Havaktingit

You are here

Hivuliqtip Savikataaq uqautigiyait Nirittiaqnirmun Ukiuqtaqtumi tuhaqtidjutit

Tissaipa 10, 2018

Tuhaqtidjut

Hivuliqtip Savikataaq uqautigiyait Nirittiaqnirmun Ukiuqtaqtumi tuhaqtidjutit

Hivuliqti Joe Savikataaq ublumi tuhaqtitiyuq haffuminga uqaqtamininik:

“Akituqyuumiyut manikhat uvalu piinagialgit Nirittiaqnirmun Ukiuqtaqtumi Kanatami Pinahuagutit Ihagiagiyauyut aaniaqtailinikkut uvalu inuuhiqattiangnikkut Nunavunmiunun. Quniahuktunga tuhaagama ublumi kanatap tuhaqtidjutaanik hapkununga Pinahuagutinun ilauyut ikayuutit iglumi ihagiagiyauyut imatun makkat uvalu nuntaganugat niqighait. Kihimi, naunaittiaqhimangituq tapkua tukhiqtauyut aalanguqtingnit tunihiniaqtut angiyumik akituqyuumilutik piinagiaqniit uvalu aaniaqtailinikkut, nakuuyut niqit Nunavunmiunun ilagiingnun.

Quviahiktunga takugapku Pinahuagut ilitagiyaungmata niqainait niqitnakuuqpiaqtumik nigitiaguminatut, uvalu ikayuutaublutik ihuatumik inmikkut piinagialgit Nunallaanun. Nigiugiyatka Anguniaqtut Ikayuutikkut Aituutit ihumagilugit qayangnaqtuq aadjikiilugit piyakhat ihuaqqtumik pihimayaangani anguniaqtunun hivuniptingni. Takuhimaaqtukhaugaluuyugut amigaitunik ikayuutinik Nunavunmiunun, akhuuqhaidjutaikhat amigaiqyuumiglugit piyakhat uvalu tiguaqhimalugu nanminiqut ihumaliungningmun piyaangnivut. Kavamatkut Nunavunmi aulahimaaqtumik qiniqhianiaqtut tapkua hivumut aalanguqpaliadjutit pinahuagutinun tunihiniaqtut, aadjikiingnikkut piyaangnigit hapkununga nirittiaqnirmun niqit uvalu ihagiagiyauyut hunat.

Apigiffaaqtatka tapkua Nunavunmi akhuugutinik atuqtauyumik Nirittiaqnirmun Ukiuqtaqtumi Kanatami Uqaudjinikkut Katimayiit. Ngiuktunga aulahimaaqtumik uqaqatigihimaaqlugit hapkuaI Nunavut Tunngavik Inc. ukualu Kavamaliqiyuni Ukiuqtaqtumilu Kavamaliqidjutainni ministanga LeBlanc qanuq Nirittiaqnirmun Ukiuqtaqtumi ihuaqhiyuumiqtauniaqqa, angiyumik atugahaat tamaita Nunavunmiun.

Ihagiahuktugut aulahimaaqtumik ihuaqhaidjutinik ikayuutinik tamainun Ukiuqtaqtumiunun, imaalu paqitiluta ihuaqhaitjutikhanik niqinun nunaptingni.”

###

Tuhagaqtidjutikhanut Uqarvikhaq:

Cate Macleod
Taigualiuqtiinni Titiraqtia
Havagvia Hivuliqti Savikataaq
867-975-5059
cmacleod@gov.nu.ca