COVID-19 Qalagjuarnikkut GN-kunnin Nutaamik Tuhaqtidjutaa - Januali 12, 2021

COVID-19 Qalagjuarnikkut GN-kunnin Nutaamik Tuhaqtidjutaa - Januali 12, 2021

Hivuliqtiup nutaaq-tuhaqtitakhaa:

Ublaakkut. Ublumi, piqangittuq nutaanik aannialaqidjutinik COVID-19 Qalagjuarnirnikkut Nunavunmi, aulahimajugullu 0-mi aannialaqihimajunik. Una Ihuatqijauqpiaktuq tuhaqtakhat. Quvianaqtuq, Nunavut! Atauttimun amigaitilaangit inuit munarijaujut ublumimun 5925ngujut. 361 inuit tadja munarijaujun.

Ippakhaq, aullaqtirijugut kapuqhirvikhanik Iglulingni Uqhuuqtumilu. Kapuriaqturvikhait Arviani Iqaluktuutiamilu aullaqtirniaqtun nungudjuqiliqqan una havainiq.

Tuhaqtitititluta nutaamik nunangani -tamainnun kapuqhirvikhainik, akhuuqhajatka inuit tamaita ihumaliurlutik kapukhirvikhamingnik – ihuaqhijariirlugu uqautivikhat imaaluuniit itiriaqturlutit kapuqhirvikhanun. Nakuukpiaktumik naunaijautikhat nunamingni munaqhinirmut Iqaluktuutiami, imaatut amigaitilaqaqtumik 60 pusantinganik tamainit inirnirit ihuaqhaijariiktut upautivikhamingnik kapuqhirvihamingnik!

Kitkunun naluqhaqtunun huli;ilihimajunga tamaita kangiqhidjutikhat kapuutikhaqqun amigaitpallaktun ihumaliurutikhat. Ilihimajungalu aallatqiiktut tunahirluutikhat kangiqhittiaqtauhimaittun, uqarnirmiklu hiamitirijun imaalu itquumangittunik uqaqtun nunallaani talvuuna Moderna kapuutikhat. Inuk uqaqhimakpat tamna kapuutikhaq qajangnaqtumik, itquumangittuq. Nallaklugit aanniarvingni ajuiqhattiaqhimajun, tapkuanguingittun inungnik ihumajut itquuangittunik. 

Una kapuutikhaq qajangnaittuq imaalu makuukpiaktuq aannialiqtailitikhaqqun COVID-19 qalagjuanirmit, imaalu, anginiqaqpiaktuq taimaatun amigaittut inirnirit kapuqhiqtukhaugaluaqtun. Nakuuhidjutilimaittuq tammaqtitilimaitturlu COVID qalagjuarnirmun, kihimi ikajuutauniaqtuq aannialiqtailitikhaqqun aannialaqidjutinit imaalu utiqpalliadjutikhaqqun idjuhiraluaptingnun.

Kapuqhidjavutin ilingnun aannialiqtailitikharnun, piqpagijarnulu, inungnun pilimaittunun, nunagijaffingnunimaalu tamainun Nunavunmiunut.

Tamapta uukturiaqaqtugun pittaaqtaptingnik qanuriliurutivut aktuutauniarmata inungnun tamainun aannialiqtailitikhanun tadja ublumi. 

Aaiinaliqtailidjutikharnik, kapuqhidjavutin imaalu qajagihimmaarlutin nunallaaptingnun.

 

Atanilluaq Inungnun Aanniaqtailinikkut Havaktimin nutaaq tuhaqtitakhaa:

Ublaakkut,

Ippakhaq, hiuvlliujut nunallani kapuqhirvikhangit aullaqtiqtut Iglulingni Uqhuqtuumilu imaalu aallat aullaqtirniaqtun Arviani Iqaluktuutiamilu Hitamiunmi. Qujagijatka havakpiakpauhingit aanniarvingmi havaktivut havakpaktun ihuaqhaiplutik aullaqtiripluitiklu hapkuninga kapuqhirvikhainik.

Ilitarijumajatka tamaita Nunavunmiut kapuqhiriaqtuqhimajut taffuminga kapuutikhamik. Hamna nakuukpiaktq aannialiqtailitikhaqqun COVID-19 qalagjuarnirmit. Tuhaqtitigapta taffuminga kapuutikhainik tikittunik Nunavunmut, tuhaavaktugut ihumaluutigijanginik ilanginit nunallanit pidjutiqaqtunik qajangnarniiinun taffuma kapuutikhat. Kiujavut, nanallani hivajautikkun tuharumapluta kiuvaktavut hivajaqtun apiqhijumaplutik tuhaajumaplugit naluqhaqtun apiqhijanginik apiqqutikhamingnik. qujagjumajatka inuit tamaita apiqhijutimaalu ajuirlumijumajut kapuutikkut kangiqhijamingni kapittirumaplutik.

Uqautijatka tamaita kitkunliqaak qun'ngiaqtun ublumi aadjikkutaanik uqautigijamnik Nunavunmiunut hivajaqtunun nallautikkun, tamna kapuutikhat qajangnaittut imaalu hivitujumun qaujihaqtauvakhimajut. Unniutijumajagin akkungangni kapuqhirvikhavit tapkunani nunallaani imaalu hivitujumun munaqtauviinni Iqalungni, takunngitugun ajuqhautaukpiakhimajunik kapuqrhirnirmingnit.

Ilihimaliqtugun tapkuat kapuutikhat aullaqtitaujun 6000 kapuutikhat tikihungujun havainirmi Iidjirurvia 15mi, hivumuuqpalliajugun aallanik kapuqhirvikhainnik upalunaigaijaipluta. Uumani Januali 18 kapuiqhilirniaqtugut hivulliutijaujukhanik inungnik Iqalungni. Aullaqtirniaqtugun inirnikhanik 65nik avatqumajuniklu kinakuniklu inungnik kapuiqhirumajunik najugaqaqtunik qimaviinni.  Kapurhirniaqtun upautivikhamingnik ihuaqhaihimajunik. Inuit hivulliutijaujukhat hivajarlugu Iqaluit Inungnun Aanniaqtailinikkut 867-975-4810 upautivikharnik naunaiqhilutit. Kapuriaqturvikhait Iqalungni Inungnun Aanniaqtailinikkut, igluqpaani 1091, Huvullunmi, Januali 18min Tallimiunmi, Januali 22, 1min 7mun imaalu Qikiqtani Aanniarvianni kapuqhirvikhait Saturdaymi, Januali 23 ublaami 10min 4mun.

Ilihimajunga aallani nunallaani ilitturijumajut qakugu kapittirvikhamingnik kapuqhirvikhait imaalu upalungaikhimajugun tuhaqtitiluta aallanik kapuqhirvikhainnik ubluinik hivuniptingni ublukhainni.

Qangiqtun malruuk havainiik kinguliqaak aannialiqhimajuq unniqtaungmat Tikirarjuami Arvianilu. Inungnun aanniaqtailinikkut pittailijaujun tamangni nunangani nutqaqtitaujut. Tikingittaqqun huli tadja uqarvikhaqqun aanniarut anniguutijuq, ukpiruhuktugun qajangnaittumik aullaqtiffarlugit ilangit hulipkaidjutikhat. Una ilaujuq anmigaigjuumilugit katimaqatigiiktut inugianginit imaalu utirlutik tamaingnik unngahiktukkut iliharvingnilu iliharlutik. Nutaqqiqiviit angmaffaaqtun halummaqtidjarikhilugit maliktakhanginik. Ilihimajunga ihumaluutigijahi angmaffaarutikhanun iliharviit. Una kangiqhijuminaqtuq, naunaiqtauhimajut takkunnaqtun iliharviit angmainarialaqijun maliqalugit aanniaqtailinirmun maliqajakhaqarlugit. Ikiglijuummirlugit ajuqhautaulajun COVID-19 qalagjuarnikkun pittailijaujun, inulrammirnun Nunavunmiunun imaalu ilihaqtakhainnun anginiqaqtun maliqalugit inungnut aanniaqtailinikkut maliktaujarialiitikiglinahuarutikhangit qajangnarniinun COVID-19 qalagjuarnirmik.

Quana.

 

 

Ilaupluni Nunavut Kavamanga (GN) havagutainnik hapumminikkut Nunavunmiunnik talvannga qajangnarnirmin COVID-19 qalagjuarnirmin, GN-kunni Havakviit atuqtipkaliqtait hapkuat:

Aanniaqtailinikkut Havagvia

Tamainnun nutaanik naunaitkutinik atuqtakhaniklu talvuuna COVID-19 qalagjuarniq Nunavunmi, takulugu una: https://www.gov.nu.ca/health/information/covid-19-novel-coronavirus

Nutangutqijanik naunaitkutikharnik tadja inungnut aanniaqtailinikkut kikliqaqtunun, takulugu una: https://www.gov.nu.ca/health/information/nunavuts-path

 

Pijukhat Nunallaani Kapuutikkut Kapuriaqturvikhat

Inirnikhanun Igluqpak munarhiliqinikkut nunallaani turaanganiaqtut munarhiliqiviuniaqtuq ukuat munarhitkunni havaktiit tahamungaulutik kapurhijaamingni. Munarhitkunnin havaktiit uqaqatiginiaqtait Inirnikhat igluqpait ukununga kapurvighakkut ubluqhiutikhainni ublukhainnilu.

Iglulingmi amigaittunun kapurhiriaqtuqvik

• Humi:  Igloolik Angajukhiit Iliharvia.
• Ublua (Hivulliqpaaq Kapuqtauvia): Januali 11, 12lu. 
• Ublua (Tukliq Kapuqtauvia) Fibjuali 8-9. 
• Humungaqqan: 9 ublaamit 9mut unnukpan.
• Kapurhiriaqturvikhaq Qanurittuq: upautiluni kapurhiriaqturvikhaq.

Uqhuqtuumi amigaittunun kapurhiriaqtuqvik

• Humi: QiqirtaqAngajukhiit Iliharviat. 
• Ublua (Hivulliqpaaq Kapuqtauvia): Januali 11, 12lu.
• Ublua (Tukliq Kapuqtauvia): Iidjirurvia 8–9.
• Humungaqqan: 8:30 ublaami 9mun unnukpa.
• Kapurhiriaqturvikhaq Qanurittuq: ublukhaliuqhimajukkut.
• Hivayarlugu 867-360-7441.

Arviat

• Humi: Nunallaami Ulapqiviani.
• Ublua (Hivulliqpaaq Kapuqtauvia): Januali 14min 18mun (pilimaittuq Sundaymi). 
• Ublua (Tukliq Kapuqtauvia): Iidjirurvia 11-15. 
• Humungaqqan: 8:30 ublaami – 9 ubluummaat.
• Kapurhiriaqturvikhaq Qanurittuq: ublukhaliuqhimajukkut.
• Hivajarlugu 867-857-3100.

Iqaluktuttiami amigaittunun kapurhiriaqturvik

• Humi:  Iqaluktuutiami Katimavianni.
• Ublua (Hivulliqpaaq Kapuqtauvia): Januali 14min 16mun (tamaat).
• Ublua (Tukliq Kapuqtauvia): Fibjuali 11-13.
• Humungaqqan: 8:30 ublaami – 9 ubluummaat.
• Kapurhiriaqturvikhaq Qanurittuq: ublukhaliuqhimajukkut.
• Hivayalugu 867-983-4500.

Iqaluit Inungnun Aanniaqtailinikkut Kapurhiriaqturvikhat 1

• Humi: Iqaluit Inungnun Aanniaqtailinikkut, building 1091.
• Ublua (Hivulliqpaaq Kapuqtauvia): Januali 18min 22mun.
• Ublua (Tukliq Kapuqtauvia): Ihumaliuqtaujun huli. 
• Humungaqqan: 1min. – 7mun.
• Kapurhiriaqturvikhaq qanurittuq: ublukhaliuqhimajukkut. Upautivikhanun, inirnikhat 65+ imaalu qimaavingmiitunut.
• Hivajarlugu 867-975-4810.

Iqalungni Aanniarvik Kapurhiriaqturvikhat 2

• Humi: QGH kapurhirvikhani.
• Ublua (Hivulliqpaaq Kapuqtauvia): Jan. 23.
• Ublua (Tukliq Kapuqtauvia): Ihumaliuqtaujun huli. 
• Humungaqqan: 10 ublaami – 4 ubluummaat.
• Kapurhiriaqturvikhaq qanurittuq: ublukhaliuqhimajukkut. Upautivikhanun, inirnikhat 65+ imaalu qimaavingmiitunut.
• Hivajarlugu 867-975-4810.

Iqalungni Inirnikhat Najurvia

• Humi: Inirnikhat Najurviani.
• Ublua (Tukliq Kapuqtauvia): Fibjuali 3.

 

COVID-19 qalagjuarniq aannialiqtut qanurinniit: Jan. 12

Attautimut naunaiqtauhimajut aannialaqihimajun	Attautimut aannialaqihimajun	Attautimut nakuuhijut aanniaruiqtun	Tuqujut	Attautimun inuit munarijaujun	Tadja inuit munarijaujut
266	0	265	1	5925	361

COVID-19 qalagjuarniq nunallaani aanniaqtut qaffiutilangit: Jan. 12

Nunallaami	Naunaiqtaujut COVID-19 qalagjuarniq Aanniaiqtut ippakhaq	Naunaiqtaujut COVID-19 qalagjuarniq Aanniaiqtut ublumi	Aallanguqtut aanniaqtut nampait +/- ippakhamit	Tuqujut	Nakatqiqtut aanniaqtut	Attautimut aannialaqihimajun
Arviat	222	222	0	1	221	0
Tikirarjuaq	23	23	0	0	23	0
Kangiqliniq	19	19	0	0	19	0
Sanikiluaq	2	2	0	0	2	0
ATAUTTIMUN	266	266	0	1	265	0

Qaujihaqtaujut qaffiujut ublumimut nunallami: Jan. 12

Nunallaami	Qaujihaqtaujut aannialiqtut	Qaujihaqtaujut aanniangittut
Arviat	222	1329
Tikirarjuaq	23	294
Kangiqliniq	19	399
Sanikiluaq	2	202
ATAUTTIMUN	266	2224

Avaliingaqtut inugiangningit: 

Aullaaqtuq Qanurittumik	Inuit Avaliinngaaqtitaujut talvannga Jan. 11
Aanniarnikkut	151
Inuit	92
EMTI	7
Igluqpiliurnikkut	17
Attautimut	267

Aullaqhimajun utiqtun naunaijautaa:

Aullarvia Ublua	Amigaitilaangit
Jan. 12 2021	21
Jan. 13 2021	60
Jan. 14 2021	60
Jan. 15 2021	22
Jan. 16 2021	4
Attautimut	167

Ihariagijauqpiaqtuni Havaktini Tukhirutin:

Talvannga Jan.6min, pilik 10757 tukhirutinik, 7231ngujun ihariagijauqpiaqtuni havaktini tukhirutinik.

Tukhiutait Qanurinniit	#	%
Angiqtaujut (ilaujun ihariagijauqpiaqtun ihariagijauqpiangittullu)	7231	67.2%
Qin’ngijaujun	294	2.7%
Ihumaliuqtaujun huli	335	3.1%
Aullauvilluarvigijainni Nunat Aagiqtauhimayut	2896	26.9%
Attautimut	10756	100%

 

Havagviat Havaktuliqijitkut ikajutiuhimaarnikkut ilituqhaidjutikhaq

GN-kut havagviit Arviani Tikirarjuamilu angmaqtun inungnun Januali 13, 2021.

Kavamatkut Nunavunmi (GN) havaktiit, ukuangungitut Arviani, utiliqtut GN-kut havagviinun uvani Januali 13, 2021. GN-kuni habvaktingit tamainni nunallani utiqtun havagvingmingnun Umani Tissaipa 2, 2020.

Ikayuutigiblugu qayangnaitunik inuuhiringnaqtumik havagviit, havaqatigiblugu una Atanilluaq Inungnun Aanniaqtailinikkut Havakti (CPHO) ukualu ilitarijauhimajut uqauhiit, GNkut havaktait kiudjutighat apirhuutinun utirnirmun havagvingnun, titiraqhimayut hivayautit, naunaiyautighat tamangnun havaktinun atanguyanunlu ihivriuqlugit ihuaqhaqlugillu GNkut havagviit aanniarutiqaqtut qalagyuarnirmun COVID-19 inuuhirmun qayangnautikullu maligahat unalu qalagyuarniq COVID-19 inuuhirmun qayangnautikullu nivingayut tamaini ilitariyauhimayutigut uqauhikkut.

 

 

Havagviat Ilinniaqtuliqijikkut

K-12 Iliharviit

Naunaiqtgaujut pitqujanginik Atanilluaq Inungnun Aanniaqtailinikkut Havakti,talvanga Aippunmit, Januali 12, 2021, iliharviit nunallaani titiraqhimajut ataani nuuttut hapkununga qaninga:

• Arviat Tikirarjuaqmilu – Qanurininga 3
• Tamaita aallat Nunavunmi Iliharviit –Qanurininga 2.

Nutaanik ilitturpkaidjutinik nunallaani qanurinninginni takujauttaaqtuq uvani Ilinniaqtuliqijikkut Havagviani qaritaujakkuurutaani: https://gov.nu.ca/education/information/2020-21-opening-plan-nunavut-sch....

Qanurinninga 3 - Arviat unalu Tikirarjuaq

Iliharviit Arviani Tikirarjuamilu angmarniaqtun Aippiunmi, Januali 12, 2021.

• Nahurijaujut nuutirniarunaqhijut upalungaijarlutik utirvikhanik iiharvingmun ilihaqtun havaktiillu.
• Nukaqhiit iliharvianni ilihaqtut Arviani, Tikirarjuarmillu aturniaqtut tamagingnik iliharvingni ungakhiktukkut iliharnirmik. Ilihaqtut ilihariaqtuqpangniaqtut pingahuni ubluni atauhirmi havainirmi. Naunaiyattiaqhimayut iliharvikhangit naunaiqtauniaqtut tamainni iliharviinni Qanurininga 3 qanuriliurutikhangit upalungaijautit.
• Nukaqhiit angajukhiillu iliharvianni ilihaqtut Arviani, Tikirarjuarmillu aturniaqtut tamagingnik iliharvingni ungakhiktukkut iliharnirmik. Ilihaqtut ilihariaqtuqpangniaqtut malrungni ubluni atauhirmi havainirmi. Naunaiyattiaqhimayut iliharvikhangit naunaiqtauniaqtut tamainni iliharviinni Qanurininga 3 qanuriliurutikhangit upalungaijautit.
   

Ilihalihaaqtunun Iliharviit Nutaqqiqiviillu

Talvanga Aippiunmi, Januali 12, 2021, nutaqqiqiviit tamainni Nunauvnmi nunallaani, kihiani Arviami Tikirarjuamilu, angmaqtaaqtun ataani tadja aanniaqtailinikkut aanniqtailinikkullu maligutainni qanuriliurutainnilu.

Maniktarvikhat Ikayuutikhat Nunavunmi Ilihaqtunut (FANS)

Talvanga Aippiunmi, Januali 12, 2021, Maniktarvikhat Ikajuutikhat Nunavunmi Ilihaqtunut (FANS) havagviat Arviani angmarniaqtuq havaktiinun ataani tadja aanniaqtailinirmun qajangnaittumiklu maliktakhangit maliqatqujauhimajullu.

FANS havaktingit havakhimmaktun tuniuqhaiplutik kivgaqtuidjutikhanginun ilaujut:

• Havaktaunikhanik maniktarvikhait uuktuutiit.
• Tingmijumajunit tukhiutit.
• .Tuyuqtakhait akiliktauyukhat
• Kiudjutit titirauhirnun.

Tamaita apiqhuutaujut FANS-kut qaritaujakkut titirarvigilugit fans@gov.nu.ca. Kiudjutingit kajuumitqijauniaqtut hivuanit haffuma aullaninganit.

 

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.