Havaktingit

You are here

GN-kut NTI-kullu tunihijut $2M nunallaani niqihitikhainnik atuqtautitlugu Qalagjuarniq-19

Iipu 03, 2020

Tuhaqtidjutikhaq

GN-kut NTI-kullu tunihijut $2M nunallaani niqihitikhainnik atuqtautitlugu Qalagjuarniq-19

IQALUIT, Nunavut (April 3, 2020) – Nunavut Hivuliqti Joe Savikataaq unalu Nunavut Tunngavik Incorporated (NTI) Angijuqqaaq Aluki Kotierk ulumi tuhaqtitijuk avatqumajumik $2 million nunallaani niqikhainnik pinahuarutikhat nutaqqanut Inirnikhanullu ikajuutikhanik Qalagjuarniq-19 aanniarjuatanut.

Hapkuat maniliqtuutikhat tunijauniaqtut hamlatkunut, tunihidjutikhainnik nunallamingni nirurutikhainnik iuarijamingnik ihariahuktunut. Maniit tujutauniaqtut nunangita inugiangiitigut ikitqijaukpata 1000 inuit tunijauniaqtut $40,000, nunallangit 1000 inuit tunijauniaqtut $90,000, imaalu Iqaluit tunijauniaqtut $200,000. Hapkuat maniit niuvrutikhait niqigiktunik niqikhanik Nunavunmi ajuqhaqpallaaktunut, aturlugit nunallaat ajuttiaqhimajut ikajuqtikhangit imaalu havaqatigiiklutik tuhaqtipkaidjutikhanginnik atuqtautitlugu Qalagjuarniq-19.

“Iliharviit umikhimangmata amigaittut Nunavunmi nutaqqat tupautakhainik qitiqhuktakhainiklu ikajuutauvaktut niqikhailiuqtunut nunaptingni,” uqaqtuq Hivuliqti Savikataaq. “Akhuuqpaktugut ikajurumaplugit tamaita Nunavummiut atuqtaudjutaani aanniarjuaktitlugit, quviahukpiaktugut ikajuqhugit nutaqqat Inirnikhallu havaqatigiplugit NTI-kut ajuqhautaujumi.”

“Qilaminnuaq, anginiqaqtuq ihumagilugit aannialiqtailitikhangit nirittiaqpakkumiklu. Ilaujullu pidjutikhanit niqigiktunik niqikhanik ikajuutikhanik aanniaqtailitikhanut nutaqqat inirnikhaallu. Akhuuqujatka tamaita nunalaat ihumaliuttiaquplugit atuqtakhaliurutikhamngnik taffumani ikajuutikhamik,” uqaqtuq Angijuqqaaq Kotierk.
Aituutikhanut angirutiit ainiqtauniarahugijaujut hamaltkunut aqaguani havainirmi. Niridjutikhangit ihumajijaujut tamatkikhimajunik aallatqiiktunik niqikhainnik aanniarnaittmuik, tammaita niqikhat upalungaijakhimajut maliqaniaqtut timimikkut ahiqpaniidjutikhainnik atuqtakhanik.

###

Naunaiqhittiarumaguvit, hivaqarlugit:

Cate Macleod
Taigualiuqtiinni Titiraqtia
Havagvia Hivuliqtip Savikataaq
867-975-5059
cmacleod@gov.nu.ca

Qajaaq Ellsworth
Angayukhiq Tuhaumapkaitjutikkut Uqaudjiyi
Havagvia Hivuliqtip
Nunavut Tunngavikkut Timinga
867-975-4955 Akiittutukkut 1-888-646-0006
qellsworth@tunngavik.com
www.tunngavik.com

Malaya Mikijuk
Aulapkaiyiullaktuq Tuhagakhanut
Nunavut Tunngavik Incorporated
Hivajautaa: (867) 975-4907 Toll-free: 1-888-646-0006
mmikijuk@tunngavik.com
www.tunngavik.com