Havaktingit

You are here

COVID-19 Qalagjuarnikkut GN-kunnin Nutaamik Tuhaqtidjutaa - December 11, 2020

Tissaipa 11, 2020

COVID-19 Qalagjuarnikkut GN-kunnin Nutaamik Tuhaqtidjutaa - December 11, 2020

Hivuliqtiup nutaaq-tuhaqtitakhaa:

Ublaakkut. Ublumi, Nunavut piqaliqtuq 16nik nutaanik aannialiqtunik COVID-19 qalagjuarnirmik, tamaita Arviani.

Nunavunmi tadja atauttimut 56-nguqtut anniaqtut COVID-19 qalagjuarnirmik. Atauttimun amigaitilangit inuit munarijaujut ublumimun 5339. 648 inuit tadja munarijaujun. 189 Nunavummiut tadja nakuuhijut aannialaqidjunmit.

Ippakhaq Hivulliujuni Ministani miitirnirmi, Kanadaup Angijuqqaanga uqautijaanga Nunavut tunijauniaqtuq naamajunik uuminnga Moderna havauti kapuutikhanik kapuriami 75%ngujunik Nunavutiup inungiangninganun ukiulgit avatquhimajunik 18nik. Niriuktunga una piniaqtuq hivulliinni pingahuni tatqiqhiutini 2021mi.

Ilihimajugun una Moderna – kapuutikhaq havauti nakuujumik pidjutauniaqtuq tamaani ungahiktuni nunallaaptikni - huli angiqtaujukhaq. Tadja, havakpiarhimaliqtugun piliuriami pipkaqtipkainikkut hivunikhaq ukunanilu najurvighainnik ukuallu havaktikhanik kapuqtikhanik.

Tikiutiliqhuta haalatiikhanun, kangiqhittiaqujatka Nunavunmiut qanuqtun una quviahukvik inniaqpiarninga. Upalungaijaqtukhaujugun aallangaqpiaqtumik Quviahukvingmik.

Una tukilik ikitqijaujuinik katimadjutinik niriqatigiigutiniklu. Uumani ukiumi, quviahuutiqariaqtugun qaritaujakkuurutikkut, hivajautikkut ahiqpaniittukkulluunniit igalaakkut/turhuungniluunniit takudjutikkut.

Katimajariaqangittugun uumani haalatiimi, taimaatun pijaaptikni katimajaaptiknik aippaagu Quviahukvingmi.

Taimaatuinnaq, hulilutit hulidjutikharnik, Nunavunmiut. Taapkualluanullu Arviarmiunmi, ihumagihuiqlutin aannialaqilimaittutin. Piqarumi inungnik malingittun maliktakhani, takuniaqtugun aannialaqijun amigaiqjuummirniaqtun. Pidjutilik ilingnun nutqaqtipkainikkut hiamitirnia COVID-19 qalagjuarnirmik.

Qajangnaittumik havaguiqhimaguit.

 

Atanilluaq Inungnun Aanniaqtailinikkut Havaktimin nutaaq tuhaqtitakhaa:

Ublaakkut. Uumani havainirmi, kavamatuqatkut unniutijaa angirniq uumani Pfizer-kunni COVID-19 qalagjuarnirmun havautikhaq kapuuti. Hivuagun uqaqtauhimanikkut, una Pfizer havauti kapuutikhami tutquumania agharnialu pitqujauhimajut imaatun kapuutikhaup niglaumaqpiaqtumi tutquumavighaa pitqujauhimajuq imaatun -80° Celcius, qajagiqpiaqtaujukhamilu agjaqtaudjaami, ihuangittuq Nunavunmun.

Nunavut nutaqqijuq kingulliqpaamik angirutikhamik uumunga Moderna havautikkut kapuutikhanun. Angiqtaukpat, agjaqtaunia havautikkut kapuutikhanun aullaaqtirniaqtuq. Niriuktugun uvani hivulliinni pingahuni (3) tatqiqhiutini 2021mi Nunavut piniaqtuq naamajunik kapuutikhanik ukununga 75% inirninun Nunavunmiittuni. Agjaqtuidjutaa kapuutikhanun ihumagittiarniaqtait aallangajun piqpiarutait nunaptikni taimailiuqhutik pipkaiplutik taapkuat qajangnatqijaujun inuit, imaatun inuit munaqtiillu munarivingni inirnighanullu najurviinni, naunaitkutauluni, hivulliutijauniaqtun kapuutikhanun. Naunaitkutait agjaqtaudjutinik pidjutiqarniaqtun ublukahinni agjarutini. Hivulliutit piniaqtun taapkunani ukiulgit 65nik avatquhimajuniklu, inungnun najuqtun munarigivingni, havaktiit havaktut taapkunani munarivingni ukuallu hivuliqpaangjunun aanniaqtailinikkut havaktiit. Hapkuat hivulliutidjutit maliktun Kanadami pitqujainni talvani kitkunni ihumagijaujukhat hivulliutiujukhat kapuutikhanun. Taapkuat hivulliutiuhimajun katimajun pihimaliqqat a kapuutinik, hailihimapkairniaqtaqqut tamainnun Nunavunmiunnun ukiulgit 18nik avatquhimajunikluunniit, kihimi naunaiqpiarhimaluni, ubluqhiaqpiaq pidjutiqarniaqtuq aktilaanganun ublughainninlu agjaqtarutaanin Nunavunmun.

Hivulliunmi, uqautigijara qilamik ihivriuqhinikkut pinahuaruti aullaqtiqtuq uvani Winnipeg avaliingaarvingni Pingattiunmi. Ublumi, uqautiginiaqtara aalla piniarhimadjuti havaktauliqtuq ikajuriami mikhilaaqtirnikkut qajangnarhiq akturnikkut COVID-19 qalagjuarnirmik taimaatun mikhilaaqtirnikkun ihumaalungnirnik pidjutittaaqtun talvannga tadja avaliingaaqtipkainikkut maliktakhanin.

Una Qilamitqijaujuq Aanniaqtukkut Aullaarnikkut Avaliingaaruti (EMTI) pinahuaruti pipqaqtinniaqtait aanniaqtukkut aullaaqtun pijun ilanginni qajangnaqpallaangittunik taktiliarutinik Hivugaani Kanadmi, avaliingaaqtiqtukhat tadjainnaq tikitumik utiulutiklu aihimavingmingnun iluani 7ni ubluni aullarutimingnin Nunavunmin.

Una pinahuaruti pitqujait aanniaqtukkut aulaaqtun imaatun:

  • Najuqtukhat uvani Nunavut Kavamanganin Avaliingaarvingmi hivuagun kinguagullu taaktiliarvingmingnin.
  • Atuqluni Nunavut Kavamanganin tunijauhimajuni akhaluutituqvingnik tamainnun taaktilirutimingnun akhaluutituqvingmingnullu talvannga taluvngalu tingmitiqarvingmun.
  • Pulaaqtukhaungittuq humut kihianun avaliingaarvingmun, taaktilirvingmun, tingmihiarvingmullu.
  • Atuqluni ihuaqtunik PPE-nik aullaaqtilluni taaktiliaqtillunilu.
  • Maliklugin tamaita avaliingaarnikkut maliktakhat tamaat tahamaniidjutimingni.
  • Maliklugin tamaita utiunikkut aulaarnikkut maliktakhat taapkunani avaliingaarvingni.
  • Ilaujun malingittun hapkuninnga maliktaujukhanik piiqtitauniaqtun pinahuarutimin iniqtiqtukhaulirlutiklu tamaat 14nik ublunik avaliingaaqtidjutinik utiutinnagin nunamingnun.

Una inmikkut-ihumaliurnikkut pinahuarutaungittuq. Aanniaqtailinikkut Havagvianin havaktiit havagvialu Havagvia CPHO, naunaijaqpaktait pijaarnirnik taaktiliarutikhanik tunnganiqarhuni havauhidjutikhanik qanuriliurutikhaniklu qanurittunik. Aullaaqtukhat taapkuat taaktiliarvighatik angiqtaujun uumani pinahuarutimi ilitturipkaqtitauniaqtun munarhitkunnin.

Tadja, imaatun naahimajun qulinik (10) inungnik atauhirmi havainirmi aullaarhimajun uumani pinahuarutimi talvannga aullaqtirutaanin November-mi. Piqarniani aannialiqtunik amigaiqjuummiqtirutinin hivuraani, una nakuujuq qanuriliuruti ikajuuti mikhilaaqtirnikkut aanniaqtukkut aullaaqtun akturutikkut COVID-19 qalagjuarnirmin.

Kinguagun, qujagijumajatka nunallaat Arviani, Tikirarjuami Kangiqlinirmilu. Qaangiqhimajuq tatqiqhiut ajurnaqtuq inungnun taapkunani nunallaani Kivallirmilu tamaat. Huli havakhimmaaqtukhaunirmi nutqaqtirnikkut hiamitirnia Arviani, qujagijumajatka tamaita inuit ikajuqpaktun aanniaqtailinikkut maliqujaujuni. Taapkuangujun havagutit ikajurniaqtaatigun qaangiutilugu una.

Quana.

 

Ilaupluni Nunavut Kavamanga (GN) havagutainnik hapumminikkut Nunavunmiunnik talvannga qajangnarnirmin COVID-19 qalagjuarnirmin, GN-kunni Havakviit atuqtipkaliqtait hapkuat:

Aanniaqtailinikkut Havagvia

Tamainnun nutaanik naunaitkutinik atuqtakhaniklu talvuuna COVID-19 qalagjuarniq Nunavunmi, takulugu una: https://www.gov.nu.ca/health/information/covid-19-novel-coronavirus

Nutangutqijanik naunaitkutikharnik tadja inungnut aanniaqtailinikkut kikliqaqtunun, takulugu una: https://www.gov.nu.ca/health/information/nunavuts-path

 

COVID-19 qalagjuarniq aannialiqtut qanurinniit: Dec. 11

Attautimut naunaiqtauhimajut aannialaqihimajun

Attautimut aannialaqihimajun

Attautimut nakuuhijut aanniaruiqtun

Attautimun inuit munarijaujun

Tadja inuit munarijaujut

229 56 147 5339 648

COVID-19 qalagjuarniq nunallaani aanniaqtut qaffiutilangit: Dec. 11

Nunallaami

Naunaiqtaujut COVID-19 qalagjuarniq Aanniaiqtut ippakhaq

Naunaiqtaujut COVID-19 qalagjuarniq Aanniaiqtut ublumi

Aallanguqtut aanniaqtut nampait +/- ippakhamit

Nakatqiqtut aanniaqtut

Attautimut aannialaqihimajun

Arviat 187 203 16 147 56

Tikirarjuaq

21 21 0 21 0

Kangiqliniq

19 19 0 19 0
Sanikiluaq 2 2 0 2 0

ATAUTTIMUN

229 245 16 189 56

Qaujihaqtaujut qaffiujut ublumimut nunallami: Dec. 11

Nunallaami 

Qaujihaqtaujut aannialiqtut

Qaujihaqtaujut aanniangittut

Arviat 203 812

Tikirarjuaq 

21 144

Kangiqliniq 

19 251

Sanikiluaq 

2 189

ATAUTTIMUN

245 1396

Avaliingaqtut inugiangningit:

Attautimut (Tamaita Aanniarviliaqtut Avalingarviit Najugait Nunanginni)

 

Aullaaqtuq Qanurittumik

Inuit Avaliinngaaqtitaujut talvannga Dec. 10

Aanniarnikkut

320

Inuit

258
EMTI 3

Attautimut

581

Aullaqhimajun utiqtun naunaijautaa:

Aullarvia Ublua

Amigaitilaangit 
11-Dec 27
12-Dec 3
13-Dec 0
14-Dec 62
Attautimut 92

Ihariagijauqpiaqtuni Havaktini Tukhirutin:

Talvannga Dec.10, pilik 10043 tukhirutinik, 4719ngujun ihariagijauqpiaqtuni havaktini tukhirutinik.

Tukhiutait Qanurinniit

# %

Angiqtaujut (ilaujun ihariagijauqpiaqtun ihariagijauqpiangittullu)

6742 67.1%

Qin’ngijaujun

285 2.8%

Ihumaliuqtaujun huli

232 2.3%

Aullauvilluarvigijainni Nunat Aagiqtauhimayut

2784 27.7%

Attautimut

10043 100%


 

Inuliqijikkut Havagvia

Ihuaqhaqhimajut kivgaqtuutikhait:

Ikajuuhiarviit havagviit tamaani Nunavunmi, kihimi Arviangungittumi, angmaumajun.  Pidjutaanin tadja qanurinninganin COVID-19 qalagjuarnirmi Nunavunmi, takujaqtuqvikhakkut ublukhat pitqujaujun.

Hivajarlugu nunallaarni IAW unaluunniit Avikturhimaniani Havagvik ihuarjaijaami takujaqtuqvikhakkut ublukhamik. Nipiliudjavutin hivajaut tigujaungitpat hivajaqtauffaarniaqtutin.  Unniutijauniaqtutin takujaqtuqvigharnik takudjutilutik hivajautikkulluunniit. Uvuuna, amigaitqijaujun takujaqturvighat pilluaqtauliqtun hivajautikkut.

Hivajautikkuulimaitkuvin, takujaqtuqlugu Ikajuuhiarnikkut havagvik hivunikhamilu takujaqtuqvighat ihuarhaqtauniaqtuq ilingnun.  Pidjutaanin COVID-19 qalagjuarnirmin atauhiinnaq inuk itiqtipkaqtauniaqtuq Ikajuuhiarnikkut Havagvianun.

Akiliuhiakpakkuvit hapkuinnga EI, CPP, OAS/GIS, CRB unaluuniin CRCB qaffi taalaunia naunaiqhimalugu kingulirlu akiliuhiat ublunganik hailihimajukhat takujaqtuiguvin.

 

 

Ilinniaqtuliqijikkut Havagvia

Qaritaujakkuurutikhat Tuniuhainikkut Nutaaq Ilitturipkaidjuti

Qaritaujakkuurutikhat hunat tuniuhaqtauniaqtun tamainnun Puqtujuniittuni 11mi 12milu ilihaqtuni ilihaijinullu.

  • Tamaita qaritaujakkuuruti ittukhat iliharvingni talvunga nunallaaq nuutiutaanun Qanurinnirmun 4mun.
  • Iliharvingmi havaktiit tunijaaqtait qaritaujakkuurutit ilihaqtunun tadjainnaq hivuagun qujaginnaq iliharvingni umiktirutainnun.

Havagvik piqarniqtuq naamajunik qaritaujakkuurutikhanik ikajuriami tamaita Puqtujuniittun 11mi 12milu lihaqtun ilihaijingillu talvuuna nunguliqqat December.

Taimaat amigailiqtun qaritaujakkuurutit pihimajauliqqata ihuarhaqtauplutiklu, tuniqattaqtauhungujun aallanun puqtujuniittunun ikajurnikkut ungahiktukkut iliharutikhanik.

 

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.