Havaktingit

You are here

Qalagjuarniq-19 GN Ilitturipkaidjutit - Qitiqqautijuq 3, 2020

Iipu 03, 2020

Hivuliqtp ilitturipkaidjutikhaa:

Ublumimit, naunaiqhihimangittut aannialiqtunik aannialirnahugiyunikluuniit qalagjuarniq-19 Nunavunmi.

Ublumi, atauttimut nampait inuit ihivriuqtaujut ublumimut 314. 216 inuit hadja ihivriuqhidtaujut, ukuat 98 inuit ihivriuqhigakhaiktut.

Quviahuktunga tuhaqtitiplunga ublumi Nunavut Kavamanga ukuallu Nunavut Tunngavik Incorporated tamarmik tunihijut $1 million nunallaamingni niqikhanik pinahuarutikhait nutaqqat Inirnikhaallu aulatillugu Qalarjuarniq-19.

Hapkuat maniit niuvrutikhait niqigiktunik niqikhanik Nunavunmi ajuqhaqpallaaktunut, aturlugit nunallaat ajuttiaqhimajut ikajuqtikhangit imaalu havaqatigiiklutik tuhaqtipkaidjutikhanginnik atuqtautitlugu Qalagjuarniq-19 pidjutaujut iliharviit umikhimadjutainnut.

Nunallaat inugiangiitigut ikitqijaukpata 1,000 inuit tunijauniaqtut $40,000, nunallangit 1,000 inuit tunijauniaqtut $90,000, imaalu Iqaluit tunijauniaqtut $200,000.

Qujagijavut nunallaat niripkaivaktut ilihaqtunik nutaqqanik Inirnikhangutiptingniklu.

Uqautigijumajatka ihumaluutaujut avikturnianni iluanni tingmikkut aullarumajunut. Kangiqhipkaidjutikhanat maliqattiaqtaujukhanik tingmittailijaujut Nunavunmi. Pitqujjijugut tamainnik aullagakhaittunut tingmitikkut nunanmingnit allamut nunanginut, kinaliqaak ihivriuqhiqtaujuq aanniarutinigiakhanik taffuminga Qalagjuarniq-19 pijariaqaqtuq maliqajakhaminik avaliihimaniq inungmiuhuiqhutik anihimaittumiklu aihimajukhaujut,kinaliqaak inuk aullaqtitaulimaittuq najuqtakhani hivurani, imaaluuniit munarittiaqtaukpaktukhaujuq aniniariakhanik igluarminit.

Nutqaqtitakhaittut tingmijumajut avikturniani tadja, kihimi aanniarut Qalagjuarniq-19 tikitpat Nunavunmut, takuuvarniaqtaqqut naunaijattiarlugu.

Havangnairvik tikiutilirmat upin’ngaarlu hilanga tikiutimvallialirmat, apikhijunga Nunavunmiunun aulahimaaqtukhaujut ajuqhautaittumik aihimaluhillu pulaakhimaittumik imaalu ahiqpaniilluhi inuqarnirmiuguvit niuvvagiaruvitluuniit.

Anigaiguvit, aniqatigivaglugit ilatit aninahuaruvit, imailiuqpaklutillu inungnit ahiqpangavaglutit.

Nakhaqtaililugit nutaqqatit niuvvavingmut niqitariakturaiguvit, pijakhaitkuvit.

Ilihimajunga hamna ajurnaqpiaktuq nutaqqaptingnut. Kihimi uumani havangnaitilugu,aihimavingmini qanitukhaujut ilauhuirlutiklu katimajuni -- qajangnaqpalaarmat.

Taimalu – uaqattaqpaglugit algakkit , qalakhurlutit airnut tagjuruvitluuniit, aihimalutillu pulaakhimaittumik, aanningavjaliruvitluuniit.

Aanniaqtailinahuaqpadjavutit, aanniaqtaililugillu inuit nunaqatigijatit ilatilu.

Qanuriliurtivut naunairutauniaqtut qanuqtut qangiutikhaptingnik haffuminga aanniarunmik. Aihimaluhi. Inuutivut inuuhimmarianginni.

 

 

Ilakhannik Nuanvut Kavamanga (GN) akhuurutigijaat munarittiarutikhannik Nunavummiut qajangnautanut aanniarutip Qalagjuarniq-19, GN-kut Havagviit atuliqtait hapkuat:

Aanniaqtailinikkut Havagvia Kivagaqtuutit

Inungnut Aanniaqtailinikkut Amigaqhuutat hiviturjumijat talvunga ubluanut April 16, 2020.

Amigakhuutaujuinnait kiguutaijaqtit kivgaqtuutikhait tunijauniaqtut tamainni Nunavunmi nunallaani qakugu tuhaqtitauffarniaqquhi.

Nunaqaruvit Iqalungmni, Kangiqłinirmi, Iqaluktuutiamiluuniit imaalu kiguulliurjualiruvit imaaluuniit kigikhiurlirumik imaktitpataluuniit, hivajainnariaqaqtatit kiguhiqijitkut titiraqhimajut ataani uqariarni kiguuliurutingnik. Hivajarviit kiuyaungitpat, malikluigit maliktakhaliukhimajut nipiliuqhimajummik naalaglutit.

  • Iqaluit: Avikturnianni Kiguuhiqijitkut Tutqikhaijiat talvani QGH @ 867-975-8600 ext 6206
  • Kangiqłinirmi Kiguhiqijitkut Havagviat @ 867-645-2776
  • Iqaluktuutiami Kiguhiqijitkut Havagviat @ 867-983-4171

Pulaaqtailidjavutit kiguhiqijitkut havagvianut tunijauhimaitkuvit ihuaqhariikhimajumik takuurhirvikharnik. Inuit upautijut tapkununga kiguuhiqijitkut havagviannut ihuaqhijauhimaittumik ihivriuqhirvikhanik takujaulimaittut.

Apirijaujutit takuukhirvikharnik qaitqujauplutit kinguvaktihimaittumik, takujaulimairnakhavutit kinguvaktitkuvit qaiguvit.

Inungnut tahamanirmiutaungittunut nunaqaqtut hilatainnit Iqalungnit, Kangiqlinirmi hamaniluuniit Iqaluktuutiami kigikhiurlualirumik imaaluuniit kigikhiurlirumik imaktitpataluuniit, hivajadjavutit nunangni munaqhitkunut.

Anittailijaujunut Najugakhait

Inuit anittailijaujut atuqtaaktait tiiviirutit, ikiakkuurutit qaritaujakkut, pingahuiqtuqhutik niripkaktauvaktut ubluummat, igliit uliit himiktauvakhutiklu haluummaqtirutikhaniklu tunijauplutik. Iqqakuut agjaqtauvaktut ubluq tamaat. Hapkuat akiliqtakhat akiliqtpaktait Nunavut Kavamanga.

GN-kut akilirniaqtait makkakhat, nutarannuat milukhainik uaqtirutikhanik arnat atuqtainniklu. Inuit itiqtiqtauhimajut munarijakhait aquiqtuqtukhat hapkuninga atuqtakhanik naunaiqtauhimajumit agjaqtikhamit kivaqtuqtimit, kihimi akiliqhipkaqtaulimaittut hapkuninga titiraqhimajunik qulani.

Tun'ngahuktitidjutit puuqhimajut nutaanguqtiqtaujut ilaukhugit naunaitkutikhanik niqikhanik aquiqtuutikhainnik agjaqtaujukhanik. Tamangnik agjaqtauniaqtuk itiqtirvingnut. Hapkuat agjautait akiliqtakhatit akiit akiliqtaulimaittut GN-kunit.

Atauttimut nampait inuit anittailijaujut talvanga April 2, 2020.

 

ATAUTTIMUT (Tamaita Anittailijaujut Najugainni)

Tingmijukhanut Qanurinniit

Itiqtikhimajut Anittailijaujut talvanga Qitiqqautijuq 2

Aanniarvilikhimajut ihivriuqhiqtukhat

215

Inuit inmikkuuktut

96
Ilihaqtut 60
Atauttimut 371

 

Qaffiujut

Ubluaniit April 2 (a.m.) imaatut amigaitilangit 385 tingmitikkut aullarumajut tukhiutait, 288 ukunanga ihariagijaujut havaktikhat tukhiutait.

 

Tukhiutait Qanurinniit # %
Angiqtaujut (ilaujut ihariagijaujut imaalu havaktiungittut) 267 69.4%
Qin'ngijaujut 35 9.1%

Ihumaliurutaujut huli

83 21.5%
Atauttimut 385 100%

 

Havagviat Ilinniaqtuliqijikkut kivgaqtuutikhait

Aippinmi, April 7, iharviit havaktiit ititlahiniaqtut iliharvingnut piumagumik hanaijaijumagumik iliautikhainnik puukhimajunik iihaqtut ilihautikhainnik.

Ilinniaqtuliqijitkut havaktut havaqatigiiktut piliurniaqtut maliktaujarialiit ilihaijit naunaiqtakhait kuliingitnut ilihautikhainnik ihumagilugit ilihautikhaliuqtakhatik. Ilihautikhat aallatqingniarunaqhijut ilihaqatainnit.

Iliharvingmungauniq havagiaqtuinnarutikhaujuq ulapqijaqtungilluni aallanulluunniit ilharutiungittunun hulidjutinun.

Ilinniaqtuliqijitkut tunihiniaqtutamainut iliharvingnut aanniaqtailinikkut qajangnaidjutikhanullu havagutikhanik pidjutilgit Qalagjuarniq-19 qalagjuarnirmun, ilaujullu anirhaagutikkut maliktakhanik, alganik uaqtuinirnik, inungnilu ahivariikhimadjutinik..

 

Havagviat Avatiliqiyitkut Kivgaqtuutikhait

GN-kut munaqhijut uqhurjuanik kuvijuqaqqat qanuriurutikhamingnik havaktikhanik. Inuit itqaumatqujaujut tamaita uqhurjuat kuvikpata unniqtaunariktukhat talvunga Nunavunmi Uqhurjuat Kuvikpata Hivajautaa 867-920-8130, 24 ikarniit unnuamillu:
https://www.gov.nu.ca/environment/documents/spill-response

Umikhimajut/Taimaaqtihimayut/Nutqaqtihimayut kivgaqtuutit:

  • AjuiqhaqatigiiktutAvatiliqinikkut Munaqhidjutikhanik Havakti Amigaqhuutaujunik upalungaikhimajugaluaqtuq April 2020 kinguvaktitaujuq.

 

Nunavummiut aanniaqtailinikkut tamapta munarijakhavut! Itqaumalutit: uaqpaklugik algakkit imaalu qaanngit hunavaluit, inuqarnirmi qaniglihuiqluhi, maliqalugit uqaudjiudjutait aanniaqtailinikkut havaktinin, imnaalu aihimalutit aanniaruvit.