Havaktingit

You are here

Qalagjuarniq-19 GN Ilitturipkaidjutit - Taaqhivaliavia 20, 2020

Julai 20, 2020

Ministaup Aanniaqtailinikkkut pidjutigiplugu Hivuliqtip nutaaq tuhaqtitakhaa:

Ublaakkut. Tuhaqtitakhavut amigaittut ublumi, naittumik uqautigikaffungniaqtatka.

Malruuyuk huli aanniarutiqarnahuguyuuk COVID-19 qalagjuarnirmik talvani Mary River Uyarakhiurvianni, utaqqiyugut huli ihivriuqhiutainnik qanurittaakhaingnik hivuraanit.

Attautimut amigaitilangit inuit munariyauyut qanurinniariakhainnik ublumimut imaatut 1629. Tadja 179 inungnik munariyauyut qanurinniagiakhainnik.

Ipakhaani havainirmi Kanadaup Hivuliqtiit ukuallu kavamatuqatkut angiqtaat una Kanadaup Qayangnaittumik Aullaqtiffaarutikhanik Angirutaa.

Nunavut tuniyauniaqtut imaatut aktigiyumik $18.9 million kavamatuqatkunit ikayuutikhanik. Hamna ilauhunguyuq maningmik iliyauniaqtuq imaatut aktigiyumik $12.1 million, uumingalu $5.7 million ihivriuqhitikhanik unalu Inminut Qayangnaitkutikhat Atuqtakhat (PPE) atuqtakhaliuqhimayainnik ukunanga Kavamanga Kanadaup. Unaluttauq ilauyuq $1.1 million ukununga aanniaarnikkut havaguilakhimanirmut ikayuutikhangit Nunavummiunut, munariyauyukhamik kavamatuqatkut pinahuarutikhaq.

Aallanik naunaiyattiarutikhat qakugu qanuqtutllu tuniyaunikhanik haffuminga maningmik qakugunnuaq tuhaqtitauniaqtugut, quviahuktugut havaqatigiyumaplugit kavamatuqatkut avikturniannilu havaqativut hapkunani tukliinik ikayuutikhainik Ukiuqtaqtumut.

 

Minista Aanniaqtailinkkut nutaaq tuhaqtitakhaa:

Ihuaqharumayatka uqariyauyut ihuittumiklu uqautauyut avalingarvikhat itiqtirviit.

Nunavut Kavamanga munaqhiyut amigaittunik avalingarvikhanik itiqtirviinnik, imaalu ihuaqhaihimmaaqpakhutik amigaittunik tukhiutinginnik tamangnit aanniarviliaqtut ihariagiyaungittunik tingmitikkut aullaumayunit aullaqhimayunitlu. Ikayurahuarutikhanik ihuaqhautikhanginnik ilanginnik utaqqivaktut itiqtirvikhamingnik itiqtirviinut ngni, Iqaluit ihumagiyauliqtut atauhirmik amigaittunit atuqtakhanginnik ikayuutikhanik utaqqiyunut aanniarviliaqtut tingmitukkut Winnipeg-mi.

Hamna iniqtiqtauhimaittuq huli imaalu qiniqhiahimmaaqtugut piliurutikhanik aallamik itiqtirvikhanik Winnipeg-mi, tapkununga aanniarviliaqtut tingmitukkut. Pinahuaqtaqqut naunaittumik aanniarviliaqtut tingmitukkut munariyauttiarianginnik imaalu hivulliutilugit nayugakhanginnik hapkunanga iharigiyaungittukkut tingmitikkut aullarumayunit.

Kangiqhiyavut ihumaluutigiyangit inungnun tuhaumapkaitjutinin havangnaidjutaani. Kihimi, tadja naunaiqtauhimaittut huli talvuuna Iqalungni Winnipeg-milluuniit itiqtirvinghainnik. Ilitariyavut kappiahuutauvaktut nallunaqtullu taffumuuna aanniarutikkut COVID-19 qalagjuarniq. Kihimi, aadjikingnahuaqtakhavut kappiahuutauvaktut ukuallu qanurinningit naunaiqtauhimayut, nakuunikhaq munaridjutikhanginnik Nunavummiut imaalu akhuurutivut inungnut aanniaqtailinikkut qayangnaittumiklu.

Qakugu naunaiqtaukpata ilitariyauhimayumik iliharvikhamik qanuriliurutikhanik taffumuuna, tuhaqtitiniaqtugut tamainnik ihuaqtunik naunaitkutikhanginnik. Havaktitluta ihuaqhainahuarutikhaptingnik utaqqiyunik, quyagiyavut utaqqiyut inikhamingnik avalingarvikhanik itiqtirvingni utaqqivanmata kangiqhivakhutiklu. Havakpatugut ubluqhiutikkut kaiviikhugu avikturniqqun imaalu Nunavunmiut aannialirnaittumik. Quanaqtut tamaita havaktit havakpiakpaktut akhuuraaluk inuit tamaita aanniaqtailinahuaqhugit aullaningani COVID-19 qalagjuarniq.

 

Minista Pivalliayuliqijikkut Ingilrajuliqijitkkullu tuhaqtitakhaa:

Ilanganik nakatqiutikhanik makiffaanahuarutikhaniklu upalungaiyautikhat Aquinikkut Ilitquhikkut Havagviuyut, quviahuktunga tuhaqtitiplunga aullaqtitinialiqtut taffuminga qaritauyakkut ShopNunavut.ca, qaritauyakkuurutikhamik naunairlugit nunamingni hanahimayut, ikayuutikhat, imaalu atuqpakhimayait hailiyut Nunavummiunut.

Piliurningat havaqatigiplugit ukuat Tikitakhaat Nunavut (Destination Nunavut), Aullaqtut Nunavut ukuallu Nunavunmi Pivalliayuliqiyikkut Katimayiit, ShopNunavut.ca pinahuarumayut ikayurumaplugit mikiyut nanminiriyauyut aquinikkut nunanginik talvuuna COVID-19 qalagjuarniq, tuniplugit atahirmik nutqarvikhanik niuvvavikhat tamainnik aallatqiiktunik hanayauhimayunik hailiyunik avikturnianni. Hamna qaritauyakkuurutikhaq atuqtauhimmaarniaqtuq nunnguanut 2020.

Talvungaugumik qaritauyakkut ShopNunavut.ca, Nunavummiut pillahiniaqtait aallatqiiktut ikayuutikhangit taimaittunik: StayNunavut, tamna tunihiyut nunaitkutikhanik itiqtirvikhainnik tamainni avikturnianni; EatNunavut – naunaiyattiaqhimayut titiraqhimayut niriviit; imaalu naunaitkutingit akhaluutikkkut qun'ngiaqtitiyut aulapkaiyit, nanminiqaqtut, hanaugaktit miqhuktit talvuuna EnjoyNunavut.

Talvuunalu ShopNunavut.ca, Nunavummiut pillahiniaqtut quvianaqtunik nutaamik qaritauyakkuurutimik piliuqtauhimayumik tapkunanga Travel Nunavut. StaycationNunavut.ca qartauyakkut tunihiyut nutaanik aullarahuanut upalungaiyautihat atuqtakhanik pimaalu nainaitkutikhat hunanik aquinikkut pivikhanik piqariakhainnik tamainni avikturniinni. Qaritauyakkuurutaa tunihiniaqtut inikhanik Nunavutim aquinikkut aulapkaiyunut takupkailutik nuititilutiklu nutaanik attautimut pidjutikhainnik imaalu hunanik turrangayunik nunanganut imaalu Ukiuqtaqtumi qunngiaktunut.

Pidjutigiplugu Havagviat Pivalliajuliqijikkut Ingilrajuliqijitkulluukuaalu havaqativut, Tikitakhaat Nunavut (Destination Nunavut), Aullaqtut Nunavut ukuallu Nunavunmi Pivalliayuliqiyikkut Katimayiit, akhuuhayatka tamaita nunaqaqtut aturnahuarlugu hamna pivikhangat aturlugullu tamna ShopNunavut.ca niuvvirlutik nunamingnit, nirilutik nunamingnit ilaulutiklu nunamingni aquinikkut hulipkaidjutikhanik hailiyunik.

Ilaudquyaffilu uvani havainirmi takhinahuaqtakhanik aullaqtirniaqtut Taaqhivaliavia 27 hailiniaqtuq uvani ShopNunavut Facebook page uvanillu Instagram. Akiraqtuidjutikhangit aallatqiikpangniaqtut havainirmi taktakhallu tuniyauvangniaqtut tamainni nunanginni.

Aullarlutit maniqqamut maliglugit nunanginni ayuiqhattiaqhimayut imaalu ayuiqhalutit talvuuna Inuit ilitquhiinik. Takuurilutit taainnik uumayunik piniqpiaktuniklu nunanginnik avikturniptingni takuyakhanik. Niuvvirluti nunanganit anguyauhimayunik niqainnarnik imaalu ikayurlugit nunamingni hanaugaktit niuvvirlutit hanayauhimayunik Nunavunmi hanagaktiinnit piniqutikhainnik aimavingni, havagvivingni, nanminiriyarnillu.

Nunamingni havagviuyut nanminiriyauyut ihuaqutigiyauyut nunaptingnut, anginiqaqtumiklu maniliurutauvaktut imaalu ilitquhivut pitquhivullu ikayuutikhanik tamaptingnut quvianaqtumik. ShopNunavut imaalu ikayurlugit nunaptingni nanminiriyauyut nauvalliadjutikhanginnik. Quana.

Ilakhannik Nuanvut Kavamanga (GN) akhuurutigijaat munarittiarutikhannik Nunavummiut qajangnautanut aanniarutip Qalagjuarniq-19, GN-kut Havagviit atuliqtait hapkuat:

Havagviat Aanniaqtailinikkut

Hivajaqtukhaujutit Munaqhiliaqtinnatit

Ajungnautiqaruvit amigakhuutikharnik, hivajarlutin hivunirmi talvungautinatin nunalaani munaqhitkunut. Uqattiarlugit qanurilinganitit mihingnautigijatitlu imaalu munaqhip naunaijarniatait qanurittaakharnik hivajautikkut ihivriurlutit ahiit takuurhirvikharnik naunaiqhiniaqtuq.

Atuqtukhaujutit Qanirmut Matukhamik Munaqhiliaruvit

Munarhilialiraiguvit anirnirlukuvin taimaitumik qalakhungnirmik taryuinaliruvit, matukharnik qanirnik atuqtukhauyutin. Qanirmut matukhamik piqangitkuvit, unniutidjavat kinamutliqaak itiruvit munaqhiqarvingmut mihingnautigijarnik, ahiit tunijauniaqtut matukharnik.

Nutaaq Qaritaujakkut Titiqqilvia Tingmijukhanut

Nutaaq qaritaujakkut titiqqilvia piliuqtauhimajuq Nunavummiunut upalungaijarumajunut tingmitikkut aullarlutik hilatanut avikturniannit. Tamarmik tingmitikkut aullaqtukhat tujutukhaujut Avalingarvikharnut Itiqrirvingmi Igluakharnik Tukhiutit Titiraqtakhaq talvunga travNUisolationreservations@nunavutcare.ca qilamiurlutik naunaiqhiguvit tingmidjutikharnik naunaitumik tingmidjutikhainut havaqatigiiktut naunaiqhijanginni igluakharnik hailijakhanik imaalu ihuaqhailutik najuqtakhanrnik tikkuaqtauhimajuni avalingarvikhat itiqtirviinni. Naunaiqhivikhat paqitaunginariaqaqtun umani Havagviat Aanniaqtailinikkut qaritaujakkuurutaani.

Avalingarvikhat najugakhakkut ihuiguhuutit tujurvikhaq

Nutaaq qaritaujakkut titirarvikhaq piliuqtaujuq nakuutqijamik ihuaqhaivikhanik ihumaluutaujunik uqaqtaujukniklu inungnit iniqhihimajunit 14-ubluni avalingarvikhat tapkunaniihimajut Avalingarvikhat Najugakhanni hivurani Kanadami. The new email will take pressure off the Nutaaq qaritaujakkut titirarvikhaq ikajuutauniaqtuq ikiglitaarutauluni taffumani COVID akiittukkut hivajautaanut,aanniaqtunut kivgaqtuidjutit unalu CPHOtravelrequests titiqilvianut. Nutaaq qaritaujakkut titiqilvikhaq imaatutisolationrelations@gov.nu.ca.

 

Qaffiujun

Tamatkiutit (Tamaita Avaliingarnirni Najurviinni)

Tingmidjuta Qanurittumik

Inuit Avaliingaaqtitaujun talvannga Taaqhivaliavia 17

Taaktiliaqnikkut Tingmidjutit

240

Inuit Inmikkuuqtut

262

Attautimun

502


Aullaqhimajut utiqtut naunaijautingit:

Aullarvia Ublua

Amigaitilaangin Tingmijun Avaliingarvingnin

Taaqhivaliavia 18

7

Taaqhivaliavia 19

28

Taaqhivaliavia 20

65

Taaqhivaliavia 21

28

Taaqhivaliavia 22

38


Ihariagijauqpiaqtuni Havaktini Tukhirutin

Talvanga Taaqhivaliavia 18, imaatut 2730 tukhirutiit, 1757 tapkuat ihariajijauqpiaqtun havaktiin tukhirutiujun.

Tukhiutait Qanurinniit

#

%

Angiqtauyut (ilauyut ihariagiyauyut imaalu havaktiungittut)

2266

83%

Qingijaujun

204

7.5%

Ihumaliurutaujut huli

43

1.6%

Aullauvilluarvigijainni Nunanginni Angiqtauhimajut

217

7.9%

Attautimun

2730

100%


Aulahimaaqtun havagutit:

Pidjutikhat aanniaqtailinikkut munaqhitikhanik havagutit aullajunaittut hailihimaarniaqtut tamainni nunallaani 7-ni ubluni havainirmi. Tamaita amirakhuutaungittut takujaujumajut naunaijaqtauvangniaqtut ubluq tamaat. Qilamik piyaanirit qilamiurnikkut aaniaqjuaqtunun aanniaqtilinirmun munaqhijut kivgaqtuutait aulahimaarniaqtut piinarialgit 24ni ikaarnirni ubluni, 7ni ubluni havainirmi. Tamaita inuit apirijaujut hivajaqujaujut munaqhiliaqtinnatik.

Aullaqtirlugit ubluani Imaruqtirvia 8, Amigaigjuuminialiqtut inungmik aanniaqtunik ihivriuqhirvikhanik munaqhiqarvingni aanniarvingnillu tamainni avikturniinni.

  • Iqalungni, inungnut aanniaqtailitikhat, amigakhuqtunut igluangat unalu aanniaqtunik ihivriuqhirvik angmaqhimaniaqtuq.
  • Nutarannuanik ihivriuqhirviit, hingaijunik ihivriuqhirviit ukuallu kapuqhirniq havautikhat ikajuutikhanik aullahimmaarniaqtut huli tamainni nunani Nunavunmi.
  • Taaktit nunallaanut aquivangniaqtut huli. Una pilimaitpat, tiviikkut uqaqatigiingniaqtut hivayautikuluuniin.
  • Ihivriuqhivikhangit ihivriuqtauyukhanik auktaqtauyukhat ukuallu Iksuliirhiqtut uvani QGH ikikliyuumiqtut kivgaqtuutait

Ihuaqhaqtauhimajut kivgaqtuutit:

Upautidjutikhatit munaqhitkunni kinguvaqtitauyut, una pidjutauyuq upautidjutikhat hivayautikuungniaqtut upautilutikluuniin.

Aanniarviliaqtunut tingmidjutikhainut ikigliyauyut haffumuuna qilamiurnikkut tingmipkaqtauyunun. Aaniniaqtut inuit uqaudjauniaqtut hapkuninga aallanguqtauniinnik imaalu ilauniaqtut uqautaulutik.

Iqaluingni, aanniarviup ahiani ikayuqtauyut nutiqtauliqtut tamaita upautidjutikhat uvalu havaliqhugit upautidjutikhat. Tamaita ihivriuqhirvikhait kinguvaktitaujut.

Tamna munarhiliaqtunik utaqivia QGHmi piqagiaqaliqtuq qaffinuanik utaqiuktukharnik munarhiliaqtunik malikhautigiigumik apiqudjutikhaq iniqtiqaaktakhangit.

MHA nuutiqtait hivajautikkut naunaiqhitikhait imaalu ikajuqhirvikhainnik ilanginut aanniaqtunut. Ihuaqhariiqhimajut ihivriuqhirvikhait havautikhamingnik aikhirvikhaiinnik imaatullu havautituqtitauvikhait aallajunaittut aallangulimaittut. Ayuqhaliliqpallaruvit, munaqhiliadjavutit. Aimaviinnut pulaaqtauviit havautituqtitijaqturlutik havaktauniaqtut naunaiqtauvaglutik atauhillaanik qanurinniinnik.

Aullaqtirlutik ubluani Imaruqtirvia 15, kiguhiqinikkut kivgaqtuidutikhangit aullaliffaarniaqtut, imaaluuniit kiguhiqijitkut upautivangniarunaqhijut ilainnainnut nunallaanut. Nunallaani kiguhiqijinit upaktaulimaittunut tadja, amigaqhuutirijaujunut kigulliurjuaqtunut takujaullajut amigaqhuutinut aullaqtittaulutik nallianut nunamut.

Aullaqtirlutik Imaruqtirvia 29, Nunavunmi – Munaqtauhimmaarviit (CCCs) ukuallu Inirnikhaat Munaqtauviit pulaaqtaunginarialaqijut amigaitilaaqaqtumik ilagijainiinnaq. Tamarmik talvaniittut talvaniittutluuniit avatqulimaittut malruuk pulaaqtingit attautikkut, pulaaqtutllu qanittuinangit ilagijait talvaniittup (ilaujut in'ngutangit iluliruhingillu.

 

Umikhimajut/Taimaaqtihimayut/Nutqaqtihimayut kivgaqtuutit:

Aallangajut ihivriuqtauvikhait taimaaqtitauhimajut. Havaktauliqtut naunaiqhiplutik nalliit aanniaqtut inuit takuujaujukhat hivajautikkut/Naunaijaqhimajut munaqhijauvikhait.

Tamainut aullariaqangitkumik tingmitikkut ihumaliqinikkut aanniaqtunut inungnut llagiiktunullu taimaaqtitaujut. Tamainut aullariaqangitkumik tingmilutik ilamingnun pulaaqtitaujut aanniaqtunun munarijaujunun taimaaqtitaujut.

 

Ilinniaqtuliqijikkut Havagvianin Havagutait

Havagviat Ilinniaqtuliqijikkut tuhaqtitiniaqtut taffuminga 2020-21 Angmarvikhaanut Upalungaiyautikhat Nunavunmi Iliharviit nungutpat Tatqiqhiutaani Taaqhivaliavia.

Havaktivut ilihaqtullu qajangnaitkutikhanik Havagviat Ilinniaqtuliqijikkut qulliujuq hivulliutijakhat. Havaqatigittiarlugu Atanilluaq Nunalaani Aanniaqtailinikkut Havaktimi, taimaalu tunihilutik kangikhittiarnaqtunik maliktakhainnik talvuuna aanniaqtailinikkut qajangnaitkutikhaniklu, Havagviat Ilinniaqtuliqijikkut piliurianginnik ilihaqtut iliharianginnik qajangnaittumik, nakuukpiaktumiklu iliharvikhanik.

 

Havagvia Maligaliqijikkut

Maligaliqinikkut Atiliurvingat Havagviat angmaffaarnialiqtuq inungnit upaktauluni Hivulliunmi, Taaqhivaliavia 20. Itiqtitivangniaqtut atauhiinarmik inungmik, ilangit utaqqiyukhat.

Tamaita akiliktuiyun apiriyauyut maliktiaqtakhait atuqtakhaliuqtauhimayut taimalu 2 miitaanik qanitturiiktukhaungitun (6 feet) unngahiktilanganik. Akiliqtuiyut hivayaqiyauyut 1-867-975-6590 imaaluuniit qaritauyakkut titirarlutik uvunga Corporate.Registries@gov.nu.ca apiqqutikhaqaruik ihumaluutiqarumikluuniit talvuuna Maligatigut Atiliurnikkut ikayuutikhainnik. Naunaiqhittiarutikhanik, takulgu Maligatigut Atiliurnikkut qaritaujakkuurutaani naqitlugu hamna.

 

Havagviat Nunalingni Kavamatkunillu Pivikhaqautikkut Ikajuutikhait

Tukhirutit tikittumajunin avikturnianun igluqpangnik nappaqrtirijukhanik pidjutiqaqtunik havaakhat imaaluuniit tingmijumajut iluanni aikturnianni igluqpangnik pidjutiqaqtunik havaakhat qaritaujakkut titiqilugu talvunga CPHOconstructionrequests@gov.nu.ca

 

Nappaqtirinikkut Havaktit Iniqtut Avalingarnirmik ublumimun aulahimayut: 624

Nappaqtirinikkut Havaktit Iniqtut Avalingarnirmik Taaqhivaliavia 11 - Taaqhivaliavia 19, 2020

Aullarvikhaa Ublua

Qaffiujut

Tikitakhaa

11-Jul-20

3

Uqhuqtuuq

12-Jul-20

6

Iqaluit

13-Jul-20

1

Iqaluit

13-Jul-20

2

Kugaaruk

13-Jul-20

2

Qikiqtarjuaq

13-Jul-20

4

Iqaluit

13-Jul-20

1

Kinngait

13-Jul-20

3

Qamanittuaq

13-Jul-20

9

Mittimatalik

13-Jul-20

1

Kangiqliniq

13-Jul-20

1

Qausuittuq

13-Jul-20

3

Qamanittuaq

14-Jul-20

2

Kugluktuk

14-Jul-20

5

Iqaluktuuttiaq

15-Jul-20

9

Iqaluit

15-Jul-20

1

Kangiqliniq

15-Jul-20

1

Ikpiarjuk

15-Jul-20

1

Ausuittuq

16-Jul-20

4

Iqaluit

16-Jul-20

2

Mittimatalik

16-Jul-20

2

Qamanittuaq

16-Jul-20

2

Arviat

16-Jul-20

1

Mittimatalik

17/Jul/20

2

Sanikiluaq

18/Jul/20

1

Kugaaruk

18/Jul/20

1

Taloyoak

19/Jul/20

1

Iqaluit

19/Jul/20

1

Mittimatalik


GN-kut havagviit igluqpait tamainni nunalaani umikhimaniaqtut inungnut. Inuk katimajukhaugumi GN-kuni havaktianik, hivajainnariaqaqtut havaktip nampaanut naunaiqhilutik qanuriliurutikhamingnik. Hivajadjavutit naunaiqhijarni ublukhanik ubluqhiutikkut takujauvikharnik.


Nunavunmiut aanniaqtailidjutait atauttikkut munaridjutigijaqqut! Itqaumaluhi: uaqlugin algatin qaangillu hunavaluit, inuqarnirmi ahiqpaniitpaklutin, naalaklugit uqautidjutait aanniaqtailinikkut havaktinin, aihimalutillu aannialaqiguvin.