Havaktingit

You are here

Qalagjuarniq-19 GN Ilitturipkaidjutit - Imaruqtirvia 15, 2020

Immaktirvia 15, 2020

Hivuliqtip tuhaqtitakhaa:

Ublaakkut. Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi.

Ublumi, atauttimun amigaitilaanginni inuit ihivriuqhiqtaujun ublumimun unaujuq 1,239. 152 inuit tadja huli ihivriuqhiqtaujun.

Aullaqtirlutik ublumi, iqaijarviit angmarniaqtut atauhillaanut inungmut iqaijarumajunut puvjagviit angmarniaqtut nalrujumik puvjarumajunut uujaqtuq. Kiguuhiqiviit, iqaijarnikkut takuurhirviit, iqaijarviillu, ukuallu chiropractic havaktauviit angmainarialaqiniaqtut atuqtauffalirlutiklu, takuuqhiqtukhat atuqqata Qajangnaitkutikhanik Qanirmut matumik nakuujunik PPE atuqtaukpata.

Dr. Patterson uqarniaqtuq tukkliannik taimaaqtaujukhanik maliqatqujauhimajunik pittailijaujuniklu, imaalu puiguqtailitqujatka inuit tamaita angmaqhivangniaqtugut tamapta maliktakhavut malikhimmaarlugit qajangnaitkutikhavut ahiqpangajukhaujut aallanit inungnit, halumanahuarutikhallu uqaqattarlugit algakkit ihumattiarnirmiklu. Munaqhivaglughi avatingnut aanniaqtailinahuarluta qajangnaittumiklu.

kingulirmik, ublumi Nunarujuami Inirnikhaanik Pittiarutikhanut Qaujimajakhaqqut Ublua. Ilihimajugut COVID-19 Qalagjuarniq aktuqtauniat inirnikhaanut angitqijaujumik aallanit inungnit, ihumajunga anginiqaqtuq puiguqtaililuta qanuqtut anginiqaqtumik ihariagijavut Inirnikhangutivut Nunavunmi. Inirnikhaat turrangadjutivut kinguvaptingnut, nakuukpiaktumiklu uqauhiptingnut pitquhiptingnullu, hakugikpiaktumik makitirahuarutikhainik ihuaqtumik pinahuarutikhaniklu.

Havaqatigiikluta munarilutigik, pittiaqtivut Inirnikhangutivut qajangnaittumiklu aanniaqtaililugit, aanniqtaililutigllu, taffumanga nutaamit COVID-19 Qalagjuarniq.

 

Atanilluaq Inungnun Aanniaqtailinikkut Havaktimin nutaanik-ilitturipkaidjutit

Ublaakkut,

Ipakhani Tallimiunmi, Kavamanga Nunatsiap (GNWT) tuhaqtitijut tikipkarlugit Nunavummiut tingmitikkut Nunatsiamut (NWT) pijakhaittumik imaatut 14-ubluni avalingagakhaittumik hivituniani. Quviahuktunga uqaqhunga uqaqatigiplugit havaqativut GNWT, ublumimitas, nunaqaqtut NWT tingmitikkut aullaqtaliqtu Nunavunmut hivuani avalingakhimaittumik tikitinnati .

Piliurningat tingmitkkut aullarvikhat nunakkut aullarvikhat avatingnut gnit pijariaqaqtut maliqattiaqpiaktaujukhanik nahurijaujuniklu:

  • Tingmijukhat talvanga Nunavunmin Nunatsiarmun talvangaluuniit Nunatsiarmin Nunavunmun.
  • Tingmiyukhat aihiniingarnahiqhimaitun nunagiyainik taima malrungnik havainirnik tingmiyukharnik Nunatsiarmin Nunavunmiluunin.
  • Tingmiyukhat aulahimayut kituliqaak nunami aulahimayukhat talvani tingmiyainik.

Tingmiyukhat talvanga Nunatsiarmin tingmiyumayut Nunavunmun, titiraqtukhat umunga: cphotravelrequests@gov.nu.ca iniqtirlutiklu atiliurlutiklu NUnik Nunatsiarmi Tingmiyukharnik Itqumadjutikharnik titirangmik. Taimaliungitkumik ayungnautiqarniaqtun tingmiyaangat Nunavunmun. Kiungitkumiklu itqumayumik akiliktuiniaqtun ihuinaaqtainik. Unalu aulaniaqtuq Nunavunmiunun utigumayunun nunagiyainun Nunatsiarmiitkumik.

Tamna Atanguyaluaq Aanniaqtailiniq Havaktiuyuq titirarniaqtuq angirutiqaqtunik. Tingmiyukhat piqaqtukhat tuniyukharnik angirutikharnik titirangmik tingminmun itiqtinanik tingminmun tingminiaqtun Nunavunmun.

Avalingarvikhat tingmitinanik Nunavunmun atuqtakhaat

  • Nunavunmun utiligumik nunagiyainun tingmiyunik Hivugaanin Kanatamin apquhaaqtun Yalunaikkut. Talvuuna mikhaatigun, avaliingartukhauyut talvani GNkut avaliingarvikharnik hiniktarviangani Yalunaimi.
  • Nunatsiarmi nunaqaqtunik tingmivikpakhimayut aihinun nunagingitainun qangiutinani malrungnik havainirnik nunalitinanik Nunavunmun. Talvuuna mikhaatigun, avaliingarvikharnik atuqtukhat Nunatsiarmi uuktuqtinanik tingmitinanik Nunavunmun.

Uqautijumajatka Nunavummiut tadja idjuhia allanguqqan nalliangni avaikturniangni, aullarvikhanut imaalu maliktakhat naunaijaffaarniaqtavut tingmitikkut aanniaqtailitikhaniklu qajangnaitkutikhanik Nunavummiut.

Naunaitkutikhat paqitaunginarialgit Tingmitikkut Avalingarvikhanik ilangat Havagviat Aanniaqtailinikkut qaritaujakkurutaani uvani https://gov.nu.ca/health/information/travel-and-isolation.

Ublumi tikitugut tuklianik malrungningni tuhaqtitakhat pidjutigiplugit qanuringa tadja aanniaqtailinikkut maliqajakhangit.

Aullaqtirlutik Imaruqtirvia 22:

  • Inungmut kivgaqtuidjutikhat pipkaqtauniaqtut angmarlutik atauhillaamu inungmut katimavikhanik. Hapkuat ilaujut nujaliqiviit kukiliqiviillu. Unaluttauq, hapkuat igluqpait munaqhijukhat atuqtaujukhat Inungmut Qajangnaitkutikhanik Atuqtakhanik PPE hailijukhat tamangnut inungmut kivgaqtuijunullu tukhiqtaukpata.
  • Imirviit, nirivillu angmaffaarniaqtut aullalirlutiklu tamainnut ikhivautainnut inugiangnikhainnik. Kinguliqpaamik imirvingni aquiqturvikhat imirumajamingnik ubluqhiutikkut 9 mungaqqan. Imirvingni naunaiqtakhat inungnik talvaniittut maliqattiaqtakhait ahiqpangajukhaujut aallanit inungnit. Ihivriuqtit atanniqtuidjutiqarniaqtut maliqajakhait pidjutiqaqtunik ahiqpangajukhaujut aallanit inungnit, imaalu munaqhiniaqtut maliqajaujakhainnik hapkuat idjuhikhainnik.
  • Piksasuunik qunngiarviit angmarniaqtut uumani Imaruqtirvia 22.

Ubluani Imaruqtirvia 29:

  • Inulrammiit katimaviit ubluummat kaimapkaiviit hulipkaiviit aullaffanginarialaqiniaqtut.
  • Hivitujumut munaqtauviit igluqpait pulaaqtaungklu amigaitilakhangit avatquhimaittumik; atauhirmik malrungnikluuniit pulaaqtiqarniaqtut atauhirmu inungmut, pulaaqtit qanitturiiktut ilagiitnut ilaujunik.

Maliktakhait angmaffaarutikhanik hailijut aanniaqtailinikkut qaritaujakkuurutaani takudjavahi.

Ihuaqtumik ihumagijakhavut takujumajaptingnik tuklikhani malrungni havainingni tikipkainiarunaqhijut, puiguktaililuta aallanguqtaujaiaqqata imaaluuniit inungnut aanniaqtailitikhanik maliqajakhanik. Nutqaqtitaaktugut maliqatqujauhimajunik, aanialirnahuqqurnaqtuq aktuutaujunik nunarjuami aanniarutaujumut.

Havainiq tamaat, nutaat naunaitkutikhat hailijut. Havainiq tamaat, idjuhia aallanguqtaaqturlu. Hamna kihimi aallangulimaittuq ahiqpangajukhaujut aallanit inungnit, uaqattaqpaglugit algakkit aihimavaglutillu aanngnialiruvit hapkuat pingahut maliktakhahi aanniaqtailitikhavut ilagiiktunut nunaptingnillu. Quana.

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Havagviat Aanniaqtailinikkut

Hivajaqtukhaujutit Munaqhiliaqtinnatit

Ajungnautiqaruvit amigakhuutikharnik, hivajarlutin hivunirmi talvungautinatin nunalaani munaqhitkunut. Uqattiarlugit qanurilinganitit mihingnautigijatitlu imaalu munaqhip naunaijarniatait qanurittaakharnik hivajautikkut ihivriurlutit ahiit takuurhirvikharnik naunaiqhiniaqtuq.

Atuqtukhaujutit Qanirmut Matukhamik Munaqhiliaruvit

Munarhilialiraiguvit anirnirlukuvin taimaitumik qalakhungnirmik taryuinaliruvit, matukharnik qanirnik atuqtukhauyutin. Qanirmut matukhamik piqangitkuvit, unniutidjavat kinamutliqaak itiruvit munaqhiqarvingmut mihingnautigijarnik, ahiit tunijauniaqtut matukharnik.

Nutaaq Qaritaujakkut Titiqqilvia Tingmijukhanut

Nutaaq qaritaujakkut titiqqilvia piliuqtauhimajuq Nunavummiunut upalungaijarumajunut tingmitikkut aullarlutik hilatanut avikturniannit. Tamarmik tingmitikkut aullaqtukhat tujutukhaujut Avalingarvikharnut Itiqrirvingmi Igluakharnik Tukhiutit Titiraqtakhaq talvunga travNUisolationreservations@nunavutcare.ca qilamiurlutik naunaiqhiguvit tingmidjutikharnik naunaitumik tingmidjutikhainut havaqatigiiktut naunaiqhijanginni igluakharnik hailijakhanik imaalu ihuaqhailutik najuqtakhanrnik tikkuaqtauhimajuni avalingarvikhat itiqtirviinni. Naunaiqhivikhat paqitaunginariaqaqtun umani Havagviat Aanniaqtailinikkut qaritaujakkuurutaani.

Avalingarvikhat najugakhakkut ihuiguhuutit tujurvikhaq

Nutaaq qaritaujakkut titirarvikhaq piliuqtaujuq nakuutqijamik ihuaqhaivikhanik ihumaluutaujunik uqaqtaujukniklu inungnit iniqhihimajunit 14-ubluni avalingarvikhat tapkunaniihimajut Avalingarvikhat Najugakhanni hivurani Kanadami. Nutaaq qaritaujakkut titirarvikhaq ikajuutauniaqtuq ikiglitaarutauluni taffumani COVID akiittukkut hivajautaanut,aanniaqtunut kivgaqtuidjutit unalu CPHOTravelRequests titiqilvianut. Nutaaq qaritaujakkut titiqilvikhaq imaatutisolationrelations@gov.nu.ca.

 

Qaffiujun

Tamatkiutit (Tamaita Avaliingarnirni Najurviinni)

Tingmidjuta Qanurittumik

Inuit Avaliingaaqtitaujun talvannga Imaruqtirvia 14

Taaktiliaqnikkut Tingmidjutit

201

Inuit Inmikkuuqtut

206

Ilihaqtut

0

Attautimun

407


Tingmijut utiqtun naunaikutit:

Aullarvia Ublua

Amigaitilaangin Tingmijun Avaliingarvingnin

Imaruqtirvia 13

7

Imaruqtirvia 14

6

Imaruqtirvia 15

46

Imaruqtirvia 16

49

Imaruqtirvia 17

35


Ihariagijauqpiaqtuni Havaktini Tukhirutin

Talvanga Imaruqtirvia 13, pilik 1,574 tukhirutinik, 1,181 tapkuat ihariajijauqpiaqtun havaktiin tukhirutiujun.

Tukhirutini Qanurittuq

#

%

Angiqtaujun (ilaujun ihariagijijauqpiaqtun ihariagijaulluangittullu)

1379

87.6%

Qingijaujun

186

11.8%

Ihumaliurutaujut huli

9

0.6%

Attautimun

1574

100%


Aulahimaaqtun havagutit:

Pidjutikhat aanniaqtailinikkut munaqhitikhanik havagutit aullajunaittut hailihimaarniaqtut tamainni nunallaani 7-ni ubluni havainirmi. Tamaita amirakhuutaungittut takujaujumajut naunaijaqtauvangniaqtut ubluq tamaat. Qilamik piyaanirit qilamiurnikkut aaniaqjuaqtunun aanniaqtilinirmun munaqhijut kivgaqtuutait aulahimaarniaqtut piinarialgit 24ni ikaarnirni ubluni, 7ni ubluni havainirmi. Tamaita inuit apirijaujut hivajaqujaujut munaqhiliaqtinnatik.

Aullaqtirlugit ubluani Imaruqtirvia 8, Amigaigjuuminialiqtut inungmik aanniaqtunik ihivriuqhirvikhanik munaqhiqarvingni aanniarvingnillu tamainni avikturniinni.

  • Iqalungni, inungnut aanniaqtailitikhat, amigakhuqtunut igluangat unalu aanniaqtunik ihivriuqhirvik angmaqhimaniaqtuq.
  • Nutarannuanik ihivriuqhirviit, hingaijunik ihivriuqhirviit ukuallu kapuqhirniq havautikhat ikajuutikhanik aullahimmaarniaqtut huli tamainni nunani Nunavunmi.
  • Taaktit nunallaanut aquivangniaqtut huli. Una pilimaitpat, tiviikkut uqaqatigiingniaqtut hivayautikuluuniin.

Ihuaqhaqtauhimajut kivgaqtuutit:

Upautidjutikhatit munaqhitkunni kinguvaqtitauyut, una pidjutauyuq upautidjutikhat hivayautikuungniaqtut upautilutikluuniin.

Aanniarviliaqtunut tingmidjutikhainut ikigliyauyut haffumuuna qilamiurnikkut tingmipkaqtauyunun. Aaniniaqtut inuit uqaudjauniaqtut hapkuninga aallanguqtauniinnik imaalu ilauniaqtut uqautaulutik.

Iqaluingni, aanniarviup ahiani ikayuqtauyut nutiqtauliqtut tamaita upautidjutikhat uvalu havaliqhugit upautidjutikhat. Ihivriuqhivikhangit ihivriuqtauyukhanik auktaqtauyukhat ukuallu Iksuliirhiqtut uvani QGH ikikliyuumiqtut kivgaqtuutait. Tamaita ihivriuqhirvikhait kinguvaktitaujut.

MHA nuutiqtait hivajautikkut naunaiqhitikhait imaalu ikajuqhirvikhainnik ilanginut aanniaqtunut. Ihuaqhariiqhimajut ihivriuqhirvikhait havautikhamingnik aikhirvikhaiinnik imaatullu havautituqtitauvikhait aallajunaittut aallangulimaittut. Ayuqhaliliqpallaruvit, munaqhiliadjavutit. Aimaviinnut pulaaqtauviit havautituqtitijaqturlutik havaktauniaqtut naunaiqtauvaglutik atauhillaanik qanurinniinnik.

Aullaqtirlutik ubluani Imaruqtirvia 15, kiguhiqinikkut kivgaqtuidutikhangit aullaliffaarniaqtut, imaaluuniit kiguhiqijitkut upautivangniarunaqhijut ilainnainnut nunallaanut. Nunallaani kiguhiqijinit upaktaulimaittunut tadja, amigaqhuutirijaujunut kigulliurjuaqtunut takujaullajut amigaqhuutinut aullaqtittaulutik nallianut nunamut.

Umikhimaniaqtun/Nutqaqtitauniaqtun/Aulahimaitun Hadja kivgaqtuutikhainnik:

Aallangajut ihivriuqtauvikhait taimaaqtitauhimajut. Havaktauliqtut naunaiqhiplutik nalliit aanniaqtut inuit takuujaujukhat hivajautikkut/Naunaijaqhimajut munaqhijauvikhait.

Tamainut aullariaqangitkumik tingmitikkut ihumaliqinikkut aanniaqtunut inungnut llagiiktunullu taimaaqtitaujut. Tamainut aullariaqangitkumik tingmilutik ilamingnun pulaaqtitauyut aanniaqtunun munariyauyunun taimaaqtitauyut.

Pulaaqtiqalimaittut hivitujumut iglugijaujunni iNunavunmi – Munarihimmaaqtauviitlu Igluqpangmiuyut (CCCs) umanillu Inirnikhat Aimaviit.

Havagvia Maligaliqijikkut

Ilagiinut ilaujut pulaanginarialaqiniaqtut itiqtauvingniitunut naunairiiqqarlugu qakugu pulaarvikharnik.

Ilangit pittailijauniaqtut qajangnaitkutikhanik itiqtauhimajunut havaktinginullu. Pidjutigiplugu aanniaqtailinikkut amigaqhuutaujukkut hamna aallanguqtauniarunaqhijuq tuhaqtitauhimaittumik.

DeHavagviat Nunalingni Kavamatkunillu Pivikhaqautikkut Ikajuutikhait

Tuhirutit tikittumajunin Nunavunmut igluqpangnik nappaqtirijukhanik pidjutiqaqtunik havaakhat

Tukhirutit tikittumajunin avikturnianun igluqpangnik nappaqrtirijukhanik pidjutiqaqtunik havaakhat imaaluuniit tingmijumajut iluanni aikturnianni igluqpangnik pidjutiqaqtunik havaakhat qaritaujakkut titiqilugu talvunga CPHOconstructionrequests@gov.nu.ca

 

Nappaqtirinikkut Havaktit Iniqtut Avalingarnirmik

Attautimut ublumimut: 120

Aullarvikhaa Ublua

Qaffiujut

Tikitakhaa

8/Jun/20

8

Mittimatalik

 

29

Iqaluit

 

6

Kugaaruk

9/Jun/20

5

Ikpiarjuk

 

17

Iqaluit

 

4

Igluligaarjuk

 

4

Uqhuqtuuq

10/Jun/20

1

Kugaaruk

 

2

Iqaluit

 

6

Ikpiarjuk

 

29

Iqaluit

 

4

Qausuittuq

 

5

Kangiqliniq

11/Jun/20

3

Sanirayak

 

2

Pangnirtung

 

6

Iqaluktuuttiaq

12/Jun/20

1

Kangiqliniq

 

26

Iqaluit

 

9

Igluligaarjuk

13/Jun/20

6

Uqhuqtuuq

14/Jun/20

4

Iqaluit

 

4

Kangiqtugaapik


GN-kut havagviit igluqpait tamainni nunalaani umikhimaniaqtut inungnut. Inuk katimajukhaugumi GN-kuni havaktianik, hivajainnariaqaqtut havaktip nampaanut naunaiqhilutik qanuriliurutikhamingnik. Talgunautinnatit hivajadjavutit naunaiqhijarni ublukhanik ubluqhiutikkut takujauvikharnik.

 

Nunavunmiut aanniaqtailidjutait atauttikkut munaridjutigijaqqut! Itqaumaluhi: uaqlugin algatin qaangillu hunavaluit, inuqarnirmi ahiqpaniitpaklutin, naalaklugit uqautidjutait aanniaqtailinikkut havaktinin, aihimalutillu aannialaqiguvin.