Havaktingit

You are here

COVID-19 Havagviat Kiinaujaliqijikkut Kivgaqtuutikhangit ilitturipkaidjutit

Nuvaipa 12, 2020

COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 20, 2020

Havagviat Kiinaujaliqijikkut Kivgaqtuutikhat

Havaktut akiliuhiakhaitigut Naunaitkutait haffumani Ubluiqtirvia 11

Tamaita GN-kuni havaktit akiliqtaunaqtut ihuaqhariiqhimayuni ubluinni. Piqatayuitut akiliuhiat ikaangniit avatqunirmun himmautauyut quyaginarlu akiligakhat (ilaujut AWOL unalu LWOP) kinguvarniaqtut havauhikhait.
Havakhimaanginaqtut havaktit akiliuhiaqpaktamingnik akiliqtauhimaarniaqtut.

Tamaita hakavaffuktut hivumuuqtitauyut hamunga Hikutirvia 27 tuyuriaqangitut ikaarniit havakthimajatik naunaitkutingit.

Himmautauyut havaktit kitut havakhimayut hamanga Hikutirvia 14 hamunga Hikutirvia 26 tuyuriaqaqtut ikaarniit havakthimajatik naunaitkutingitt tikitinagu 5 unuami uvani Hikutirvia 26. Hadja, ukuanginait havakti atan'ngujpplu atiliuqtakhait ikaarniit havakthimajatik naunaitkutingit. Tuuliiqhimajut haaktaulimaitut.

Tapkununga havktiinun kitut tuniyauyut maniliuqhimayunik, tuyuqhimaarniaqtavut nunallaanun. Akhuurutiyaffi aturlugit qaritauyakkut maniliqutit piyakhat manikhariaffingni manikharnaqhikpat. Tapkununga pivaktut akiliuhiakhainnik iliuraqtauplutik maniliqiviinut, akiliuhiakhait naunaijautait tujuqtauhun'ngujut qakugungaqqat.

Naunaittiarumaguvit, qaritaujakkut titirarvigilugu Tracey Moyles, Aulapkaiji Akiliuhiaqhatigun Ikajuutinutlu uvani tmoyles@gov.nu.ca.
 


COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 18, 2020

Havagviat Kiinaujaliqijikkut Kivgaqtuutikhat

Havaktit Akiliuhiarnirmik Naunaitkutingit – Hikutirvia 27, 2020

  • Tamarmik GN-kuni havaktingit akiliuniarniaqtut nihuaqhariiqhimajunik, ilaujullu akiliuhiakhanik Aullarnginnaqtumik Kivgaqtuidjutinginut Ikajuuhiakhat pittaaqtunut havaktinginut. Kinguvarniarunaqhijut havaktauningat havaktiukaffuktut akiliuhiakhanik imaalu havangnaittuni ikarniliuqhimajainnik imaalu himmautaulakhimajut akiliuhiakhait. Havaqhimmaangginnaqtut piniaqtait akiliuhiaqhait havakaffuktitauhimayutlu himmaukaffuktitauyutlu havaktiit akiliqtauniaqtut malikhugit tuniyauhimayut havaktut ikaangniit naunaiyautainniq.
  • Havaktiujunut tujuqtauvaktut sakhanik, tujuutiginahuarniaqtavut nunagijarnut imaatut iidjuhiatut. Akjhuuqhaqtaujuhi aturnahuarutikhanik qaritaujakkut iliurarvikhanik maniqarvingnut akiloiuhiariarni akiliuhiarnaqhikpat. Tapkununga pivaktut akiliuhiakhainnik iliuraqtauplutik maniliqiviannit, akiliuhiakhait naunaijautait tujuqtauhun'ngujut qakugungaqqat.
  • Naunaittiarumaguvit, qaritaujakkut titirarvigilugu Tracey Moyles, Aulapkaiji Akiliuhiaqhatigun Ikajuutinutlu uvani tmoyles@gov.nu.ca.

Maniqarvikkuuqhimajut unalu Qaritaujakkut Akiliuhiarutikhat Havaktiit

  • Pidjutigiplugit aallangurniaCOVID-19 qalagjuarniq,ajuqharnaqtuq Havagviat Kiinaujaliqijikkut naunaijarianginni havaktit akiliuhiaqpaktut sakhaqhutik akiliuniarniaqtut akiliuhiarvikhamingni ubluani. Akhuukhajavut tamaita havaktit sakhaqpaktut ihumagitquplugit maniqarvingmingnut iliuraivikhanik akiliuhiarmingnik.
  • Ilangit nunallaat piqaqtut maniqarvingnut auladjutikhanik talvuuna CIBC unalu RBC. WE Financial talvuuna Northmart tunihivaktut tapkuninga Visa card iliuraittaaqtugut akiliuhiakharnik talvunga. Ihuaqhaiguvit qaritaujakkut maniqarvikharnik, tujuutigidjavatit naunaitkutitit Akiliuhiarvingnut Ikajuuhiakhanullu havaktingnut imaalu ilaliutilugu qaritaujakkut titirarvikhat una Tracey Moyles uvani Tmoyles@gov.nu.ca qaritaujakkut titirarvingnut.
  • Ihuaqtumik tamaita GN-kuni havaktiit akiliqtaujanginni akiliuhiakhangit akiliuhiakvikhani, akhuukhajavut tamaita havaktiit ihumagitquplugit qaritaujakkut akiliuhiarvikhanginnik maniqarvingmingnut.
  • Apiqqutikhaqaruvit ihumaluutiqaruvitluuniit, qaritaujakkut titirarvigilugu una Tracey Moyles uvani tmoyles@gov.nu.ca hivajarluguluuniit 867-975-6870.

Iqaluit NULCvingmi Niuvaivik

Ublumi hadja, Iqalungni NULCkut niuvaivik aulahimaaqtun angmaumayut. Niuvvaaviup angmaumaniaqtut imaa:

  • Unaguiqhirvik – Umikhimajuq.
  • Hivulliunmi - 1mit 4mun (niuvirniaqtunun ukiuqaqtunik 60nik talvatuaq).
  • Aippiut – Qitiqqakpat 7 p.m.-mut.
  • Pingattiut – Qitiqqakpat 7 p.m.-mut.
  • Hitammiut – Qitiqqakpat 7 p.m.-mut.
  • Tallimmiut – Qitiqqakpat 7 p.m.-mut.
  • Saaluti – Qitiqqakpat 7 p.m.-mut.

Mikhilaarutigilugu himainniarungnaqhijumut qalakjuarnirmut COVID-19 aanniarutimut, NULC-kut ihuaqhijait inungmiujunut ungahiktukhaujunut inungnit niuvaivikmi.

Havaktinut inungnullu qajagidjutikhanut, NULC-kut ikiklihimaniaqtait ikajuqtaujut niuvvaavikmi niuvirtukhanut.

Ikajuqtaujut nangipqajukhaujut malrukni meters-ni uungahitilaangulutik utaqqijuni hilataani niuvvaavikmit.

Aullaqtirutaanut Hikutirvia 17, 2020, niuvaavik maniinarnik pilimaiqtut. Maniqarvikjuamit inuup akiliutikhaa unalu atukkiutit akiliutikhat (ukuallu akiliriiqhimajut atukkiutit niurutikhat) pittaaqtangit.

Akiliriiqhimajut atukkiutit piinnarialgit aallatqiini maniqarvikjuani, Northmart unalu Canada Postkut. Illiriinnariaqaqtutit maningnik atukkiutikhamut atuqlugu niuvirnahuaruvit.

Taanganut Laisikhat

Taanganut Laisikhat aulahimaaqtumik atuqhimaarniaqtut Nunavunmi.

  • Iqalungni, hamungauyaaqtutit NULckunun Hivullirmi 9ublaamin 12mun 1min 4:30mun, Aippiunmin Tallimmiunmun 9ublaami 11mun ublaami. Hivayarluguluuniit 867-975-6869.
  • Kangiql;inirmi, hivajainnariaqaqtatit 867-645-8575 unaluuniin 855-844-5488 Hivullirmit Tallimiunmut 8:30 ublaamin 12mun unalu 1-mit 5mun. CT.
  • Iqaluktuutiani, hivayarlugit 867-983-4048 uvani Hivullirmi Tallimmiumun 10 ublaami 4 mun. MT.
  • Kuglukturmiunun, hivayarlugu 867-982-6509 qaritauyakuluuniin water@kugluktuk.ca. Ilihimaluhi Kugluktumi havagviit havangniaqtait laisit nunallaanginrmi.
  • Taanganun laisinun tamainun nunallaanun, hivayaqlugit Kangilinirmi havagviat uvani 867-645-8575 unaluuniin 855-844-5488 Hivullirmin Tallimmiunmun 8:30 ublaami 12 mun 1min 5 mun. CT.

Nunallaat Taanganik auiqtuutait

Nunallaat taanganik aquiqtuutait, hivayaqlugit Kangiqlinirmi havagvia uvani 867-645-8575 unaluuniin 855-844-5488.

Niuvvaaviit Akiliutigiyauyut Akiligaqhaliugutitlu

Pivikhaqariami tuulliiqhimaittunik akiliqtauyuqhanik niuvvaaqvigivaktaptingnut huli hivulliutigiyauyuqhat. Tamaita Nunavut Kavamanga (GN) havagviit pidjutihimmaangniaqtut pilutik, havaglugit akiliqlugit niuvvaaviit akiligaqhaliugutait. Apikkuutiqaguvit taapkuninga kitut akligaqhaliugutaitigun, hivayadjavahi kitut havagviuyut naunaiqhimayut nampait ataani.

Havagviup kitumun naunaiyautait

Akiliqtauyuqhanik akiligaqhaliugutaitigun GN kut, Maniliqiiyitkut piinnaqhungnguyat taapkuangginnait akiligaqhaliugutait akikhait pilutik tuyuqlutik siaqhiliuqhimayuni, tuyuqlutik maningniq qaritauyakkut atukkiqtuutikkutluunniit. Atukkiqtuutikkut akikhait, hivayaqtaqhaqhi hapkua nampait:

  • Iqaluit: 867-975-5808
  • Kangiqliniq: 867-645-8517
  • Iqaluktuuttiaq: 867-983-4043

Pidjutillugu hamna, ilvit ilihimayuqhauyutin ilanggit kingguvangniagungnaqhiyut ikittuuniarmatta havaktiit havagvingmi. Quana qilanaangginnavit.

Niuvaivingmi akiliqtuinikkut ilitturipkaidjuti

Nunavut Kavamanga (GN) ilihimajaa ajurnarutigijaujun havagviit hanaqidjutikkullu havaktinun atuliqtun pidjutaanin COVID-19 QALAGJUARNIRMIN. Ikajuriami Nunavunmiun pinikkut pimmarighaqhijaujuni maniqarnikkut, GN-kut ihumaliqhimaliqtun piiqtidlugu atuqtauraanginnaqtuq 20nik 30niklu tatqiqhiutini-ublunginni akiliqtuinikkut qanuriliurutainnik. Niuvvaajiini akilirutinik, havaktauhimaliqqata havagvingnin, tujuqtauniaqtun tikittukhami manikhaliurutikhami tamainni aviktuqhimanirni.

Taaksiutiviliqiiyit

Taaksiutit akiliqtaungginnariaqaqtut nalingnik hapkuninga:

  • Hivayautikkut hivayainnariaqaqtut akiittumun 1-800-316-3324;
  • Titiqqiviliqidjutikkut titiraqvigilugit P.O. Box 2260, Stn 300, Iqaluit, NU X0A 0H0;
  • Qaritauyakkut ihuaqhimariiqtukkun maniliqidjutiini.

Apikkuutiqaguvit taaksiutikkut, qaritauyaqvigidjavatit hapkua:

  • Havagviup akiliuhiaqhaitigun taaksiutit - payrolltax@gov.nu.ca
  • Insurance tax – insurance@gov.nu.ca 
  • Petroleum tax - petroleumtax@gov.nu.ca
  • Nanminiriyaminut taaksiutaa - propertytax@gov.nu.ca
  • Tupaakuit taaksiutaa – tobaccotax@gov.nu.ca

Pidjutillugu hamna, ilvit ilihimayuqhauyutin ilanggit kingguvangniagungnaqhiyut ikittuuniarmatta havaktiit havagvingmi. Quana qilanaangginnavit.

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.


Havagviat Kiinaujaliqijikkut Kivgaqtuutikhangit - Hikutirvia 12, 2020

Kangiqlinirmi Havagviit

Havagviat Kiinaujaliqijikkut havagviat Kangiqlinirmi umikhimajuq uumani havainirmi. Kiinaujaliqijit havaktiit utirniaqtut havagvingmut Hivulliunmi, Hikutirvia 16. Kihimi, havagviatg umikhimajuq inungnut.

Taarmik GN-kuni havaktingit uvani Kivallirmi avikturniani tunijauniaqtut Hikutirvia 13 akiliuhiakhanik ihuaqhaqtauhimajunik. Havaktit akiliuhiaqpaktut sakhaliuqhimajunik taimatut akiliuhiakpangniaqtut huli. Tapkuat pivaktut akiliuhiaqhainnik iliuraqtauplutiq maniliqiviiannut, akiliuhiaqhait naunaitkutait tujuutauhungujut kinguvakkut.

Naunaittiarumaguvit, qaritaujakkut titirarvigilugu Tracey Moyles, Aulapkaiji Akiliuhiaqhatigun Ikajuutinutlu uvani tmoyles@gov.nu.ca.

Nunavunmi Tanngaliqinirmut Higaarlungniklu Katimajiit

Tamna NULC-kut ihumagijaujuq iahriagijaujuq kivgaqtuidjutikhat imaalu aullahimarniaqtut niuvvapkailutik tanngarnik aquiqtuutikhanik laisinik talvuuna Kangiqlinirmi havagviat. Naunaittumik qajangnaittumik havaktiinut inungnullu, havagviit umikhimajut inungnut. Niuvvirumaguvit aquiqtuutikharnik laisikhami imaalu aquiqturumaguvit nunangni Kangiqlinirmi, hivajarlutit 867-645-8575 unaluuniit 855-844-5488 Hivullirmit Tallimiunmut 8:30 ublami 12 mut imaalu 1 mit5 mut.

 


Havagviat Kiinaujaliqijikkut Kivgaqtuutikhangit, Imaruqtirvia 29, 2020

Minista Kiinauyaliqiyitkut:

Ublaakkut. Quviahuktunga tuhaqtitiplunga Nunavut Kavamanga (GN) angiglijuumiqtat Nunavunmi Ihariagijaujut Havaktit Akiliuhianginun Qulangnaijautit.

Tal;vuuna pinahuarutikkut GN-kut maniliqtuutait havagvingnut pittaaqtunut havagvingnut akiliqhijanginnik havaktimingnik angitqijangik havakpaktainnut. Havaktit manikhakpaktut mikitqijanik $25 atauhirmi ikarnirmi pillajut akiliuhiarlutik aallamik angiglilaruutikhanik $5 ikarnirmi.

Atulioqtinnaptigu uvani Imarqtirvia 1, pidjutigihimajavut ihariagijauqpiaktut havaktit aanniaqtailinikkut ikajuuhialiqinikkut kivgaqtuidjutit, ukuallu laisiqaqtut nutaqqiqiviit.

Ublumimit, angiglijuummiqtaqqut hamna pinahurutikhat ilaupkaqhugit amigaitqijat havagviujut, iilaujut ihariagijaujut aulapkaidjutikhat, aullarutit tingmitikkkullu, niqikhaqtarviit, tukkumiviit, niuvvaviit imaalu ajuiqhattiaqhimajunut kivgaqtuidjutikhat.

Tamatkiumajumik titiraqhimajut pittaaqtut havagviujut, ukuallu uuktuutikhaq titiraqtakhat aallaniklu naunaiqhitikhat, hailiniaqtut uvani Havagviat Kiinaujaliqijikkut qaritaujakkuurutaani.

Akhuukhajatka havagviit havagviujullu uuktuquplugit taffuminga Nunavunmi Ihariagijaujut Havaktit Akiliuhianginun Qulangnaijautit.

Quana.

 

Havagviat Kiinaujaliqijikkut Kivgaqtuutikhat

Nunavunmi Ihariagijaujut Havaktit Akiliuhianginun Qulangnaijautit (NEWWP) hivullirmik tapkununginnaq havagvingnut tunihivaktunut kivgaqtuidjutikhainnik aanniaqtailinikkut ikajuuhialiqinikkullu pidjutiqaqtunik Nunavummiunut, tapkununga niqikhanik tuniuqhaiviit, qimaviit. munaqtauviit nutaqqanut, munaqhiviujut igluqpait, ukuallu laisiqaqtut nutaqqiqiviit. Hamna pinahurutikhat ilaupkaqhugit amigaitqijat havagviujut, iilaujut ihariagijaujut aulapkaidjutikhat, aullarutit tingmitikkkullu, niqikhaqtarviit, tukkumiviit, niuvvaviit imaalu ajuiqhattiaqhimajunut kivgaqtuidjutikhat ikajuqhiqtauvikhat.

Nunavunmi Ihariagiyauyut Havaktit Akiliuhianginun Qulangnaiyautit (NEWWP) atuqtaujukhat ubluq-tamaat havaktinut, ublup-ilainnani, havallaktut Nunavut havaktiit maniliuqpaktut mikitqijanik $25 ikarnirmi havaktullu pittaaqtuni havagviujuni.

Havaktiit maniliuqpaktut mikitqijanik aadjikkutaanikluuniit $20 ikarnirmi pillajut tamaat $5 akiliuhianginun qulangnaiyautit. Havaktiit maniliuqpaktut akkungani $20 unalu $25 ikarnirmi tunijauniaqtut mikitqijamik qulanaijautimik angiglivjagiangani akiliuhiangat imaatut $25 ikarnirmi. Havaktit maniliuqpaktut angitqijanik $25 ikaarnirmi pilimaittut akiliqtaulimaittut taffuminga qulangnaiyautimik.

Havagviit (atauhiungittut) uukturiaqaqtut pinahuarutimik imaalu tujuqtukhaujut naunaitkutimingnk havagvingmikkut.

GN-kut Havagviat Kiinaujaliqijikkut munaqhijat Nunavunmi Ihariagiyauyut Havaktit Akiliuhianginun Qulangnaiyautit maniit ikajuutit. Ikajuutikhanut atugakhaq ihuaqtut pinahuarutimik hailijut havagviup qaritaujakkurutaani:https://gov.nu.ca/finance/information/n.

Havaktiit kavamatuqatkuni avikturniini kavamatkuni, ukuallu ilaujut havagviujuni, akiliqtaulimaittut taffuminga qulangnaiyautimik.

Kavamanga Kanadap maniliqtuijut haffuminga pinahuarutimik.

 


Havagviat Kiinaujaliqijikkut Kivgaqtuutikhangit, mii 28, 2020

Minista Kiinaujaliqijitkunni unalu Minista Munaqhiyuq hapkuninga WSCC ilituripkaidjutait

Ublakkut tamaffi.

Quviahuktunga tuhaqtitiplunga tapkuat Nunavut Kavamanga (GN) aullaqtitijut nutaamik pinahuarutkhamik, Nunavunmi Ihariagijaujut Havaktit Akiliuhianginun Qulangnaijautit. Talvuuna, GN-kut maniliqtuiniaqtut pittaaqtunut havagvinut akiliqhilutik mikinikhangmik makliuhiakpaktunut havaktiinut ikaarniinnik havaktainnut.

Havaktit akiliuhiaqpaktut $20 imaaluuniit mikitqijanik atauhirmi ikarnirmi tunijauniaqtut aallamik ilaliutikhanik $5 atauhirmi ikarnirmi. Havaktit akiliuhiakpaktut akkungani $20 unalu $25 atauhirmi ikarnirmi akiliuhiarniaqtut agiglijuumiriangani akiliuhiakhat imaatut $25 atauhirmi ikarnirmi. Maniliqtuutikhat hailijut havagviinut ikajurianginni haffuminga ngitqijamik akiliuhiakhanut imaatut 16 havainirni.

Aullaqtiutikhat, kavamakput tunihijumajut havagvingnut tunihivaktunut aanniaqtailinikkut inuuhiriingnaqtumiklu kivgaqtuijinut aannialiqtaaqtunut Nunavummiut. Hapkuat ilaujut qimaaviit, Ajuqhaqtunut nutaqqanik munaqtauviit, niqikhaqtarviit, Taaktiliaqtunut najugangat, aadjikiivjaktut timiqutaujut. Hamnalu tuniniaqtaqqut pinahuaruti laisiqaqtunut nutaqqiqivingnut.

GN-kut ihumaginiaqtait angigliijuumijukhat havagviit aallanjut havgviujunut qakugunguqqan, pidjutigilugu pinahuarutimik atuqtingit imaalu malniliqtuutikhaq hailikpat.

GN-kut Havagviat Kiinaujaliqijikkut tmunaqhiniaqtut pinahuarutimik maniliqtuutikhamik tapkunga Kavamanga Kanadap. Pilirniaqtugut uuktuutikhanik havagvingnit uumani Hivulliunmi, Imaruqtirvia 1.

Uuktuutikhat titiraqtakhat imaalu aallanik naunaitkutikhat talvuuna pinahuarutikkut hailijut Havagviat Kiinaujaliqijikkut qaritaujakkuurutaani aullaqtirlutik Hivulliunmi.

Ihuarijatka havgviit havagviujullu uqaqtatka uuktuquplugit taffuminga Nunavunmi Ihariagiyauyut Havaktit Akiliuhianginun Qulangnaiyautit.

Tapkuat COVID-19 Qalagjuarniq maliqatqujauhimajut ungavaktauvalliatitlugit, imaalu havagviujut angmaqpalliatitlugit, akhuuqujatka havagvuuktuutimingnik havagviktikiit qajangnaittumik inuuhiringanaqtumiklu havaktimingnut inungnullu maliqatijukhat hakuninga inungnut aanniaqtailitikhanik uqaudjidjuhiiinik taffumuna COVID-19 Qalagjuarniq.

Pitqujatka havav=gviit havaktitluuniit takulugu WSCC qaritaujakkurutaani www.wscc.nu.ca takuurlugit tapkuat COVID-19 Qalagjuarniq atuqtakhat naunaittiarutikhamingnik qanuqtut upalungaijautikhanik angmaffaarutikhanik nanminirijamingnik imaaluuniit utirvikhamingnik havagvingmingnut.

Hamna atuqtakhaq ihuaqtunik atuqtakhanik, ikajuutikhat naunaitkutikhaniklu Nunavunmi havagviit havaktiinullu naunaiqhimajut tadja support and information for Nunavut employers and employees is binungnut aanniaqtailinikkut naunaitkutikhanik pidjutiqaqtunik taffumuna COVID-19 Qalagjuarniq, imaalu tunihijut maliktakhanik qanuqtut qajangnaqtunik naunaijautikhanik havagvingmingni naunaittumik maliqajakharnik havagvingmi qayangnaitkutit atuqtaujunik maliganiklu.

Kitkut havaititijut apiqqutikhaqarumik ikajuqtikhailiurumikluuniit iniqtitinirmut havagvingmi qajangnaitkutikhanik ihivriuqtaunirmik piinariaqaqtut imaatut uqarvigilugit WSCC hivajautaa 1-877-404-4407 qaritaujakkut
Covid-19@wscc.nu.ca

Quana. 


Havagviat Kiinaujaliqijikkut Kivgaqtuutikhangit, Qiqaijalirvia 25, 2020

  • TadjamitIqaluit NULC beer unalu wine niuvvavik angmaniaqtuq huli ihuaqtumik inungmiuyut qanitturiikhimaittumik maliqajakhainnik atuqtauliqtut. Ikajuqtaujut nangipqajukhaujut malrukni meters-ni uungahitilaangulutik utaqqijuni hilataani niuvvaavikmit. Aullaqtirutaanut Qiqaijalirvia 25, 2020, niuvvaavik maniinnangnik pilimaiqtut.
  • Akiliqhitikhat tapkununga niuvvavingnut - Taimaaqtitavut hapkuat 20 unalu 30-blut akiliqtakhait naunaittumik tamaita akiliqtaujukhat tunijauhimajut tuklianut sakhaliurvikhanut. Akiliqtauhimaittunut akiliqtakhanik, niuvvaviit havagviujullu qaritaujakkutitirarvigilugit naunaitkutait hamani - https://gov.nu.ca/sites/default/files/departmental_contact-eng.pdf.
  • Maniit akiliqtaujukhat GN-kunnut - GN-kut qiniqhiangittut iluanni katitiqhimajunik hulipkaidjutikhank tadja. Tamaita akiliqhitikhainut naunaitkutait tujuutaujut katikhijukhamut havagvianut imaalu CRA-kut nutqaqtitaullaktut.

Aulahimaaqtun kivgaqtuutit:

  • Iqaluit NULC beer unalu wine niuvvavik ikarniit hamma:
    • Unaguiqhirvik – Umikhimajuq
    • Hivulliq – Umikhimajuq
    • Aippiut – Qitkkautijumit 7 p.m.-mut.
    • Pingattiut – Qitikkautijumit 7 p.m.-mut.
    • Hitammiut – Qitikautijumit 7 p.m.-mut.
    • Tallimmiut – Qitikkautijumit 7 p.m.-mut.
    • Saaluti – Qitikkautijumit 7 p.m.-mut.

Ihuaqhaqhimajut kivgaqtuutait:

  • Mikhilaarutigilugu himainniarungnaqhijumut qalakjuarnirmut COVID-19 aanniarutimut, NULC-kut ihuaqhijait inungmiujunut ungahiktukhaujunut inungnit niuvvaavikmi. NULC-kut ikiklihimaniaqtait ikajuqtaujut niuvvaavikmi niuvirtukhanut.
  • Ikajuqtaujut nangipqajukhaujut malrukni meters-ni uungahitilaangulutik utaqqijuni hilataani niuvvaavikmit. Aullaqtirutaanut Qiqaijalirvia 25, 2020, niuvvaavik maniinnangnik pilimaiqtut.
  • Taangarnut aquiqtuutikhat laisikhanik Iqalungni Kangiqlinirmilu upautilutik hivajautikkulluunniit.
    • Iqalungni, upautiinnariaqaqtutit NULC-kut niuvvaavianut talvani Hivulliq 9 a.m.-mit 12 p.m.-mut unalu 1-mit4:30 p.m.-mut, unalu Aippiunmit Tallimiunmut talvani 9-mit 11 -mut.
    • hivajautikkut 867-975-6869
    • Kangiqlinirmi, hivajainnariaqaqtatit 867-645-8575 unaluunniir 855-844-5488 talvani Hivullirmit Tallimiunmut talvanga 8:30 a.m.-mut 12 p.m.-mut unalu 1-mit 5-mut.
  • NULC tujuqhimmaarniaqtut aquiqtuutainnik nunanit. Aquiqturumaguvit, hivajarlugit 867-645-8575 unaaluuniit 855-844-5488.

Havagviat Kiinaujaliqijikkut Kivgaqtuutikhangit, Qiqaijalirvia 23, 2020

Ihuaqhaqhimajut havagutit:

  • Nunavummiut ukuallu Nunavunmi naniminaqtut akiliqhitqujaujut taaksiliqinirmut akiliqtakhainnik hivajautikkut hivajrarlugit akiittumut nampanut 1-800-316-3324 imaalunnit qaritaujakkut ihuaqhailutik maniliqivingmikkut akiliqhivikhamingnik.
  • Tujuinariaqaqtutit sakhaliuqhimajut titiqiqivikkut. Apqqutikhaqaruvit pidjutiqaqtunik nanminirijakkut taaksiliqinirmut, qaritaujakkut titirarvigilugu propertytax@gov.nu.ca.
  • Apqqutikhaqaruvit pidjutiqaqtunik havagvikpit akiliuhiakkut taakliqinirmut, aritaujakkut titirarvigilugupayrolltax@gov.nu.ca.
  • Nunavummiut ukuallu Nunavutnmi nanminirijaujut akiliqhitujaujt GN-kut akiliqtakhainnik hivajarlugit hapkuat nmapait tunilugilli akiliqhitikhamingnik nampainnik.
    • Iqaluit: 867-975-5808
    • Kangiqliniq: 867-645-8517
    • Iqaluktuuttiaq: 867-983-4043
  • GN-kut niuvvaviit tujuqqujaujut akiliqtakhanik qaritaujakkut titiqqiluguaccountspayable@gov.nu.ca.
  • Pittaaqtut GN-kut havagvingit atiliuqtukhaujut akiliqhivikhamingnik uvani Self-Service unalu unngavaktiritqulugit akiliuhiakhamingnit titiqqanik qaritaujakkut. Atiliurlutit, qaritaujakkut titirarvigilugit self-service@gov.nu.ca.

Nunavut Kavamanga Akiliuhiarutikhait

Qitiqqautijuq 3, 2020

  • Tamaita GN kunni havaktiit akiliqtauhungnguyut ihuaqhariiqhimayuni ubluinni. Kingguvangniaqtut pidjutihimmaayuittunut havangnaitillugu havaktut akiliuhiaqhainnik imaaluunniit atan’nguyaukaffuktitauhimayut akiliuhiaqhainniq. Havaqhimmaangginnaqtut piniaqtait akiliuhiaqhait havakaffuktitauhimayutlu himmaukaffuktitauyutlu havaktiit akiliqtauniaqtut malikhugit tuniyauhimayut havaktut ikaangniit naunaiyautainniq.
  • Havaktit akiliuhiaqpaktut sakhaliuqhimajunik taimatut akiliuhiakpangniaqtut huli. Tapkuat pivaktut akiliuhiaqhainnik iliuraqtauplutiq maniliqiviiannut, akiliuhiaqhait naunaitkutait tujuutauhungujut kinguvakkut.
  • Naunaiqhittiarumaguvit, uqarvigidjavat Tracey Moyles, Aulapkaiji Akiliuhiarutikhanut Ikayuutinutlu titirarvigilugu uvunga tmoyles@gov.nu.ca.

Qitiqqautijuq 17, 2020

  • Tamaita GN kunni havaktiit akiliqtaunaqtut ihuaqhariiqhimajuni ubluinni. Hapkuat pqattajuittainut akiliuhiakhat havangnaittumi havaktunut imaalu himmautaullakhimajut akiliuhiakhait aallaniklu akiliqtaujukhanik (ilaujut AWOL unalu LWOP) unngavaktauniaqtut kinguvakkut ubluanni naunaiqtauniaqtuq.
  • Havakhimaanginaqtut havaktiit akiliqtauniaqtut akiliuhiarivaktainnik ikarniinni.
  • Tamaita havaktitaullakhimajut havaktit kinguvaaqtittaujut talvunga Qiqaijaluarvia 15 imaatullu tujugakhaittut havagvingmingnik ikarniliurutainnik titiraqhimajunik.
  • Himmautaulakhimajut havaktiit havakpaktut ubluanit March 21-mit Qitiqqautijuq 3-mut tujuqtukhaujut havagvingmingnik ikarniliurutainnik titiraqhimajunik taffumunga iqaluitpayoffice@gov.nu.ca ubluqhiut 5-mungaqqan Qitiqqautijuq 3.
  • Ublumimut,havaktiinaup atn'ngujatallu atiliuqtakhak ikaarnilirutainnut naunaitkutaq. Kinguvaktihimajut tujuutaujut havaktaulimaittut.
  • Havaktit akiliuhiaqpaktut sakhaliuqhimajunik taimatut akiliuhiakpangniaqtut huli. Tapkuat pivaktut akiliuhiaqhainnik iliuraqtauplutiq maniliqiviiannut, akiliuhiaqhait naunaitkutait tujuutauhungujut kinguvakkut.
  • Naunaiqhittiarumaguvit, uqarvigidjavat Tracey Moyles, Aulapkaiji Akiliuhiarutikhanut Ikayuutinutlu titirarvigilugu uvunga tmoyles@gov.nu.ca.