Havaktingit

You are here

COVID-19 Qalagjuarnikkut GN-kunnin Nutaamik Tuhaqtidjutaa

Nuvaipa 20, 2020

COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 20, 2020

Hivuliqtiup nutaaq tuhaqtitakhaa:


Ublaakkut. Ublumi, Nunavut piqaliqtuq qulinik 10 nutaanik aannialiqtunik COVID-19 qalagjuarniq. Atauhiq nutaaq aannialiqtuq Arviani, pingahut nutaataannialiqtut Tikirarjuarmi imaalu siksit aallat aannialiqtutu Kangiqlinirmi. Nunavut attautimut 84-nguqtut annialiqtut COVID-19 qalagjuarnirmik. Attautimun amigaitilangit inuit munarijaujut ublumimun 4293. Tadja 892 inuit tadja munarijaujun.

Tikitpalliadjutiptingni hivulliqpaamut havangnaidjutaani anitqujaungittuta umiktauningani, apirijatka Nunavummiut akhuuqhimmaqujaffi ihumaliuttiaqpakluhillu. Hamna aannialaqidjut nallujuq qanuqtut akjhuuraluk havakpiaktugut imaaluuniit qanuqtut tunninguqpiaktugut imaalu unnagukpiariakhaptingnik. Nutqagakhaittugut malingnahuaqtaptingnik tadja hulidjutitingnik. Hiamitiqtailinahuaqtigu nunallaptingni.

Ilihimagaluaqtunga ajurnaqpiaktuq, kihimi pulaaqtailinahuadjavuhi imaaluuniit katimattailuhi ahianit igluqatiffingnit. Taimaatut, anitlakpakluhi hilami – anguniarlutit, iqalukhiurlutit, aullaujarlutit maniqqamut- kihimi iglumiuqatiinnatit nakharlugit humungaunahuaruvit. Kihianik, katimaqatigijatit ikittunahuarlugit imaatullu tallimat inungnik katimajukhat avatquhimaittumik.

Taimailiuqpakluhi, ativagluhi matukhamik ahianungaijaraiguffi iglungnit, inungmit un'ngahikhimalutit, uaqattarlugit algakkit , qalakhurlutit airnut, halumaqtiqattarlugit qangit aktuqtauqattaqtunik.

Ilihimajunga tadja atuliqtaqqut ajurnaqtuq, nutaqqanut ajurnatqijauplunillu maliktakhanik. Ublumi Nunarjuami Nutaqqat Ublua, akhuuqhajaffi tamaffi quviahutigilavut nutaqqavut inuuhillu, ajuinningit imaalu aittuutait. Nutaqqavut angijumik ilaudjutiqaqpaktut nunaptingni, imaalu CIVID qalagjuarniq ajuqhautigivaktallu. Ublumi huliqatiginahuaqtigiik nutaqqavut iglumiuqativut ilavullu ilihimapkarlavut piqpagikpiaktavut, imaalu nangarijavut akhuurutainnik ilannamiitailinahuaqhutiklu aihimaplutiklu.

Nutgaqqat, qujagikpiaktaffi, ikajurnahuarutiffingnik qanuriliurrutiffingniklu. Nakuuhivalliadjavut qanngiutilunillu una aanniarut qakugunnuaq. Tamaffi akhuuqturniktuhi!

TGamaffingnut tamainni avikturnianni– quanaqquhi. Tuhaavaktuga pittiaqtuinnarnik nakuujuniklu, akhuuqhaidjutinik imaalu qujahuktunik imaalu tamainik havakpauhiinnik inuit tamarmik. Taimailiuqtaaqtugun. Uuktuqhimmaarluta.

Nakuutiarlutit. Qajagivaklutit. Aihimalutit.
 

 

Atanilluaq Nunallaani Aanniaqtailinikkut Havaktimin nutaanik-ilitturipkaidjuti:

Ublaakkut. Ublumi uqautigijumajatka qanuqtut tukiqariakhanik qaujihainirmik inungmik naunaiqtaujunik qaniklihimajunik inungmut aannialiqtumut uminga COVID-19 qalagjuarniq.

Tikinnahuaqtangat aktuqtauhimajumik qaujihainirmik nutaqtinnahuarutikhanik hiamitirninganut qilamik. Inuk naunaiqtaujarangat aannialiqtumik COVID-19 qalagjuarnirmik ilitturijumajugut kitkunik aktuqhimajainnik aannialaqidjutiqaqtitlutik. Hapkuat inuit ihumagijaujut aktuqtauhimajut, imaalu aannialaqidjutiningniarunaqhijut (nauvalliajunaqhijut) aannialaqidjut. Mihingnautait nuiniarunaqhijut imaatut 14-ni ubluni kingulirmik aktuqtaunianit aanniaqtumut inungmut.

Inungnut aktuqtauhimajunut COVID-19 qalagjuarnirmik, anginiqaqtuq avalingaaqtukhaujut imaatut 14-ni ubluni, pidjutigihimaittumik qaujihaidjutingit qanurinnigit. Iidjuhirivakhimajaa iaani hiamitiliqpaktuq aannialaqidjutit qaujimanaittumik, aannialirnaqtut aallanut inungnut. Taimaittumik,uqaudjauhimaguvit qajangnaqpiaktumik hiamitirittaaqtutit aktuqtauhimaguvit aanniaqtumit COVID-19 qalagjuarnirmik, avalingaaqtukhaujutit iglungni. Hamna nukuukpiaktuq hiamitiqtailitikhaq aannialaqidjunmik.

Ilanga havaktakhangat aktuqtauhimajunik aanniaqtumik naunaijaiplutik tamna COVID-19 qalagjuaniq hiamitiqtuq ukununga malrungnut inungnut. Ilihimajugut hiamitirninga pivaktuq inuit qaniklihimajarangata hivitujumi. Maliktakhat tamna hiamitirninga pivaktuq inuk malruuk 2 qanitqijanik 6 feet-mit imaatut 10 minutes-mi, taimaittumik katimtailijukhat imaalu ikiglinahuarlugit inungmiuqatigingniq kihiani iglumiuqatigiiktut nakujuq.

Aannialaqidjutit nauvalliadjutaani uluptingni, kihimi qaujihaidjutait paqittunaitat aanniarut. Avalingaarlutit ilingnik apirijauguvit ikajurahuarlutit nutqaqtinahuarlugu hiamitirnianik, aannialiqtailinahuarlugit ilannatit, ilagijatit, imaalu nunaqatitit.

Aktuqtauhimaitkaluaqtitlutit aanniarunmitCOVID-19 qalagjuarniq, ikajuutikhaqaqtut inuit tamarmik nutqaqtinahuarlugu hiamitirninga COVID-19 qalagjuarniqh:

  • Aihimalutin aanniaruvin
  • Katimaqatigivaktatit ikittulugit, ikittulugit hulilukaarutitit ikittunut hulikatingnut aadjikiiktunut inungnut
  • Uaqatarlugit algatin
  • Atimaluni Matumik
  • Qaniklivallaaruiqlutin

Pingattiunmi, uqautigijatka akhut havakp[auhiat Amigaqhuutaujunut Ikajuqtiujut imaalu Inungnut havaqatigiiktut kiudjutikhanik nutqaqtiutikhanik aannirutimik. Ublumi, Qujagijumajatka qaujihaiviinni havaktingit. Havakpiakp[aktut ikaarniinni amigaitpiaktunik, havakpakhutiklu unnuangugaluami imaalu ublannuamut ikaarniinni qaujihaidjutingit iniqtirnahuaqhugit. Havakpagait ikajuutaukpiaktut uuktuutiptingnut hiamitiqtailinahuarutikhanut aannialaqidjutit.

Quana.
 

 

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Havagviat Aanniaqtailinirmut

Nutaanik naunaiqtakhanik atuqtakhaniklu talvuuna COVID-19 qalagjuarniq Nunavunmi, takulugu una:
https://www.gov.nu.ca/health/information/covid-19-novel-coronavirus

Nutaanik naunaitkutikhanik tadja inungnut aanniaqtailinikkut malqatqujaujunik, takuluhu:
https://www.gov.nu.ca/health/information/nunavuts-path

NU COVID-19 Naunaitkutait Nov. 20

Nunallaami Naunaiqtaujut COVID-19 qalagjuarniq Aanniaiqtut ippakhaq Naunaiqtaujut COVID-19 qalagjuarniq Aanniaiqtut ublumi Aallanguqtut aanniaqtut nampait +/- ippakhamit
Arviat 57 58 1
Tikirarjuaq 8 11 3
Kaniqliniq 7 13 6
Sanikiluaq 2 2 0
ATAUTTIMUN 74 84 10


Qaujihaqtaujut amigaitilangit ublumimut: Hikutirvia 20

Nunalaami Qaujihaqtaujut aannialiqtut Qaujihaqtaujut aanniangittut
Arviat 58 137
Tikirarjuaq 11 21
Kaniqliniq 13 110
Sani 2 119
ATAUTTIMUN 84 387


Avalingaqtut: 

Attautimut (Tamaita Aanniarviliaqtut Avalingarviit Najugait Nunanginni)  
Aullaaqtuq Qanurittumik Inuit Avaliinngaaqtitaujut talvannga Hilkutirvia 19
Aanniarnikkut 326
Inuit Nunalaani 167
Attautimun 493


Aullaqhimajun utiqtun naunaijautaa:

Aullarvia Ublua Amigaitilaangit Aullaaqtun Avaliingaarvingnin
20-Nov 32
21-Nov 7
22-Nov 12
23-Nov 57
24-Nov 13
Attautimun 121


Ihariagijauqpiaqtuni Havaktini Tukhirutin:

Talvannga Hilkutirvia 19, pilik 9064 tukhirutinik, 4214ngujun ihariagijauqpiaqtuni havaktini tukhirutinik.

Tukhiutait Qanurinniit # %
Angiqtaujut (ilaujun ihariagijauqpiaqtun ihariagijauqpiangittullu) 6059 66.8%
Qin’ngijaujun 281 3.2%
Ihumaliuqtaujun huli 212 3.1%
Aullauvilluarvigijainni Nunat Aagiqtauhimayut 2512 2.3%
Attautimun 9064 100%

 

 

Havagviat Avatiliqijitkut Kivgaqtuutikhait

Tamaita avikturnianni min'nguirviit umiktut tuhaqtitaulraaqtinnahi.
 

 

Havagviat Kiinaujaliqijikkut Kivgaqtuutikhat

Havaktut akiliuhiakhaitigut Naunaitkutait haffumani Ubluiqtirvia 11

Tamaita GN-kuni havaktit akiliqtaunaqtut ihuaqhariiqhimayuni ubluinni. Piqatayuitut akiliuhiat ikaangniit avatqunirmun himmautauyut quyaginarlu akiligakhat (ilaujut AWOL unalu LWOP) kinguvarniaqtut havauhikhait.

Havakhimaanginaqtut havaktit akiliuhiaqpaktamingnik akiliqtauhimaarniaqtut.

Tamaita hakavaffuktut hivumuuqtitauyut hamunga Hikutirvia 27 tuyuriaqangitut ikaarniit havakthimajatik naunaitkutingit.

Himmautauyut havaktit kitut havakhimayut hamanga Hikutirvia 14 hamunga Hikutirvia 26 tuyuriaqaqtut ikaarniit havakthimajatik naunaitkutingitt tikitinagu 5 unuami uvani Hikutirvia 26. Hadja, ukuanginait havakti atan'ngujpplu atiliuqtakhait ikaarniit havakthimajatik naunaitkutingit. Tuuliiqhimajut haaktaulimaitut.

Tapkununga havktiinun kitut tuniyauyut maniliuqhimayunik, tuyuqhimaarniaqtavut nunallaanun. Akhuurutiyaffi aturlugit qaritauyakkut maniliqutit piyakhat manikhariaffingni manikharnaqhikpat. Tapkununga pivaktut akiliuhiakhainnik iliuraqtauplutik maniliqiviinut, akiliuhiakhait naunaijautait tujuqtauhun'ngujut qakugungaqqat.

Naunaittiarumaguvit, qaritaujakkut titirarvigilugu Tracey Moyles, Aulapkaiji Akiliuhiaqhatigun Ikajuutinutlu uvani tmoyles@gov.nu.ca.
 

 

Havagvia Maligaliqijikkut

Itiqtauviit Havagvia Havagviat Maligaliqinikkut ihivriuqhihimmaaqtut atuqpaktainnik maliktakhainiklu itiqtauviinni qajangnaittumik itiqtauhimajunut havaktiinullu tadjamit. Ihuaqhaqtauhimajut pinahuarutini iluanni igluqpainni pijariaqaqtut ikajuutikhanik una hivlliutijkhanut.

Aulahimaaqtun kivgaqtuutit:

Inuit pitquhiinnik ajuiqhajakhanik ilihautikhat (ICSP) aulklahimmaarniaqtut.

Maniit tujuutauhimajut ilidjutikhait agidjijaujut aullahimmaarniaqtut. Maniit agjaqtaujukhat ihuaqhaqhimajuni ubluqhiutikkut talvunga Qikiqtaalumi Itiqtaugvianut uvanillu Kangiqlinirmi Mamihaivianut Havagvianut. Kinguvaktinniarunaqhijut tujuutaujukhat pidjutigiplugit ikiglingmata havaktiujut kiinaujaliqijitkuni havagviani.

Ihuaqhaqhimajut kivgaqtuutait:

Tamaita“Inungnik” pulaarumajut taimaaqtitaullaktut tadja, kihimi itiqtauviinni najugainnilu havangniaqtut tunijumaplugit qun'ngirutiukkut takunnaqtukkut pulaarvikhanik, pijuminaqtunut. Inuit pulaaqtut pittailijaujut ihivriuqtaffarniaqtuq qakugunguraikpat.

Hapkuat ptqujauhimajut piliuqtauhiamjut imaatut aullaranginnarutikhanut opinahuarutikhat, pijuminarangata:

  • Akiittumi ikajuqtiuvaktut, kantraqaqtitaujullu imaalu aallat timiqutaujut itiqtitaulmaittut tadja hapkununga igluqpainnut
  • Kiglikhaliqtuidjutait piliuqtauhimajut ilihaqtakhanut iliharvinni aktilakhanginnik
  • Kiglikhaliqtuidjutait piliuqtauhimajutamigaitilangit havaktit pipkaqtaulajut havagvainni igluqpangmi

Hapkuat kiglikhaliqtuidjutait ihumagiplugit, igluqpait qiniqhianiaqtut amigaigjuuminahuarutikhanik hiviturjuumidjutikhanik aniitlautikhanginnik hilami.
Havariaqturvikhangit Pinahuarutikhat aullahimmaarniaqtut hapkuninga maliktakhaqarlutik:

  • Nunangani inungmiuttaililutik/qaniklittaililutiklu
  • Amigaitilaaqaqtukhat 2 itiqtauhimajuk ukuallu Nunangani Havaqatigiiktunut havakti nunamit ahiani havaktunut
  • Inuum Atimajakhait Qajagidjutikhat (PPE) timajaujukhat havaktinit itiqtauvingmiutanillu havaktitlutik tamaat
  • Iharigijaujuinnait/pijariaqaqtuinnait havauvigijainni nunamit ahiani angiqtauniaqtut
  • Najugaani nunami havaktukhat angiqtauniaqtut, COVID-19 qalagjuarnikkut qajangnaitkutikhat maliqatjaukpata

Inirnikhaat uqaudjijit havakpaktut ihuaqhaiplutik havagvikhanik ikajuqtiujut akiittumik/havaglaktut Inirnikhat pidjutaujumit naunaijautiqarniaqtut. Angiqtaudjutikhait ihumagijauniaqtut qajangnarnianik aktuqtaunikhanut Inirnikhat imaaluuniit najugaani munarijaunirmi pulaarviani najugaani.

Najugait ptunijaulimaittut niqainnarnik agjaqtaujunik nunamingni ilaujunit. Itiqtauviit Havagvia niuvvirniaqtut aallanik amigaitilanginnik niqainnarnik aquiqturvingmingnit niuvvajimingnit. Itiqtauviinni niqikhaliurutait aturiaqtat una amigaigjuumidjutaa. Unaluttauq,itiqtauviit ihivriuqhijut naunaijautikhanik ilaudjutikhanut niqainnarnik niuvvajakhainnik aquiqturvianut.

Unaluttauq maliqajakhainut nutannguqtiutikhangit kinguagut tuhaqtitauhimajut, itiqtauviit aallallu maligatigut havaqatigiiktut havangniaqtut ikiglinahuarlugit itiqtauhimajut amigaitlangit.

Tamaita itiqtauhimajut itiqtauviptingni najugainni naunaijaqtauvaktut pittariakhainnik annijaunarirlutik. Umani naunaijaqtaudjunmi, attautimut hitamat 4 itiqtauhimajut iniqtaujut aninariqtukhat talvanga Qikiqtaaluk Itiqtauviannit akkungangni Hikutirvia 25, 2020 imaalu hitamat 4 itiqtauhimajut aninariqtukhat Kangiqlinirmi Mamihaivianit Igluqpangmit akkungangni tadja unalu Ubluiqtirvia 1, 2020.

Talvanga Hikutirvia 18, Nunavunmi Apiqhuiviit Maligaliqijikkut tuhaqtitijut ikiglijuummiqtut aulapkaidjutikhangit, kihimi, naunaiqhijut akiliqtauplutik anijukhanik itiqtauhimajunik itiqtauviptingni aullahimmarniaqtut.

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.