Havaktingit

You are here

Qalagjuarniq-19 GN Ilitturipkaidjutit - Saptaipa 8, 2020

Saptaipa 08, 2020

Hivuliuqtimin nutaamik tuhaqtidjutaa

Ublaakkut. Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi. Attautimut amigaitilangin inuit munarijaujun qanurinniariakhainnik ublumimun imaa ittun 2,465. 400-ngujun inuit tadja munarijaunun.

September-nguqtuq, taimaatun amigaittunun uvaptingnun nutaangujutun ikiuq ittutun ittuq. Pivigaujuq aullaaqtiffaarutiptiknik qanuriliuraanginnarutiptiknik ublukhaptikniklu nutaanguqtirlugillu ilangit nakuujun qanuriliurutiptiknik.

Taiguqhimajunga inungnun tuhaumapkaidjutini itqumaniaqpiaqtuq uvamnun. Uqarhimajuq: “COVID qalagjuarniq irrhimangittuq iliharviptingni. Tahamaniilihangitpat nunallaaptikni taimaatun pidjutikhaittuq iluanungautikkut iliharviptiknun.” Unalu ihumagiqpiaqtara, taimaatun aullaqtirhuta 2020-21 iliharnikkut ukiumi uvani Qanurinngani 1mi, pidjutiulluangittuq taapkunungainnaq ilihaijinun, ilihaqtunun DEA-kunnullu pipkainikkut qajangnainnikkut iliharvingnik. Pitjutilik tamaptingnun. Pidjutilik nunallaaptingnun. Pidjutilik tamaptingnun.

Taimaatun tamapta havaqatigiikta atauttikkut. Atuqta tamapta munaridjutiqarutiptiknik tamaptikunun qajangnainnirnun – iliharviptikni, inungnin upakvigijauvingni, aihimaviptikni. Tamainni ubluq tamaallu.

Quana

 

Atanilluaq Inungnun Aanniaqtailinikkut Havaktimin nutaanik-ilitturipkaidjuti

Ublaakkut,

Una qaangiqhimajuq havangnainnirmi naunaitkutaujuq nungulliva 14nik ubluni hivitinirmi ukununga 23nun inungnun naunaiqtauhimaut aktuqtauhimajunun pihimanikkut aannialaqutimi COVID 19 qalagjuarnirmik uvani Ottawa Residence Inn-mi (Hiniktarvik). Taimaatun malruuknik-havainirnik hivituniq inirhimalirman, piqangittuq ihumaaluutiginirmik taapkuat inuit pihimaliqtaat qalagjuarnikkut aannialaquti.

Hapkunani qaangiqhimajuni havainirni pimmarigharhimmaaqtugun angummadjutiptiknik uvani nunaptikni ihivriuqhinirnik. Una Biofire hanaqidjutit Iqalungni tajda aulajuq unalu GeneXpert hanaqidjuti. Taimaalu ihariahungnirmin amigiatqijanik ihiriuqhinikkut angummadjutikhanik nunaptikni, pimmarighaqtavullu inihainnarutikhat ihiviuqhinikkut ilitturidjutit. Uumani havainirmi, Aanniaqtailinikkut Havagvik aullaqtiliqtuq hivulliqpaamik havaakhamik atuqhuni charter-himajumik tingmitimik aullautinikkut COVID-19 qalagjuarniq naunaijaqtakhat Qikiqtaani nunallaanin Iqalungnun. Turaangadjutaa pijumanirmin pidjutikhamik pihimalirluni mikhilaaqtirnikkut ihivriuqhinirnik utirutikhait imaatun tallimanik ublunik ikitqijaujunikluunniit. Pidjutikhaq ilihimaliqqat havaliqlunilu, aullaqtirniaqtugun aajjikkiiktumik havagutikhamik Kangiqlinirmi.

Angiklijuummiqtunik nunaptikni ihivriuqhinikkut angummadjutinik piqaqtunik ikiklijuummiqtunik utiqvikhainnik ublunik ihiviuqhinikkut naunaitkutainnik, tunidjutiniaqtaatigun ihuatqijaujunik ukunani inungnun aanniaqtailinikkut qanuriliurutikhanik pimmarigharlugillu kiudjutikhaptiknik piqaliqqat amigaittuni aannialaqihimaliqtunik. Kihimi, ihivriuqhiniq naammadjutaungittuq.

Amigaittun inuit ilihimajun, una Inungnun Aanniaqtailinikut parnaqutikhaq mikhihimapkainikkut qajangnarnirnik COVID-19 qalagjuarnirmi tikidjutaani hiamitirutaanilu nunaptikni pidjutilik qaffini qanuridjutinginni. Ihivriuqhiniq atauhiinnaujuq ilanga. Timikkut ahiqpaniinnirnik, nakuujun halummarhidjutit imaatun uarnikkut algaptiknik, aihimaluni aanniaqqat taapkunanilu avaliinngarnikkut najurvingni, havaqatigiingnikkut atauttikkut ihivriuqhinirnik humaagihuiqtaujukhaungittuqlu.

Ihumagijakhavun taapkuat inungnun aanniaqtailinikkut qanuriliurutit nakuujun taimaanginnaq Nunavunmiut, ilikkuuqtukkut atauttikkullu, malikpakkamigin. Taimailiuqhimajugun nakuujumik ublumimuin mikhilaaqtihimanikkut qangnarutinik taimaatun tamapta ihumagiplugu pihimajugun aturnikkut ilaupkainikkullu hapkuninga qanuriliurutinik ubluq tamaat ihuuhiptikni. Tamainni ihumagingitkuptigin hapkuat qanuriliurutikhat, qajangnarniit angiklijuummiqpaktun.

Taimaatun qajangnarniit pilimaitillugu 0-mik, ilihimajugun hapkuat qanuriliurutikhat nakuudjutiqaliqtun. Nunavut huli COVID-qalagjuarniqangittuq. Takuhimajugun ikiklijuummiqtirutinik puvakkut aannialaqidjutinik uumani ukiumi tamaani nunaptikni. Taimaatun piqpialik taimaatun, ilikkut atauttikkullu, pihimmaaqtukhaujugun piluta maliklugin inungnun aanniaqtailinikkut qanuriliurutikhanik hulihimmaaqtukhaujugullu hapumminikkut ilaptiknik nunallaaptikniklu.

Quana

 

Ilakhannik Nuanvut Kavamanga (GN) akhuurutigijaat munarittiarutikhannik Nunavummiut qajangnautaanut aanniarutip Qalagjuarniq-19, GN-kut Havagviit atuliqtait hapkuat:

Aanniaqtailinikkut Havagvia

Inungnun Aanniaqtailinikkut Amigarnarhidjut

Inungnun Aanniaqtailinikkut Amigarnarhidjuti kinguvaqtitaujuq September 3mi talvunga aturutiliklu talvunga Sept. 17mun.

Avaliingaaqtihimanikkut Amigaitilaangin

Atauttimun (Tamaita Avaliingaarnikkut Najurviit)

Aullaaqtuq Qanurittumik

Inuit Avaliingaaqtun talvani Sept. 7mi

Aanniarnikkut

345

Inuit Inmikkuuqtun

335

Atauttimun

680


Aullarhimajun utiqtun naunaijautaa:

Aullarvia Ublua

Amigaitilaangit Aullaaqtun Avaliingaarvingnin

07-Sep

54

08-Sep

66

09-Sep

65


 

 

 

Ihariagijauqpiaqtuni Havaktini Tukhirutin

Talvannga Sept. 7min, pilik 5244 tukhirutinik, 2604ngujun ihariagijauqpiaqtuni havaktini tukhirutinik.

Tukhirutikkut Qanurittun

#

%

Angiqtaujut (ilaujun ihariagijauqpiaqtun ihariagijauqpiangittullu)

3782

72.1%

Qin’ngijaujun

246

4.7%

Ihumaliuqtaujun huli

79

1.5%

Aullauvilluarvigijainni Nunat Angiqtaujun

1137

21.7%

Atauttimun

5244

100%

 

Nunalingni Kavatkunillu Pivikhaqautikkut Havagvia

Tukhirutit nunamungaujaami nappaqtirinikkut pidjutilingnik havaktakhanik aullaariamiluunniit nunami ukununga nappaqtirinikkut pidjutilingnik havaktakhanik tujuqtauttaaqtun qaritaujakkuurutikkut titiqqidjutikkut uumunga CPHOconstructionrequests@gov.nu.ca

Nappaqtirinikkut havatiit inirhimajun avaliingarnikkut ublumimun: 1283

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.