Havaktingit

You are here

Qalagjuarniq-19 GN Ilitturipkaidjutit - Imaruqtirvia 29, 2020

Immaktirvia 29, 2020

Ministaup Aanniaqtainikkkut pidjutigiplugu Hivuliqtip nutaaq tuhaqtitakhaa:

Ublaakkut. Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi.

Ublumi, atauttimun amigaitilaanginni inuit ihivriuqhiqtaujun ublumimun unaujuq 1418. 140 inuit tadja huli ihivriuqhiqtaujun.

Aullaqtirlutik ublumi, ublummaat katimapkaijut hulilukaaktitiplutik ukuallu inulrammiit katimaviit angmainnarialaqingmijut hulilukaaqtitijamingnik, imaalul hivitujumik munaqtauviit najugait pitaaliqtut atauhirmik malrungnikluuniit qanitturijamingnik ilamingnik pulaaqtiqarlutik Iniknikhanut attautikkut.

Hulipkaidjutauvaktut utiqpallialiqtut kajumittumik, ilihimajungalu una Dr. Patterson ntuhaqtitinialirmijuq aallanik maliqattiakpiaqujauhimajunik tadjagunnuaq.

Hivumuuqhimmaarniaqtugut qajaginahuaqtugapta. Qujahukpiaktugut aliagijaptingnik ulilukaaqtakhanik pivallianialirapta. Nakuukpiaktumik havakhimmaaqta qajagihimmaarluta maliqattiarlugit maliqujauhimajut alianaqtumik aujijaptingni hamani Nunavunmi qajangnaittumik.

Quviahuutigigilaqqut Kanadap Ublua, tamaffi. Qajagidjavutit quviahuuqatautitlutit imaalu aanniaqtailinahuarlutit.

 

Minista Aanniaqtailinkkut ilitturipkaidjutaa:

Ublaakkut. Quviahuktunga tuhaqtitiplunga Nunavut Kavamanga (GN) angiglijuumiqtat Nunavunmi Ihariagijaujut Havaktit Akiliuhianginun Qulangnaijautit.

Tal;vuuna pinahuarutikkut GN-kut maniliqtuutait havagvingnut pittaaqtunut havagvingnut akiliqhijanginnik havaktimingnik angitqijangik havakpaktainnut. Havaktit manikhakpaktut mikitqijanik $25 atauhirmi ikarnirmi pillajut akiliuhiarlutik aallamik angiglilaruutikhanik $5 ikarnirmi.

Atulioqtinnaptigu uvani Imarqtirvia 1, pidjutigihimajavut ihariagijauqpiaktut havaktit aanniaqtailinikkut ikajuuhialiqinikkut kivgaqtuidjutit, ukuallu laisiqaqtut nutaqqiqiviit.

Ublumimit, angiglijuummiqtaqqut hamna pinahurutikhat ilaupkaqhugit amigaitqijat havagviujut, iilaujut ihariagijaujut aulapkaidjutikhat, aullarutit tingmitikkkullu, niqikhaqtarviit, tukkumiviit, niuvvaviit imaalu ajuiqhattiaqhimajunut kivgaqtuidjutikhat.

Tamatkiumajumik titiraqhimajut pittaaqtut havagviujut, ukuallu uuktuutikhaq titiraqtakhat aallaniklu naunaiqhitikhat, hailiniaqtut uvani Havagviat Kiinaujaliqijikkut qaritaujakkuurutaani.

Akhuukhajatka havagviit havagviujullu uuktuquplugit taffuminga Nunavunmi Ihariagijaujut Havaktit Akiliuhianginun Qulangnaijautit.

Quana.

 

Atanilluaq Inungnun Aanniaqtailinikkut Havaktimin nutaanik-tuhaqtittakhait

Ublaakkut. Ublumi pingahuanik malrungni havainirni tuhaqtitivaktugut atuqtakhainnik Nunavutip Apqutikhaa hivumuuqpalliadjutikhat aullatitlugu COVID-19 Qalagjuarniq. Piqangittuq huli naunaiqhimajunik pinahugijaujunikluunniit aannialiqtunik COVID-19 qalagjuarnirmik avikturnianni, taimaittumik aallanguqtiriniaqtugut inungnut aanniaqtailinikkut maliqattiaqpiaqujauhimajunik.

Quviahuktunga tuhaqtitiplunga hapkuninga aallanguqtiqtaujunik atani nutaaq Pitquidjut Maliqqattiaqtakhat Ahiqpangajukhaujut Aallanit Inungnit imaalu Inungnik Atauhirmi Katimaqatigiiktut hulipkaijuni, atuqtaulirniaqtuq ublumi:

  • Amigaitilaaqarniaqtut kigliqarlutik hilamiitunut katimaqatigiiktunut amigairjuumivjangnialiqtut imaatut 50-nik inungnik.
  • Amigaitilaaqarniaqtut kigliqarlutik igluqpaum iluanni katimaqatigiiktunut amigairjuumivjangnialiqtut imaatut 10-nik inungnik. Inuup nanminiq igluinni, tukiqaqtuq imaatut 10-nik aallanik inungnik amigaigjuumilugit inungnuttalvani igluqaqtunut.
  • Kigliqarlutik katimaqatigiiktut angadjuvingni, katimaviinni, ulapqiviinni, akiliqtuqtauplutik katimaviinni,imaalu katimapkaijut ihuaqhaqtauhimajunik hapkunanga Kavamanga Kanadaup, Nunavut Kavamanga, hamlatkut kuapuliisikkut, imaalu Avikturniinni Inuit Timiqutingit ihuaqhaqtaujut amigaitilankhainnik imaatut 50-nik inungnik imaaluuniit 50%-ngujumik igluqpani amigaitilakanginnik,nalliak ikitqijaukpat.
  • Tamainni igluqpainni katimaqatigiiktunillu, inuit ahiqpangatqujauhimajut aallanit inungnit maliqajakhaujut huli.

Hivumuuqpalliatitluta uumani Nunavutip Apqutikhaa, utiqpalliatitluta ilanginnik hulilukaaqtitidjutinik, ilihaqtidjutiniklu, imaaluuniit hulipkaivingnik tuninguiqtirivingnik utaqqinguqtaptingnik aturumaliqtaptingniklu, maliqattiaqtakhavut tamapta maliqajakhavut atuqhimmaarlugit aallanit ingnunit ahiqpangajukhaujugut imaalu makuujumik algakkit uaqattaqklugit.

Ilauniaruvit amigaittunut inungnut katimajuni, imaaluuniit upautiguvit iglup iluanni hulipkaijunut, imaaluuniit ilannatit nirijaqtuqatigigupkit, munartittiadjavutit, imaalu maliqattiarlugit maliqatqujauhimajut aanniaqtailitikhatit ilingnut, nunangnut, avikturnirnullu, qajangnaittumik. Uaqatarlugit algatin. Imaatut ahiqpangalutit siksinik aplurnirnik aallanit inungnit. Aktuqtaililugit akuliakkit. Hakugiktumut allaqtiqattarlugit aktuqtauqattarniit. Aturlutit akuliangnut matukhamik inungnit ahiqpagalimainirmii itkuvit. Aanniangaguvit, aihimalutit.

Quana.

 

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Havagviat Aanniaqtailinikkut

Hivajaqtukhaujutit Munaqhiliaqtinnatit

Ajungnautiqaruvit amigakhuutikharnik, hivajarlutin hivunirmi talvungautinatin nunalaani munaqhitkunut. Uqattiarlugit qanurilinganitit mihingnautigijatitlu imaalu munaqhip naunaijarniatait qanurittaakharnik hivajautikkut ihivriurlutit ahiit takuurhirvikharnik naunaiqhiniaqtuq.

Atuqtukhaujutit Qanirmut Matukhamik Munaqhiliaruvit

Munarhilialiraiguvit anirnirlukuvin taimaitumik qalakhungnirmik taryuinaliruvit, matukharnik qanirnik atuqtukhauyutin. Qanirmut matukhamik piqangitkuvit, unniutidjavat kinamutliqaak itiruvit munaqhiqarvingmut mihingnautigijarnik, ahiit tunijauniaqtut matukharnik.

Nutaaq Qaritaujakkut Titiqqilvia Tingmijukhanut

Nutaaq qaritaujakkut titiqqilvia piliuqtauhimajuq Nunavummiunut upalungaijarumajunut tingmitikkut aullarlutik hilatanut avikturniannit. Tamarmik tingmitikkut aullaqtukhat tujutukhaujut Avalingarvikharnut Itiqrirvingmi Igluakharnik Tukhiutit Titiraqtakhaq talvunga travNUisolationreservations@nunavutcare.ca qilamiurlutik naunaiqhiguvit tingmidjutikharnik naunaitumik tingmidjutikhainut havaqatigiiktut naunaiqhijanginni igluakharnik hailijakhanik imaalu ihuaqhailutik najuqtakhanrnik tikkuaqtauhimajuni avalingarvikhat itiqtirviinni. Naunaiqhivikhat paqitaunginariaqaqtun umani Havagviat Aanniaqtailinikkut qaritaujakkuurutaani.

Avalingarvikhat najugakhakkut ihuiguhuutit tujurvikhaq

Nutaaq qaritaujakkut titirarvikhaq piliuqtaujuq nakuutqijamik ihuaqhaivikhanik ihumaluutaujunik uqaqtaujukniklu inungnit iniqhihimajunit 14-ubluni avalingarvikhat tapkunaniihimajut Avalingarvikhat Najugakhanni hivurani Kanadami. The new email will take pressure off the Nutaaq qaritaujakkut titirarvikhaq ikajuutauniaqtuq ikiglitaarutauluni taffumani COVID akiittukkut hivajautaanut,aanniaqtunut kivgaqtuidjutit unalu CPHOtravelrequests titiqilvianut. Nutaaq qaritaujakkut titiqilvikhaq imaatutisolationrelations@gov.nu.ca.

 

Qaffiujun

Tamatkiutit (Tamaita Avaliingarnirni Najurviinni)

Tingmidjuta Qanurittumik

Inuit Avaliingaaqtitaujun talvannga Imaruqtirvia 28

Taaktiliarnikkut Tingmidjutit

257

Inuit inmikkuuktut

183

Ilihaqtut

0

Attautimun

440


Aullaqhimajut utiqtut naunaijautingit:

Aullarvia Ublua

Amigaitilaangin Tingmijun Avaliingarvingnin

Imaruqtirvia 27

7

Imaruqtirvia 28

16

Imaruqtirvia 29

63

Imaruqtirvia 30

28

Taaqhivalirvia 1

47


Ihariagijauqpiaqtuni Havaktini Tukhirutin

Talvanga Imaruqtirvia 26, pilik 1919 tukhirutinik, 1373 tapkuat ihariajijauqpiaqtun havaktiin tukhirutiujun.

Tukhiutait Qanurinniit

#

%

Angiqtaujut (ilaujut ihariagijaujut imaalu havaktiungittut)

1666

86.8%

Qin'ngijaujut

195

10.2%

Ihumaliurutaujut huli

3

0.2%

Aullauvilluarvigijainni Nunanginni Angiqtauhimajut

55

2.9%

Attautimun

1919

100%


Aulahimaaqtun havagutit:

Piyaarnirit munaqhitkunun piinarialgit tamaini nunallaani saivani ubluni havainirmi. Tamaita amirakhuutaungittut takuyauyumayut naunaiqtauvangniaqtut ubluq tamaat. Qilamik piyaanirit qilamiurnikkut aaniaqjuaqtunun aanniaqtilinirmun munaqhijut kivgaqtuutait aulahimaarniaqtut piinarialgit 24ni ikaarnirni ubluni, 7ni ubluni havainirmi. Tamaita inuit apirijaujut hivajaqujaujut munaqhiliaqtinnatik.

Aullaqtirlugit ubluani Imaruqtirvia 8, Amigaigjuuminialiqtut inungmik aanniaqtunik ihivriuqhirvikhanik munaqhiqarvingni aanniarvingnillu tamainni avikturniinni.

  • Iqalungni, inungnut aanniaqtailitikhat, amigakhuqtunut igluangat unalu aanniaqtunik ihivriuqhirvik angmaqhimaniaqtuq.
  • Nutarannuanik ihivriuqhirviit, hingaijunik ihivriuqhirviit ukuallu kapuqhirniq havautikhat ikajuutikhanik aullahimmaarniaqtut huli tamainni nunani Nunavunmi.
  • Taaktit nunallaanut aquivangniaqtut huli. Una pilimaitpat, tiviikkut uqaqatigiingniaqtut hivayautikuluuniin.
  • Ihivriuqhivikhangit ihivriuqtauyukhanik auktaqtauyukhat ukuallu Iksuliirhiqtut uvani QGH ikikliyuumiqtut kivgaqtuutait

Ihuaqhaqtauhimajut kivgaqtuutit:

Upautidjutikhatit munaqhitkunni kinguvaqtitauyut, una pidjutauyuq upautidjutikhat hivayautikuungniaqtut upautilutikluuniin.

Aanniarviliaqtunut tingmidjutikhainut ikigliyauyut haffumuuna qilamiurnikkut tingmipkaqtauyunun. Aaniniaqtut inuit uqaudjauniaqtut hapkuninga aallanguqtauniinnik imaalu ilauniaqtut uqautaulutik.

Iqaluingni, aanniarviup ahiani ikayuqtauyut nutiqtauliqtut tamaita upautidjutikhat uvalu havaliqhugit upautidjutikhat. Tamaita ihivriuqhirvikhait kinguvaktitaujut.

Tamna munarhiliaqtunik utaqivia QGHmi piqagiaqaliqtuq qaffinuanik utaqiuktukharnik munarhiliaqtunik malikhautigiigumik apiqudjutikhaq iniqtiqaaktakhangit.

MHA nuutiqtait hivajautikkut naunaiqhitikhait imaalu ikajuqhirvikhainnik ilanginut aanniaqtunut. Ihuaqhariiqhimajut ihivriuqhirvikhait havautikhamingnik aikhirvikhaiinnik imaatullu havautituqtitauvikhait aallajunaittut aallangulimaittut. Ayuqhaliliqpallaruvit, munaqhiliadjavutit. Aimaviinnut pulaaqtauviit havautituqtitijaqturlutik havaktauniaqtut naunaiqtauvaglutik atauhillaanik qanurinniinnik.

Aullaqtirlutik ubluani Imaruqtirvia 15, kiguhiqinikkut kivgaqtuidutikhangit aullaliffaarniaqtut, imaaluuniit kiguhiqijitkut upautivangniarunaqhijut ilainnainnut nunallaanut. Nunallaani kiguhiqijinit upaktaulimaittunut tadja, amigaqhuutirijaujunut kigulliurjuaqtunut takujaullajut amigaqhuutinut aullaqtittaulutik nallianut nunamut.

Aullaqtirlutik Imaruqtirvia 29, Nunavunmi – Munaqtauhimmaarviit (CCCs) ukuallu Inirnikhaat Munaqtauviit pulaaqtaunginarialaqijut amigaitilaaqaqtumik ilagijainiinnaq. Tamarmik talvaniittut talvaniittutluuniit avatqulimaittut malruuk pulaaqtingit attautikkut, pulaaqtutllu qanittuinangit ilagijait talvaniittup (ilaujut in'ngutangit iluliruhingillu.

Umikhimajut/Taimaaqtihimayut/Nutqaqtihimayut kivgaqtuutit:

Aallangajut ihivriuqtauvikhait taimaaqtitauhimajut. Havaktauliqtut naunaiqhiplutik nalliit aanniaqtut inuit takuujaujukhat hivajautikkut/Naunaijaqhimajut munaqhijauvikhait.

Tamainut aullariaqangitkumik tingmitikkut ihumaliqinikkut aanniaqtunut inungnut llagiiktunullu taimaaqtitaujut. Tamainut aullariaqangitkumik tingmilutik ilamingnun pulaaqtitaujut aanniaqtunun munarijaujunun taimaaqtitaujut.

 

Havagviat Kiinaujaliqijikkut Kivgaqtuutikhat

Nunavunmi Ihariagijaujut Havaktit Akiliuhianginun Qulangnaijautit (NEWWP) hivullirmik tapkununginnaq havagvingnut tunihivaktunut kivgaqtuidjutikhainnik aanniaqtailinikkut ikajuuhialiqinikkullu pidjutiqaqtunik Nunavummiunut, tapkununga niqikhanik tuniuqhaiviit, qimaviit. munaqtauviit nutaqqanut, munaqhiviujut igluqpait, ukuallu laisiqaqtut nutaqqiqiviit. Hamna pinahurutikhat ilaupkaqhugit amigaitqijat havagviujut, iilaujut ihariagijaujut aulapkaidjutikhat, aullarutit tingmitikkkullu, niqikhaqtarviit, tukkumiviit, niuvvaviit imaalu ajuiqhattiaqhimajunut kivgaqtuidjutikhat ikajuqhiqtauvikhat.

Nunavunmi Ihariagiyauyut Havaktit Akiliuhianginun Qulangnaiyautit (NEWWP) atuqtaujukhat ubluq-tamaat havaktinut, ublup-ilainnani, havallaktut Nunavut havaktiit maniliuqpaktut mikitqijanik $25 ikarnirmi havaktullu pittaaqtuni havagviujuni.

Havaktiit maniliuqpaktut mikitqijanik aadjikkutaanikluuniit $20 ikarnirmi pillajut tamaat $5 akiliuhianginun qulangnaiyautit. Havaktiit maniliuqpaktut akkungani $20 unalu $25 ikarnirmi tunijauniaqtut mikitqijamik qulanaijautimik angiglivjagiangani akiliuhiangat imaatut $25 ikarnirmi. Havaktit maniliuqpaktut angitqijanik $25 ikaarnirmi pilimaittut akiliqtaulimaittut taffuminga qulangnaiyautimik.

Havagviit (atauhiungittut) uukturiaqaqtut pinahuarutimik imaalu tujuqtukhaujut naunaitkutimingnk havagvingmikkut.

GN-kut Havagviat Kiinaujaliqijikkut munaqhijat Nunavunmi Ihariagiyauyut Havaktit Akiliuhianginun Qulangnaiyautit maniit ikajuutit. Ikajuutikhanut atugakhaq ihuaqtut pinahuarutimik hailijut havagviup qaritaujakkurutaani:https://gov.nu.ca/finance/information/n.

Havaktiit kavamatuqatkuni avikturniini kavamatkuni, ukuallu ilaujut havagviujuni, akiliqtaulimaittut taffuminga qulangnaiyautimik.

Kavamanga Kanadap maniliqtuijut haffuminga pinahuarutimik.

 

 

DeHavagviat Nunalingni Kavamatkunillu Pivikhaqautikkut Ikajuutikhait

Tukhirutit tikittumajunin avikturnianun igluqpangnik nappaqrtirijukhanik pidjutiqaqtunik havaakhat imaaluuniit tingmijumajut iluanni aikturnianni igluqpangnik pidjutiqaqtunik havaakhat qaritaujakkut titiqilugu talvunga CPHOconstructionrequests@gov.nu.ca

Nappaqtirinikkut Havaktit Iniqtut Avalingarnirmik ublumimun aulahimayut: 409

Nappaqtirinikkut Havaktit Iniqtut Avalingarnirmik Imaruqtirvia 25- 28, 2020

Aullarvikhaa Ublua

Qaffiujut

Tikitakhaa

25/Jun/20

1

Qausuittuq

25/Jun/20

12

Mittimatalik

25/Jun/20

1

Pangnirtung

25/Jun/20

2

Iqaluit

25/Jun/20

6

Iqaluktuuttiaq

26/Jun/20

5

Kugaaruk

26/Jun/20

5

Kinngait

26/Jun/20

26

Iqaluit

26/Jun/20

1

Iqaluktuuttiaq

28/Jun/20

2

Iqaluit


GN-kut havagviit igluqpait tamainni nunalaani umikhimaniaqtut inungnut. Inuk katimajukhaugumi GN-kuni havaktianik, hivajainnariaqaqtut havaktip nampaanut naunaiqhilutik qanuriliurutikhamingnik. Hivajadjavutit naunaiqhijarni ublukhanik ubluqhiutikkut takujauvikharnik.

 

Nunavunmiut aanniaqtailidjutait atauttikkut munaridjutigijaqqut! Itqaumaluhi: uaqlugin algatin qaangillu hunavaluit, inuqarnirmi ahiqpaniitpaklutin, naalaklugit uqautidjutait aanniaqtailinikkut havaktinin, aihimalutillu aannialaqiguvin.