Havaktingit

You are here

Niuvaiviujaangat Higaarlungnik Titiqiqqidjutiqaqtumik

Nunavut Kavamanga piliqtun atiliurutinik uuktuutikhanik talvanga Kanatami laisiliqijunik higaarlungnik nautiijunik piumajut higaarlungnik Nunavunmi Higaarlungnik Niuvviujumajunik. Titiqiqqidjutiliqihimajut niuvvavikhangit havagviuniaqtun niuvrutiginiaqtun higaarlungnik talvunga Nunavunmi Higaarlungnik Niuvvaviujunun.

Niuvvajiunngurit Atiliuqhimajumik Tuniuqhaijingurit Higaarlungnik tapkununga Nunavunmun Higaarlungnik Niuvvaaviit

Aulajutin talvani Aaniaqtailinikkut Kanatami kavamaliqijukharnik laisiliqaqtunik nautiijiujutin higaarlungnik? Ihumavin niuvaviujukhat higaarlungnik Nunavunmi? Huuq niuvvajuijutin Nunavunmi Atiliuqhimajut Niuvaviujukhat!

Titiqiqidjutiqagianganik Niuvaviujukhat, iniqtiqtakhat tamna Titiqiqidjutiliqidjutikhaq Niuvaviujukhat Uuktuutikhaq Titiraq, iluaniituq aadjiliuqhimajuq kanatami kavamatkuni laisiliqijunik Niuvaviujukhat higaarlungnik akiliktuihimaaqtukhaq $100 hanat tallamik ukiuk tamaat titiqiqidjutikharnik akikhanganik. Akiliktakhangit aulagiaqaqtun taima iniqtirungni Atukiutikharnik Maninguaq Angirutikhaq Titiraq tujurlutinluuniit manikharnik talvunga najugaanun titiraqhimajuq ataanni. 

Tamna Havagviani Tiliuqtiujuni tunihiniaqtun ilingnun titiqiqidjutikharnik nampamik havaglutinlu hivajaqtakharnik naunairutikharnik pigiaqagianganik Nunavunmi Higaarlungnik niuvaviujukhat, unalu havaklutin nanminigijangnik atiakharnik naunaitkutikharniklu naunaitumik inungnun pigiaqagianganik Havagvianun Kiinaujaliqijikkutnun qaritaujaliqidjutingnik (taima tukhiqtinatin kihiani).

Talvanga mikhaatigun, ilvit niuvvaviujut ajungnaitumik pivalliajaangat nanminigijangnik havaqatigiiktukharnik kavamangit ilautitihimaitumik. Tamna avaliqangituq aulahimaaqtukhaq atuqtakharnik ilituqhaijaangat naunairutikharnik niuvvaviujut Nunavunmi Higaarlungnik Niuvvaviujut tatqikhiut tamaat. Ilituqhaijaihimaaqtukhaq tatqikhiut tamaat aulajukhaq talvunga Havagvianun Tiliuqtiujunun 7-mi tamaat tatqikhiunmi, ilaujukharlu ublunga, niuvailiqiniaqtuq qaffitilaangitlu higaarlungnik niuvrutigijaujut utiqtitilugitluuniit Excel titirarvitigun.

Office of the Superintendent of Licensing
2nd floor Parnaivik Building, 924 Mivvik St.
Department of Finance, Government of Nunavut
P.O. Box 1000 Station 330 Iqaluit, NU X0A 0H0

Apiqqutikhaqaruvit, qaritaujakkut titirarvigilugu cannabis@gov.nu.ca hivajarlugilluuniit 867-975-5875.   

Nunavunmi Atiliuqhimajuq Niuvaaviujumajut Uuktuutikhat Titiraqtakhaq

Akiliqhitikhamun Angirut Titiraqtakhaq