Havaktingit

You are here

Hivuliqti Savikataaq ihumagijait ajuqhaqtillugit Cowessess Hivulliq Nunaqaqqaaqhimajunut

Immaktirvia 24, 2021

Tuhaqtidjut

Hivuliqti Savikataaq ihumagijait ajuqhaqtillugit Cowessess Hivulliq Nunaqaqqaaqhimajunut

Arviat, Nunavut (Imaruqtirvia 24, 2021) - Hivuliqti Joe Savikataaq ublumi tunijaa una uqauti:

“Uumativut hakugiknikhamullu ihumagijavut Cowessess Hivulliq Nunaqaqqaaqhimajunut inuillu tamaita ajuqhaqtitaujut nalvaaqhingmata talvani aullaqtitauvaktunut ahinut ilkiharviani Marieval Indian Residential School.

Qaffiulirniaqqat aullaqtitaujut ahinut ilihariaqtuqhimajunut amigaiktut iluviit paqitaungmata Nunaqaqqaaqhimajut Inuit ajuqhaqtitauniaqqat? Ajurnakpiaktuq qangaraaluk nutaqqavut tigujauhimangmata aullaqtirutaanut 1883-mi.

Nunaqaqqaaqhimajut Hivulliit, Inuit ukuallu Métis itquumajumik tuhaajukhaujut. Tamainnik.

Mamianautikhanik tuhaajukhaujugut. Inungnit tamainnit, ilauhimajut, tausingujunut ajuqhaqtitauhimajut ilaqatigiiktut nunallaallu.

Ihuaqhaqtitaujukhaq. Itquumajumik, ihuaqhaqtitaukpiagakhaq kukiktauhimajunut nutaqqanut ajuqhaqtitpiakhugit ilaqatigiiktut.

Kiunnaqtuutikhaqaqtukhaujugut. Qilamik kiujukhaujut tamainnit ajuqhaqtittijinit.

Mamittirtukhauliqtugut. Pidjutigihimajainik, itquumajunut mamittirluta pilugit pitqujaptingnik pijumajaptingnullu.

Ihuaqhaqtitaujakhat ihuittumik pidjutainit. Akhuurutaujanut, nakuukpiaktumik ihuaqhaqtitaulugit.

Ihuaqhautikhanik takujumajugut. Ihuaqhaqtillugit aadjikkiiktumik nakuujumiklu pidjutikhainut tamainnut Nunaqaqqaaqhimajunut inungnut Kanatami, tadja. Tamaita Nutaqqat Ihumagijaujukhat. Qangaraaluk, tadja, hivuniptingnullu.

Una aallaujuq ajurnakpiaktuq, tuquffinaktuq hulidjutigijaat Nunaqaqqaaqhimajunut Inungnut Kanatami, qaanganiittunik atuqtaujani inuuhiudjutini kinguliriiktunut inungnut ajuqhautauhimmaaqtut. Ikajuqtaujumaguvit, hivajarvigilugit Indian Residential Schools Crisis Line talvunga 1-866-925-4419, 24-ni ikaarnini ubluani, 7-ni ubluni havainirmi.”

###

Tuhaqtidjutikhanut Uqarvikhaq:

Cate Macleod
Tuhaqtidjutikhanut Titiraqti Premier Savikataaq-mun
867-975-5059
cmacleod@gov.nu.ca