Havaktingit

You are here

COVID-19 Qalagjuarnikkut GN-kunnin Nutaamik Tuhaqtidjutaa - Januali 7, 2021

Januali 07, 2021

COVID-19 Qalagjuarnikkut GN-kunnin Nutaamik Tuhaqtidjutaa - Januali 7, 2021

Hivuliqtiup nutaaq-tuhaqtitakhaa:

Ublaakkut. Ublumi, piqangittuq nutaanik aannialaqidjutinik COVID-19 Qalagjuarnirnikkut Nunavunmi, aulahimajugullu 0-mi aannialaqihimajunik. Atauttimun amigaitilaangit inuit munarijaujut ublumimun 5847ngjut. 388 inuit tadja munarijaujun.

Ippakhaq, aullaqtuqtugun havauhikkut-kapurhiuitikkut pinahuarutiptiknik uvani Iqalungni Inirnikhani munarivingani. Amigaitpiarniaqtun inungnik qujagijakhaptiknik tikittukhani tatqiqhiutini, kihimi qujagijumajatkat ukuat Susie Pearce, Trista Bennett, Aileen Austria, Jenny Begin, Kristine Hutchison, Sila Nowdluk havaktiillu munarhitkutnik havakpiarutainnun, munarittiarutainnun havagutainnullu uvani hivulliqpaami uumani ihariagijaujumi havagutimi. Quanaqpiaq tamainnun havakpaffingnun.

Piqaqtuq amigaittunik uqautinik apirhuutiniklu ukunani inungnun tuhaumapkaidjutiinni qaangilihaaqtuni ubluni uumunnga kapuutikkut huuqlu kipijaungittunga tadja. Kiudjuti ajurnaittuq – tadja pivikharingitara huli. Pipkaijugun taapkuat qajangnatiqijauttaaqtun piqpagijaujullu Inirnikhavun pijun hapkuninga hivulliqpaanik kapuuhiqtuidjutinik. Qajangnarnikkut qulvahiktumiingittunga, timigalu-aanniaqtaalaqihimangittuq qiiqagaluaqhungalu, Inirnihaungittunga.

Moderna havautit kapuutit qajangnaittuq. Nakuujumik ikajuutaujuq. Uuktuqtauqpiarhimajuq tunijauhimajuqlu nunarjuarmi. Akhuurhaqtatka tamaita iliituriharlugin itquumadjutait mighaagun Moderna, kihiani qanuqtun ihumaliuqtauriiqhimaittumik irhitaaqhimaittumiklu.

Qilamik pittaarnirmun havaqatitka uvangalu, kapurhirniaqtugun, ilitturipkarniaqtaffilu tamaffi uumuunga.

Taimaituinnakkut, itqaumaluhi aanniaqtailinikkut maliktakhat nutqalimaittun tadja. Aulahimmaaqtukhaujugun ualugin algavut, ahiqpaniilluni inungnin qajagiaarinnarlutalu. Una kapuutit nungudjutiungittun COVID-19 Qalagjuarnirmik, tukliujuq qanuriliuruti nutqaqtinniarhimadjutiptingnun. Naammaklutin, aannialaqittaililutin amirittiarlutalu nunallaaptiknun.

 

Atanilluaq Inungnun Aanniaqtailinikkut Havaktimin nutaaq tuhaqtitakhaa:

Ublaakkut,

Ippakhaq Nunavut pipkaqtitaut hivulliqpaat kapuqtuidjutinik. Aanniaqtailinikkut munarhiit kapuqtait 21nik 28nin inirnihavingmiutat havaktiillu uvani Inirnikhani Munarivingmi. Aallallu 8nik kapuutikkut kapijaujut ukununga Iqalungni Aanniaqtailinikkut havaktinun.  Iqalungni Aanniaqtailinikkut unniutijut kapurhidjutit naammaktun piqangittullu unniqtauhimajunik ihuidjutinik.

Una nakuuqpiaqtuq tuhaajaami. Una tukilik Inirnikhat munarivik Iqalungni atauhirmik ablurutimik qanitqijauliqtuq hapummidjutikkut COVID-19 Qalagjuarnirmin atauhirmiklu ablurutimik qanitqijaunirmin ilamingnin ilannamingnillu pulaaqtaujaamingnik kikliqarutaittumik ihumaluutaittumiklu.

Quvuahukpiaqtugun tuninikkuk pivikhamik kapuutikkut tamainnun inirninun Iglulingmi, Uqhuutuumi, Arviani Iqaluktuuttiamilu, aqaguani.

Aallallu kapuriaqtuqvikhat ihuarhaqtauniaqtun taimaatun ublukhaa qaffiujaangillu kapuutikhat tukliqmi tuutimi naunaiqqata. Una pipkainiaqtaatigun tunijaami Nunavunmiunnuin naunaijaqtauhimajunik ublukhanik humilu tukliinnun kapijaqtuqvikhanun taimaalu ihuarhaivakluta parnaqutikhaptiknik taimaatun qujaginnaq huuq pingitkuptigin qaffiujun kapuutikhat niriuktaptiknik.

Taimaatun turaangajugun pipkainikkut amigaitqijaujunik inungnik kapuqtaujukhanik ukunani kapuutikhani pihimajaptikni, aullaqtiqhuta nunallaani piqaqtunik qulvahitqijaujunik qajangnarhittaaqtunik inungiangnirni, imaakiaq inirnikhani munarivingni, nunallaani taapkuanni piqaqtunik angitqijaujuni qajangnarhiittaaqtuni pipkainikkut hiamitirnikkulluunniit COVID-19 Qalagjuarnirmik taapkunani nunallaami hanianiittunilu nunallaanun. Tamaita kapurhiriaqturciit tuniniaqtait tamaita inirniit aanniaqtailinikkullu havaktiit taapkunani nunallaani pivikhamik pijaami kapuqtaunirnik.

Nunavunmiut ilitturipkaqtihimaniaqtavun mighaagun hivumuuningani kapuutikhakkut tuniurhaidjutini, ublukhainni tamainnun kapuriaqtuqvikhani amigaitilaanginnilu kapuqhiqtaudjutinik. Unniuttiarumajatkalu Nunavunmiut taamna Moderna kapuuti qajangnaittuq. Ilihimajunga amigaittun uqarijaudjutit pipkaivaktun nalurhalirutinik, kihimi talvanuq pilimaittukkut uuminnga kapuutimik taimaatun nakuungiqtaaruvin (allergic) ataurhirmun kitumun avuurutaanun. Piqaqhimavakkuvin TB-mik, kaansamikluunniit, kapuuti huli qajangnaittuq ihuaqtuqlu. Quana.

 

Ilaupluni Nunavut Kavamanga (GN) havagutainnik hapumminikkut Nunavunmiunnik talvannga qajangnarnirmin COVID-19 qalagjuarnirmin, GN-kunni Havakviit atuqtipkaliqtait hapkuat:

Aanniaqtailinikkut Havagvia

Tamainnun nutaanik naunaitkutinik atuqtakhaniklu talvuuna COVID-19 qalagjuarniq Nunavunmi, takulugu una:https://www.gov.nu.ca/health/information/covid-19-novel-coronavirus

Nutangutqijanik naunaitkutikharnik tadja inungnut aanniaqtailinikkut kikliqaqtunun, takulugu una: https://www.gov.nu.ca/health/information/nunavuts-path

 

Pijukhat Nunallaani Kapuutikkut Kapuriaqtuqvikhat

Inirnikhanun Igluqpak munarhiliqinikkut nunallaani turaanganiaqtut munarhiliqiviuniaqtuq ukuat munarhitkunni havaktiit tahamungaulutik kapurhijaamingni. Munarhitkunnin havaktiit uqaqatiginiaqtait Inirnikhat igluqpait ukununga kapurvighakkut ubluqhiutikhainni ublukhainnilu.

Arviat (aallanguqtuq himiilvighaa)

  • Humi: Nunallaami Ulapqiviani.
  • Ublua (Hivulliqpaaq Kapuqtauvia): Januali 14min 18mun (pilimaittuq Sundaymi). 
  • Ublua (Tukliq Kapuqtauvia) Fibjuali 11-15. 
  • Ubluqhiutaa: 8:30 ublaami – 9 ubluummaat.
  • Ublukhaliuqhimajukkut pidjuti: Hii.
  • Hivjaqlugu 867-857-3100

Iqalungni Inirnikhat Najurvia

  • Humi: Inirnikhat Najurviani.
  • Ublua (Hivulliqpaaq Kapuqtauvia): Januali 6.
  • Ublua (Tukliq Kapuqtauvia): Fibjuali 3.

Iglulikmi amigaittunun kapurhiriaqtuqvik

  • Humi:  Igloolik Angajukhiit Iliharvia.
  • Ublua (Hivulliqpaaq Kapuqtauvia): Januali 11, 12lu. 
  • Ublua (Tukliq Kapuqtauvia) Fibjuali 8-9. 
  • Ubluqhiutaa: 9 ublaami 9mun unnukpa.
  • Kapurhiriaqtuqvikhaq Qanurittuq: upautiluni munarhitkunnun.
  • Hivayarlugu 867-934-2100.

Uqhuqtuumi amigaittunun kapurhiriaqtuqvik

  • Humi: Qiqirtaq Angajukhiinnun Iliharvik. 
  • Ublua (Hivulliqpaaq Kapuqtauvia): Januali 11, 12lu.
  • Ublua (Tukliq Kapuqtauvia) Fibjuali 8-9.
  • Ubluqhiutaa: 8:30 ublaami 9mun unnukpa.
  • Kapurhiriaqtuqvikhaq Qanurittuq: ublukhaliuqhimajukkut.
  • Hivayarlugu 867-360-7441.

Iqaluktuttiami amigaittunun kapurhiriaqtuqvik

  • Humi: pivikhaq ihumaliuqtaujukhaq
  • Ublua (Hivulliqpaaq Kapuqtauvia): Januali 14min 16mun (tamaat).
  • Ublua (Tukliq Kapuqtauvia): Fibjuali 11-13.
  • Ubluqhiutaa: 8:30 ublaami – 9 ubluummaat.
  • Kapurhiriaqtuqvikhaq Qanurittuq: ublukhaliuqhimajukkut.
  • Hivayalugu 867-983-4500.

 

COVID-19 qalagjuarniq aannialiqtut qanurinniit: Jan. 7

Attautimut naunaiqtauhimajut aannialaqihimajun

Attautimut aannialaqihimajun

Attautimut nakuuhijut aanniaruiqtun

Tuqujut

Attautimun inuit munarijaujun

Tadja inuit munarijaujut

266 0 265 1 5847 388

COVID-19 qalagjuarniq nunallaani aanniaqtut qaffiutilangit: Jan. 7

Nunallaami

Naunaiqtaujut COVID-19 qalagjuarniq Aanniaiqtut ippakhaq

Naunaiqtaujut COVID-19 qalagjuarniq Aanniaiqtut ublumi

Aallanguqtut aanniaqtut nampait +/- ippakhamit

Tuqujut

Nakatqiqtut aanniaqtut

Attautimut aannialaqihimajun

Arviat 222 222 0 1 221 0

Tikirarjuaq

23 23 0 0 23 0

Kangiqliniq

19 19 0 0 19 0
Sanikiluaq 2 2 0 0 2 0

ATAUTTIMUN

266 266 0 1 265 0

Qaujihaqtaujut qaffiujut ublumimut nunallami: Jan. 7

Nunallaami 

Qaujihaqtaujut aannialiqtut

Qaujihaqtaujut aanniangittut

Arviat 222 1274

Tikirarjuaq 

23 289

Kangiqliniq 

19 399

Sanikiluaq 

2 202

ATAUTTIMUN

266 2164

Avaliingaqtut inugiangningit: 

Aullaaqtuq Qanurittumik

Inuit Avaliinngaaqtitaujut talvannga Jan. 6

Aanniarnikkut

167

Inuit

377
EMTI 13
Igluqpiliurnikkut 63

Attautimut

620

Aullaqhimajun utiqtun naunaijautaa:

Aullarvia Ublua

Amigaitilaangit 
Jan. 07 2021 52
Jan. 08 2021 11
Jan. 09 2021 7
Jan. 10 2021 4
Jan. 11 2021 0
Attautimut 74

Ihariagijauqpiaqtuni Havaktini Tukhirutin:

Talvannga Jan.7min, pilik 10757 tukhirutinik, 7231ngujun ihariagijauqpiaqtuni havaktini tukhirutinik.

Tukhiutait Qanurinniit

# %

Angiqtaujut (ilaujun ihariagijauqpiaqtun ihariagijauqpiangittullu)

7231 67.2%

Qin’ngijaujun

294 2.7%

Ihumaliuqtaujun huli

335 3.1%

Aullauvilluarvigijainni Nunat Aagiqtauhimayut

2896 26.9%

Attautimut

10756 100%

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.