Havaktingit

You are here

COVID-19 Qalagjuarnikkut GN-kunnin Nutaamik Tuhaqtidjutaa - Aktuupa 2 - 2020

Aktuupa 02, 2020


COVID-19 Qalagjuarnikkut GN-kunnin Nutaamik Tuhaqtidjutaa

Hivuliuqtimin nutaamik tuhaqtidjutaa

Ublaakkut. Huli nutaqqijugun naunaittiarnikkut pidjutinginnik inungnin ihivriuqhiqtauhimajunin uvani Hope Bay Ujarahiurvingmin.

Attautimut amigaitilangin inuit munarijaujun qanurinniariakhainnik ublumimun imaa ittun 2981. 465-ngujun inuit tadja munarijaunun.

Hivuani Dr. Patterson uqautigitinnagu qanurinninganik uvani Hope Bay Ujaraghiurvingmi, uqaqatigijumajatka Nunavunmiutat mighaagun munarijakhaptiknik; tamaptikni.

Taimaatun takuliqtilluta aannialaqiliqtunik amigaiqjuummiqtiliqtunik qilamik Hivuraangi Kanadami, naunaittuq iliqtugun tukliani pidjutaani uumani aannialaqidjutimi. COVID-19 qalagjuarniq tadja nutqaliqtingittuq. Ilauniaqtuq inuuhiptikni tadja hivunikhaptikni ilihimangittugullu qakugu havauhidjutikhaqarninganun nakuujunikluunniit hanaqidjutikhaanun.

Taimaatun, tamapta ikajuqtukhaujugun munarinikkut tamaptiknik qajangnaittaami. Aallanguqtiqtakhavun inuit hulidjutait qanuriliurutaillu tautuktillugulu munaridjutivun nuatqatiptiknik nunallaaptikniklu.

Itqaumaluhi hulidjutitin hulaqutijun tamainnun aanniaqtailidjutainnun. Taimaatun anginiqaqtuq mailigiami inungnun aanniaqtailinikkut qanurilirutinik – alganik uqaqattarnirnik, inungnin ahiqpaniinnirnik, halumarhiqattaarlugin kahaktauraanginnaqtun qaangit, maliklugin katimadjutinik anginikhaitugun kiklikhait, avaliingaarnirnikkut atimanikkullu akuliamun matukhanik pijukhaukpat.

COVID-19 qalagjuarniq tukilik ihumagijakhavun aallat aanniaqtailidjutaillu qangnaidjutikhallu tadja taimaatun piqpialiqtuq. Pidjutilik huli tamaptiknun, taimaatun huligaangapta hulaqutiqarmat tamainnun tadja

Atanilluaq Nunallaani Aanniaqtailinikkut Havaktimin nutaanik-ilitturipkaidjuti

Ublaakkut. September 28mi, Aanniaqtailinikkut Havagvik aullaqtipkaqtaa Qilamik Upautinikkut Havaktitik hiamingittaangani aallalaqidjutit uumannga COVID-19 qalagjuarnirmit uvani TMAC Resources-kunni Hope Bay ujaraghiurvingmi.

TMAC Resources uqarvigijaa havagviga September 26mi mighaagun havaktimik piliqtuq naunaitkutinik aajjikkiingniqaqtunik COVID-19 qalagjuarnirmi. Inuup naunaijaqhimajaujullu aktuqtauhimadjutait kiliuqtauvaktun ihivriuqtaujukhallu tujuqtauvaktun Kangiqlinirmun ihivriuqtaujaanginnik.

7ngjun ihivriuqtaujukhat pijun naunaitkutinik aannialaqidjutinik, tamaitalu tujuqtauhimajun hivuraani qaujiharvingmun naunaittiarutikhakkut taimaatun ihivriuqhinirnun. Malruuk taapkunani ihivriuqhinirni talvannga ilitturijauhimajuk.

Taimaatun ihivriuqhinikkut pidjutit naunaiqhimangmata hiamitiqniq COVID-19 qalagjuarnirmi talvannga ujaraghiurvingmin, aullaqtitavun qimalik upautinikkut hivulliurutikput ikajuriami hiamittailinikkut aannialaqutimik.

Tamaitalu ihariagijaungittun aullaarutikhat talvunga talvanngalu ujaraghiurvingmin nutqaqtitauvaktullu.

Ukuat Qilamik Upautinikkut Havaktit havakpaktullu aallanik aktuqtaunikkut naunaijaivaktun piplutiklu ihivriuqhiqtaujukhanik.

Talvannga unnuamin, talliamat aallat kiliuqtuutit aullaqtitauhimajun Kangiliqnirmunt ihivriuqhiqtaujukhanik uumani GeneXpert umaniluunniit BioFire hanaqidjutini, atauhiq ihivriuqtaujuq naunaiqtuq aannialaqidjutihimajuq tujuqtauniaqtuqlu ilitturittiarutikhamun ihivriuqhinirmun. Qanuridjutinganun ataurhirmi ihivriuqrutimi hulik utaqqijaujuq. Aallattauq 8ngujut kiliuqtauhimajun tujuqtauniaqtun Kangiqlinirmun aqagu.

Itquumajumik takujaami aannialaqutimik, qajangnaqtun aktuumadjutikkut talvannga hivulliinnin qaffiujunin ihivriuqtauhimajunin kiliuqtauffaaqtauvaktun pipkainikkut ihivriuqhiniit pijun ihuaqtuni ublunginni talvani naulirviinni hivitunirni.

Tamaita taapkuat ihivriuqtauhimajun ilitturijauhimajun piqaqtun ukaullu qangnarhittaaqtuni, ihariagijauqpiangittunilu havaktiit aktuqtauhimajun avaliinngaaqtitauliqtun.

Ihariagijaujun havaktiit aktuqtauhimajun ihariagijaujun havakhimmaaqtukhauplutik qajangnaidjutinginnun aallanun havaktinun, havakhimmaaqtun himmautikhamingnun. Hapkuat havaktiit maliktun akhuuqtaujunik qanurilirutinik ahiqpaniittaamingnik taapkunanga haniliriikhimajamingnin, ilaujuqlut aturniit matukhanik. Havaktiit piqaliqtun naunaitkutinik pitqujauniaqtun avaliinngaalirlutik tadjainnaq.

Ippakhamin, malruuk inuk piqaqtuk naunaitkutinik taimaihimaliqtuk naunaitkutait piqaguiqtun.

Ukuat Qilamik Upautinikkut Havaktit tadja aulahimmaaqtun aktuqtauhimanikkut naunaijaijun hiamitittailinikkullu havaktun niriuktaujullu tahamaniihimmaarlutik qitqanun akaguanimun.

Taimaatun hiaminniq COVID-19 qalagjuarnirmi ujaraghiurvingmi ihumaalungnarhuni, qajangnarniq Nunavunmiunnun umannga hiamitirnirmin atpaniittuq. Hope Bay piqangittuq tadja Nunavunmiunnik havaktunik ujaraghiuvignmi piqangittuqlu aktuqtauhimadjutinik ujaraghiuvingmin ukununga qujaginnaq Nunavunmi nunallaanun.

Taimaatun ukuat Qilamik Upautinikkut Havaktit inirumikkik havaktatik, havagviga ihivriuqniaqtaa qanuriliurniq ukuningalu ilitturipkaidjutinik katitiqhimajun ukunannga Qilamik Upautinikkut Havaktinin. Talvannga, ihumaliurniaqtugun piqaqqat pimmarighaqtauhimajunik qanuriliurutikhanik ihariagijaujun mikhilaaqtirnikkut qajangnarnirmik aallamik aannialaqidjutimik.

Quana.


Ilaupluni Nunavut Kavamanga (GN) havagutainnik hapumminikkut Nunavunmiunnik talvannga qajangnarnirmin COVID-19 qalagjuarnirmin, GN-kunni Havakviit atuqtipkaliqtait hapkuat:

Aanniaqtailinikkut Havagvia

Atauttimun (Tamaita Avaliingaarnikkut Najurviit)  
Aullaaqtuq Qanurittumik Inuit Avaliinngaaqtitaujut talvannga Oct 2min
Aanniarnikkut 366
Inuit Inmikkuuqtun 398
Attautimut 764

 

Aullarhimajun utiqtun naunaijautaa:

Aullarvia Ublua Amigaitilaangit Aullaaqtun Avaliingaarvingnin
Aktuupa 1 64
Aktuupa  2 47
Aktuupa  3 0
Aktuupa 4 28
Aktuupa 5 127
Attautimut 266


Ihariagijauqpiaqtuni Havaktini Tukhirutin

Talvannga Oct. 1min, pilik 6615 tukhirutinik, 3174ngujun ihariagijauqpiaqtuni havaktini tukhirutinik.

Tukhiutait Qanurinniit # %
Angiqtaujut (ilaujun ihariagijauqpiaqtun ihariagijauqpiangittullu) 4627 69.9%
Qin’ngijaujun 264 4.0%
Ihumaliuqtaujun huli 117 1.8%
Aullauvilluarvigijainni Nunat Angiqtaujun 1607 24.3%
Attautimut 6615 100%


Nunalingni Kavatkunillu Pivikhaqautikkut Havagvia

Tukhirutit nunamungaujaami nappaqtirinikkut pidjutilingnik havaktakhanik aullaariamiluunniit nunami ukununga nappaqtirinikkut pidjutilingnik havaktakhanik tujuqtauttaaqtun qaritaujakkuurutikkut titiqqidjutikkut uumunga CPHOconstructionrequests@gov.nu.ca

Nappaqtirinikkut havatiit inirhimajun avaliingarnikkut ublumimun: 1591

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.