Havaktingit

You are here

Nunavunmi Tanngaliqinirmut Higaarlungniklu Katimayiit Kangiqlinirmi situanga ammaliqtuq

Nuvaipa 30, 2021

Inungnut Tuhaqtitauyuqhaq

Nunavunmi Tanngaliqinirmut Higaarlungniklu Katimayiit Kangiqlinirmi situanga ammaliqtuq

Nunavunmi Tanngaliqinirmut Higaarlungniklu Katimayiit angmaqtirutiniaqtaat Kangiqlinirmi situanga Dissaippa 4, 2021 mi.

Ammaqtirutaata situap aadjikkutagiyaa Nunavutim Kavamanga aqhuuqhainia ikayuriami idjuhiit ihumagitigiplugu aqhuuqhutik tanngaliqinirmut imaa pittaalaqiyaami ikayuutauniaqtuq aqhuuqhimaittumik-tanngaqturiami, ikiqliyuummigutiniaqtuqlu niuvipkaiyut inuit tanngaqnik. 2017 mi niruaqvinga 75 pusannguyut Kangiqlinirmiut vuutiqtut angmaqtigumaplutik situamik.

Saalutimi, Dissaippa 4, situa ammaumaniaqtuq 11 min ublaami 7 mun unnulihaaliqqat, Aullaqtiqluni Aippiunmi, Dissaippa 7, situap ikaangniit ammaumaniaqtut nirinnaqhiqpat ubluummaat 7 mut unnilihaaliqqanmut Aippiunmit Saalutimut.

Ilaudjutigiplugu ammaqtirnia nutaap situa, NULC kut piviqhaqaqtittiniaqtut nunallaamut amigaittuni ilihaiqviqhanik ikayuutiqhainnik munarittiayaamingnik qayarnaittumik piyaami tanngaqtutikkut.

Ayuqhautiqaliguvit ihumailiqinikkut ipiralimaittutiqaqtutigutluunniit ikayuqhaqariaqaqtuq. NIHB takuyauvaktut piinnariaqaqtut nunaptingni uqaudjauyaamingnik hivaqlutik uvani (867) 975-5367 pilutikluunniit takuyauyaami titiqqaqhaanik Munaqhitkunnit qaritauyaqvigilugulu hamunga healing@gov.nu.ca. Una Nunavut Kamatsiaqtut Help Line (manimayuq 24ni ikaarnirni ubluni, 7ni ubluni havainirmi) uvani 867-979-3333 uvaniluunniit akiittumi 1-800-265-3333; Nutaraqmun ilaitluunniit ihumaaluutinggit, hivayainnariaqaqtait Ilagiiqtunut Inuuhirittiarnirmun uvani (867) 645-5064 uvaniluunniit (867) 645-7608.

###

Tuhaqtipkainikkut Uqarvigiyaqhaq:

Robyn Gibbard
Atan'nguyaq, Kuapuraitkunni Atugaqhainni
Maniliqiiyitkut
867-975-6817
rgibbard@gov.nu.ca