Havaktingit

You are here

Qalagjuarniq-19 GN Ilitturipkaidjutit - Qiqaijarluarvia 14, 2020

mii 14, 2020

Hivuliqtiup nutaaq ilitturipkaidjutaa:

Ublukkut. Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi.

Ublumi, atauttimun amigaitilaanginni inuit ihivriuqhiqtaujun ublumimun unaujuq 881. 289 inuit tadja huli ihivriuqhiqtaujun.

Nunavunmi Inungnut Aanniaqtailinikkut Amigaqhuutat hiviturjumijat talvunga ubluanut Qiqaijaluarvia 28. Hamna maliqatqujaujut ihuaqtumik qajangnaitkutikhanut.

Puiguqtailitqujatka Kanadami Upin’ngautiqaqtitlugu Ikayuut taijauvakturlu imaatut CERB, kavamatuqatkunit pinahuaruti ikajuutikhat inungnut kiinaujailiuqtunut pidjutigiplugu aanniarunmit COVID-19 Qalagjuarniq pittaaqtut upinngautiqaqtitlugit ikajuutikhamik maningmik akilikhitikhamingnik akiliktakhanut imaalu atukkirjuarnaittumik.

Hamna manik aittuutaukaffuutaungittuq. Ihumagijauniaqtuq maniliurniq. Taaksiijautikhaqarniaqtuq ikajuut inungnut ikajurahuaqhugit havaguiqtitaujut havaarijamingnit imaaluuniithavagvigijat aktuqtaujuq aanniarjuarunmit. Idjuhitit aullangitpata taffumanga pidjutiqaqtnik COVID-19 Qalagjuarniq, pittaililugu hamna ikajuutikhaq. Pijukhaungitkuvit haffuminga ikajuutikhamk, akiliriaqarunaqhijat ilanganik imaaluuniit tamatkiglugu hivuniptingni.

Quanaquhi tamaffi aipqavakhuhi, imaalu ahiqpangavakhuhi aallanit inungnit pulaaqhimaittumiklu inungnut imaalu nunallaavut aanniarnaittumik qajangnaittumiklu! Atuqtakhaliuqhimajavut ikajuutaukpiaktut, taimailiuqhimmaakta imaalu aanniarut tikittaililaqqut Nunavunmut COVID-qalagjuarnirmit aanniangittanginni!

Quviahudjavuhi takijumi havangnaittitlugu, qajagidjavuhi, takuniaqaffi Aippiunmi.

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Havagviat Aanniaqtailinikkut

COVID Hivajautaa unalu inmikkut-ihivriurnikkut ikajuutikhat

Inuk kituliqaak ihumagumik akuktauvaktun Qalagjuarniq-19min uqaqtukhaujut hivajautikkut COVID-hotline uvani 1-888-975-8601 talvuuna 10mi ublaami 6mun unukpak, ilitugipkaklutiklu nunalaani munarhitkut qilaminuaq, talvuuna qilaminuaq anilimaiqtukhaujut 14nik ublurnik.

Kinaliqaak pittaaqtuq qaritaujakkut inmingnik qaujihaqtaaqtut qaritauijakkut ingmingnik naunaijautikhanik atuqtakhamik nu.thrive.health

Qaffiujun

Tamatkiutit (Tamaita Avaliingarnirni Najurviinni)

Tingmijuq Qanurittuq

Inuit Avaliingaaqtitaujun talvannga Qiqaijaluarvia 13

Taaktiliaqnikkut Tingmidjutit

177

Inuit inmikkuuktut

95

Ilihaqtut

0

Attautimun

272


Tingmijut utiqtun naunaikutit:

Aullarvia Ublua

Amigaitilaangin Tingmijun Avaliingarvingnin

Qiqaijarluarvia 14

23

Qiqaijarluarvia 15

9

Qiqaijarluarvia16

12

Qiqaijarluarvia 17

16

Qiqaijarluarvia 18

54


Ihariagijauqpiaqtuni Havaktini Tukhirutin

Talvanga Qiqaijaluarvia 12, pilik 986 tukhirutinik, 759 taapkuat ihariajijauqpiaqtunin havaktinin tukhirutiujun.

Tukhirutini Qanurittuq

#

%

Angiqtaujun (ilaujun ihariagijijauqpiaqtun ihariagijaulluangittullu)

831

84.3%

Qingijaujun

117

11.9%

Ihumaliurutaujut huli

38

3.9%

Attautimun

986

100%

 

Nunavunmiut aanniaqtailidjutait atauttikkut munaridjutigijaqqut! Itqaumaluhi: uaqlugin algatin qaangillu hunavaluit, inuqarnirmi ahiqpaniitpaklutin, naalaklugit uqautidjutait anniaqtailinikkut havaktinin, aihimalutillu aannialaqiguvin.