Havaktingit

You are here

Ministait uqautigijait Ukiuqtawtumi qanuriliurutikhainik iglukhatigut

Immaktirvia 18, 2020


Tahaqtitauyukhaq

Ministait uqautigijait Ukiuqtawtumi qanuriliurutikhainik iglukhatigut

IQALUIT, Nunavut (Imaruqtirvia 18, 2020) – Ministait munarijaqaqtut iglukhanik Nunavut Kavamanganit, Yukon, Nunatsiarmi unalu Kanadami katimajut hivajautikkut ublumi uqautigiplugit Nunarjuami Iglukhanik Maniliuqatigiiktut Maniliqtuutikhangit (NHCF), qanikkut angiglijuumiqtait kavamatuqatkunit ikajuutikhangit qimavingnut, imaalu naunaittiaqhimajut Nunqaqqaaqtut iglukhainnik qanuriliurutikhanik.

Ministait angiqtut qanuriliurutikhaliuqtait ihuaqhautikhanik Ukiuqtaqtumi Kanadami amigaitpaallarjuatunik ihagiagijaujunik imaalu ihariagijaujut qajangnaittunik qimavikhanginnik ningaqtaunirmit iumagijakhangit avikturniinni qiqauningat, imaalu unngahingningat, akiturjuarningit pinahuarutikhanik kajuutikhangit, imaalu aallanganingit Nunqaqqaaqhimajut kavamauningit.

Ministait angiqtullu tamna COVID-19 Qalagjuarniq maliqatqujauhimajut aniguutikpata, katimaqatigiikhungujut Iqalungni, Nunavut, uqaqatigiikhimmariamingni piliurlutik upalungaijautikhanik hivitujumut ihuaqtumik ikajuutikhanikihariagijainut Ukiuqtaqtumi nunaqaqtut tamainni pingahuni avikturniinni.

Uqaqtait:

“Kavamatuqatkut akhuuqtut tunihijumaplutik nunallaanut tamainni Kanadami ikajuutikhanik piliurutikhanik nunamingni iglukhailiurnikkut. Ublumi havaqatigalu, Dan Vandal, Minista Aallaitlu Inuinnaitlu Kavamaliqidjutait, nalaktavut ihumaluutigijainik imaalu iglukhailiurnikkut ajuqhautigivaktainnik havaqatigiiktut Ukiuqtaqtumi, attautikkut ilitaqhijugut angmaumajumik uqaqatigingnik ihuaqhautikhauniaqtuq. Pilahidjutikhat qajangnaittunik akituvallangittunik iglukhanik ihuaqutauniaqtuq nunallaanut imaalu nakuujumiklu nauvalliadjutikhnik maniliurutikhanut, imaalu ihuaqutikhaniklu amihuni ukiuni hivunikhami.” -Nangarijaujuq Ahmed Hussen, Minista Ilagiiktunun, Nutaqqanun Inungnullu Pivallialiuqnirnun unalu Minista Kanadami Atuqtuarutit Iglutarutinut Igluligiyiqyuatkutlu Kuapurisan (CMHC)

“Quviahuktunga katimapkaigapta uqaqatigiikpakhuta ublumi. Nalvarnahuarhuta hivitujumut ihuaqhautikhanik iglukhailiurnikkut Ukiuqtaqtumi pillajuq uqaqatigiikpakkupta havaqatigiiklutallu ikajuqatigiikluta. Tamapta kangiqhimalugit Ukiuqtaqtumi iidjuhingit imaalu tamapta akhuurutikhavut ihuaqharnahuarutikhainik tadja iglukhailiurnikkut ajuqhautauvaktunut ihuaqtumik ikajurniaqtugut tunihiluta aullaranginaqtumik, hivitunirmut ihuaqutikhainnik ikajuutikhainiklu Nunavummiut imaalu Ukiuqtaqtumi.”
-Nangarijaujuq Patterk Netser, Minista Munarijaqaqtuq Nunavunmi Igluliqijiirjuatkut

“Havaqatigiplugit havaqatitka Ukiuaqtaqtumi ukuallu kavamatuqatkut ikajuutaujuq hakugiktumik angiglivalliadjutikhaniklu iglukhanik aullaranginnaqtumik Ukiuqtaqtumi. Quaviahuktunga uqautigigaptigiik ajuqhautauvaktut imaalu nahugijugut havaqatigiikluta hakugikhivallianiaqtugut qakugunguqqan ikajurianginni inuutivut nunagijaujunillu.”
-Nangarijaujuq Pauline Frost, Minista Munarijaqaqtuq Yukon Igluliqijiirjuatkut Kuapulisitkut

“Quviahuktunga Kanadaup Kavamatuqantkut akhuuqhutik ikahujumajait iglukhailiurnikkut Ukiuqtaqtumi. Hamna anginiqaqpiaktuq ajuqhautauvakhimajuq imalu hakugiktumik havaqatigiiguptigiik kavamatuqatkut pijariaqaqtugut naunaittumik tamainut nunaqaqtunut Ukiuqtaqtumi piqaranginnik qajangnaittumik, ihuaqpiaktuniklu akituvallangittunik najugakhainnik aimavikhainik.”
-Nangarijaujuq Paulie Chinna, Minista Munarijaqaqtuq Nunatsiami Igluliqijiirjuatkut Kuapulisitkunnik

Kangiqhidjutit:

  • Kanadaup atanniqtuidjutingat iglukhakkut, CMHC ikajuqpaktut ihuaqutikhanut iglukhanik niuvviktaujukhanut imaalu kiinaujaliqinirmut atuqtgakhainnik, tunihivaktut ikajuutikhainnik Kanadamiunut iglukhailiuqtunut ihariagijainnik, imaalu iglukhailiurnikkut qaujihautikhanik imaalu uqaudjiplutik tamainnut puqtuniinut Kanadamiut kavamangit, niuvvajiit imaalu iglukhaliuqtit. Tamna NHCF unaujuq Nunarjuami Iglukhanik Qanuriliurutikhaq ihumaliurutingillu tunijaujut CMH-kunit pidjutigiplugu kavamatuqatkut, tunihivaktut hivulliutijakhanik havaakhatnikajuutikhait iariahukpiatqijaujunut ilaujut arnat nutaqqalu qimahimajut ilagiit ningaqtaunirmit, inirnikhat, Nunaqaqqaaqhimajut Inuit, inuit timimikkut ajuqhautiqaqtut, ajuqhautiqaqtut ihumaliqinikkut ipiralailaqidjutiniklu, Angujaktiuvakhimajut imaalu inulrammiit inirninguqtut. Naunaiqhittiarumaguvit takulugit CMHC hapkunan Twitter, YouTube, LinkedIn, Instagram and Facebook.
  • Nunavunmi Igluliqijiirjuatkut (NHC) piliuqtauhimajuq 2000-mi piliuriamingnik, ihuaqhaijamingnik, imaalu munaqhilutik iglukhanik pinahuarutikhainnik pidjutikhanik nakuujunik akituvallangittunik iglukhainnik ilagiiktunut inullaanutlu Nunavunmi. NHC-kut tunihivaktut pinahuarutikhanik maliqajakhaliuqhimajut hapkuninga Tamna Maligutikhaq Hanaqitjutikhaq Iglughanun, qanuriliurutikhanik hivitujumut atulirnikhanutupalungaijautikhaq naunaittiaqhimajut Nunavut Kavamatkut kiudjutikhangit iglukhakkut aimavikhailiurnikkullu Nunavunmi.
  • Yukon Igluliqijiirjuatkut Kuapulisitkut tunihivaktut iglukhanut pinahuarutikhaniklu ihuaqhautikhanik iglukhailiurnikkut ihariahutainnik Yukon-mi nunqaqtunut. Kuapulisitkut havaqatigivaktait tunihiplutik ihuaqtunik nutaaniklu ihuaqhautikhanik iglukhailiurnikkut ihariagijainnik imaalu ikajuutikhat inuuhiringnaqtumik, aullaranginaqtumiklu, ilaujut Yukon-mi nunallaangit maliqajakhaliuqhimajut hapkuninga Iglukhanut Qanuriliurutikhaliuqhimajut Upalungaijautikhat Yukon-mi, Qajangnaittumik Aimavingmingni Upalungaijautikhat Nutqaqtitlugit Pittailinahuarutikhanik Iglukhailiurnirmik, tamna Nunarjuami Iglukhanik Qanuriliurutikhaq Tikillutiklu Aimavikhanut. Naunaiqhittiarumaguvit takulugu Yukon.ca/Yukon-housing-corporation.
  • Nunatsiami Igluliqijiirjuatkut (NWTHC) pinahuaqhimajut tunihijamingnik ihuaqtumik iglukhainnik akituvallangittunik, naamaktumik ihuaqtuniklu iglukhainnik ihariagijaujunik Nujnatsiami nunaqaqtunut. Tamna NWTHC hanaqivaktut havaktakhamingnik iglukhainik ihumaliurutikhanik, ilaujullu aimavikhailiuqtutnut ikajuutikhait, akiliruminaqtut akikittunik iglukahanik, iglukhamingnik nanminiqautikhanik ikajuutikhat, imaalu nanminiqaqtunut iuaqhautikhanik igluinnik niuvvajinit aturumajut akiliqtuilutik. Akikhilarahuaqhugit akituvallaarningit akikhangit inuuhikhamingnut atuqtauvaktunik Nunatsiami NWT talvauuna tuniuqhaiplutik qajangnaittumnik, akituvallangittunik iglukhanik hivulliutijakhat Kavamanga Nunatsiami. Naunaiqhittiarumaguvit, hivajarlugu 1-844-NWT-HOME (1-844-698-4663) imaaluuniit takulugu www.nwthc.ca.

###
Tuhaqtipkainikkut Uqarvikhat:

Maya Dura
Havagviat Minista Ilagiiktunun, Nutaqqanun Inungnullu Pivallialiuqnirnun
873-354-8265
maya.dura@hrsdc-rhdcc.gc.ca

Cara Bryant
Tuhaumapkaidjutikkut Uqaudjiji
Qanuriliurutikhanik Upalungaijainirmik, Atugakhanik imaalu Tuhaqtipkaijiit
Nunatsiami Igluliqijitkut Kuapaliisit
Hivajautaa: (867) 767-9328 ex. 85023
Kajumiktukkut: (867) 873-9426
cara_bryant@gov.nt.ca

Jean-Sebastien Blais
Tuhaqtipkaiyiit Qaujihaiji, Yukon Igluliqijitkut Kuapaliisit
867-335-7059
jean-sebastien.blais@gov.yk.ca

Eric Doiron
Aulapkaiji Atugakhaq Ihumaliurniqmullu
Nunavut Igluliqijitkut Kuapaliisit
867-975-7216
Edoiron1@gov.nu.ca