Havaktingit

You are here

Piqutini Taaksiinni Atugaqaqnikkut Titiraqhimayut

Julai 03, 2015

Piqutini Taaksiinni Atugaqaqnikkut Titiraqhimayut
July 3, 2015

Ilaupluni havagutimini akhuuqhainikkut taaksikkut malikpiarutinun, Nunavut Kavamatkut (GN) uplumi iliuraqhimayaa una 2015 Piqutini Taaksiinni Atugaqaqnikkut Titirahimayuq qaritauyakkuurutimi.  GN-kut ilihivaktullu makpiraanun naittumik uuminga titiraqhimayunik (taapkuat atugaqaqtuq avatquhimayumik $5,000) uvani Nunatsiaq News-mi.

Talvuuna June 30-kut, Nunavutip piqutikkut nanminiqaqtuq atugaqaqtut tikinnuarhugu $3.2 million akiliqhimaittuni piqutini taaksiinni ukunani avatquhimayuni 1,000-ni aallakkiinni piqutini.  Imaakiaq $1.6 million akiliqtauyukhaq piqutini nanminiqiyauyuni ukunannga Shear Diamonds Ltd.

Atugaqaqtukkut titiraqhmayuq ilaqaqtuq tamainnik taaksiqaqtunik piqutinik hitaani Iqaluit atugaqaqtuq avatquhimaplugu $10, ilangit ilaungittut.  Naunaitkutauluni, titiraqhimaittut piqutinik taapkuat nanminiqaqtut ilauliqtut akiliqtuqattarutinun GN-kunni.  Nunalipauyaa Iqaluit munarivaktait inmiknun taaksiiyautitjutimiknik, makpiraamungaqtitpakhugit atugaqaqtut titiraqhimayit inmikkut.

Niutipkaitinnagu una titiraqhimayuq, pitquyauhimayuq uumannga Piqutini Qauyihaqtauninginni Taaksiiyainirmullu Maligaqmin, GN-kut tuyuqhimayut amigaittuni-uqauhini titiraqnik ilitturipkarlugit tamaita nanminiqaqtuq atugainni akitutilaanganilu atugainni, qanuqtun akiliqtuiyaaqtut, ukuninngalu hulaqutiqaqtaaqtaarninginniklu akiliqtuingitpat.

Akiliriami piqutini taaksiinnik, uqaqatigilugu Kiinauyaliqinikkut Havakvia qaritauyakkut titiqqilugu propertytax@gov.nu.ca hivayakluguluunniit 1-800-316-3324.