Havaktingit

You are here

Hivuliqti tikkuaqhiyuq ministait munariyakhainik

Aktuupa 24, 2018

Tahaqtitauyukhaq

Hivuliqti tikkuaqhiyuq ministait munariyakhainik

Iqaluit, Nunavut (Tattiarnaqhilirvia 24, 2018) – Hivuliqti Joe Savikataaq tuhaqtitiyuq ublumi tamna Ministuyugaluaq Pat Angnakak, tapkunginga ministauhuiqtuq Minista Munaqhiyuq Nunavut Igluliqiyiryuatkunik umingalu Minista Munariyalik Qulliq Alruyaqtuqtunik Ikumadjutiit. Ublumimit, Ministauyuq havaariyakhanginnut tuniyauhimaittuq huli.

“Ipakhaq, takuyugut akhuurnaqtumik ihuinaarutiqaqtuq ministait hiamitiqtakharingitanginik Maligaliurvingmi. Ministauqatigiikhuta, ihuaqtumik havaqatigiilimaitugut maligaliuqativut ukpirnaitpata himitigakhaungittumut uqariiqhimayait maliqqanngitpatigik,” uqaqtuq Hivuliqti Savikataaq. “Hamna ihumaliuqtaqqut ihuariyauyuq tamainnit ilauyunit Ministait hivuliqtiuyunit, ihumaliuriaqaqtugut ihuaqtumik ilihimagupta angiqatigiikhuta tunngavikhat ihuinnaaqqat. Quyagiyara Minista Angnakak havakpaktainik aallatqiiktuni havaarivaktaminni.”

Piniaqtuq qilaminnuaq, Minista Lorne Kusugak munarilirniaqtaa Ministauyuq Munariyalik Nunavut Igluliqiyiryuatkunik, unalu Minista Jeannie Ehaloak munarilirniaqtaa havaariyakhaa Minista munariyalik Qulliq Alruyaqtuqtunik Ikumadjutiit.

###

Tuhagaqtidjutikhanut Uqarvikhaq:

Cate Macleod
Taigualiuqtiinni Titiraqtia
Havagvia Hivuliqtip Savikataaq
867-975-5059
cmacleod@gov.nu.ca