Havaktingit

You are here

Hivuliqti uqaqhimajait angijukhiinni atan'ngujani aallanguqtirutiinnik

Saptaipa 10, 2021

Tuhaqtitaujukhaq

Hivuliqti uqaqhimajait angijukhiinni atan'ngujani aallanguqtirutiinnik

Iqaluit, Nunavut (Apitilirvia 10, 2021) – Hivuliqti Joe Savikataaq ublumi tuhaqtitauvaktuq allan’nguqtiqhimajuq taffumunga Nunavut Kavamanga (GN)-kut angijukhiit atan’ngujaujukhanik.

Atuliqtumi Apitilirvia 17, Rebecca Hainnu havaariniaqtaa Ministaup Tuglia Ilinniaqtuliqijitkuni. Ms. Hainnu Ikajuqtiuhimajuq Ministaup Tuglianun Ilinniaqtuliqijitkuni qaangiutijumi ukiungani, upalungaijaqhuni nuutirluni havaakhamun. Ms. Hainnu qangaraalungmin ilihaijiuhimajuq havaarihimajait taimaa ilihaiji, atn’ngujap tuglia atan’ngujauvlunilu talvani Quluaq Iliharvik Kangiqtugaapingmi.

Atuliqtumi kingulirmi tatqiqhiutimi, Rick Hunt havaariliqtaa Angijuqqaaq ukunani Qulliq Alrujaqtuqtunik Ikumadjutiit (QEC) (QEC). Mr. Hunt havakvigihimajaa QEC-kuni 17-ni ukiuni, ikittuni havaani, unalu Aulapkaiyi, Munaqhiliqijit, Qajangnautinun, Avatiniliqinikkut Iglukpakhanullu, atan’ngujaullakhimavlunilu havaani taimaa Aulapkaiji Auladjutikhanun, Aulapkaiji Hanajaujakhanun Titiraujakhanullu, Angijuqqaap Tuglia unalu Atanilluaq Tukimuaqti Havakti.

“Quviattakpiarutigijakka ukuak Ms. Hainnu unalu Mr. Hunt havalirianginni nutaanik havaakhamingnik, takujumajatkalu hivuani ihuaqpiaktumik ikajuutikhainik piniaqtamingnun havagvingmingnun,” uqaqtuq Hivuliqti Savikataaq. “Tamangmik naunaiqtihimajuq hivuliqtiuvlutik ajuiqpiakhimajamingniklu pittaaqtamingniklu akhut ikajuutauniaqtut kavamaptingnun.”

Hivuliqti Savikataaq nahurittiartaa Kathy Okpik, Ministaup Tuglia Ilinniaqtuliqijitkunun nakuujumik taimaa pidjutikhaqarluni havaruiqtittilirumi, atiliqtumi Hikutirvia 1. Ms. Okpik qangaraalungmin taimaa aalatqiini havaariraakpakhimajait GN-kuni, amihuni havaani – ilihaijihiuhimavluni, Ministaup Tugliata Ikajuqtinga unalu Ministaup Tuglia allanun havagvingnun, ukunanilu Havaktuliqijitkut unalu Ministaujut Kavamaliqijutinullu Havagviat.

###

Tuhaqtidjutikhanut Uqarvikhaq:

Cate Macleod
Tuhaqtaujukhani Titiraqti
867-975-5059
cmacleod@gov.nu.ca