Havaktingit

You are here

COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 23, 2020

Nuvaipa 23, 2020

COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 23, 2020

Hivuliqtiup tuhaqtitakhaa:

Ublaakkut. Ublumi, Nunavut piqaliqtuq hitamanik nutaanik aannialiqtunik COVID-19 qalagjuarniq. Pingahut nutaat aanialiqtut Kangiqlinirmi imaalu atauhirmik nutaamik aannialiqtumik Tikirarjuarmi.

Nunavunmi attautimut 132-nguqtut annialiqtut COVID-19 qalagjuarnirmik. Attautimun amigaitilangit inuit munarijaujut ublumimun 4644. Tadja 933 inuit tadja munarijaujun.

Arviani, Tikirarjuarmi Kangiqlinirmilu,tamapta ikajurnahuaqtaptigit tamainni nunallaani avikturnianni.

Nunavummiut, quanaqquhi uuktuutiffingnik havangnaidjutaani maliqanahuaqhugit inungnut aannialiqtailinikkut maliqajakhaffingnik. Maliqahimmaarlugit akhuuqhimmaarlugilu.

Ilihimajunga ajurnaqtuq, kihimi pulaaqtailijukhajuugut, katimaffaaqpaliriaptingni aaniarnaittumik inuuhiringnaqtumiklu. Ihumagijakhavut inuit tamaita , tamaitalu nunallaavut, uvatingniinnaungittuq. Hamna aanniarut takupkarnahuaqtatigut ihumagilugillu angitqijanik tautungnikhap[tingnik imaalu tamapta akhuuktukhaujugut maliqattiarnahuarluta. Tamata inullangujugut qanuriliurutivut kajuumilaartinniaqtat nutqaqtitlugullu haffuma aannialaqidjutip.

Inungmiuqatiqaqpakkuvit pulaakpakjhutitllu uniit aallanik iinungnik ahianiittunik iglumiuqatingnit, nutaqarit. Tadja atulirlaqqut nunallaani munaqhinirmik imaalu ihumaginirmik inungnik tamainnik. Tamapta ilihimajugut hamna ajurnaqpiaeniaktuq,kihimik tamapta uukturiaqaqtugut ikajurnahuarluta. Ilihimajugut qanuriiurutikhaptingnik, ilihimajugullu ajuqhautaiuniaqtunik maliqatingitkupta.

Anijakhaitkuvit aimavingnit, anihuirlutit. Ihariahuutaungitpat aullagakhaitkuvit, aullaqtailutit ahinut. Qujanginnaqhimaittumik aanniaqtailitikharnik aallanullu inungnut aanniaqtailitikhanik.

Nakuutiarlutit. Qajagivaklutit. Aihimalutit.

 

Minista Aanniaqtailinkkut ilitturipkaidjutaa:

Ublaakkut. Ilihimajunga amigaigjuuminingit qaffiutilangit COVID-19 qalagjuarnirmik aanialiqtut takuvaktavut kingulirmi havainirmi ihumaluutaukpiakpaktut aihunut inungnut.

Taffuma Dr. Patterson uqautivaktaatigut, hamna ihumagijauvakhimajuq, takunnaqhunillu aanniaqtailinirmut havaktivut akhutak havakpiakpaktut naunaijainahuaqhutik inungnik aktuqtauhimajunik qaujihainahuaqhutik aannialiktunik aktuqtauhimajunik aannialaqidjunmik. 

Tkunnaqtuq taimatut aktuqtauhimajut aanniaqtumit qaujihaqtaujut ihuaqtumik ikajuutaujuq iniinnaimaittut tamaita inuit qaijihaqtaujukhat, aullaqtittukhat qaujihaidjutait ihivriuqtauvikhanut.  Itqaumatqujatkalu tamaita iuit anginiqaqtuq pijanginnik nallaumajunik naunaiqhitikhanik. Nallaguirlutit itqumangittunik uqaruhuutaujunik imaalu inungnun tuhaumapkaitjutinin uqarijaujunik. Itquumangittut uqarijaujut kappiahuutauinaujut.

Tuhaqtitivaktugut ubluq tamaat inungnik imaalu katimaqatigiplugit hamlatkuni hivulliqtiujut qakugungurangat tunijujarni itqumajunik nutaaniklu naunaiqhitikhanik. 

Ikajuqtaujumajugut tamaffingnit. Ilihimajunga ajurnaqtuq aihimainnariami, kihimi tamapta uuktuqtukhaujugut hiamitiqtailinahuarutikhanik aannialaqidjutit. Tuhaqtaqqut Daakti Patterson suqaqhimajuq hiamitirniaqat aannialaqidjut ilitturitinnatit aannialaqidjunmik pihimajutit. Naunaiqtaujumik qaujihaidjutingnik pitinnatit. Taimaittumik anginiqaqtuq maliqajakhatit maliqatqujauhimajut ihumangitkaluaqtitlutit aanniaqtutit imaalu aihimatitlutit.

Apirijumajatkallu inuit avalingaaqtut hivuraani ilitaqhihimajugut ajurnaqpiaktuq talvaniitami avalingarvikhani najugaani,qanurilkiurutitit ikajuutauniaqtut. Maliqangitkupkit maliqatqujauhimajut, qajangnaqtutit inungnut. 

Avalingarvikhat najugaakhat hivuraani halitingungittut. Maliqajakhaqaqtut. Ihuinaruvit masliqangitkupkit maliktahanik qajangnaqtuq nuangnut piqpagijarnullu qajangnaqhuni. Akhuuqqujaujutit, maliqalugit inungmit un'ngahiktilakhat, uaqpaglugit algakkit, pulaaqtailutit, aallanun higaaqtat atuqtittailugu niuqaqtarniklu qallutinik hunalikluuniik. 

Tamapta taimailiuqpakhimajugut atuqtitinirmik hunanik inungnut aallanut, kihimik nutqariaqaqtugut imaalu ihumagittiarlugit qanuriliurutivut. Hapkuat taimailiurutivut nutqaqtakhavut inuit tamaita aannialirnaittumik. 

Havaqatigiiktukhaujugut hiamitiqtailinahuarlugu COVID-19 qalagjuarniq. Qanuriliuqtukhaujugut hapumminikkut uvaptingnik, ilaptiknik nunallaaptingniklu.  Qanuriliurutivut aktuutauniaqtut inungnut tamainnut aanniaqtailinikkut, tamainut.

 

Atanilluaq Inungnun Aanniaqtailinikkut Havaktimin nutaaq tuhaqtitakhaa:

Ublaakkut. Ublumi uqautigiljumajatka qanuqtut aannialaqidjutip hiamitirninganik imaalu anginiqaqtuq avalingarniq anihimaittumik ahinut.

Avalingarniq ajurnaqpiaktuq iungnut mihingnautaiuttunut, kihimik atauhiq happummiarutikhaqqut aanniarunmit COVID-19 qalagjuarnirmit. Inungnut mihingnautaittuut kihimi qajangnaqpiaktut qaniklijaugut COVID-19 qalagjuarnirmik, avalingarnik pijariaqaqtuq.

Inuit hiamitirittaaqtut mihingnautiqag=ngitkaluaqhutik, hamna aanniarut hiamitiqtarmat, tamimaittumik COVID-19 qalagjuarnirmik hiamitiqtaaqpiaktuq kajumikpiaktumik.  Ilangit inuit aanniaqtut COVID-19 qalagjuarniq hiamitirniaqtat aannialaqidjut imaatut malrungni ublungni hivuagut mihingnautiqaliqtinnatik. Aallat inuit hiamitilirniaqtat aannialaqidjut imaatut qulit 10 ublut mihingnautiqaliqtinnatik.

Ihumaguit qaffinik inungnik takuvakpit atauhirmi ublumi,ahiit amigairljuumilugtu tamna nampaa malungnik ublungnik imaaluuniit qulinik ublunik. Hiamitirungni aannialaqidjut tapkunani ubluni, hiamitiqhungujat aannialaqidjut inungnut ahiit hiamitirniaqtat aannialaqidjut aallanut inungnut. Ahiit inuit aanniaqtut,aannialaqipkaihungujut amihunik inungnik, hiamitirijut aannialaqidjunmik.

Nutqariangani hiamitiriniq aannialaqidjunmik avalingaqtukhaujugut anihimaittumik. Ingutaarniq inungnik aaniarutiqaqtunik imaaluuniit iun=nungnik qajangnaqtunik aktuqtaunirmik atauhirmit iglumit aallamut iglumut , hiamitirutauniaqtuq aannialaqidjunmik.

Avalingarniq ihumagijauttiaqtukhaq maliqattiaqtaujukharlu imaalu maliktakhat avalingarnikkut aanniaqtailitikhangit nunagijarnut. Avalingaqtukhauguvit aanniaravit COVID-19 qalagjuarniq imaaluuniit aannialaqittaaravit, taimailiuqtukhaujutit:

  • Anittaililutit aimavingnit.
  • Niqikharnik niuvvajukhauguvit inungnik kivgaqarlutit avaligagakhaittumik agidjuitqulugit ukkuarnut imaalu qimaqulugit hilatingnut.
  • Aallanut iglunungauhuirlutit.
  • Pulaaqtiqaruirlutit.
  • Unngahikhimalutit inungmit iglungni iluanni.
  • Atuqhimmaanginnaklugu matukhamik.
  • Aallanut tunihihuirlutit nirijarnik niritinikluuniit aluutinik, kaputautinik qallutiniklu.
  • Hakugiktumut halummaqhilutit aktuqtauqattaqtunik qanginnik quijarturvingmik, igavingnik ikhivaviujuniklu igluvit iluanni.

Ilihimajunga valingarniq ajurnaqpiaktuq ihumalungnaqhunillu, kihimik inuit tamarmik maliqagumik ikajuutauniaqtuq hiamitiqtailitikhanik aannialaqidjunmik kajumitqijamik ahiit nutqarniaqtavut maliqatqujaujut taimailiurupta.

Quana.

 

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Havagviat Aanniaqtailinirmut

Nutaanik naunaiqtakhanik atuqtakhaniklu talvuuna COVID-19 qalagjuarniq Nunavunmi, takulugu una:

https://www.gov.nu.ca/health/information/covid-19-novel-coronavirus

Nutaanik naunaitkutikhanik tadja inungnut aanniaqtailinikkut malqatqujaujunik, takulugu una: https://www.gov.nu.ca/health/information/nunavuts-path

COVID-19 qalagjuarniq aannialiqtut qanurinniit: Hikutirvia 23

Attautimut naunaiqtauhimajut aannialaqihimajun Attautimut aannialaqihimajun Attautimut nakuuhijut aanniaruiqtun Attautimun inuit munarijaujun Tadja inuit munarijaujun
134 132 2 4644 933

COVID-19 qalagjuarnirmun aannuiaqtun nunallaani qanuriningat: Hikutirvia 23

Nunallaami Naunaiqtaujut COVID-19 qalagjuarniq Aanniaiqtut ippakhaq    Naunaiqtaujut COVID-19 qalagjuarniq Aanniaiqtut ublumi Aallanguqtut aanniaqtut nampait +/- ippakhamit
Arviat 98 98 0
Tikirarjuarmi 15 16 1
Kaniqliniq 15 18 3
Sanikiluaq  2 2 0
ATAUTTIMUN   130 134 4

Qaujihaqtaujut amigaitilangit ublumimut: Hikutirvia 23

Nunalaani   

Qaujihaqtaujut aannialiqtut

Qaujihaqtaujut aanniangittut 

 
Arviat  98 353
Tikirarjuarmi 16 47
Kaniqliniq  18 150
Sanikiluaq  2 168
ATAUTTIMUN 134 718

Avaliingaqtut inugiangningit:

Attautimut (Tamaita Aanniarviliaqtut Avalingarviit Najugait Nunanginni)  
Aullaaqtuq Qanurittumik Inuit Avaliinngaaqtitaujut talvannga Hilkutirvia 23
Aanniarnikkut 346
Inuit Nunalaani 161
Atauttimun 507

Aullaqhimajun utiqtun naunaijautaa:

Aullarvia Ublua Amigaitilaangit Aullaaqtun Avaliingaarvingnin
21-Nov 5
21-Nov 10
21-Nov 64
21-Nov 17
21-Nov 70
Atauttimun 166

Ihariagijauqpiaqtuni Havaktini Tukhirutin:

Talvannga Hilkutirvia 22, pilik 9218 tukhirutinik, 4311-ngujun ihariagijauqpiaqtuni havaktini tukhirutinik.

Tukhiutait Qanurinniit # %
Angiqtaujut (ilaujun ihariagijauqpiaqtun ihariagijauqpiangittullu) 6137 66.6%
Qin’ngijaujun 281 3.0%
Ihumaliuqtaujun huli 249 2.7%
Aullauvilluarvigijainni Nunat Aagiqtauhimayut  2551 27.7%
Atauttimun 9218 100%

 

Nunalingni Kavatkunillu Pivikhaqautikkut Havagvia

Tukhirutit nunamungaujaami nappaqtirinikkut pidjutilingnik havaktakhanik aullaariamiluunniit nunami ukununga nappaqtirinikkut pidjutilingnik havaktakhanik tujuqtauttaaqtun qaritaujakkuurutikkut titiqqidjutikkut uumunga CPHOconstructionrequests@gov.nu.ca

Nappaqtirinikkut havatiit iniqhimajun avaliingarnikkut ublumimun: 2,207.

 

Havagviat Ilinniaqtuliqijikkut

Nutaat piliurningat ilihautikhanik/ kivgaqtuidjutikhangit:

Edsby qaritaujakkut iliharnirmik atuqtakhangit:

  • Tamarmik havaktingit ajuiqhaqtut iniqtut.
  • Tamarmik havaktingit atiliurvikhangit atuqtaunginarialaqijut.
  • Tamarmik ilihaqtut atiliurvikhangit ilautqudjutikhangit tujuutaujut.
  • Ilihaqtut atiliurvikhangit havaktauliqtut atuqtauginarialaqijanginni.
  • Ilihaqtup atiliurvikhanga iniqtaukpat, angajuqqangata atiliurvikhanga ihuaqhaqtauniaqtuq atuqtaunginarialaqijangani.
    • Tapkuanginait tunihihimajuq angajuqqat iliharvingmut qaritaujakkut titirarvikhamik tunijauniaqtut Edsby atiliurvikhanik atuqtaunginarialaqijangani.

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.