Havaktingit

Nutaangutqijat GN-kut Qalagjuarniq COVID-19C tuhaqtitaujukhat paqitaunginariaqaqtun qaritaujakkurviptingni. Qalagjuarniq COVID-19 atuqtakhat paqitaunginariaqaqtun Havagviat Aanniaqtailinikkut Qalagjuarniq COVID-19 atuqtakhat makpirnia.

You are here

Kavamatkut Nunavunmi ukualu Nunavut Tunngavik Incorporatedkullu atiliuqtaat nutaaq mLigahaq

Januali 21, 2020

Tuhaqtidjutikhaq

Kavamatkut Nunavunmi ukualu Nunavut Tunngavik Incorporatedkullu atiliuqtaat nutaaq mLigahaq

IQALUIT, Nunavut (Ubluqtuhivia 21, 2020) – Nunavut Hivuliqtia Joe Savikataaq ukualu Nunavut Tunngavik Incorporatedkut (NTI) Angiyuqaaq Aluki Kotierk atiliuqtaat una Katujjiqatigiinniq Maligaq ublumi, ikayuutikhaq uqaqatiginngnikkut Inuit Kavamatigut tikinahuarutait ikayuutikhat Nunavunmi Inunnun.

Naunaiyattiaqhimayuq, Katujjiqatigiinniq ikayuutauyuq ihuaqhiyuumiriangani havaaghat avatiini:
   1. katimayiit hivunikhaliurutait, hivuliuyukhat uvalu tamainun havaqatigiigutikhat tapkua ikayuutauniaqtut nikhaanun ihuangnikkut havaqatigiingnirmun uvalu qanuriniinun;
   2. havaklugit ihuaqtumik uqariiqhimayut hivuliqhurnirmun, ihuinaarutinun, munaridjutit tapkua turaaqhimayut ihuaqhiyuumiriangini havaqatigiingniit qanuriniillu; uvalu
   3. ukua Kavamatkut Nunavunmi (GN) ukualu NTIkut aulahimaaqtumik atulirnirit haffumani Nunavunmi Nunataarutaanut Angirutaani, ilauyut Titiraqhimayut 32mi pivallianiralu haffuma Titiraqhimayut 32mi maliguagahat uvalu havaqatigiingnikkut kangiqhidjutinik Uqautiginikkut Angirutit.

“Nunavunmi Inuit pilaarutiqaqtut ilaulutik pivallianiranun inuuqatigiingnirmun uvalu pitquhikkut maliruagahani, havauhianunlu inuuqatigiinikkut pitquhikkut pinahuarutinun kivgaqtuutinunlu, ilauyut inmi havauhiinun tunihirniinun,” uqaqtuq NTIkut Angiyuqaanga Kotierk. “Una Katujjiqatigiinniq Maligahaq naunaiyautauyuq uqaqatigiingnikkut havaqatigiingnirmun tamainun uvalu ihuaqtumik atulirniranun haffuma Nunavunmi Nunataarutaanut Angirutaanun.”

“Ukua GNkut ukualu NTIkut piqaqtut ingilraanin aadjikiiktunik hivuliuyukhanik, hakugiktumik hivuliqhurniq uvalu havaqatigiingnikkut hivumuurutinik,” uqaqtuq Hivuliqti Savikataaq. “Upalungaiyaqtunga hivumuungnirmun nutaanguqhimayununlu uqariiqhimayunun angitqiamilu nipimun ihuaqtumik pidjutikhanun Nunavunmiunun. Piumayaqqut uvalu aghuurutivut ihuatqiat aturuptigut tungavik attautimuuqtumik.”

NTIkut ukualu GNkut kinguani pidjutigiyait hapkua Kangiqtugaapik Maligat uvani 1999mi, Iqqaanaijaqatigiit uvnai 2004mi unalu Aajiiqatigiinniq uvani 2011mi, piyaangini ihuaqtumik havaqatigiingnikkut pidjutinun. Katujjiqatigiinniq piinarialik qaritauyakkut https://president.tunngavik.com/files/2020/01/Katujjiqatigiinniq-Protoco....

###

Naunaiqhittiarumaguvit, hivaqarlugit:

Cate Macleod
Taigualiuqtiinni Titiraqtia
Havagvia Hivuliqtip Savikataaq
867-975-5059
cmacleod@gov.nu.ca

Qajaaq Ellsworth
Angayukhiq Tuhaumapkaitjutikkut Uqaudjiyi
Havagvia Hivuliqtip
Nunavut Tunngavikkut Timinga
867-975-4955
qellsworth@tunngavik.com