Havaktingit

You are here

Kavamatkut Nunavunmi angiyumik ihuaqhaiyut auladjutinun qaritauyaliqutikkut aghuurutinik

Nuvaipa 22, 2019

Kavamatkut Nunavunmi angiyumik ihuaqhaiyut auladjutinun qaritauyaliqutikkut aghuurutinik

Iqaluit, Nunavut (Hikutirvia 22, 2019) – Ukua Kavamatkut Nunavunmi (GN) ublumi tuqighaiyut qaritauyat uvalu qaritauylaiqutit alruyaqtuqtut hulaqutihimayut uvani  Hikutirvia 2 ransomwaremun aulaliqtut, anginiqharmik nakuuyumik ihuaqhiyuumiqtut avatqumayuni kinguliit havainirit. 

“Uumatimnin quyagiyumayatka amigaitut inuit kitut havaktut nutqaghimaitumik piyaangini kavamakput aulahimaaqtumik tunihiyaangini ihuaqtunik kivgaqtuutinik uvalu auladjutikput aulapkaliqhugit," uqaqtuq Hivuliqti Joe Savikataaq. “Nakuuqpiaqtumik havaqatigiiktut aghuuqhutik, havaaghariaktuq huli, pidjutigiblugu aulahimaaqhutik ikitunik ihuanginirmik Nunavunmiunun naunaituq havagaanginaqtut havaktit, hakugiktumik ihuangnikkut upalungaiyaiyut uvalu angiyumik piyaaqhutik hungiutiyaaqtut.”

Amigaitut GNkut havagviit havaktiit Iqalungni tadja ataliqtut qaritauyamun piyaaliqhutiklu qaritauyaliqutinik. Nutaaq, qayangnaituq qaritauyaliqut iliuraqtauyuq, kavamatkut qaritauyakkut titiraqvia aulaliqtuq.  

Ilihaqtut iliharvingni piyaaliqtuq qaritauyakkut ilihaidjutinik ilihaqtut qaritauyaliqiviani uvalu piiniarialaqiblugit inmi ilihaidjutitik. Ilihaqtut apiqhiyaaqtut ilihaidjutimingnik uvani studenttranscripts@gov.nu.ca , and get more information at https://www.gov.nu.ca/education/information/student-records. 

Tamaita akiligahat Maniktigut Ikayuutit Nunavunmi Ilihaqtunun, Iningnirit Ilihaqtut uvalu munaqhiyut nutaqanik angayuqaat pinahuarutait iliuraqtauyut tuuliingitutik. Ikayuuhiaqtut Iqalungni tuniyauliqtut inmi akiliuhiakhatik. Tadjakaffuk, ikayuuhiaqtut nunallaani hilataani Iqaluit aulahimaaqtut tuniyaublutiktitiqanik tamainun ihariariyamingnik.  

Tamaita GNkut havaktiit akiliqtauyut kingulirmik havainirmi. Qilamiungnikkut akiligahat niuvaavingnun uvalu niuvaayununlu havaktauyut qaiyullu niuvaayunun akiligahat aulahimaniaqtut. GNkut piyaaqtut kangiqhidjutinik uvani: https://www.gov.nu.ca/finance/news

Ihariagiyauyut kivgaqtuutit tuniyauyut Havagviinin Anniaqtailinikkut aulaliqtut ulapiqutaitumik. Tiiviikkut uvalu Meditech auladjutait uuktuqtauliqtut, atuliqtinagit hivungani.  

Nunalingni Kavamatkunillu Pivikhaqautikkut havalingniaqtut ihuaqhainikkut upalungaiyautinik tamainun Nunavunmi nunallaanun aipaani havainirmi, ataliriangini nutaamun GNkut qaritauyaliqivianun. Havaktughat havaktitauniaqtut tamaini pingahuni aviktungniini attautikkut ungahiktunun uvalu havagvingni. 

“Iliturihimayunga una ihuangituq amigaitunun Nunavunmiunun, quyagiyumayatka tamaita qilamiunginirit. Qayagiyumik ataliffaqtilugit nunallaavut qaritauyanun, qilamivyak, aulahimaaqtuq turaarutivut, " uqaqtuq Hivuliqti Savikataaq.

Pinahuarutit uvalu kivgaqtuutit nutaanguqhimayut aulahimaaqtumik piinarialgit haffumani GNkut inungnun tuhaqtidjutaini uvani www.gov.nu.ca. 

###

Tuhagaqtidjutikhanut Uqaqvikhaq: 

Angela A. Petru
Aulapkaiyi Tuhaqtipkainirmut
Havagviat Kavamaliqiyitkut
867-975-6004
apetru@gov.nu.ca