Havaktingit

You are here

Havagviit Apiqquutingit Kiuvikhangillu

Nuvaipa 04, 2019

Havagviit Apiqquutingit Kiuvikhangillu

Munaqhiliqiyitkut: Apiqquutingit Kiuvikhangillu

Ikajuutikhanut ihuiluutauniaqqa?

  • Tadja, ikajuutikhangit pivallialiqtangit aulanngittut. Kinguvautivangniaqtuq aanniaqtuliqijit havaktit utiqtittijut alilajukkuuqattaqtut hamna qaritaujakkuuqtut utiqtinnagu.
  • Aanniaqtut apirijaujut ikajuqtukhat nakhaqhimainnarlugit aanniaqtuliqiniq titiqqangit havautingillu munaqhiliqiniaraangata.

 

Taaktiliqinahuat tingmidjutikhait
  • Ilagijaujut havaktit ikajuriaqtuqtut ihuaqhaijaami aanniarviliaqtut tukhiutingit. Aanniarviliaqtut Tingmiakkut huli ilittuqhimaniaqtut inungnut munarijakhaat nalaumajumik unalu ikaarnikkut piluni. 
  • Ajuqhalirniruvit hivajainnarialik nampat titiraqhimajut qaritaujami uvani www.gov.nu.ca/health

 

Aaniarviliaqtuliriyiitkut:
  • Kinaliqaak aanniaqhimajut ihumaaluutiqarumik niplirumajulluuniit turaarvigiinnarialik uvunga Akiqanngittumi 1-855-438-3003.

 

Inuit iksluliiqtaulaaqtut auktakhiulaaqtuttauq huli?

  • Hii.

 

Hamna pigiaqaqtut aallanngurniaqqat aanniarviliaqatigijangit angiqtauhimajut?

  • Una pivallianingit haffumani aanniarviqatigijangit munaqtiujut huli aulajuittut.

 

Aanniarvit munaqhiqarviillu huli angmaumavat?

  • Hii tamaita munaqhiliqinirnit tamainnit nunallaanmi huli ikajuqtaunnginnaqtut.    

 

Hapkuat Qaritaujakkut qunniarnaqtut Ikajuutikhat angmaumavat?

  • Qaritaujakkut qunniarnaqtut ikajuutikhat tadja angmaumanngittut. 
  • Tamaat ihuaqhiriiqhimajut qaritaujakkut qunniarnaqtut atiliuqhimajut qakugu ihuaqhijauniaqtut. 

Pigiaqqat, atiliuqhimajut ihuaqhiffaaqtauniaqtut himmauhikhangit ilaliutikhaanut.

 

Kinguvarniaqqat ukunani turaarvikhainut havautikhaitigut/havautikhat nunalingnit?

  • Imannaq. 

 

Nanminiqutiga nalunaitkutat ilaliutiniaqqat?

  • Imannaq. Hunaniglikiaq, una taidjutilik ransomware hiamihimaittuq nalunaitkutaq ahinut ilauqatauhimajut unalu angmaumanngittuq inmingnut. Taamna piruinnaqhimajangit atuqtunut uvanngat aturumajainnit nalunaitkutaq.

 

Qanuq tuhagakhautihimajatit aanniaqtuliqijit parnautingit unalu aanniaqhimjut hilataani Iqaluit?

  • Pilimmakhaqhimajavut qilanaarnikhanut hulidjuhiit pidjarikhigiangani aturaaqtakhangit tuhagakhanut.
  • Ubluummaanmi tuhaqtittijugut katimavluta unalu qanirluani tuhagakhaanut munarigiangani akiharnaqtunik pigiaqarnirumi. Pilimmakhaqhimajavut qilanaarnikhanut hulidjuhiit pidjarikhigiangani aturaaqtakhangit tuhagakhanut.

 

Tahapkuat pilakhiqtauniaqtut ihuiluutauvat?

  • Imannaq.

 

Qanuq turaarviginiaqqara NIHB akiliakhaq?

  • NIHB piliriakhat piniaqtuq, aallaitut ikajuutikhait, titirainnaqhimaniaqtuq. Kihiani aktuqtaulaittut ikajuutikhanut, kinguvainnarniaqturluuniit.

 

Hamna Munaqhiliqiyitkut havagviat hannaijaqhimavat munarilugit haffumani qanurilinganinga?

  • Hii. Amihunit qilanaakkuurningit upalungaijautiqaqtugut hulijakhangit haffumani munaqhiqarnirnut turaarvigijangit hulidjuhit haffuminngatut. Tamapta munaqhiqarvit havaqatigiiktut ilagiinnaqhimajut havagluaqatigiikhutik ingattaqtailinahuaqhugit ihuiluutingit. 

 

Havaktiqaqqihi munarijaangani angiklijuummiqhimajuq havaangit?

  • Ihuaqhaijavut qanurilinganingit qanilruani unalu havaktit turaaffaarmijut qajangnarnirnut akunnganit.

 

Meditech:

  • Ihuaqhaijangit Meditech hamna hivullirijangit Nunavut Kavamangit hivullirijangit.

 

 

Maligaliqiyikkut

Qanuq ahinut hiamittilaitpa nanminirijara nalunaitkutaq hukagiaqaqqa?

  • Una Nalunaitkutaq unalu Ahinut Hiamittakhaunngittuq Kammissina turaaqtauhimajuq.
  • Maligaliqiyikkut Havagvia huli ilaliutigiinnarniaqtangit niplautigijangit ilagivluniuk haffumani piliriakhangit. 

 

Hamna piniaqqauk ransomware ihuiluutaulaaqqa tigumiariangani titiqqait?

  • Pidjarikhigiangani kavamat huli malikhimainnaqtangit ukunanngat Tutquumaliqijit Maligaq unalu hulidjuhikhangit, tamaita havaktit aulapkaihimajut pihimanahuarlugillu titiqqait haffumani tamaita nalunaitkutat turaaqhimajut tunijauhimajullu uvani ikaarnianut. 
  • Hamna turaarvingit utiqtaugumik tatamajunik ihuaqhaqtauhimajut, una nalunaitkutaq turaaqhimajukhat kavamanut iliurarvia nalaumattiaqtumik titiqqat munarijakhaat unalu atuinnaqtakhangit.

 

 

Apiqhuijingit: Apiqquutingit Kiuvikhangillu

Qajagijaujukhangit iluani apiqhuivikhat ihuiluutauhimajut ukunanngat qaritaujakkuurvikhat qaminngajut?

  • Una qajagijaujukhangit aktuqtauhimaittut qaminngagamik. 
  • Amihuujut haffumani qajagijaujukhangit iluani apiqhuivit munarijaunngittut uvani kavamanmi qaritaujakkuurviannut.
  • Una qajagijauniq unalu qajagijaujukhangit havaktivut unalu itiqtauhimajut hivulliutaujukhat. 

 

Qanuq ihuiluutauniaqqauk itiqtauhimajut anihimajukhat uplukhautaat, apiqhuivikhangit uplukhautaat, uuminngaluuniit upautijakhaat hulijakhat?

  • Apiqhuijukhat munarijakhaat titiqqangit haffumani tamainnut itiqtauhimajut hilataani haffumani Nunavut Kavamangit qaritaujangit. Atulaaqtangit nalunaitkutat angmaumajut pidjarikhijaami tamaat atuqtaujukhat uplukhautaat nalunaiqhimajut unalu itiqtauhimajut aktuqtauhimaittut. 

 

Ihuiluutauniaqqa pinahuaqtakhaat ikajuqtaujumajunut aturumajangit malikhimajakhaat ikajuutikhangit uuminngaluuniit kigliinnaqtangit tuhagakhangit ilaitaat? 

  • Una qaminngajuq ihuluutaulaittuq malikhimajangit inikhautikhangit uuminngaluuniit tuhagakhangit itiqtauhimajut. 

 

Nunalingnit Itiqtauhimajut Pilirijit munarilaaqtangit ikajuqtaujumajunut?

  • Tadja, naahurihimanngittut hunaniklikiaq ihuijauhimaningit iluani Apiqhuqtaunikkut Maligiaqaqtukhaliuqhimajuq Ikajuutikhat.
  • Itiqtauhimajut havaktit qimilruqhimaniaqtangit qanurilingajaunningit tautukhimagumik nalunaiqhiilugillu qanurilingannirumik aturiaqaqtangit ikaarutait uuminngaluuniit najugaanit. 
  • Qanurunaalaittangit ukunani malikhimajakhaat kiuvikhangit haffumani  apiqhuqtaunikkut maligiaqaqtukhaliuqhimajuq ikajuqtaujumajut. 
  • Nunalingni Itiqtauhimajut havaktit qanilrukkut havaqatiginiaqtangit Piliihimanut pidjarikhijaangani una qajangnaittumik pigiangani nunalingni. 

 

 

Nunalingni Apiqhuijit: Apiqquutingit Kiuvikhangillu

Piniaqqat Nunalingni Apiqhuijit Havagvit angmaumaniaqqat nunalingnit? 

  • Hii, Nunalingni Apiqhuijit Havagvikput angmaumaniaqtut taimaa ikajuutikhangillu ikajuqtauniaqtut inungnut ikajuqtaujumajut. 

 

Qanuq ihuiluutauniaqqat ikajuutikhangit ilaliutauhimajut ukunanngat Nunalingni Apiqhuijit Haniraanmi Havaktit?

  • Nunalingni apiqhuijit havaktivut nalunaijaijut nunaliit ihuiluutaulaaqtut ukunanngat qaritaujakkut ihuiqtittijut. 
  • Ilangit Nunalingni Apiqhuijit Haniraagut Havaktivut (CJOWt) havakkamik haamalatkut uuminngaluuniit kavamaunngittut timiujut hamnaunngittut Nunavut Kavamat qaritaujatigut.  
  • Parnautiginiaqtavut ihuiluutauhimajut CJOWt ukunanngat ihuiluutauhimaittut pidjarikhijaangani ikajuqhimalugit iluani tamainnut nunaliit.
  • Havagvikput huli havakhimainnarniaqtut ikajuqhimalugit hivulliujut ikajuutikhangit unalu nalunaijainiq ikajuqtaujumajunut.

 

 

Pilrajaqtauhimajut Ikajuutikhangit: Apiqquutingit Kiuvikhangillu

Pivallianiaqqat Pilrajaqtauhimajut Ikajuutikhangit ikajuqhimaniaqqat pilrajaqtauhimajunut pilrajaqhimajut ilaqatigiiktunullu hamna qaritaujaliqiniq qamihimatilluni? 

  • Naahurihimanngittugut ihuiqhimajaujut ikajuutikhavut, ilaliutigijangillu aullaqtukhanut titiraqhimajut unalu ikajuutikhangillu.  
  • Havagvikput havaktit havaqatigiittiaqhimajut pidjarikhijaangani ikajuutikhainnit Nunavunmiut ukunanngat pilrajaqtauhimajut ikajuutikhangit ihuiqhimaittumik.

 

Ikajuuhiakhanut Aulattijiit: Apiqquutingit Kiuvikhangillu

Ikajuqtaujumajut haffumani Ikajuuhiakhanut Aulattijiit tautukhimalaaqqat ihuiqhimajunit akiliakhaanut? 

  • Imannaq. Una akiliakhaq haffumani Ikajuuhiakhanut Aulattijiit havagluarutaujuq. Kihiani, tautukhimanngittavut ihuiqhimajaujut ikajuqtaujumajunut akiliakhangit. 

 

Apiqhuijit: Apiqquutingit Kiuvikhangillu

Pivallianiaqqat Apiqhuijit huli havakhimmaarniaqqat qaritaujatigut qaminngaraluaqhuni? 

  • Naahurihimanngittugut ihuiqhimajaujut apiqhuijit ikajuutikhavut, ilaliutauhimajut Nunalingni Apiqhuiji unalu aullaqattaqtut apiqhuijit. 
  • Qaritaujatigut Qajihaqtit havaktit havaqatigijangit Apiqhuijit ihuaqhaivlutik qaritaujat qunniagakhanut ungahiktumik piviittuq ikajuqhugit apiqhuijit aulattittijunit. 

 

Hup Havagviat Maligaliqiyikkut hulivat munarinahuaqhugit apiqhuijit ikajuutikhangit?

  • Apiqhuijit Ikajuutikhat pilimmakhaqhimajut qilanaakkuurviujut upalungaijaut ihuinaaqhimaittumik ikajuutikhangit Nunavunmiunut.
  • Una apiqhuijut atiliurvik angmaumaraaqhimajaujuq uvanngat 9:00 uplaami 4:00 uplunmaanmi Havagiarvik uvunga Tallimmiunmi. Qujaginnaq pilrajaqhimajuq uuminngaluuniit inuuqatigiit aullaqtiqhimajut atiliurialik ajurnaittumik uvani Apiqhuijut Atiliurvik uvunga takuinnarialik, kajumiktukkut uvani: (867) 975-6550 uuminngaluuniit qaritaujakkut turaarvinga:
  • Inikhautaat apiqhuijit titiqqaitigut tukhiutigiinnarialik takuinnarialik, ukunanngat kajumiktukkut uuminngalunniit inuutigut havaktit qaritaujakkut turaarvinga. 
  • Una Nunavut Kavamat havaqatigijangit ihuaqhainahuaqhugit inikhautikhangit qaritaujakkuurvingit. Kinguani nalunaitkutat nivinngaqtauniaqtuq uvani Nunavut Maligaliqiyikkut Qunniaqtakhat Qaritaujakkut nalunaitkutikhangit ilittuqhimagiangani qanurilinganingit.
    • Apiqquutiqarniruvit turaarvigilugit Apiqhuijit uvani:
      • Inuutigut atiliurvik: (867) 975-6102
      • Pilrajaqhimajuq Atiliurvik: (867) 975-6101
      • Apiqhuijit Paliihimannguaq havagvik: (867) 975-6103

 

Qanuq hamna ihuiluutauniaqqat hamna Inuutigut Atiliurvik? 

  • Una Inuutigut Atiliurvik angmaumanngittuq.
  • Apiqhuijit Havaktit tadja qimilruqhimajangit piliriakhat angiqhugit qaritaujakkut tunijakhat ilagijaujut inuutigut unalu pilrajaqhimajut qanurilinganingit, tadja qaminngahimajuq. 
  • Una havagvia ilaliutiginiaqtangit qimilruffaarmiluni tuhagakhanmit hamna kiujangit nalvaaqtauhimagumik talvanngaanit angiqhimalaaqtavut qaritaujakkut tunihimajangit. 

 

Maligarnik Atiliurviit: Apiqquutingit Kiuvikhangillu

Qanuq una ihuiluutauniaqqa ikajuutikhanut atuinnaqtangit ilaliutauhimajut ukunanngat Maligarnik atiliurviit?

  • Uvanngat, una havagvik ilaliutigihimaittut ikajuutikhangit kuapuriisanut atiliurviit, nunat tukiliutait uuminngaluuniit hivuurananngittumik qaritaujakkut atiliurvingit. 
  • Ikajuqtaujumajut huli pulaanginnarialik uuminngaluuniit hivajarlugit nalunaitkutikhanut ikajuutikhanulluuniit hamna qaritaujaq qaminngatilluni. 
  • Maligarnik atiliurvit havaktit havakhimmaaqtut qimilruqhugit atuqhimajainnit ikajuutikhainnit ilaliutigijat.

 

 

Kiinauyaliqiyitkut: Apiqquutingit Kiuvikhangillu

Hamna ransomware pinirlungniaqtangit ihuiluutauniaqqat Nunavut Kavamangit havaktit akiliarutikhangit ikaarutainnit?

  • Una havagvia havakhimmaaqtangit aulapkaigiami akiliakhangit tuglikhainit akiliakhangit ikaarutainnit. Malrurnik uplukhautait avaliiqtuq tuglikhainnit akiliakhangit ikaarutainnit.

 

Hapkuat niuviqtittijut akiliqtauniaqqat ikaarutainnit?

  • Kinguvarniaqhimajut hamna Kiinauyaliqiyitkut Havagviat qaritaujatigut ikihimaliqqata.  Taimaattauq, Kiinauyaliqiyitkut havakhimmaaqtut aahiit havagviit hivullirinahuariangani akiliakhangit. 

 

Himmauhiqtauniaqqunga aanniarviliaruma havaatigut aullaqhimatillunga?

  • Akiliakhat himmauhikhangillu hivulliriniaqtangit qilamiuqtumik qaritaujakkut ikihimaliqqata. 

 

Kiinauyaliqiyitkut Havagvia havagviit angmaumaniaqqat?

  • Hii, Kiinauyaliqiyitkut Havagviat havaktit naahurijaujut havagiaqtukhaujut. Ilangit ikajuuhiit angmaumaniaqtut inuinnautigut, hivajautikkut uuminngaluuniit kajumiktukkut.
  • Pulaaqhimalutit uuminngaluuniit hivajarlugit nunaptingni Kiinauyaliqiyitkut Havagviat naunaittiariami.

 

Hamna piat vainiillu niuvirviata ihuiluutauhimavat angmaumaniaqqattauq?

  • Niuviqtittijut haffumani piat vainiillu niuvirvik ihuiluutauhimaittuq haffumani qanurilinganianut. Havaktut ikaarningit unalu inikhautingit akiliakhait huli aulajuittut.

 

Kiinauyaliqiyitkut Havagviat Hilataanit Turaarutingit Titiqqangit

Iqaluit – Parniavik igluata
Hivayautikkut: 867-975-5803
Kayumiktukkut: 867-975-5805

Iqaluit – Kajuqtuq igluata
Hivayautikkut: 867-975-5800
Kayumiktukkut: 867-975-6814

Kangiqhiniq aviktuqhimajumi havagviat
Hivayautikkut: 867-645-8500
Kayumiktukkut: 867-645-8511

Iglulik aviktuqhimajumi havagviat
Hivayautikkut: 867-934-2009
Kayumiktukkut: 867-934-8677

Iqaluktuuttiaq aviktuqhimajumi havagviat
Hivayautikkut: 867-983-4043
Kayumiktukkut: 867-983-4041

Taaksiuliqiniq unalu nalliukumaatigut
Hivayautikkut: 1-800-316-3324
Kayumiktukkut: 867-975-5845

Ahiqanngittuq Hulijakhanut Titiqqaitigut Atiliurvik, imirnigut laisiat
Hivayautikkut: 867-975-6807
Kayumiktukkut: 867-975-5805

Laisikhaqhiuqti aquiqtuahimajut, imirnigut titiqqaitigut atiliurvik

Iqaluit
Hivayautikkut: 867-975-6869
Kayumiktukkut: 867-975-5836

Kangirliniq
Hivayautikkut: 1-855-844-5488
Kayumiktukkut: 867-645-3327

 

 

Igluligiyiqyuatkut Kuapuriisan: Apiqquutingit Kiuvikhangillu

Hamna Nunavut Igluligiyiqyuatkut Kuapuriisan (NHC) havagviit angmaumaniaqqat?

  • Hii, tamaita NHC havagviit angmaumaniaqtut ikaarningit aulajuittuq huli.

 

Nunaqatigiingmiut Iglulirijit Timiujut (LHO) ihuiluutauvat?

  • Imannaq, LHOt ihuiluutauhimaittut angmaumaniaqtut havaanut aulanngittuq.

 

Hamna Igluliqijit Piliriakhat Ikajuutikhangillu angmaumaniaqqat inungnut kitunuliqaak?

  • Hii, NHC naahurihimanngittut ihuiluutauhimaittut piliriakhanut ikajuutikhangillu turaarvikhangit

 

 

Nunavunmi Inirnirit Iliharviat: Apiqquutingit Kiuvikhangillu

Hamna ransomeware ihuiluutigijaat Nunavut Ilihariaqpaallivingit qaritaujaliqinirnut?

  • Hamna kiugiaqaqtangit tamainnit qaujiharningit (qaritaujannuat, uqaluutinnuat, mikijunnuit qaritaujait) qamigiaqaqtut uvanngat Nunavut Kavamangit alrujaqtuittuutigut uuminngaluuniit vaifait (ilaliutigijangillu kaalaksi qaritaujakkut alrujaittuutigut).

 

Havakkumalikiaq qaujiharnikkut atanngittut qaritaujakkut uvunga Nunavut Kavamangit alrujaqtuittunit?

  • Ilvit ihuiluutaulimaittutit.

 

Nanminiqutiga aturnirupku haffuminngatut Qiniq Qaritaujatigut Alrujaqtuittunik?

  • Naahurihimanngittugut ajurnanngittut qaujiharnikkut katilviuhimajut alrujaqtuittumik uvani Nunavut Kavamangit qaritaujakkuurvingit. Qajagihimalutit turaarviginiarungni qaritaujatigut iliuraivingit havagvikpit qaritaujakkut (katilviuhimaittumik Nunavut Kavamangit qaritaujakkuurvingit) nanminiqutivut qaritaujaq.

 

Ilihaqtut nutqaqtitauhimavat?

  • Imannaq, ilihaqtut huli ihuaqhiriiqhimajut. 

 

Havagviit umikhimavat?

  • Imannaq. Havagviit huli angmaumajut unalu havaktit havagiaqujaujut aulahimaittuq.

 

Hulijukhauvat havaktut havagiarutitigut titiqqangit?

  • Munariinnarlugit ikaarnikhanut havaktit, tahapkuallu havallakhimajut.

 

Qakuguli naahurihimajakhavut tuhaumaniaqtaqqut uplumimut atuqtakhat?

  • Hamna uplumimut nalunaiqhiijangit, ihivriurlugu Nunavut Kavamangit tuhagakhaanut makpiraq – haffuminngatut Facebook makpiraq.
  • Nunavunmi Inirnirit Iliharviat (NAC) havakhimajuq aulapkaivlutik hivajautikkut unalu kajumiktukkut titiraakhaq. Naahurihimajavut atullaktukhamik qaritaujatigut pivalliahimajut unalu aulapkaihimalugit tuhagakhanmik tukiliriiqhimajut avvautikhaanut nalunaitkutaq tamainnut timiujunut.
  • Una havaaq imaqtilaaqtuq, kihiani nutaannguqtiqattarniaqhimajut.

 

Hamna ihuiluutaulaaqqa ikajuutikhangit Ilihariaqpaallivik ikajuqhimajangit ilihaqtunut?

  • Hamna Ilihariaqpaallivik hivunigijangit pidjarikhijaami ikajuutikhainit ilihaqtunut ihuiluutakhaunngittut.
  • Maniliqinirnut Ikajuutikhat Nunavut Ilihaqtunut (FANS) unalu Inirninut Ilihautijut unalu Havaangit Ilihautijangit ikajuutikhat (ALTS) akiliakhat ilaliutautaaqhimajut pinirluktinnani, unalu Kivalliq Ilihariaqpaallivik ilaliutitaaqhimajangit hivulliqpaangit avvautainnaa haffumani Hikutirvia niqinut akiliqtaaqhimajut titiqqangit ilihaqtunut.
  • Ihumaaluutigigungni, nalunaiqhimalugu Angajuqaangujuq Aulattittijut havaqatiginiaqtaqqut pivalliavikhangit qanurilinganianut.

 

 

 

Kavamaliqiyikkut: Apiqquutingit Kiuvikhangillu

Hamna Kavamaliqiyikkut havagviit angmaumaniaqqat?

  • Hii. Tamaat Kavamaliqiyikkut havagviit (Ilagijangillu GLO Havagviit) angmaumaniaqtut havaagakhami.

 

Hamna GLO kitunuliqaak ikajuutikhangit angmaumaniaqqat?

  • Uvanngat naahurihimanngittavut hunanik ihuiluutauhimajut ikajuutikhanut turaarvikhaq.

 

Inuit turaarvigiinnaqtangit GLO qaritaujakkut, qanuq akturnialiqavut GLO mut?

  • GLO unalu aahiit Kavamaliqiyikkut havagviit unalu havaktit aktuinnalaaqtangit hivajautikkut, kajumiktukkut upainnarialigluuniit. Kajumiktukkut ihivriuqtauhimajut unalu aulalaaqhutiktauq.

 

 

Pitquhiliqijikkut: Apiqquutingit Kiuvikhangillu

Pitquhiliqijikkut havagviat angmaumaniaqqat?

  • Hii. Tamaat Pitquhiliqijikkut angmaumaniaqtut havakhimajut aulajuittut 

 

Pitquhiliqijikkut numiktittijut angmaumaniaqqat?

  • Hii. Hukakkuurutikhanut inikhaqaqhuta. Turaarvigilugit FLOW (ikaarnikhanut) aulapkaiji

 

Qanuq turaarviulaaqqat Pitquhiliqijikkut havaktit?

  • Pitquhiliqijikkut havaktit turaarviulaaqtut hivajautikkut, kajumiktukkut, uuminngaluuniit takujaqtuinnarialik.
  • Nunalingni Kavamatkunnilu Pivikhaqautikkut: Apiqquutingit Kiuvikhangillu

 

Nunalingni Kavamatkunnilu Pivikhaqautikkut angmaumaniaqqat?

  • Hii. Naahurihimajavut tamaita Nunalingni Kavamatkunnilu Pivikhaqautikkut havagvit angmaumaniaqtut havakhimajut aulajuittut.

 

Nunalingni Kavamatkunnilu Pivikhaqautikkut kitunuliqaak ikajuutikhangit unalu piliriakhat angmaumaniaqqat?

  • Naahurihimaittavut ihuinaaqhimajuutigut ikajuutikhanut turaarvikhangit, kihinnguqhimajukhat haffumani Qaujiharnirnut Qaritaujaliqinirnut ikajuutikhat.
  • Uplua tugliani kangiqhimattiaqhimaniaqtugut haffumani ihuiluutaujuq ikajuutikhanut unalu piliriakhat.

 

Qanuq tikiutiniaqtavut Nunavut Kavamangit?

  • Nunavut Kavamangit havagviat unalu havaktit hivajainnarialik, kajumiktukkut takuinnarialigluuniit.

 

Haamalatkut katimajiita nalunaiqtauhimavat?

  • Hii. Tamaat haamalatkut katimajiit nalunaiqtauhimajut ukunanngat Nunavut Katudjiqatigiingnit Nunaliit Kavamangit.

 

Hamna qilanaaqhimaningit ikajuutikhat haffuminngatut kiuhimajangit uvunga haamalatkut katimajiita unalu igluata ihumaaluutingit ilaliutauniaqqa?

  • Hii. Huli ilaliutiginiaqtavut ikajuutikhainit haamalatkunnut. 

 

Qanuq tikinnahuaqtavut Nunavut Kavamangit havaktit hivajautikkut?

  • Una titiraqhimajut turaarvikhangit takukhauniaqtut nivinngaqhimariirlugit tadjagunnuaq.

 

 

Ilinniaqtuliqiyikkut: Apiqquutingit Kiuvikhangillu

Iliharviit angmaumaniaqqat?

  • Hii, iliharvit angmaumaniaqtut. 
  • Tamaat ilihaqtut unalu havaktit nalunaiqhiijakhaat iliharvik naammaktumik unalu ahiikkut ilitturvikhat ilaliutauniaqtut ukunanngat iliharvit atanngujaat. 

 

Qajangnanngitpa nutararma ilihariarumi?

  • Hii. Timikkut qajangnanngittuq ilihaqtunut. 
  • Tamaat iliharvit tuavirnaqtukkuuqtut, haffuminnganut ikulaqarniqqat tuavirnaqtunit, kamagittailugit Nunavut Kavamakkut qaritaujakkuurvingit unalu aulattijangillu.
  • Tamaat iliharvit tuavikkuurnikkut hivajautiqaqtut nakuuhimajut.
  • Iliharvik qajaginniagut ihuiluutaunngittuq ukunanngat qaritaujakkut ihuinningit.
  • Hamna kamagijakhaat itirnaqtut havakhimajut naammaktumik.

 

Iliharvit qaritaujakkut qunniarnaqqat atulaaqtangit?

  • Iliharvit Qaritaujakkut Qunniarnaqanngittut atulaaqtangit.

 

Iliharvit huli nutaqqat ilihaqtamingnit unipkaarialaaqqigu titiqqainnit?

  • Hii, Nunavut iliharvit adjiliulaaqtut nutaqqat ilihaqtamingnit titiqqainnit.
  • Una Ilihaqtut Nalunaitkutat Iliuraivik (Maplewood) munarijaat hilataani Nunavut Kavamangit havaarilluaqtangit ihuiluutaulaittunilu ukunanngat ransomware. 
  • Ilihaijit unalu Aulattittijangit havaktit atuinnarialgit Maplewood unalu adjiliurlugit Nutaqqat Ilihaqtamingnit Titiqqangit uvanngat qajagijaujut qaritaujakkut qunniarnaqtut katilviuniq.
  • Una havagvik tadja iliurailiqtangit nalunaitkutaq haffumani hup iliharviit qaritaujakkut qaminngajumik avatikhangit unalu qaritaujakkut aturnaqtumik.
  • Aahiit aturnaqtut niplautiginiaqtangit iliharviit aturviuqanngittut avatikhangit hilataani haffumani Nunavut Kavamangit.
  • Hamna kiugiaqaqtangit pilimmakharnirnut haffumani himmautauhimajut, kinguvaqtauhimajut naahurilaaqtangit. Kihiani, naittumik iliharvit turaaqhimataaqtangit nutaqqat ilihaqtamingnit titiqqangit taimaa ihuiluutauhimaittuq ukunanngat angmaumanngittut haffumani Nunavut Kavamangit qaritaujakkuurvingit.

 

 

Pivalliayuliqiyikkut Ingilrayuliqiyitkullu: Apiqquutingit Kiuvikhangillu

Hamna Pivalliayuliqiyikkut Ingilrayuliqiyitkullu havagvit angmaumaniaqqat?

  • Hii, naahurihimajugut tamainnut Pivalliayuliqiyikkut Ingilrayuliqiyitkullu havagvit angmaumaniaqtut aulanngittut, kihiani ilangit ikajuutigijut umikhimaniaqtut.

 

Tingmiaqarvit ikajuutikhat ihuiluutauniaqqat?

  • Aulattittijut ihuiluutigijaulimaittut.
  • Una Nunavut Tingmiaqarvit Avvautingit ihuaqhaqhimajangit himmauhikhangit upalungaijaut pidjarikhigiangani qajangnaittumik unalu ihuaqtumik tuahgakhangit tamaat tingmiaqarvingnit.
  • Aviktuqhimajumik tingmiaqarvik atanngujait havaqatiginiaqtangit ukunanngat Haamalatkut katimajiit unalu aahiit havaktunullu pidjarikhigiangani ihuaqtumik aulattititjangit. 

 

Pivalliayuliqiyikkut Ingilrayuliqiyitkullu piliriakhat unalu ikajuutikhat uvunga kitunuliqaak angmaumaniaqqa?

  • Ajurnaqhimalaaqtut haffumani turaarvikhangit haffumani aquttut laisingit unalu nalunaitkutat titiqqat. 
  • Pivalliayuliqiyikkut Ingilrayuliqiyitkullu havaqatigijangit ukunanngat Nunavut Kavamangit parnautingit pivalliagiangani piliriakhat titiraqhimagiangani tuavirnaqtumik Nalunaitkutat titiqqat. 
  • Una piliriakhat avvautiginiaqtangit ukunanngat kitunuliqaak angmaumavikhaq. 
  • Nunavunmiut tadja tukhiutigijakhaat haffumani Pivalliayuliqiyikkut Ingilrayuliqiyitkullu Tukhiutigijangit unalu Ikajuutikhangit kinguvalaaqhutik pivallianikhanut haffumani tukhiutigijangit. 
  • Tamaat havagviit angmaumaniaqtut turaarvigijukhat hivajautikkut uuminngaluuniit kajumiktukkut. Titiqqangit hivajautit turaarvingit pivallianiaqtangit ukunanngat 12:00 Kivataanit Upluqhiutaagut Havagiarvik, Hikutirvia 4 mi. 
  • Haffumani tuavirnaqtumik tuhagakhat haffumani qajangnarniagut ihumaaluutigijangit haffumani atullakhimajangit qaritaujakkut turaarvingit aulapkaqhimajut munarijauniaqhunilu: edthqyfb@gmail.com 

 

 

Havaktuliqiyikkut: Apiqquutingit Kiuvikhangillu

Hamna Havagviat haffumani Havaktuliqiyikkut Ihuiluutauniaqqa?

  • Uvaniunngittuq, havangnaqhuni aulanngittuq. 

 

 

Inuliriyikkut: Apiqquutingit Kiuvikhangillu

Hamna Inuliriyikkut havagviat angmaumaniaqqa?

  • Hii, tamaita Inuliriyikkut havagviit angmaumaniaqtut havaktut aulajuittut ikaarnigut. 

 

Namut hivajarniaqtunga apiquutiqarniruma haffumani ikajuutikhangit haffumani Havagvik Inuliriyikkut hagvihimajut akiliaqtukhat, uuminngaluuniit aahiit Inuliriyikkut ihumaaluutainnit?

  • Inuliriyikkut Ikajuutingit kitunuliqaak Ikajuutikhalik uvani 1-855-522-5201. 
  • Una Maniliqiniq Ikajuutikhangit haffumani Nunavut Ilihaqtut (FANS) turaarutaa hammaujuq 
  • 1-877-860-0680, humiliqaak titiraqhimajuq uvani kavamat Nunavunmi qaritaujatigut turaarvingit haffumani Inuliriyikkut. 

 

Akiliqtauniaqqunga havanngittut ikajuutikhainit?

  • Havanngittut Ikajuuhiat Havaktit tuniqhainiaqtut niqikhanut titiqqainit. Tunijaugiami niqikhamik titiqqainit, ikajuqtauhimajut katimaqatigijakhaat Havanngittut Ikajuuhiat havagviat nunaptingni. 

 

Qaunuq tunijauniaqtunga niqikhanut titiqqagnit?

  • Havanngittut Ikajuuhiat Niqikhanut Titiqqangit pilimmakhaqtaaqtut tamainnut Nunavunmi uplumi. 
  • Humiliqaak Havanngittut Ikajuuhiat Havaktiqanngittut nunalingni, una Nunalingnit Inuliqijit Havaktingit hannaijariiqhimaniaqtut niqikhanut titiqqagnit.  
  • Haffumani Sanikiluaq, Inuliriyikkut ihuaqhaijariiqhimajut nunalingni niuvirviit hamna niqikhanut titiqqagnit agjaqtaujumaaqtut nunalingni. Qujagijaqqut nunalingnit qilanaaqhimaittut tadja uvanngat. 

 

Akiliqtauniaqqunga ilihaqtunut akiliakhangit ikajuutikhainit?

  • Hii, una Hikutirvia akiliakhat hannaijariiqhimajut. 
  • Tuglikhangit Hikutirvia akilikhangit tunijauniaqtut 15 mi naahurihimajangillu kingulliulimaittut. 

 

Tingmidjutikhara huli hannaijariilaaqhimajara aimavingmi nunalingni?

  • FANS ilihaqtut huli hannaijariiqhimalaaqtangit Quviahugvingmi tingmidjutikhaa aimavingmi nunaliit. 
  • Tingminiaruvit ukunani Canadian North uuminngaluuniit Calm Air, turaarvigiinnarialik tingmidjutikhatit ihuaqhaigiangani. Uqautilugit FANS nit ilihaqhimajutit taimaa tingmidjutikhavit akiliqtaujaami ukunanngat Nunavut Kavamangit. Tingmidjutikhatit titiqqangit kajumiktukkuurialik uvunga 1 877 860 0167.
  • Tingminialiruvit Air Canada uuminngaluuniit Westjet kkut, turaarvigilugu FANS havagviata uvani 1 877 860 0680 tunilugulu humiliqaak tingmijumajutit. Una FANS havagvia hannaijariiqhimaniaqtangit tingmidjutikhatit.
  • Apiqquutiqarniruvit, turaarvigilugit FANS havagviat uvani (8:30 ublaami uvunga 5:00 unnuktumi CT) uvani 1 877 860 0680.

 

Akiliqtauniaqqunga nutaqqannut pammiqhillaktumik akiliakhangit munarijaangani pamiqhillaktatka nutaqqanit?

  • Hii, hivulliqpaaq Hikutirvia akiliakhat hannaijariiqhimajut. Tuglikhaat akiliakhaat uvani Hikutirvia 15 kingulliulimaittunilu. 

 

Tunijauniaqqunga pivikhara Inirnirnut Ilihaqtunut unalu Ilihautikhanut Ikajuutikhait akiliakhangit?

  • Hii. Hannajairiiqhimajavut taimaa akiliqtaugiami kinguvaqhimaittumik. 

 

Uqarumaguma haffumani nutaqqanut pinirlukhimajut ihumaaluutigigupkit, namulliqaak turaarviginiaqqigu?

  • Tamaat Inuliqijit angmaumainnaqtut. Turaarvigilugit nunaptingni inuliqijit havaktit uuminngaluuniit katimaqatigilugit Inuliriyikkut havagviat. 
  • Tamaita munarijaujukhat uqaqhimalugit kinaliqaak nutaqqanut pinirlukhimajut uvunga Inuliqijit Havagviata.

 

 

Avatiliqiyikkut: Apiqquutingit Kiuvikhangillu 

Hamna Avatiliqiyikkut Havagviat angmaumaniaqqat? 

  • Hii, Avatiliqiyikkut Havagviat angmaumainnaqtut. 

 

Hamna Avatiliqiyikkut Havagviat piliriakhat unalu ikajuutikhangit uvunga kitunuliqaak huli angmaumainnarniaqqat?

  • Tadja naahurihimanngittavut qanurilinganniagut ikajuutikhait turaarvikhangit. 

 

Hamna qajangnaqtut ikajuutikhait haffuminngatut kiunahuaqtangit ajuqhautingit anngutikhanut hunaniklikiaq haffuminngat uqhurjuat kuvijauhimakpat ilaliutauniaqqat?

  • Hii, ajurnaqtumik anngutikhat unalu uqhurjuat kuvijauhimakpat kiuvikhangit huli havakhimainnarniaqtut. 

 

Inuit turaarvigiinnaqtangit Nunavut Kavamangit qaritaujakkut. Qanuq turaarviginiaqtavut Nunavut Kavamangit havaktit? 

  • Qaritaujatigut angmaumanngittuugaluaqtut, Nunavut Kavamngit havagvit havaktillu turaarvigiinnarialik hivajautikkut, kajumiktukkut takuinnarialigluuniit.