Havaktingit

You are here

COVID-19 Qalagjuarnikkut GN-kunnin Nutaamik Tuhaqtidjutaa - December 7, 2020

Tissaipa 07, 2020

COVID-19 Qalagjuarnikkut GN-kunnin Nutaamik Tuhaqtidjutaa - December 7, 2020

Hivuliqtiup nutaaq-tuhaqtitakhaa:

Ublaakkut. Ublumi, Nunavut piqaliqtuq pingahunik (3) nutaanik aannialiqtunik COVID-19 qalagjuarnirmik Arviani. Qulit (10) nutaat aanialiqtunik naunaiqtaujun Arviani uvani havangnaitillugu.

Nunavunmi tadja atauttimut 51-nguqtut anniaqtut COVID-19 qalagjuarnirmik. Atauttimun amigaitilangit inuit munarijaujut ublumimun 5190. 688 inuit tadja munarijaujun. 168 Nunavummiut tadja nakuuhijut aannialaqidjunmit.

Uqaghaalimaittunga ublumi, kihimi uqaffaarumajunga taimaatun anginiqaqpiaqtuq avaliingaaruti. Avaliingaaqujauhimaguvin aanniaqtailinikkut havaktiinnin, taimailiuqtukhaujutin hapumminikkut nunallaarnik.

Ilihimajung ajurnaqtuugaluaq, ihumagijungnarhijutin nutqalimaittuq, kihimi akikkuurutikhaittuq nutqaqtitkumagungni COVID qalagjuarniq Nunavunmi. Taimailiuring ilagijarnun, ilannarnun nunaptiknullu. Huliaghailliurniq ihuangittuqluunniit ilingnun piijarutaungittun. Tamapta havagutikhaqaqtugun.

Avaliingaaqujauhimaguvin, qanuriliuritin tadja hulaqutiqaqtun tamainnun aanniaqtailidjutainnun. Aihimalutin, utaqqirallillutin ikajurlutillu tamainnun qajangnaidjutikhainnun.

 

Atanilluaq Inungnun Aanniaqtailinikkut Havaktimin nutaaq tuhaqtitakhaa:

Ublaakkut,

Uumani havainirmi, talvuunga angirutikkut ukunani Kavamatuqatkunni uumanilu Red Cross-mi, aullaqtirniaqtugun kajumiktunik ihivriuqhinirnik talvani Winnipegmi avaliingaarvingmi ilijaami ilaujumik hapummidjutikhamik uumunga avaliingaarnikkut havagutimun.

Winnipeg-mi, Red Cross-kut aturniaqtaa una Panbio kajumiktumik ihiviriuqhinikkut hanaqidjutimik tunijaaqtuq naunaitkutinik qilaminnuaq imaatun 15 minitsinik. Avaliingaaqtitaujun ihivriuqhiqtauniaqtun ilitirumik avaliingaarvingmun, uvanilu talimaat ublungani, aullaqtinnatiklu, uvani 12-nguqtumi ublungani.

Panbio tammaujuq antigen-kut ihivriuqhidjutaujuq, qinirhiajuq virus-kut proteins-nik naunaijariami virus-mik. Piqarnikkut ihivriuqhidjutimin uumani Panbio pidjutiniatquq tuklirmik kiliurutimik tujuqtaujukhamik qaujiharvingmun naunaijautiqpiakkut ihivriuqhidjutinik. Kinali ihivriuqhidjutiqaqtuq piqaqtumik umani Panbio hanaqidjutimi avaliingaaqtijauniaqtuq igluarmingni. Taimaatun qaujiharvingmit ihivriuqhidjutit naunaijaqpiaqtaa piqarnikkut pidjuti, inuk avaliingaaqtukhaujuq qulinik (10) ublunik talvannga ihivriuqhidjutikkut pihimanirninganin.  Ihivriuqhidjutit naiklilaaqtilimaitait avaliingaaqtidjutit.

Tadja, ihivriuqhidjutit piniaqtun pijumajunin. Kitkullu pijumangittun ihivriuqhidjutimik maliktakhait aturaanginnaqtun 14nik-ublunik avaliingaaqtitaudjutinik. Akhuurhaqtatka inuit ilauquplugin taimaatun ikajuutauniarmat mikhilaaqtirnikkut agjaqtidjutaanik COVID-19 qalagjuarnirmik Nunavunmun tuniniarmallu aallanik hapummidjutikhanik ilaptiknun nunallaaptiknullu.

Anginiqaqpiaqtuq maligiamik maliktakhanik avaliinngaarvingni. Avaliingaarniit pigumik ihuaqtumik, tukilik maliktakhat maliktaujun, una 14nik-ublunik avaliingaarniq nakuujuq ikajuuti mikhilaaqtirnikkut qajagidjutiujuq hiamitiqtailinikkut. Ihivriuqhidjutiit angikliharniaqtaa taamna nakuuniqarnia, kihimi uqaqhimanikkut hivuagun, hunat pimmarikpiangittun.

Atimaniq akuliangmun matumik, inungnin ahiqpaniinniq, uarniq alganik igluamiinnarniq pijaaqqat akhuuqtaujun avaliingaarvingni uumuuna.

Ihivriuqhiniq avaliingaarvingni piqatigijaa una qilamik hiamitilirnirmi COVID-19 qalagjuarnirmik tamaani Kanadami. Taimaatun piqarhimajunik aannialiqtunik amigaitilaangit tamaani Kanadamik amigaiqjuummiqtiqhutik, anginiqaqtuq ilaliutikjukhaujugun aallanik qanuriliurutikhanik mikhilaaqtirnikkut qangnarhidjutittaaqtunik Nunavunmiunnun.

Quana.

 

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Aanniaqtailinikkut Havagvia

Tamainnun nutaanik naunaitkutinik atuqtakhaniklu talvuuna COVID-19 qalagjuarniq Nunavunmi, takulugu una: https://www.gov.nu.ca/health/information/covid-19-novel-coronavirus

Nutangutqijanik naunaitkutikharnik tadja inungnut aanniaqtailinikkut kikliqaqtunun, takulugu una: https://www.gov.nu.ca/health/information/nunavuts-path

 

COVID-19 qalagjuarniq aannialiqtut qanurinniit: Dec. 7

Attautimut naunaiqtauhimajut aannialaqihimajun

Attautimut aannialaqihimajun

Attautimut nakuuhijut aanniaruiqtun

Attautimun inuit munarijaujun

Tadja inuit munarijaujut

219 51 168 5190 688

COVID-19 qalagjuarniq nunallaani aanniaqtut qaffiutilangit: Dec. 7

Nunallaami

Naunaiqtaujut COVID-19 qalagjuarniq Aanniaiqtut ippakhaq

Naunaiqtaujut COVID-19 qalagjuarniq Aanniaiqtut ublumi

Aallanguqtut aanniaqtut nampait +/- ippakhamit

Nakatqiqtut aanniaqtut

Attautimut aannialaqihimajun

Arviat 174 177 3 128 49

Tikirarjuaq

21 21 0 19 2

Kangiqliniq

19 19 0 19 0
Sanikiluaq 2 2 0 2 0

ATAUTTIMUN

216 219 3 168 51

Qaujihaqtaujut qaffiujut ublumimut nunallami: Dec. 7

Nunallaami 

Qaujihaqtaujut aannialiqtut

Qaujihaqtaujut aanniangittut

Arviat 177 729

Tikirarjuaq 

21 137

Kangiqliniq 

19 237

Sanikiluaq 

2 189

ATAUTTIMUN

219 1292

Avaliingaqtut inugiangningit:

Attautimut (Tamaita Aanniarviliaqtut Avalingarviit Najugait Nunanginni)

 

Aullaaqtuq Qanurittumik

Inuit Avaliinngaaqtitaujut talvannga Dec. 6

Aanniarnikkut

184

Inuit

213

Attautimut

397

Aullaqhimajun utiqtun naunaijautaa:

Aullarvia Ublua

Amigaitilaangit 
05-Dec 1
06-Dec 9
07-Dec 70
08-Dec 18
09-Dec 67
Attautimut 165

Ihariagijauqpiaqtuni Havaktini Tukhirutin:

Talvannga Dec. 4, pilik 9798 tukhirutinik, 4584ngujun ihariagijauqpiaqtuni havaktini tukhirutinik.

Tukhiutait Qanurinniit

# %

Angiqtaujut (ilaujun ihariagijauqpiaqtun ihariagijauqpiangittullu)

6475 66.1%

Qin’ngijaujun

281 2.9%

Ihumaliuqtaujun huli

324 3.3%

Aullauvilluarvigijainni Nunat Aagiqtauhimayut

2718 27.7%

Attautimut

9798 100%

Ihuaqhaqtauhimajut havagutit:

Kivallirmi Ajuirhattiaqhimajuni Taaktiliarviit

Taaktiit Nunallaami Iniqtirutit Nutaatqijaujunun tuhaqtidjutikhaq:

Dr. Goulet

Ilukkut Havautiliqijikkut
Kangiqliniq/Tikirarjuk   Nutqaqtihimajuq talvunga January 24mun

Dr. James

Hingaijunun Arnat Ingilrutainnullu
Salliit 7 au 10 déc. Nutqaqtihimajuq talvunga January (ublukhait naunaijaqtaujukhat)
Dr. Hildes-Ripstein                                                           7 au 10 déc. Naunaijautiniaqtuq hivajautikkut. Dr. Leroux ikajurniaqtuq timikkut ihivriuqhinirnik pijukhaukpat
Dr. Newman                                          Salliit 14 au 17 déc.                                          

Aullaniaqtut ihuaqhaqtauhimajunut

Dr. Hill Qamanittuaq 6 au 10 déc.

Tuniutiniatuq qaritaujakkuurutikkut

Dr. Thorington Naujaat 7 au 16 déc. Nutaqtihimajuq, kihimi naunaijainiaqtuq munarhinun ihivriuriami aanniaqtunik

 

 

Nunalingni Kavamatkunillu Pivikhaqautikkut Havagvia havagutit

Aulahimaaqtun havagutit:

Tukhirutit nunamungaujaami nappaqtirinikkut pidjutilingnik havaktakhanik aullaariamiluunniit nunami ukununga nappaqtirinikkut pidjutilingnik havaktakhanik tujuqtauttaaqtun qaritaujakkuurutikkut titiqqidjutikkut uumunga CPHOconstructionrequests@gov.nu.ca

Nappaqtirinikkut havatiit iniqhimajun avaliingaarnikkut ublumimun: 2,242.

 

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.