungmiutangitut.

Manikkut Ikajuutikhat Nunavunmi Ilihaqtunut (FANS)

Ilihaqtun ihuarhaijun FANSkut-pitaaqtukkut aullaarutikhamingnik maliktakhait inungnun aanniaqtailinikkut qanuriliurutikhat pitquidjutaillu CPHOmin.

Ilihaqtun apirhuutikhaqarutmik mighaagun aullaarutikkut, hivajaqtaaqtaa FANS-kut havagvia naunaitkutikhamingnik uvani fanstravel@gov.nu.ca.

Umikhimaniaqtun/Nutqaqtitauniaqtun/Taimaaqtitaujut ikajuutikhat:

K-12 Iliharviit

Kinngaitmi Iqalungni iliharviit umikhimaniaqtut iliharvingni ilihaidjutini talvunga naunaijarutaanun.

  • Talvani Qanurinningani 4mi, tamaita iliharutikhat havaktauniaqtun ungahiktukkuuqtukkut. Tamaita iliharviit umikhimajun ilihaqtunun, havaktinun inungnullu. Iliharviup havaktiita uqarviigiqattaqpangniaqtait hivajautikkut tamaita ilihaqtut.

Ilihalihaaqtut Nutaqqat Nutaqqaniklu Munaqhiviit

Kinngaini Iqalungnilu nutaqqiqiviit umikhimaniaqtut tuhaqtitautinnatik.

 

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.