Havaktingit

You are here

Qalagjuarniq-19 GN Ilitturipkaidjutit - Qitiqqautijuq 27, 2020

Iipu 27, 2020

 

Hivuliqtiup nutaaq ilitturipkaidjutaa:

Ublukkut. Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi. Ublumi, atauttimun amigaitilaangi inuit ihivriuqhiqtaujun ublumimun unaujuq 550. 227 inuit tadja huli ihivriuqhiqtaujun imaalu 323 inuit ihivriuqhiqtauhuiqtun.

Minista Ehaloak unalu Dr. Patterson tamarmik uqarniaqtuk ublumi, taimaatun naammajumik uqarvighainnik tunijumajakka apirhuitinnagin. Aullaqtiqtinnatik, qujagijumajatka Nunavunmiut tamainnun havakpiarutainnun, ikajuutainnun, qilamiuqtihimaidjutainnun hakugingninginnullu ukunani qaangiqhimajuni 6sini havainirni.

Takujungnarhijutin tiiviikkut qunngiaqtakhamik unnuaq uuminnga Hakugingnitqijaq Atauttikkut (Stronger Together), ikajuqtunik hamni Iqalungni taapkuat tuniujun Tupautakhanik Puurmi (Breakfast in a Bag) pinahurutimi nutaqqanun nunallaamiu havangnarnirni tamaat ublaami. Una nakuujuq piniarhimadjuti havakpiarutilu piliqtuq tamaani nunaptikni. Quviagijatka tamaita hulidjutait inuit ikajuqatigiigutikkut pitillugu una COVID-19 qalagjuarniq.

Hapkuat havagut tukihidjutait Pijitsirniqmi uumanilu Qnuqtuurnirmi, nunallaani piuqpiarutini atauttikkuurnirnilu, qanuriliuqtaarutinilu ukunani naunaqtuni ublukhani.

Quanaqpiaqquhi tamaffi, ikajuutiffingni pilarhuutiffingnilu. Quviahukpiaqtunga ilumullu minghingnarniqaqtunga tamainni nakuuqpiaqtunik takulirama.

 

Minista munarijalik Qulliq Alrujaqtuqtunik Ikumadjutiinni

Ministauplunga munariplunga Qulliq Alrujaqtuqtunik Ikumadjutiinni, ilitturipkarumajatka niuviqpaktun inuit una QEC-kut hamaniittut ikajurniarhimaplutik ikajurumaplutiklu inungnik uvani COVID-19 qalagjuarnirmi.

QEC hailihimapkaijuq ajurnaittunik akiliqtuidjutikhanik inungnun havagviujunullu pauwatuqpaktunun taapkuat akilimaiqtut tatqiqhiutini alrujaqtuqtukkut atukkamiknik tamaat. Kinguvaqtihimanikkut akiit akiliqtakhat piiqtauniaqtun pautuqpaktunun ataani uumani pinahuarutimi. Kuapuriisitkut kiplimaitait pauwatuutit iliuralimaittullu pauwatuutikkut kikliqarutikhanik talvunga qakugu naunaijaqtauninganun. QEC-kut piijaqhimajaillu tamaita hivuagun iliuraqtauhimajut pauwatuutikkut kikliqarutit.

Kuapuriisitkut kangiqhihimajut una ajurnarniqarnikkut piujuq amitaittunun Nunavunmiunnun havagumajullu tuninikkut ikajurutikhanik pauwatuqpaktunun pijaarumi.

Ajurhaliruvi akiliriami tatqiqhiutimi pauwatuutingnik aturanik, hivajadjavan QEC Inungnun Ikajurnikkut havagvik uvani 1-866-710-4200 qaritaujakkuurutikkullunniit titiqqilugin uvaniCustomerCare@qec.nu.ca ihuarhaijaami ajurnaittumik akiliqtuinikkut angirutimik.

 

Atanilluaq Inungnun Aanniaqtailinikkut Havaktimin nutaanik-ilitturipkaidjuti

Una nutaaq Maliktakhaq Mighaagun Inungnin Ahiqpaniittukhakkut Katimaquhuirutinilu, taamna atuliqtuq April 24mi, himmautigijaa una amigaittuni katimanikkut maliktakhaq tunihimajuq March 23mi, 2020.

Nutaaq maliktakhaq naunaijattiaqtuq katimajunik inungnilu ahiqpangajukhakkut tunijuluq ajurnaittunik kangiqhijaami qanuriliurutikhani ikajurniaqtait Nunavunmiut ajurnaitqijaujumik maligiami maliktakhaq. Ikajurniaqtait havakviit kangihijaami qanuqtun aallanguqtirutikkut aulapkaidjutmingnik pipkainikkut inungnik qajangnaidjutikhainnun aulahimmaaqtukkullu havagutimingnik. Kingullikkullu, aallanguqtirniit ikajurniaqtaillu maligakkut havaktiit ikajuqtiillu ajurnaitqijaujumik naunaijariamingnik piniarhimadjutaa maliktakhaup talvani pilimaittungnarhijumi qanuriliurutimi ihariagijauliqqat maliktipkaidjutikhanik.

Naunaijarumajatka ilangit nutaami tukihidjutit ilitturipkaidjutillu tunihimajun uumani nutaami maliktakhami.

Niqiliuqviit havagviit laisiqaqtullu havagviit huli umikhimajun. Niqinik nirijaqtuqviit huli tunijaaqtun qanuriliurutikhanik aquiqtuqtaujunik agjaqtaujukhanikluunniit, taimaatun malikkumik maliktakhanik inungni ahiqpangadjutinik taimailiuqtillugin.

Tamaita havagviit ihumagijaujun imaatun Inungmun Hulidjutikkut Havaktiujun huli umikhimajukhaujullu. Hapkuat ilaqaqtun nujaliqijiit, umiijarviit, timimun nanuktiit, aallallu aajjikkiikniqaqtuq havagviit. Taimaatullu, kiguhiqijiit, huranun taaktiit, ukuallu ihumanun-ikajuqtiit umikhimajukhat, kihianun amirarnarhijunun. Nutaqqanun ulaqpivikhat, nunagijaujuni minnguiqvikhat, ukuallu ublumi-atuqtalgit nunainni ukiuqtaqtuni minnguiqhirviinni umikhimajullu.

Piqarhutiklu umiktauttaaqhutik kiklikhaqarhutiklu, hapkuat havagviit angiqtauhimajut angmaqhimalutik: qujaginnaq havagvik anginiqaqtuq pipkaijaami malruuknik-miitanik inungni ahiqpangadjutikhanik iluani havagvingmi, ukuallunniit havagviit kikliqaqtun niuviqtukhanun avatquhimaittumik tallimanik atauttikkut. Una tallimanik-atauttikkut maliktakhaq aturutiqangittuq havagvingnun anginiqaqtun pipkainikkut inungni ahiqpangadjutikhainni tamaani havagvingmi, imaatun niqinik niuvirvik, havautihiaqtuqvik, ukuallu aajjikkiikniqaqtuq havagviit.

Maliktakhaq tunijuq tukihidjutikhamik katimajunun. Tamaita ihuaqhaqtauhimajun inungni katimaniit amigaitqijaujuni tallimani inungni pitqujaungittuq. Una ilaqaqtuq huqullaaqtunik qunngiariaqtuqtunik, nunallaani hulidjutini, ulapqidjutinik, qanuriliurutiniklu imaatun katuhiqtauliqtunik, iluvirhiliqtunik, itqaumanikkulluunniit katimadjutinik.

Kingullikkut, tamaita inungnik katimadjutit, ilaujullu inungnin katimadjutit nanminirijaujuni igluni, kiklikhaqaqtuq tallimanik inungnik ikitqijaujunikluunniit. Una ilaqaqtuq ulapqinikkut katimajun, katimajiujuni miitirutainni, niriqatigiigutini inungni igluqangittut atauttikkut.

Una nutaaq maliktakhaq tukihidjutiqangittuq kikliqarutit ajurnailiqtun, taimaaluunnit Nunavut Kavamanga ihivriutauffaaqtaa nunapta pidjutaa humaahuirutaaluunniit qajangnarnirmi. Taimaatut kihimi, tukihidjutit ataani nutaami maliktakhami ihuaqhaqtauhimajun tukihidjutinun atuqtaujunun aallani nunagijaujuni. Una pidjutijuq kiklihaqaqtunik qanuriliurutikhanik naunaittiaqhugin aajjjkkiikniqarhugillu aturutainnun maliktipkaidjutainnullu.

Hakugiktumik pidquidjutiujuq Nunavunmiut katimalluaquhuiqlugin kinamun ilaungittuq qanitqijaujuni ilagiiknikkut iglumingni. Qujaginnait inungni katimadjuti pidjutijuq qanuqtun qajangnarhittaaqtumik, taimaalluarlu tautugaangapta inungnik amigaittunin aallakkiiknin igluqaqtunin katimaliraangata. Nunavunmiut huli qajagiraanginnaqtukhat, atuqlutik inungnin ahiqpanganiillutik piqpiarutaanun, uaqlugillu algatik atuqatiiktauhimajullu qaangit halummaqpiarlugin piqattarlugillu.

Kingulliqpaaq maliktakhaq pihimajaa piniarhimajuq qahuriliurutikhaa tuninikkut ihariagijaujunik qanuriliurutikhanik ikajuutikhanik inungni aanniatailidjutainnik. Kihimi, Nunavut Kavamanga ilitarijaa ihariaginiq tunijaami nauniatpiaqtunik uqautinik tukihidjutikhaniklu.

Havagvia Maligaliqijikkut havaqatigiplugu Atanilluaq Nunalaani Aanniaqtailinikkut Havakti (CPHO) upalungaijainiaqtuq nutaamik Pitquidjutimik Maliqajaujukhat Ahiqpangajukhaujutit Aallanit Inungnit unalu uqauhiit kangiqhinnaqtumik pijakhamingnut nakuujumik.

 

Ilaupluni Nunavut Kavamangani (GN) havagutainni hapumminikkut Nunavunmiunnik uumannga qajangnaqtumin COVID-19 qalagjuarnirmin, GN-kunni Havagviit atuqtipkaliqtait hapkuat:

Aanniaqtailinikkut Havagvia

NUTAAT IKAARNIKHAT Qalagjuarnirmun COVID Hivajarvikhaq

Uqaqqatiqarumaguvit inungmik aannialiruvit taffuminga Qalagjuarniq-19 mihingnautiqaliruvit imaaluuniit aullaqhaaqhimaguvit aanniarutiqaliqtunut nunanganut nunangannitluuniit tikiharuvit? Apirhuutikhaqaqqit mighaagun aullaarnikkut Nunavunmun taapkunaniluunniit avaliingaaqtukhaunikkut najuqvighanik? Hivajaqlugu 975-8601 unaluunniit 1-888-975-8601 talvannga 10 ublaami uvunga 6 unnuliqqat uqaqatigijaami kinamun. Itqaumalutin una hivajarvikhaq pihimajuq tahapkununga ihariahuktunun - atuqtaujukhaungituq apiqhuutinun.

Apirhuutikhaqaruvin ikajuqtaujukhauguvilluunniit amigarnarhikpat, hivajaqlugu nunallaami munarhitkut.

Kiguhiqijikkut Havagutit

Amigakhuutaujuinnait kiguutaijaqtit kivgaqtuutikhait tunijauniaqtut tamainni Nunavunmi nunallaani qakugu tuhaqtitauffarniaqquhi.

Nunaqaruvit Iqalungmni, Kangiqłinirmi, Iqaluktuuttiamiluuniit imaalu kigulliurjualiruvit imaaluuniit kiriqhiurlirumik qaquvipalluunniit, hivajainnariaqaqtatit kiguhiqijitkut titiraqhimajut ataani uqariarni kiguliurutingnik.

  • Iqaluit: Avikturnianni Kiguhiqijitkut Tutqikhaijiat talvani QGH @ 867-975-8600 ext 6206
  • Kangiqłinirmi Kiguhiqijitkut Havagviat @ 867-645-2776
  • Iqaluktuuttiami Kiguhiqijitkut Havagviat @ 867-983-4171

Hivajarviit kiukjaungitpat, maliklugit maliktakhaliukhimajut nipiliuqhimajumik naalaglutit.

Pulaaqtailidjavutit kiguhiqijitkut havagvianut tunijauhimaitkuvit ihuaqhariikhimajumik takuurhirvikharnik. Inuit upautijut tapkununga kiguuhiqijitkut havagviannut ihuaqhijauhimaittumik ihivriuqhirvikhanik takujaulimaittut.

Apirijaujutit takuukhirvikharnik qaitqujauplutit kinguvaktihimaittumik, takujaulimairnakhavutit kinguvaktitkuvit qaiguvit.

Inungnut tahamanirmiutaungittunut nunaqaqtut hilatainnit Iqalungnit, Kangiqlinirmi hamaniluuniit Iqaluktuuttiami kigikhiurlualirumik imaaluuniit kigikhiurlirumik imaktitpataluuniit, hivajadjavutit nunangni munaqhitkunut.

Aullaaqtun

Tamatkiutit (Tamaita Avaliingarnirni Najurviinni)

Tingmijuq Qanurittuq

Inuit Avaliingaaqtitaujun talvannga April 26mi

Taaktiliaqnikkut Tingmidjutit

221

Inuit Inmikkuuqtut

118

Attautimun

339

 

Tingmijut utiqtun naunaikutit:

Aullarvia Ublua

Amigaitilaangin Tingmijun Avaliingarvingnin

April 24

3

April 25

0

April 26

14

April 27

72

 

Ihariagijauqpiaqtuni Havaktini Tukhirutin

April 26mim, pilik 743 tukhirutinik, 560 taapkuat ihariajijauqpiaqtunin havaktinin tukhirutiujun.

Tukhirutini Qanurittuq

#

%

Angiqtaujun (ilaujun ihariagijijauqpiaqtun ihariagijaulluangittullu)

613

82.5%

Qingijaujun

90

12.1%

Ihumaliurutaujut huli

40

5.4%

Attautimun

743

100%

Havagvia Maligaliqijikkut

Havagvia Maligaliqijikkut havaqatigiplugu Atanilluaq Nunalaani Aanniaqtailinikkut Havakti (CPHO) upalungaijainiaqtuq nutaamik pitquidjutimik Maliqajaujukhat Ahiqpangajukhaujutit Aallanit Inungnit unalu inugiaktunik katimajut naunaitaakhanik uqauhiit kangiqhinnaqtumik maliqaplugillu ukuat pitquidjutimik. Hamna nutaaq pitquidjutimik atuqtaulirniaqtuq Tallimiunmi, April 24, 2020 ubluqihiutikkut 11:59 p.m.

Unaluttauq, Havagvia Maligaliqijikkut apiqqutaujunik kiudjutainiklu atani tunijauniaqtullu aallanik naunaiqhitikhainnik ikajuuikhainniklu Nunavummiut kangiqhittiarutikhaninik pidjutaujunik taffuminga pitquidjutimik.

Qakugu bylaw havakti itirniaqqat iglumnut imaaluuniit inungnut iglugijaujumut havagviujumutluuniit?

Hapkuat Pitquidjutit ajuqhautaukpata tapkunanga CPHO, naunaittiaqhimajumik ukuat igluqpait najuqtarni, “iglugijarni”, imaalu havagviujumi, imaatut niqitarvik niuvvavik.

Titiraqhimajut ataani pitquidjutit, CPHO tunihijuq maligatigut havaktinut atanngiqtuidjunmik itiqtaaqtut igluqpaujunut makpirangittumik maliqajaujukhanut pidjutiqaqtunik.

Igluqnungaukpata, kihimi, kavamatkut ilitaqhijut pilaarutingnik pinahuaqtarniklu bylaw havaktiit havaktukhat maliqalugit pidjutiqaqtut pilaarutimingnut. Bylaw havaktingit ukpiruhukkumik ihuinnarutikkut pidjutiqaqtunik itiqtaaqtut iglungnut, angirutingnik pijukhaujut, pilutikluuniit itiutikhamingnik iglungnut makpiraamik Apiqhuivingmit.

Kinap maliqatquniaqagit hapkuat pitquidjutimik?

Ilaurutikhanginnik Pallihimatkut havaktingit, imaalu maliqattiarianginni amigaqhuutaujunik pitquidjutinik, tamna CPHO atanniqtuidjutiqaqtuq tamainnik malitaigut havaktiujuniktikkuaqtauhimajunik atani avikturniinni maligatigut maliqapkarlugit ukuatpitquidjutinik. Hapkuat ilaujut hamlatkunni bylaw-kut havaktingit, pallihimanguat talvanga Nunavunmi Apiqhuirvingmit Maligaliqijitkut, nunamiklu munaqjiujut qaujihaijit , imaalu uumajuliqijitkut havaktingit.

Hapkuat havktiujut munaqhijukhat maliqajakhainnik maliruagakhanik. Kihimi, amigaqhuutaujunut pitquidjutimik tunijauhimajut aallanik hakugiutikhainnik. To ensure those charged with protecting the health of Nunavummiut are prepared to take on this task, they will be provided with clear guidelines on their responsibility.

CPHO atanngiqtuijut hapkuninga malitatigut havaktiujunik amihunut pidjutiqaqtuni:

  • Pallihimatkut ikittuuniarunaqhijut pallihimat nunagnani aanniarutaudjutaani imaalu ikajulimaittunaqhijut ihuaqhautikhanik aallanik munarijaujukhanik;
  • Angiqtauhimajut by-law havaktingit qaujimajariiqtut maliktakhanik imaalu ajuiqhaqhimajut maliqujauhimajunik atuqqujaujunik atani avikturnianni maliruagakhanik;
  • Tamna pitquidjutit pidjutiqaqtuq itiutikhanik avikturniinni min'nguirvingnutaallanullu maniqqami hulipkaidjutikhanik, uumajuliqijitkut havaktiit hivulliujut hivajaqtaujukhat; imaalu
  • Hamlatkut bylaw havaktingit ajuiqhaqhimajut tuniuqhaiplutik akiliqtakhanik titiraqhimajunik ataani ilitarijauhimajut bylaw-ngudjutimingni Nunavunmi nunamingni.

The CPHO is working with officials from the RCMP, the Government of Nunavut and municipalities to ensure consistent messaging and enforcement across the territory.

Qanuriliuqtukhauvik ihumalukkuma pitquidjutit maliktaungittut?

Nunangni Pallihimatkut ikajuqtaaqtut hivulliujut hivajaqtakhatit. Ihumalukkuvit, hivajadjavatit Pallihimatkut.

Hivumuuqpaalliatitluta, munarijakhavut, ihivriurlugit ihuaqharlkugillu hapkuat pitquidjutit pijariaqaqqata. Naunaijautikhavut aadkjikutakhainnik ihariagijaujunik aannialaqittailitikhanik taffuminga COVID-19 Qalagjuarniq. Qanngiutillakkupta aanniarunmi, maliqajakhairniaqtavut hapkuat maliqujauhimajut.

 

Nunavummiut aanniaqtailinikkut tamapta munarijakhavut! Itqaumaluhi: uaqlugin algatin qaangillu hunavaluit, inuqarnirmi ungahikhimavaklutin, tuhaalugin uqaudjutait anniaqtailinikkut havaktinin, aihimalutillu aannialaqiguvin.