Havaktingit

You are here

Hivuliqti Savikataaq ilitaqhihimayuq Nunaryuami Tamaat Ubluanik talvuuna Itqaumanikkut Hanaqidjutikharnik Nigaqtaunaitumik Arnanun Arnaruhirnunlu

Tissaipa 06, 2018

Tuhaqtidjut

Hivuliqti Savikataaq ilitaqhihimayuq Nunaryuami Tamaat Ubluanik talvuuna Itqaumanikkut Hanaqidjutikharnik Nigaqtaunaitumik Arnanun Arnaruhirnunlu

Hivuliqti Joe Savikataaq ublumi tuhaqtitiyuq haffuminga uqaqtamininik:

“Ublumi,uumani Nunaryuami Tamaat Ubluanik talvuuna Itqaumanikkut Hanaqidjutikharnik Nigaqtaunaitumik Arnanun Arnaruhirnunlu, itqaumayavut 14 arnat inuaqtauhimayut Montreal-mi uumani ubluani 1989-mi, amigaittullu aallat iqhiuqtitauhimayut, aanniqtauhimayut tuqqutauhimayutluuniit ningaqtaunirmit.

Atuqpaktaralu nikadjutigiyatit takuyumayatkallu ubluani tamarmik arnat Nunavunmi, Kanatami tamainnilu nunaryuami iqhiuqhimaitumik hivuuranaitumikkinatutliqaak angutitut. Puiguyuitugut, akhuuqpangniaqtugullu nakatqingnahuarlugu hamna iqhinaqpiaktuq atuqtauvakhimayuq.

Nunagiyauyuni amigaitilanginik ilagiiktunit aanniqtauhimanikkut imatut ittuq 11-nik amigaitqiyauyunik nunaryuami amigaitilanginit, ilanganit Kanatap, amigaittut ilagiiktut aktuqtauvakhimayut ningaktaunikkut ayurnautiqakhimayut. Akhuurnaqpiaktuq anutivut inuuhuktuutivullu, tamaitalu Nunavummiut, ayuiqhayukhat inuuhiringnaqtumik, qayangnaitumiklu pittiarlutik piqatiqaqpaktukhat, ikigliiyuumirahuarutikhanik ningaqtaunianik arnaut arnarutiniklu.

Ikayuqtigiikluta ilihautitigik ilagiiktut nunallavullu tahapkutiguuna angiqtaunirmik, pittiarnirmik pittailitikhaniklu qinginirmik piumangitkumik, uqautiyakhaitumik nutaqaptingnik atuqtauhimayumik 29-ni ukiut naattut atuqhimnayanik.”

###

Tuhagaqtidjutikhanut Uqarvikhaq:

Cate Macleod
Taigualiuqtiinni Titiraqtia
Havagvia Hivuliqti Savikataaq
867-975-5059
cmacleod@gov.nu.ca