Havaktingit

You are here

COVID-19 Qalagjuarnikkut GN-kunnin Nutaat Tuhaqtidjutit - June 30, 2021

Immaktirvia 30, 2021

Aanniaqtailinirmu Ministaup nutaat tuhaqtidjutaa pidjutigiplugu Hivuliqti Savikataaq:

Ublaakkut. Piqangittuq nutaanik aannialiqtunik COVID-19 qalagjuarnirmik Nunavunmi. 262ngujun nakuuhijun talvannga uumannga aannialaqidjutimi aullaqtirutaanin.

Taimaatun, 21,255 inuit Nunavunmi pihimajuq atauhirmik kapuqtaunirmik uumani COVID-19 Qalagjuarniq kapuutimik, imaalu 16, 284 pihimajun malruungnik kapuqtaudjutinik.

Anginiqatuq tamaita Nunavumiut itqaumajukhat una hiamitirniq nunguhimangittuq. Ajurnaijaraaqtilluga kikliqarutinik, anginiqaqtuq tamaita inuit amirijukhat maliklugillu inungnut aanniaqtailinikkut maliktakhat. Tamapta uuktuqtukhaujugut nunallaavun aannialaqingittaanginni.

Tadja aujarman, piqangittugun tiiviikkuuqtunik nutaanik tuhaqtitaudjtunik pijukhanik. Taimairaanginnaqtuqkkut, ilitturipkaidjutikhat ilitturijauttaaqtun qaritaujakkuurutikkut, naalautikkut inungnullu tuhaumapkaidjutaitigun. Tunihimmaarniaqtugun tuharutikhanik taapkunuuna. Qujaginnat aallanguqqata, ilitturipkarniaqtaffi tamaffi.

Taimaatun Hivuliqti Savikataaq uqaraanginnarutaani - Ivjarutimik atuqpakluhi. Uaqattainnarlugit algaktit. Malikpiaktakhait inungnit un'ngahiktilakqarlutik. Katimaqaraanginnaqtatin ikiklihimalugin. Kapurhiqlutin kapurhirhimaitkuvin. Ukuat COVID-19 Qalagjuarnikkut kapuutiit nakuutqijaujun hapummidjutikhat aannialaqidjutimin.

Munariniqattiarlutin naammaklutillu. Ihuaqtumik pidjavutit ilingnut, ilangnut inungnullu nuatqatingnut. Qajagivaklutit.

 

 

Atanilluaq Inungnun Aanniaqtailinikkut Havaktimin nutaaq tuhaqtitakhaa:

Ublaakkut.

Qaangiutaanik avatquhimajumik atauhirmi havainirmi piqangittukkut aannialaqihimajumik COVID-19 Qalagjuarnikkut Iqalungni, qajangnaittuq ajurnaijarnikkut kikliqarutinik Iqalungni.

Atuliqtuq July 2mi:

  • Nunavunmi aullaarniit kikliqarutit talvunga talvanngalu Iqalungnin piiqtauniaqtun.
  • Avaliinngaaqtukhauviit taapkununga aullaliqtun Iqalungnin aallamun Nunavunmi nunallaamun pijariaqahuiqtun.
  • Iglum iluani hilamilu katimaniit kikliit angiqlijuummirniaqtullu.
  • Tamaat naunaitkutit nutaani inungnut aanniaqtailinikkut maliktakhainni taujauttaaqtun Nunavut Kavamanga qaritaujakkuurutaani uvani gov.nu.ca.

Taimaitkaluarhuni aannialaqihimajuni 0-miitillugu, hiamitirniaq nunguhimaittuq, akhuuqtatkalu tamaita maliquplugin inungnut aanniaqtailinikkut maliktakhat. Ikiklijuummiqpiaqtullu amigaitilaangit inuit kiliuqtaujun nunalipaujami. Ikitqijat aannialaqihimajun amigaiqjuummiqhimajullu kapuqtauhimajun pidjutijun inungnik ihumaliqtunik uuktuqtaunikkut ihivriuqtaunikkullu COVID-mun pijariaqangittuq. Akhuuqtatkat inuit kiuliuqtauhimaaqtaulutik uqarivijaugaangamik Iqalungni Inungnun Aanniaqtailinikkut Munarihitkunnin taimaaluunniit piqarungnarhigaangat aktuqtaunirmin COVID-19 Qalagjuarnirmin. Naunaijarniq aannialaqutimik qilamik nakuutqijaujuq hiamittailidjutiaanik hivuagun hiamitpiangittaangani.

Ihivriuqhimmaarumajugun inungnik katimajunik aktuqtauhimajaarungnarhijunik COVID-19 Qalagjuarnirmin, taimaaluunniit hiamitirniaqtaarungnarhijaa amigaitqijaujunun inungnun. Una ilaqaqtuq hapkuninnga:

1) Himmautauraanginnaqtunun havaktinun hivuraanungauraanginnaqtunun.
2) Havaktiit tahamaniittulluunniit atauttikkut igluqatigiiktunun.
3) Inuit havakpaktun nunallaani imaakiak niuvvaajiuplutik.

Una Pfizer kapuuti tadja tikihimaliqtuq tamainnun nunallaanun, talvuunalu nungulvianun havainirmi tamaita Nunavunmiut 12nik ukiuqaqtun avatquhimajumikluunniit pijaaqtun hivulliqpaamik kapurutikhamingnik. Kitkullu pihimangittun hivulliqpaamik Pfizer kapijaqturvingmik hivajaqtaaqtait nunallaamingni munarhitkut ihuarhaijaamingnik takujaqtuqvikhamingnik.

Atuqhmaniinnin qaffiujuni nunagijaujunin tautuktittun amigaittunun kapurhiqtauniinnin ikiklilaaqtitpiaqtait qajangnarniit COVID-19 Qalagjuarnikkut aannialaqidjutinik. Talvuuna nunguliqqat July tikinnuarhugu pinghuiqtuutini hitamanin (3/4) Nuinavunmiuni pivikhaqaqatun pinikkut malruungnik (2) kapuutinik, taimaalu ajurnaijaqjuummiqtaaqtugun inungnut aanniaqtailinikkut maliktakhainnik. Apirijatka tamaita malikhimmaarlutin tadja inungnut aanniaqtailinikkut maliktakhait, taimaatun una hapummidjutingmat tamaptingnun.

Quana.

 

Ilaujut hapkununga Kavamatkut Nunavunmi (GN) akhuurutait munarilugit Nunavunmiun qajangnarnirmin COVID-19 qalagjuarnirmin, GN-kut Havagviit atuliqtait hapkua:

Aanniaqtailinirmut Havagvia

Tamainnun nutaanik naunaitkutinik ikajuutiqhallu talvuuna qalagjuarnirmun COVID-19 Nunavunmi, hamungaulutit: https://www.gov.nu.ca/health/information/covid-19-novel-coronavirus

Nutaanik kangiqhidjutikhanik tadjamin inungnun aanniaqtailinikkut kiklikhainnik, hamungaulutin: https://www.gov.nu.ca/health/information/nunavuts-path

Naunaittiarutikhat kapurhirvikhatigut talvungaulutit: https://gov.nu.ca/health/information/covid-19-vaccination

 

COVID-19 qalagjuarnirmun aannialiqtut qanurinniit: June 30

Atauttimun ihivriuqtauyut

Attautimut naunaiqtauhimajut aannialaqihimajun

Attautimut aannialaqihimajun

Attautimut nakuuhijut aanniaruiqtun

Tuqujut
18,149 657 8 653 4

* Ilitturijauhimajun aanniaqtun ilaujun taapkuat angummadjutiqaqtun Kanadami aanniarutikkut tukihidjutinik. Inuit munarijaujut ilaujut atautit kitunik mihingnautiqaqtut aktuqhiutllu aallalu kitut inmingnik-munarijut inmingnikluuniin-avaliingaaqtut. Tamatqiutingittun hapkunani inungni piqaqtun mihingnarutinik pijariaqangittullu ihivriuqhiqtaunirmun.

*Piqarniarungnarhijuq kinguvaqtinkkut unniutinikkut ilaliutijauhimanikkut kihitirutiniklu taapkunannga aannialaqidjutinik pihimajunin Hivuraanin Kanadami. 12 aannialaqihimajun iliturijaujut hilataani nunaptiknin ilaliutijauhimajun Nunavunmun. Ukuallu ilaujut pingahut (3) tuquhimajut. Tamaitaungittun Nunavunmiutat pilgit COVID-19 Qalagjuarnirmik ilitturijaujun ahiniitillutik ilaupkaqtaulimaittun Nunavunmun.

COVID-19 qalagjuarniq nunallaani aanniaqtut qaffiutilangit: Imaruqtirvia 24

Nunallaami

Aanniarutiqaqtun COVID-19 hiamitirninganik

Ikaarniitigut

Naunaiqtaujut COVID-19 qalagjuarniq Aanniaiqtut ippakhaq

Naunaiqtaujut COVID-19 qalagjuarniq Aanniaiqtut ublumi

Aallanguqtut aanniaqtut nampait +/- ippakhamit

Huiqtut

Nakatqiqtut aanniaqtut

Attautimut aannialaqihimajun

Iqaluit Aullaranginaktukhat Talvangarnin 14/04/2021 253 253 0 0 253 0
Kinngait Aullaranginaktukhat Talvangarnin 19/04/2021 7 7 0 0 7 0
Kangiqliqniq Aullaranginaktukhat Talvangarnin 24/04/2021 2 2 0 0 2 0
Arviat uumanga 11/2020 – 04/2021 339 339 0 1 338 0

Tikirarjuaq

uumanga 11/2020 – 02/2021 23 23 0 0 23 0

Kangiqliniq

uumanga 11/2020 – 12/2020 19 19 0 0 19 0
Sanikiluaq uumanga 11/2020 – 12/2020 2 2 0 0 2 0

ATAUTTIMUN

    645 645 0 1 644 0

 

COVID-19 Kapurhinikkut qanurinnia:

Tamaat ilitturipkaidjutikhanun kapurhirnikkut qanurinninginnun Nunavunmi, takulugu  https://www.gov.nu.ca/health/information/covid-19-vaccination

 

Qaujihaqtaujut qaffiujut ublumimut nunallami: Imaruqtirvia 24

Nunallaami 

Qaujihaqtaujut aannialiqtut

Qaujihaqtaujut aanniangittut

Iqaluit 253 5809
Kinngait 7 206
Kangiqliqniq 2 148
Arviat 339 2883

Tikirarjuaq 

23 352

Kangiqliniq 

19 339

Sanikiluaq 

2 202

ATAUTTIMUN

645 9,939

Avaliingaqtut inugiangningit: 

Aullaaqtuq Qanurittumik

Inuit Avaliingaaqtitaujun talvannga Imaruqtirvia 28

Daaktiliaqtut

197

Inuit

149
EMTI 33
Igluqpiliurnikkut 11

Attautimut

390

Aullaqhimajun utiqtun naunaijautaa:

Aullarvia Ublua

Amigaitilaangit 
30-Jun 44
1-Jul 41
2-Jul 42
3-Jul 0
4-Jul 12
Attautimut 139

Ihariagijauqpiaqtuni Havaktini Tukhirutin:

June 30min, piqaqtuq 19,311 tukhirutinik, 9,195 taapkuat ihariagijaunin havaktinin tukhirutit, 892 taapkuat kapurhiqtauhimajunin aallaaqtunin.

Tukhiutait Qanurinniit

# %

Angiqtaujut (ilaujun ihariagijauqpiaqtun ihariagijauqpiangittullu)

15,464 80.0%

Qin’ngijaujun

317 1.6%

Ihumaliuqtaujun huli

613 3.2%

Aullauvilluarvigijainni Nunat Aagiqtauhimayut

2,927 15.2%

Attautimut

19,311 100%

 

 

Ilinniaqtuliqijikkut Havagvia

Aulahimaaqtun havaguti:

K-12 Iliharviit

Tamaita Nunavunmi iliharviit umikhimajun aujami.

Ilihalihaaqtut Nutaqqat Nutaqqiqiviillu

Tamaita Nunavunmi nutaqqiqiviit angmaumataaqtut, ilauyut tapkuat Iqalungni.

Manikkut Ikajuutikhat Nunavunmi Ilihaqtunut (FANS)

Ilihaqtun ihuarhaijun FANSkut-pitaaqtukkut aullaarutikhamingnik maliktakhait inungnun aanniaqtailinikkut qanuriliurutikhat pitquidjutaillu CPHOmin. Ilihaqtun apirhuutikhaqarutmik mighaagun aullaarutikkut, hivajaqtaaqtaa FANS-kut havagvia naunaitkutikhamingnik uvani fanstravel@gov.nu.ca.

 

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.