Havaktingit

You are here

Uataani Hivuliqtit Turaaqhimajut Aanniaqtailinirmun Munaridjutit Maniliurutinunlu Ihuaqhinirmun

Immaktirvia 15, 2021

Qilamik Tuhaqtitaujukhaq

Imaruqtirvia 15, 2021

Uataani Hivuliqtit Turaaqhimajut Aanniaqtailinirmun Munaridjutit Maniliurutinunlu Ihuaqhinirmun

Uataani Hivuliqtit katimajut hivajautikkut ublumi uqautigilugu angmaffaarutikhaa upalungaijautit, hakugiktumik maniliunirmik ihuaqhinirmun, aanniaqtailinirmunlu uataani tununganilu Kanatamiut.

Uataani Hivuliqtit uqaqtaat amigaitut havaakhariaktuq hivumuurutikhaq mamitpalianirmun tamaani Kanatami, akhullu tuqikhaqhugit inmi uqariirutait havaqatigiiklutik Nunaqaqaaqtunun inungnun tamaani Kanatamiunun. Naunaiqtaujut huiqhimajut talvani najugaani hivuagut Kamloops Aallait Aulaqtitauhimajut liharvianni umani Tk’emlúps te Secwépemc Hivulliujut Aallait itqaumadjutaujuq tapkuat amigaitunik-ukiuqaqtut tuquffihungnirmun aulajut kinguliungituq: aulahimaaqtumik hulaqutaujuq Nunaqaqaaqtunun inungnun ublumimun. Hivuliqtit nangiqhutik pittiarnikkut haniini Nunaqaqaaqtut inuit.

Uataani Hivuliqtit uqariiqtut tuhaalutik, ilitpalialutik, naunainikkullu ikajuqlugit Nunaqaqaaqtutigut-hivuliqhungnikkut mamihainirmun havaakhanik. Hivuliqtit ilihimajaat tamna mamihainiq pijariaqaniaqtuq hakugiktumik havaqatigiingnirmik qitqani Nunaqaqaaqtut nunallaat, ukualu aviktungniit, aviktuqhimajut, kanatapku kavamait.

Hivulliqtiujut ingummaqpiakhimajut tapkunanga qanikkut Islamophobic pijaungmata nunagani London, Ontario, imaalu uqarivaktait inmik ihumagijamingnik taimailiuriaqangittut inugluguhurnirmik Kanadami.

Inuuhirmun Munaridjutit

Una qalagjuarniq COVID-19 aanniarut nunaqjuami tautuktitijuq akhuungnaqtunik hakugikngnikkut ihuangnirmunlu aanniaqtailinirmun auladjutinun. Aanniarunmun nunaqjuami-ilaujut atauhiinarmik kanatap maniliqtuutaa ikajuutaujuq, kihimi pihimaniq hakugingniatigut aanniaqtailinirmun auladjutinun hivitujumik-kikliqaqtuq ajungnaqtuq. Naitumik-maniliqtuutit pidjutaungituq auladjutitingnun ihuarnirmun apqunmun, ikajuutaungituqlu hanaqidjutinun manikhanun tapkua pijariaqaqtut hivitujumik-maniliqtuinirmun munaridjutinun auladjutinun.

Uataani Hivuliqtit taitai tukhulauqtut kanatap kavamanginun ihuaqhaqlugu aanniaqtailinirmun maniliqtuinirmun havaqatigiingnirmun, imaa tunihilutik ihuangnikkut, hivitujumik-kikliqaqtumik maniliqtuinirmik haffumuunga Kanatap Aanniaqtailinirmun Nuutirutinun (CHT). Siksit kinguliit tatqiqhiutit, uvani Ubluiqtirvia 2020mi, una Angajuqarjuaq ilituripkaijuq tamna kanataup kavamait ihariagijaqaqtut akituqjuumiqlugu aanniaqtailinirmun maniliqtuidjutit haffumuuna CHT-kut. Akhuuqpaktuq uqaqatigijumaplugit talvuuna Hivuliqtiujut – tadja uqautigijakhariliqtat una. Aadjikiiktumik hivitujumik-kikliqaqtut maniliqtuutit havaqatigiingnirmun iharianaqtut ikajuutikhat ihuaqtumik aanniarutinun nunaqjuami mamitaangini, ilaujut mikhijuumiqlugit nutaqiunirit, uqautigilugit amigaitut kinguvaqtut naunaijaijut pilakhiqtukhallu, havakhugillu aanniaqtailinirmun ihariagijaujut Kanatamiunin haffuumainaujumun atuqtilugu una aanniarut nunaqjuami, kihimi ukiunilu qaijuni.

Uataani Hivuliqtit uqautigihimaaqtait amigaitut PT qilamik aulahimaaqtumiklu akituqjuumiqlugit hapkua CHT pijaangini pihimalugillu kanatamin ikajuutait imaa 35% PT aanniaqtailinirmun munaridjutinun akiligahanun.

Uataani Hivuliqtit uqautigilugu amigaiqjuumiqtut qanuriniit ihumamun aanniaqtailiniq ipiralainiqlu ajuqhautit Uataani Kanatap ihariagijauyllu kiudjutigilugit hapkua ajuqhautit. Una qalagjuarniq COVID-19 aanniarut nunaqjuami ingatautijuq ajuqhautinun, imaalu Hivuliqtit ilitarijaat hulaqutait Kanatamiut, ihumamun aanniaqtailinirmun, taimaalu havaakhagiakhijuq amigaijuumiqlugit ilituqhaidjutit kivgaqtuutinun ikiklijuumiqlugit ihuiguhuutit ilaujut ikajuqtaunirmun. Hivuliqtit naunaijaqtait ukua Katimajiit Katimajiqjuangit nipiliuqhimajunun, Itquumajut Atuqtaujut, kitut pidjutiqaqtut havaqatigiingnirmun nutaanik ihumakkut aanniaqtailinirmun ipiralainirmunlu ikilijuumiqlugillu ihuiguhuutit atautini nunani.

Maniliurutinun Ihuaqhijut

Uataani Hivuliqtit uqautigiblugu akhuunarnirit ihuaqhiugit anginirhakkut niuvaanirmun pijaarnirit Kanatami hunat, kivgaqtuutit, ikajuutillu, ilaujut auladjutinun hunat, akhuurutaillu tapkua auladjutinun havagviit maniliurnikkut ihuaqhidjutiniaqtut. Uataani Hivuliqtit uqautigiblugit inmi ihumaaluutitik akhuungnaqtunun ajuqhautinun pinirmun hunat iglunun nunaqjuamilu niuvaadjutit. Angirutigiblugu pilutik angijunik auladjutinun igluqpangnik, tujuqtaujut havaakhat, ukualu aalat igluqpatigut havaakhat iniqtaujut qilamik uqautigiblugit avatiptingnun hulaqutauniaqtut pihimablugillu anginirhakkut atugahat Nunqaqaaqtunun katimadjutit inungnunlu ilauqatigiingniqw.

Uataani Hivuliqtit ilitarijaat akhuurutit maniliunikkut havaqatigiit inmilu munaridjutai ihuaqhijuumirutikhat niuvaanikkut pijaarnirit, ikajuqhugit mailiunirmun ihuaqhivaliadjutikhat, pihimalugillu Kanatamiut tunijaulutik tamainik ihuaqtumik inmi ikajuutikhainik. Uqautigiblugu ihariahungnirmik nakuujumik pihimalugulu tamainnut Kanatian havaakhainnut maniliunikkut havagviit, pijaarnirillu ungahiktuni niuvaaviit unalu tariumi tulakvikhat, pijaangini ihuaqhaidjutikhanik ihuiguhuutinun. Hivuliujut uqautigiffaaqtat ikajuutikhatik Line 5, una ihariagijaukpiaktuq turrarvikhat avatingnut Kanadaup ukuallu United States, imaalu uqarvigilugit State of Michigan havaqatigilugit ukuat Enbridge ihuaqharlugit ihuiqtauhimajut uvani Line 5.

Ikajuriangini maniliunikkut havagviit tapkua kivgaqtuniaqtut uataani Kanatap, Hivuliqtit tukhulauqtait kanatami kavamatkut havaqatigilugit Uataani avikhimajuni imaalu ukiuqtaqtumi pijaangini nakuunikkut nuutirnirmun nutaamun kanatami maniliqtuidjutinun ataani Kanatami Niuvaanikkut Havagviit Manikhait Maniliqidjutini 2021mi hivuraani hivuliujukhanun havaakhanun.

Uataani Hivuliqtit uqaqtait qanganuaq aulahimaaqtullu kanatamin maniliurutit igluqpangnun. Hivuliqtit akhuurutigijaat aulahimaatumik havaqatigiingniq ilauqaitiingnirillu uqautigilugit hivitujumik igluqpinikkut ajuqhautit. Havaqatigiingnirmun-tamainun igluqpinirmun, imaatun tulakvikhanun, apqutinun, milvingnun, igluqpatigut, tuhaqtidjutinun, auladjutit uhidjutainun nuutirnirmunlu, nunallaallu igluqpakhainun, piqaqlutik turaangajunik atadjutinik maniliunirmun angiklivalidjutikhainun. Anginiqaqtuq pijaami ikajuutikhangit, ilaunirmirlu, maniliurahuarutikhanut naqatqiutikhanik tamainnit ihuarijaujuq, tapkunangaluaq Nunaqaqqaaqhimajunit inungnit.

Uataani Hivuliqtit uqautigihimaaqhugit ihariagijaitigut akituqjuumilugit kanatap maniliurutait; ihuaqtunun hapkununga avikhimajuni imaalu ukiuqtaqtumi ihumaliuriangini inmi hivuliujukhanun; ihuaqtunik angirutit havauhiit; ajungnaiqlugit titiqiqidjutit uniudjutinunlu, iliturijuminaqtut havaqatigiigutit. Hapkua ihuaqhaidjutikhat iharianaqtut aularutifaarutikhait maniliurutit, havaklugit havaakhat, hivumuurutillu mamihainirmun, pihimalugulu tamna avikhimajuni imaalu ukiuqtaqtumi pijaangini inmi igluqpinikkut ihariagijaujut hivuliujukhallu.

Uataani Hivuliqtit nutannguqtiqtait uqautikhatik talvuuna kavamatuqatkut kavamanga ikajuutikhanik pujuqarluangittunik himmautikhanik tamainni nunarjuami kigligingnik imaalu havaqatigilugit avikhimajuni imaalu ukiuqtaqtumi qanuriliurutikhanik atuqtakhamingnik iniqtiutikhanik maliktakhat ataani Nakata 6 uumani Paris Angirutaa. Una ilaujut pjijaami avikhimajuni imaalu ukiuqtaqtumi tamaat ihuaqtumik ikiglitikhanik pidjutigiplugit qanuriliurutikhangit nunagijaujuni, ilaujutlu ilitaqhitikhangit tikipkaidjutikhanik, imaalu aullaranginaqumik auladjutikhanik atuqtakhanik, Kanadamiut havagvinginik atuliqtauhimajunik.

Uataani Hivuliqtit uqautigiblugu hivuuranarnirit hilap aalanguqtirniranun avatiptingnun, inungnun aanniaqtailinirmun qajangnautinunlu, igluqpinirmun, maniliurutinunlu. Uqautigiblugu pijakhat ihuaqhidjutikhat kanatami hilap aalanguqtirniranun maniliurutillu ihuaqhijuumirutikhait maniliqtuutit havagiangini hakugitqiamik, halumajumik, akittarnirmunlu Kanatami maniliurutit. Aviktungniit aviktuqhimajullu aulahimaaqtumik havaklugit hilap aalanguqtirniranun upalungaijautit tapkua uqautigilugit inmi nunamingnik ihariagijatik, tapkua ikajuutaujut Kanatamun pujuum anialailaqutaa mikhijuumirutikhat turaarutait.

Tuhaqtidjutikhanut Uqarvikhaq:

Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
cmacleod@gov.nu.ca