Havaktingit

You are here

Hivuliqti Savikataaq quviahuutigijaa Nunavutim Ublunga

Julai 09, 2021

Tuhaqtidjut

Hivuliqti Savikataaq quviahuutigijaa Nunavutim Ublunga

Hivuliqti Joe Savikataaq ublumi tuhaqtitaa una uqauti:

“Ajurnariarmiuq ukiuq, akhuurutigiplugu nunarjuarmi aannialiqidjuti ihuarhainarhuarnikkullu amigaittunik hivulliutijauhimajukhanik. COVID-19 Qalagjuarniq tikitpaktuq nunaptiknun, pidjutipluni qaffinun nunallaani aannialaqidjutipluni, Nunavunmiullu tautuktittijun hakugingnirmingnik mahulingiadjutimingnik inuriktuutimingniklu. Tapkununga havakpiarutingnun utaqqirallidjutiffingnullu, quanaarutitka naammangittun.

Nunavut Kavamanga ilitturipkaijuq malikhautijaaqtuq ihuarhaiplunilu amigaitqijaujunik hivulliutijaujukhanik kingulliinnin. Amigaqtaugaluaqaqtilluni kiudjutikkut COVID-19 Qalagjuarnirmun, quviagijara hunanik kavamakput inirhimangmat. Amigaittunik havaktukhaujugun huli, kihimi ilitturijuummirhimajunga nakuutqijaujumi pidjutikhaniiliqtugun talvannga hitamani ukiuni qaangiqhimajunin. Aulahimmaarluta havagutihimmaarlugu hakugikharlugulu nunakput, atauttikkut.

Nunavut pinnitqijaujuq nuna nunarjuami, piqarhuni pimmariktunik inungnik, uqauhinik pitquhiniklu. Quviahukpiaqtunga ublumi ubluq tamaallu, arligiinnaqtatkalu Nunavunmiut hunaniklu inirhijaaptiknik.

Quana ilaupkarangma naupkainikkut ikajurnikkullu piliurnikkut nakuutqijaujukhamiklu Nunavunmik tamaptingnun. Quvianaqtuq Nunavunmi Ublunga!”

###

Tuhaqtidjutikhanut Uqarvikhaq:

Cate Macleod
Tuhaqtidjutikhanut Titiraqti Premier Savikataaq-mun
867-975-5059
cmacleod@gov.nu.ca