Hivuliqti ilitarijaa Naujaanmi Inirnikhaq inuuhuiqhimajuq Donat Milortok, Nunavunmi Angirutmi sainiqtiuvaktuq

Hivuliqti P.J. Akeeagok ublumi tunijuq uqautimik aliahuutikkut inuuhiani Inirnikhaup inuuhuiqhimajum Donat Milortok havakpagutaanilu piliurninganik Nunavunmik:

“Talvuuna pulaaqtamnik Naujaatmun, ilitarijumajara inuuhuiqhimajuq Donat Milortok havakpiarhimadjutaani piliurningani Nunavunmi Angirutimi Nunaani aivadjutiupluni sainiqtiuplunilu uumani Nunavunmi Angirutaani.

Donat nalvaaqtauhimayuq kingunaptingnilu angijuqqaanguvaktuq Tunngavitkunni Nunavunmi (TFN), ublumi ilihimajaqqut Nunavut Tunngavik Inc. (NTI). Niruaqtauhimanikkut hivuliqtiuplunga, pilarhuutiqaqtunga Donatmin, ahinungaqtitauhimapluni ilihariaqtuqtitaujuq annaktauhimajuq qaangiutivaktait amigaittun ajurnarhidjutinik piliuriami nakuutqijaujumik nunakhaptiknik hivunikhani kingullikhaptingnun.

Inirninguraluarhuni, Donat akhuuqhaihimmaaqpaktuq Inuit nunainnun anguniarnikkullu pilaarutainnun. Quviahuktunga takugapkit ilagijait tunijatkalu qujagidjutitka nagligutitkalu inuuhuirutaani piqpagijamingnun uvani April 26mi.

Donat, angajuqqaangujutin Nunavunmun, qujagijagillu inuuhirni tamaat havagutingni Inuinnarnun tamainnullu Nunavumiunnun.”

###

Tuhaqtipkainikkut Uqarvigijaqhaq:

Beth Brown    
Tuhaqtipkaidjutiqhanut Titiraqtia
Havagvia Hivuliqtip P.J. Akeeagok

867-975-5059
bbrown6@gov.nu.ca