Havaktingit

You are here

Hivuliqti tuhaktitiyumayuq ministangit angayukhiitlu atanguyangit himiqtauhimaarniaqtun

Tissaipa 14, 2018

Tahaqtitauyukhaq

Hivuliqti tuhaktitiyumayuq ministangit angayukhiitlu atanguyangit himiqtauhimaarniaqtun

Iqaluit, Nunavut (Ubluirvia 14, 2018) - Hivuliqti Joe Savikataaq ublumi tikaukhimaya Lorne Kusugak Ministaunirmun Havaktuliqiyitnun, ihuaqtumik aulayukharnik ihuaqtumiklu auladjutikharnik ikayuutikharnik taima nuutaanguqtikhimayut havagviit auladjutiligumi Qittiqayaqniq 1, 2019nguqan. Ilauniaqturlu, Sheila Kolola Tuglia Ministanguqtuq talvani Havaktuliqiyitni aulaniaqtuq Ubluirvia 17, 2018mi.

“Akhuqtumik havaktitiunga auladjutikharnik talvani Havaktuliqiyitkuni, quviahukpiaqtunga aulatitiyaangat talvuuna hivunirmi tatqiqhiutingni,: uqallaktuq Hivuliqti Savikataaq. “Minista Kusugak piqaqtuq ayuittiarutingnik havagiaqaqtainiklu naunaitumik ihuaqtumiklu auladjutikharnik havagiaqaqtun uvani akhurnaqtumik havaangani, unalu Ms., Kolola piqaqtuq havagiikhimavakhimayainik iniqtirutikharnik atugianganik Inuit havaktitiyukharnik, ayuiqhautikharniklu pivalliadjutikharnik.”

Una avaliqangitumik Havagvik Havaktuliqiyitkut aulaniaqtun ihuaqtumik auladjutikharnik nalrunirmik ikayuutikharnik naunaiyaiyaangat atuqtakharnik havaktauyukharnik talvani Inuit havaktitiukharnik talvuuna ayuiqhautikharnik havaagumayainik hivunikhangit, unalu nuutaanguqtirlugit havagiaqaqtainik havaktiit inuuhirinikkut.

Hivuliqti Savikataaq aallannguqtigivakhimayuq Nunavut Kavamangit (GN)ngit angayukhiit atanguyauyunik. Aulayukhat Ubluirvia 17, 2018mi:

  • Louise Flaherty nuuniaqtuq talvanga Tugliangani Pitquhiliqiyitkutnin Tugliuniaqturlu Ministamun Ilinniaqtuliqiyitkutnun;
  • Pujjuut Kusugak nuuniaqtuq talvanga Tugliangani Ilinniaqtuliqiyitkutnun Tugliuniaqturlu Ministamun Pitquhiliqiyitkutnun;
  • Pauloosie Suvega nuuniaqtuq talvanga Tugliangani Avatiliqiyitkutnin talvuna nuutluni Angiyuqanguniaqtuq Nunavut Ilihaliarpaarvingmun; unalu
  • Steve Pinksen Havaktitaularniaqtun Tuglianguluni Ministamun Avatiliqiyitkutni.

“Tamna GN-kut piqaqtun ayungitunik hakugiktuniklu havagiaqaqtuniklu hivuliqtinik, ihumayungalu ukuat allanguqtirhimayut ihuaqtumik havagiaqarniaqtun avatingni havagvingni ikayuutikharnik pivalliadjutikahrnik Nunavunmiunun,” uqallaktuq Hivuliqti Savikataaq. “Nigiukhimayunga havaaqhagiaqaqtukharnik nuutaami ukiumi havakhimaagianganik hakugikyumiqtitiyaangat nunalaani ikayuutikharnik ilihairutikharnik pidjutikharnik nunaptingni.”

###

Tuhagaqtidjutikhanut Uqarvikhaq:

Cate Macleod
Taigualiuqtiinni Titiraqtia
Havagvia Hivuliqtip Savikataaq
867-975-5059
cmacleod@gov.nu.ca